نطالب بعطلة رسمية غدا

[اللهم أعني]

السلام عليكم ورحمة الله وبركاته

أكيد المدارس والجامعات والهيئات وكل الاماكن متروووسة غبرة وقرف
فياليت يخلونا نعطل باجر ويداومون الخدم عشان ينظفون .. على غرار "العطلة بالسعودية"

إذا بتداومون باجر تبون تخمون الغبار مثلا؟!
:eh_s(10):

 

[شوق الجازي]

اصلاااا منو بيدااوم اهم شي صحة عيالنااا

انا عياالي كلهم ربو وخاايفه عليهم

 

[كرز حالي.]

الدوام باجي عليه 7 ساعاتوالحين تطالبون بعطله؟؟
منو بيسمعععععكم
شوفوا الجو الصبح واذا مو زين لالااااااتداومون

 

[جروح ودموع]

انا ولدي اولى ابتدائي قايلين لهم المدرسات باجر لا تداومون

 

[ام خالد 78]

انا بداوم بس ولدي لا

 

[احساس راقي]

االله يعينكم ايه والله مفرووض عطله

 

[**فراولة**]

اي والله انا باجر ساحبتها مالي خلق على الغبرة

 

[اريج الجوري]

عجبني واتس اب وصلني ,,,

عزيزي المواطن الكويتي ,,, بخصوص انك خايف من الغبار ,,,

لا تحسسني ان طفولتك كانت بالريف الفرنسي ,,,

ههههههههههه

وهذه مني ,,,

شدعوه عليكم اول مره يجينا غبار ,,,

على جذي نعطل طول السنه ,,,

عينوا من الله خير واللي مريض يغيب ومايشوف شر ,,,

وعن الكسل والرباده كافي غياب ,,,

تحياتي ...

 

[اميره بكلمتي]

لووووووووووووووووووول

ماقول الا الله يستر

 

[شــــــــــــــوقــــه]

هههههههههههههههههههههه اريج انا بعد وصلني دزيته حق الكل هههههههه

لان جد شي فظيع الي شفته اليوم عبالي غزو لا سمح الله

انا بداوم < فيني ربو و جيوب انفية

 

[انا لحبيبي .]

داومنا وما حد عبرنا ههههههههههههههههههههههههههه​

 

[عمري الكويت]

اليوم بنات اخوي داوم وعندهم حفلة تفوق يا حياتي مسوينه شعرهم ومضبطين عمرهم يوم راحوا ما فيه احد مداوم غير المدرسات والحفله الغوها وانا عن نفسي عيالي ما خليتهم يداومون روضه وبنتي في اولى ابتدائي

 

["بوح الجروووح"]

بنات بسألكم وخصوصا التربيه ياليت تردون علي

الابتدائي لي ثالث ابتدائي تحديدا .متى ينتهي دوامهم الرسمي ؟

 

[منوووووله]

انا يوم الاحد غيبتهم عشان قالو غبار وطلع ماكو فوديتهم يوم الاثنين وصار الغبار وقلت عيل الثلاث ماراح يداومون

وغيبتهم والجو اشحلاته !!

الروضه قايلين حق اليهال لاداومون

واليوم ماوديتهم وباجر بعد :/

 

[فوقـ مستوآكــ]

المفروض يعطوننا عطلة هالشهرين لزوم الصيف