نصيحه منج ونصيحه مني والكل بيستفيد ان شاءالله

[أم حموكشه]

نصيييييييحة اللي بتسوي عملية تعديل الحاجز الانفي مع تجميل لا تقووووووول لأحد ...

اول شي الاستخارة والاستغفار والتوكل على الله ... وادعي ادعي ادعي ...... واذا خلصتي من العملية حمدي ربببببببببببببج ... غيرج ماايقدر يسويها ...

و تحركي عشان تطيبين بسرعه ... وديري بالج لانج بتحسين بدوخه بعد العمليه كثري سوائل ... يفضل عصاير طبيعيه ....

واتمنى التوفيق للكل...

 

[سموالاميره2009]

ماشالله كلام عسل وصج محتاجته هالايام لاني تعبانه

 

[Fateebeauty]

يا بنات أنا ودي اسوي عملية شد للبطن بعد ما نزلت وزني بطني برز اكثر وما في شي نافع حق بطني لا مساجات ولا رياضة خاصة لان أعاني من آلام ظهر وخشونه في الرقبة المهم ابي وحدة تكون مسوية العملية وضبطت معاها والخياط حلو مو مبين اي دكتور او دكتورة تنصحوني

 

[caramil]

نصيحتي الكبرى :
- قوي نفسج بكلمات ايجابيه..
( انا اقدر - انا قدها - انا شجاعه - انا استاهل الدلع - انا استاهل كل شي زين -

دلعي نفسج بكلمات ايجابيه..

لا تقولين بعد العمليه ما اقدر اتحرك ! هالكلمه بس ممكن تأثر على نفسيتج وتنعكس على جسمج وقدرتج
داااائماً قولي اقدررر قوولي ( ياااا الله)

بعد العمليه ب3 ايام ابدي تحركي..لأن قعدة الفراش الطويله تخلي راسج يدووور وتدوخين وايد
والحركه بركه

لا تفكرين ولا تحاتين ولا تجهدين نفسج ..دخلي بين اهلج ..حطي لج فلم ..سوي اي شي ينسيج انج سويتي عمليه

والقعده بالفرااش تتعب ..و قومتج من الفراش لي الصاله بحد ذاتها تغيير جو..

دائماً تنفسي التنفس الصحي...

لا تلجين اللي حوالينج بسالفة العمليه..انا ادري ماتقدرين لأن تفكيرج يكون محصور في هالنطاق
نطاق المستشفيات والدكاتره و الخيط والجرح ووو الألم..
بس حاولي ماتزعجينهم بهالسيره.. مو عن شي بس لأنج اذا راقبتي نفسج في انج ماتتكلمين عن العمليه
انتي راح تنسينها لأن محد بيسولف معاج عنها..


دائما فكري بالخطوه التاليه

على قولتي nextttt

لا تفكرين لي ورا
تقبلوا نصايح
اختكم: كراميل

 

[Fateebeauty]

مساء الخير يا شابات ياجميلات حبيبتي كراميل كلامج أحلى من الكرامل صح 100% والدين الكريم يقول لا إفراط ولا تفريط وحبيبنا محمد اللهم صلي على محمد وآل محمد نصحنا بتحمل الالم والمرض واتخاذ اسباب العلاج بعد التوكل والحمد والشكر لله تعالى على كل حال وانشاء الله يشافي ويعافي كل عليل ، واعتقد السؤال والاستشارة والاستفسار عن كل مايدور في ذهن الوحدة منا بخصوص العمليات هذي بينفع وماشاء الله منتدى الكويتيات خير وبركة
:eh_s(17)::eh_s(17)::eh_s(17)::eh_s(17):
في اهل الخبرة والتجربة اللي انشاءالله ما يبخلون على احد​

 

[أهداب]

بما ان 3 من خواتي مسوين شفط وشد للبطن

ووحدة من رفيجاتي فنصيحتي من بعد حالات شفتها وعايشتها للي بيسوي هالعملية :

- لبس كورسية للبطن لمدة 3 اشهر قبل العملية عشان لاسوو الشد منطقة المعدة ماتصير بارزة وترد مكانها الصحيح

- محاولة شفط الظهر والزنود قبلها بفترة 6 اشهر علي الاقل , عشان الدهون ماتتيمع بهالمناطق خص بعد شفط منطقة البطن

 

[rooo7i]

يعطيكم لعافيه على النصائح الحلوووه

 

[فيرجن ديزاينر]

