نص اطفالي مقعديين جبتهم طبيعي!!

[سوزي الشرقية]

مستشافيتنا كلها مجازر عادي يعني عندهمـــ
في حلقة كانوا حاطينها في برنامج الثامنه عن المستشفيات اقول مسكين المقدم تعب صوته على الفاضي

 

[Tic_Tac]

شوفي حبيبتي الولاده المقعديه لا مجزره ولا شي
ولا خطره .. بالعكس عاديه جدا
بس هاا لازم تروحين لـ دكتور شاطر يسويها
مو اي دكتور يسويها
بما انج دايم تولدين ولاده مقعديه لازم تسألين واتدورين
عن احسن دكتور يسويها لج
ولا تقولين مافي .. في بس لازم اتدورين وتستفسرين اكثر

انا مرت اخوي ورفيجتي ولدوا مقعدي وماشاءالله تبارك
الرحمن مافيهم الا العافيه

مع انه رفيجتي قالوا لها انتي قيصري .. واهي قالت قيصري
مااااااابي وراحت وسألت دورت عن احسن دكتور في الولاده المقعديه
ولقت الحمدلله وولدت


يا اختي خلي تكون في بالج شغله الولاده الطبيعيه مثل المقعديه
بس على حسب شطارة الدكتوووور


وعسى الله يقومج بالسلامه يا رب

 

[tmtmt]

الله يهديج برابع حمل
توج تفكرين تولدين بخاص
جان من اول ولاده !!!

وانتي وين دورج ليش ماطلبتي عمليه
ليش ماخليتي ريلج يناجرهم


وشدعوه المستشفيات اهني مقصرين يعني
نفس الشي


الله يسهل عليج

 

[ام الشوامس]

المقعديه ماتكون خطره اذا كان حجمه صغير و الماي زينه كميته

بس الظاهر حالفين المستشفي مايولدون قيصريه معنها واايد احسن من التشقق و الولاده المتعسره اللي يمكن تضر الجنين

عالعموم ماجوره يارب
والله يسهل عليج و تكون ولادتج سهله و البيبي تشوفينه بالسلامه

 

[ALMooOooN]

حبيبتي الله ييسر لج امورج يارب

و يرزقج الذريه الصالحه

سليمين بدون زياده او نقصان

 

[قطوووة]

يالله يارب يرزقج بفرحة قريب

 

[STILL G L A M ~]

اشلج بالعمليه ياختي اولدي طبيعي دامج يايبه اخوانهم طبيعي

 

[الراحلة يوما ما]

جزاكم الله كل خير بدعيلكم في ظهر الغيب اللي الله كاتبة بيصير والحمدلله على كل حال بس والله يابنات نصيحة لازم تكون عندنا خبرة بكل شي يخص صحتنا وهذا الجهل هو اللي خلانا ما نحس اننا كنا بخطر الا بعد ما ربي سلم ارجع واقول يارب العرش المجيد يا فعال لما تريد ارزق كل وحدة ردت علي ودعتلي بالحياة الطيبة وابعد عنها كل شر يا مجيب دعوة المضطر اذا دعاك

 

[أنفاسي دخون]

رفيقتي جابت اثنين الله يخليهم لها مقعديين وطبيعي عندنا بالكويت وخاص بعد والحمدلله وضعها اثناء الولاده وبعدها ممتاز

مكتوب لش حبيبتي والله يكتبلش الولاده الهينه

 

[q6aiwa]

حسبي الله ونعم الوكيل فيهم

بعد عمري عورتي قلبي .. الله ياجرج ويشفي عيالج

ويسهل حمالج و ولادتج على خير ويرزقج الطفل السليم المعافي

 

[أم عزيـز]

حسبي الله ونعم الوكيل فيهم
خطر على الام والبيبي الولادة المقعديه
انا صراحه افضل القيصري ولا اولد مقعدي لانها فعلا مجزرة بحق الام

 

[cba girl : )]

الله يسهل عليج ياارب

 

[الراحلة يوما ما]

مشكورات حبيباتي الله يوفقكم يارب

 

[زمردة مشعة]

الله يقومج بالسلامة ويسهل ولادتج .

 

[الراحلة يوما ما]

زمردة البسك الله حلل الصالحين وجعلك يوم القيامة من المقربين

 

[حنيت إلك]

حبيبتي صاحبة الموضوع
انتي قصدك كانوا في الرحم بوضعية مقعديه وولدتيهم على هالوضعية يعني مانزل الراس قبل ..صح
للاسف موضوعك اللي مايركز فيه يفهم شيء ثااني الله يحفظ عيالك من كل شر
في كثير بنات فهموا ان عيالك اسم الله عليهم مقعدين اي معاقين...
الله يحفظهم ويسلمهم من كل شر.

 

[انوار المحبه]

التساهيل من الله و مو شرط انا ولادتي الثانيه في بنتي مقعديه لان راسها كان فوق مو راضيه تنزل سبحان الله بس الحمدالله دكتوري كان شاطر في دار الشفاء .... و يقولون هم فيها نسبه خطورة

 

[الراحلة يوما ما]

حنيت الك اشكر انتباهك اختي بس انا احس الكل فهم انهم مولودين بالمقددة يعني روسهم كانت فوق يعني المقعدة طلعت قبل الراس الله المستعان الحمدلله على كل حال كل ما اذكر معاناتي يجيني مغص بس هالمرة مرتاحة شوي ان دكتورتي بالخاص طمنتني انها بتسويلي قيصرية اذا الطفل مقعدي

 

[Fmzg]

ابيه مجرمين خطر عالياهل وعليج الله ستر ما اختل مخهم حسبي الله عليهم من دكاترة*

 

[الراحلة يوما ما]

Fmzg اشكر مرورك اخيتي لا تتأثرين واجد عدت على خير لله الحمد