نظرات احتقار ونقزات لي بكل جمعة اهل و السبب !! ما تزوجت كويتي !

[هنـــــد]

رد : نظرات احتقار ونقزات لي بكل جمعة اهل و السبب !! ما تزوجت كويتي !





اف يا كره بعض البنات هنيـه !!
ردودهم تسد النفس ، بس يتصيدون بالماي العكر .. الله يهديهم ،


حبيبتي مالج شغل في الباقين دام أهلج راضين
وانتي مرتاحه مع زوجج .. وأمورج سهالات ، لاتردين عليهم
تلاقينهم محترين لانج مرتاحه .. والا يغبطونج على شي معيّن .. هذا طبع الحريم !
الله يوفقج ويهنّيج ويسعد قلبج دوم يالغاليه .. وقطر تهبّل أنا اتمنى ازوها
يمدحونها كثير وحتى سمّوها ( قطر المستقبل ) اغلبت حتى دبي بتطورها


لقلبـج :blueSmCLR:

 

[يمة يادلبي]

ويع ويع شهالعققققد !!!
أولا : إنتي حرة تتزوجين الي تبينه عساج تاخذين فراش من الشارع دامج ماخذته بالحلال وعلى سنة الله ورسوله محد له حق يتكلم
وثانيا : اشفيه القطري والله اقدع ناس انا منى عيني اتزوج قطري احس عيشتهم اتوووونس لوول
وثالثا : مالج شغل فيهم عليج من امج وابوج وخواتح وبس والي يحششششمج والي مو عاجبه بالطقاق الي يطقه

 

[بلسم جروح]

اول شي اشكر كل من رد على الموضوع بالرد ( الراقي و الحكيم )

وثاني شي

ياينات انا ما اتذمر على زواجي من قطري بالعكس انا خذيته عن ثقه وحب و رغبه

انا قصدي شنو الحل مع هالخالات وبناتهم اللي صاروا يكرهون وجودي من بعد ماكانوا معاي بقمة الحنان والمحبة ؟

انا مو قاعده اقول اني متضايقه من خطوة الزواج من قطري فهمو علي بلييييز

انا مستانسه فعلا ومتهنيه معاه ولي الحين 5 سنوات معاه

5 سنوات ماشفت من خالاتي وبنات عماتي الا المغثه والطامة الكبرى ان كل الاهل يتجمعون عند جدتي

ما اقدر اني ما اروح لان الكل يروح هناك امي وخواتي فليش انا ماروح ! بتطلع علي سوالف !

وبالنسبة للرد والله ياما رديت عليهم لكن ماكو فايده !

ناس ان رديت يذخرون لي الرد شهور و ينتقمون بمواقف احراج لي

ليش العداوة و البغض ما ادري صرت عندهم لا لي سالفه ولا مضمون

والطامة الكبرى امي كل ما اقول لها عن خواتها واشكي لها ماتسمع مني وتقول اني حساسه و ماعندي سالفه وتوصيني اني اخذ واخلي !

ما ادري ما ادري بس وربي تعبت وكرهوني بزوارة اهلي !

 

[ياشوقي للجوري]

رد : نظرات احتقار ونقزات لي بكل جمعة اهل و السبب !! ما تزوجت كويتي !

ياحياتي اكيد هذا من الحسد شايفينج مرتاحة والناس
لاحول ولاقوة الا بالله ماتبي احد يستانس انت اذا علقوا عليج اتركيهم
وغيري السالفة وحاولي تضحكين معاهم ولا تبينين انج مستانسة في قطر يعني
عندهم لا تتكلمين عن نفسج خلوا سوالفكم عامة الله يريح بالج يااارب

 

[اميرة-الاحجار]

عادي انا ريلي كويتي ومو سالمه
ماله شغل بالجنسيه هاذي غيره قطيعه وعقلبات صغيره طنشيهم

 

[om Firas]

شنو قطري .. حاله حال الكويتي انتي مو ماخذه بنغالي .. قريت العنوان قلت مسكينه عبالي ماخذه واحد من الجنسيات اللي استغفر الله طايحة من عين الناس .. بس قطري لا والله ما عندج سالفة انتي اهم شي لازم يكون عندج ثقة بنفسج وما يهمج كلامهم اذا حسوا انج تتضايقين بيزيدون بس اذا حسوا انج مو محترة مردهم بيسكتون

وممكن اذا تمادوا توقفينهم عند حدهم بس بأدب يعني قولي لهم بس ترا مصخت السالفة انا ما خذيت رايكم بحزم شوي لان في ناس ما ينفع معاهم الا العين الحمرا

:ggdw:خوووش رايي

 

[@ الرسامة @]

رد : نظرات احتقار ونقزات لي بكل جمعة اهل و السبب !! ما تزوجت كويتي !

انتي حساسة شوي


القطري مافيه شي لو مصري جان اي بس خليجي والنعم

 

[كويتية ورديه]

لا يهمج حبيبتي .. خلج واثقه بلي عايشته ولا يهزج ريح وشفيه القطري كلنا خليجين واهل .. ميخالف حبيبتي خففي روحاتج لهم ولاطولين عندهم سوي الواجب وتوكلي على الله ويابختج انتي وريلج اخذتوا حسنات

 

[سَارا]

رد : نظرات احتقار ونقزات لي بكل جمعة اهل و السبب !! ما تزوجت كويتي !