نصيحتي لكم
لحد يروح مستشفى طيبه كلنك حق الليزر
احرقوا ويهي وعلم الحرق ولا راضين يعالجوني
حسبي الله عليهم

والله اني مقهوره منهم .. الله لايوفقهم

وليزرهم مثلهم .. ما منه فايده
صارلي 4 سنين عندهم ولا ياب نتيجه وكل جلسه اردى من الثانيه
واعترف الغباء مني .. ولا المفروض كل هالسنين طلعت بنتيجه
و في كل مره يحرقوني اقول يمكن اهو جذي عادي احترق
لما علم اثره على ويهي ومو راضي يروح

(( حسبي الله ونعم الوكيل فيهم .. الله لايوفقهم ))

 

[ام مبارك الافدع]

ماشاءالله عليكم يا كويتيات فدييييييتكم

 

[خباري مطر]

صح لازم الوحده اول ماتصحي من البنج تحرك بس لازم احد يساعدها عشان الدوخو ولالالالازم تشرب ماي وتكثر منه هو والاعشاب المفيده وتحمد رها الكريم اللي قومها بالسلامة يارب لك الف حمد وشكر والله لايخيب تعبنا ولا يخسر علينا

 

[Fateebeauty]

مساكم الله بالخير شخباركم ادري من زمان بس شنسوي مثل ما يقولون الدنيا تلاهي
وأختكم للحين على حطت إيدكم بصراحة رحت حق اكثر من دكتور وشكلي راح اسويها عن قريب جداً بإذن الله عند الدكتور محمد عبد المجيد مستشفى السلام

 

[كتكوتة متينة]

موووووووووووضوع مميز
يعطيج العافية

 

[Fateebeauty]

الحمد الله وبفضل من الله وتيسيره سويت عملية شد و شفط للبطن عند الدكتور عبد الصمد مصطفى في مستشفى الاميري بصراحة أنا رحت لهذا الدكتور العجيب بناء على نصيحة صديق للعائلة ما كنت متوقعة يكون الدكتور عبد الصمد بهلشطارة لأني بصراحة ما سمعت عنه من قبل بس أنا سويت استخارة وكل شي مشى بسهالة ولغيت عملية السلام وسويتها أخيرا وصرت رشيقة بفضل دكتور عبد الصمد مصطفى وعلى فكرة تراه كويتي ونفسيته وايد حلوة أنصحكم فيه وعلى قولة عيايزنا الله يحفظهم الله يعز حكومتنا مو مقصرة بدال ما تقطون فلوس بالآلاف مثل ما بغيت اسوي ترى مستشفى الاميري فيه احسن دكاترة وكويتيين منا وفينا *

 

[freethinker]

نصيحه مني اهم شي ترتاحين حق دكتورج ولا يهمج وايد مدح او ذم الدكتور من البنات لان الي ينفعلج غير عن الي ينفعلهم
ونصيحه ثانيه خلي توقعاتي معقوله وفي اطار الواقع ! لا تتوقعين بتصيرين وحده ثانيه اب بالج وانتي وحده ثانيه
وهمن قبل لا تسوين شغله استشيري دكتورج يمكن ماتنفعلج واذا قالج ماتنفعج لاتسوينها لانه دكتور وافهم !
وشكرا

 

[حياة زوجي]

نصيحه من تجاربي الشخصيه
اذا بتسوين تصغير معده او تحويل مسار
دايما حرصى على الفيتامينات علشان ما يطيح شعرج ودايما تابعى زياراتج للدكتور
والاهم سوى تحاليل سنويا



واذا سويتى شفط البطن او تنحيت للجسم حاولى تحافظين على وزنج ولاتنسين نفسج بالاكل وتخربين العمليه
احتمال كبير لما تنسين نفسج بالاكل يرجع الدهون ويخرب جسمج



والاهم قبل العمليات انج تعودين نفسج على الرجيم والاكل القليل علشان بعد العمليه تكونين مهيئه على الاكل القليل فبالتالي ما يخرب جسمج بعد العمليه



وبالتالى عرفت بعد او قبل العمليه نصييييييييييييييييييييييحه خلو حياتكم كلها رجيم
وحاولو تتعودون على الاكل الصحى
وياحلو الرشاقه بس يبيلها شويه اراده

 

[badlya]

نصيحتى لكل مكممه اتابع مراجعاتها للدكتور والتعليمات الى يقولها مهمة جدامع اكل المكملات الغذائيهلان بعد سنه يرد الشعر مثل ما كان بس قصييه
مهم جدا الرياضه حاولى الحفاض عليها ولو ساعه كل يوم ومراقبة البروتين لان نقصه يسبب الهزال ويعطى عمر اكبر للجسم

 

[duha2000]

عيل انصحوني حبايبي


عندي مشكلة وابي نصيحتكم
انا وزني 61 وطولي 154

تعبت من الرجيم للعلم ان قبل كان وزني 80بس وصلت 60 و مو راضي ينزل زيادة ثبت
وعزيمتي راحت وخلاص مو قادرة اسوي رجيم اكثر وقمت اخربط خلاص ماكو ايرادة والايرادة ميييح
مع العلم ان انا السمنة سببتلي مرض السكر من الدرجة الثانية وفيني ارتفاع بالكلسترول والدهنيات الثلاثية وضيق بالشعب وارتفاع بالضغط احيانا
غير ان السمنة البسيطة بنظظركم هذي ماثرة على شكلي الخارجي لانها تتجمع في الوجه والرقبة والظهر

انا ابي انزل 15 كيلو انشاءالله

قالولي عن عملية تحويل المسار انها غير انها تنزل الوزن غير انها باذن الله تعالج مني مرض السكر

تهقون في دكتور يرضى يسويها لي وانا كتلة جسمي 26؟!

ناطرة ردودكم حبايبي

 

[مهندسة ندي]

رد: Re: نصيحه منج ونصيحه مني والكل بيستفيد ان شاءالله

نصايح حبيت اقدمها لكل بنت ناوية تسوي عملية او سوت عملية من اي نوع :

1- الاستخارة

تريحج و تخليج تسوين العملية وانتي متشجعة صلي صلاة استخارة بكل شي يخص الحياة

2- موافقة الأم .. أو موافقة الزوج اذا كنتي متزوجة

لان بدون رضاهم ما تلاقين توفيق ولا تعاندينهم حاولي تتعاملين معاهم بأسلوب الاقناع وبالاخير اهما الي راح يدعون لج ويوقفون معاج

3- استفيدي من خبرات الناس بالنت وبرا النت و سألي عن كل شي يخطر على بالج

4- عدم اليأس

خصوصا في عمليات السمنة يبيلها صبر صبر وهمة كبيرة لان بعدها حرمان فلا تقولين انا محبطة خلاص بالعكس تحركي و كملي الحمية والنتيجة ما يبيلها يوم وليلة يبيلها شهووووووووووور

5- اقري الاذكاااااار دايما

علشان ربي يستر عليج ويوفقج و يبعد عنج عيون الناس

بس مو معناته انج تصيرين وسواسية وشكاكة وكل شي يعورج تقولين عين عين لا بالعكس توكلي على الله واقري اذكارج

6- مواعيد ما بعد العملية مهمة

لا تطوفين اي موعد او مراجعة لا تقولين خلصت عملية خلاص الكسل موزين وهذي صحة اهم شي يملكه الانسان داومي على كل مراجعاتج

7- الفيتامينات

بعد اغلب العمليات الانسان يصير عنده نقص لاسباب وايد

حاولي تاخذين مكمل غذائي باستشارة طبيب و داومي عليه طول عمرج

8- كوني واثقة من نفسج وحبي شكلج مهما كانت العملية تجميلية او سمنة او اعاقة لا سمح الله

كوني واثقة من نفسج وشكلج وين مارحتي الثقة بالنفس نص العلاج لان النفسية تلعب دور كبير

9- حمدي ربج وذكريه دوم

تأكدي كل شي و صلتي له او سويتيه بفضل الله وحده فلا تنسينه بعد ماتوصلين للي تبين ربي لك الحمد والشكر والمنة

10- كوني فخورة بنفسج لان اي بنت تدخل عملية يعني عندها شجاعة كبيرة


مشكورة حبيبتي سمسمية على الموضوع الحلو والمهم

بس سامحيني انا عطيت عشر نصايح كانو يحوسون بقلبي .. وكلهم عن تجربة

نصائح رائعة..مشكورة ابي اسوي عملية تكبير الصدر ..مين سوتها بالسليكون تحكيلي تحربتها خاصة عرسي قرب وخايفة بعد الزواج يصير شي للسليكون او يتمزق

 

[انـهـار]

السلام عليكم
ابي عنوان دكتور خالد العنزي
ضروري

 

[روشا الفرفوشة]

لازم تسألي كويس علي الدكتور اللي هتعمليها عنده الدكتورررررررررر الاول ثم العملية لان عملية من غير دكتور شاطر مالهاش لازمة