هذاج قلتيهااا ينقهروون اذا سمعو انج مرتااحه ومبسووطه وتشتغلين

ترى ماحد يسوي كذا الا الحاقد عليج وحاسسسدج واذا قطري !! هههههههه شدعوه بس حبيبتي هذا القهر ومايسوي

صدقيني الي يحبج و ويتمنالج الخير مايسوي كذااا بالعكس يدعيلج بالخير ويتمنالج التوفيق

بس تدرين القهررر والي بقلوبهم يباان بفعاايلهم

وانتي ياحلووه زيديهم قهرررررر وانبسطييييييييييييييييييي

ولا تحطين عقلج بعقل ناااس صغيره ومنقهره منج

ودايم ارقي نفسج لايحسدونج على عيشتج ترى الحسد شيييييين

وهذا بنت عمتي متزوجه قطري ومتهنيه ماشاء الله والي يحبها يدعيلها بالخير بس تدرين مين يحسدهاا خالتهاااا لان منقهره تشووف بنتها عيشتها عاديه وبنت اختهاا مبسووطه وتسافر ومتهنيه

ماعليج احقريهم وزيديهم قهرر

والله يتمم عليج هناااج ياارب ويزيدج رااحه ويسخر لج ريلج اكثرررر

 

[لآفنـدر]

رد : نظرات احتقار ونقزات لي بكل جمعة اهل و السبب !! ما تزوجت كويتي !

محتريـن منج حبيبتـي ولا عليـج منهم
المهم تستانسيتن عند امج و خواتج و اعليج من الباقيـن

 

[LuLiTa]

حبيبتي انتي المهم عندج انه امج و ابووج و خوانج يحترموون ريلج و يعزوونه و يحبونه و مستانسين فيه ,, الباجي ما لج شغل فيهم و حقريهم ,, انتي الحمدلله ماخذه انسان محترم و مرتاحة معاه و مستانسة ,, مو ماخذه واحد هيلقي و لا ارهابي و لا من المريخ ,,, و قطر حالها حال الكويت عندهم رفاهية بالعيشة و دلع و دلال مثلنا بالديرة ,,, و كافي موقفهم المشرف معانا وقت الغزو ,,,ف اللي يقوولج كلمة ردي عليه بعشرو خلج قوية و واثقة من نفسج ,,,

 

[fajorh]

حبيبتي طااف ماعليج منهم

اهم يغثوونج لانج مرتاااحه ودامج مرتااحه مع ريلج ماعليج من احد


الله يوفقج

 

[جـــواهر]

طنشي اسمعي مني وطلعي مني

 

[روحي تحبه غصب]

حبيبتي الله يسعدج ويهنيج ويخليلج وليدج انشالله

مادام انج مرتاحه واهلج راضين عن ريلج خلاص لا تحرين عمرج وتتضايقين

وتمنعين نفسج من الجمعه مع الناس اللي تحبينهم ويحبونج

تعالي وزوريهم واقهريهم وامدحي ريلج والحياة اللي انتي عايشتها

واقهريهم وقولي انا متاكده اني لو كنت ماخذه واحد من اللي نعرفهم جان غثني وماراح اكون بالسعاده اللي انا فيها

صدقيني راح ينقهرون منج

 

[حرم يوسف بيك]

رد : نظرات احتقار ونقزات لي بكل جمعة اهل و السبب !! ما تزوجت كويتي !

والله انهم محترين والقطري حاله حال الكويتي ماكو فرق انا عبالي ماخذه من جنسيات عربيه ملج شغل فيهم وحريهم وغثيهم والله محتريييييين

 

[معكرونه أسبكتى يم يم]

رد : نظرات احتقار ونقزات لي بكل جمعة اهل و السبب !! ما تزوجت كويتي !

حبيبتي هذى الناس ماتخلي احد بحاله

انتي ماعليج منهم اذا علقو علقي عليهم والا سوى نفسج ماسمعتي واذا مالج خلقهم لا جابلينهم وايد شوى ادي الواجب وردى بيتكم

والخليج كلهم واحد ونعم بقطر واهلها

 

[مراسي الشوق]

حياااااااااااااااااتي انتي لا يهمج احد طوول ما انج مرتااااحه ومستااانسه والله يتمم علييييكم اما اهلج بالكويت بيتكلمووون خليهم يتكلموووون مردهم بيتعبووون وبصير كل شي عاااادي

 

[BiiShOoO]

و الله ماللج شغلة فيهم طنشي اهم شي انج مرتاااحة مع ريلج و عيالج

 

[Miss-LuLu]

امبيه مو من صجهم

القطر اغنى من الكويت وارقا بوايد وتطورو

انا اول شي عبالي واحد جنسيته عربيه مو خليجي

بس شفرق القطري عن الكويتي؟؟

ماعليج من كلامهم دام انتي مرتاحه

والله يوفقج بحياتج

 

[حمره حمرا]

رد : نظرات احتقار ونقزات لي بكل جمعة اهل و السبب !! ما تزوجت كويتي !

امبيه شدعوا علييهم :/ شزيينهم القطريين مااكو اطيب منهم مو حااصلهم اهما