..~Goolz
New member
- إنضم
- 5 نوفمبر 2010
- المشاركات
- 3,188
- مستوى التفاعل
- 3
- النقاط
- 0
جدول أرااااااااااام حق العرايس
قوه بنوتات شلووووووونكم فديتكم فاقدتكم .. عساكم كلكم بخير وصحه وعافيه
وتقبل الله طاعتكم
بنااااااااااات هالصفحه اللي راح أكتبها خاصه حق العرايس وفديتها عروستنا (حنااان) طلبتني وعرسها بعد شهر وسويت لها هالصفحه بإذن الله تكون شامله من كل النواحي
وراح يكون جدول مكثف علشان عروستنا عرسها بعد شهر ويمديها تسويه
بالبدايه اللي بتسوي هالجدول ماراح يكلفكم أشياء وايد الأغراض راح تكون موجوده ( الجمعيه _ الحواي (العطار) _ الصيدليه)
وماراح أكتب أشياء صعبه تلقونها يعني كل شي بمتناول اليد <<< متناول اليد ترا متعوب عليها الكلمه :dddds:
بنات للأمااااااااااااااااانه ترا الوصفات راح تكون بعضها مني ومن بنات معانا بالمنتدى فديتهم وفي من برا ..
وراح تلاحظون بوصفاتي في أسلوب متشابه لأن قاعده أسوي نسخ حقهم علشان مو تقولون حافظه الكلام :dddds:
.. بسم الله راح نبدي ..
>> الشعر <<
في بنات سويت لهم هالخلطه حق الشعر وقلت بنزلها بعد العيد بس خلاص الحين كل شي راح انزله الحين علشان عيونكم وتصيرون أحلا عرايس ..
أول شي سوي تحليل دم <<< لان من أعراض فقر الدم تساقط الشعر
واذا فيج فقر دم الدكتور راح يعطيج حبوب حديد
ثاني شي <<< كثري من السبانخ والملوخيه
ثالث شي <<< إكلي فيتامين الشعر وعندج احلا فيتامين شعر hair-vit من الصيدليات أو فيتامين pantogar للأمانه أنا أستخدم الثاني والدكتور قالي أثنينهم حلوين بس الثاني أحسن
رابع شي <<< اشتري هالسبرااااي من الصيدليه حق التساقط
ragaine
topical solution
2%
minoxidil
60 ml
شوفي يالغاليه أنا كتبت خلطتي مالت الشعر بس كانت عباره عن 4 زيوت بس وقلت بكتب خلطتي اليديده بعد العيد مع جدولي اللي غيرت فيه وزدت على خلطاتي
طبعا الزيت اللي أول واحد أقسم بالله إن فادني حيل ومكوناته يشهد الله كل مكون فيه سويت عليه سيرج بالنت وعرفت كل واحد وفايدته حق الشعر وإذا بتتأكدين دشي على هالموقع وشوفي فايدة كل مكون فيه
http://www.khayma.com/hawaj/
الزيت القديم كان ( زيت الثوم + زيت البصل + زيت الجرجير + زيت الآس )
والزيت اليديد واللي الحين انا ماشيه عليه وهذا اللي سووه ..
>> خلطة أرام للشعر <<
زيت الثوم
زيت البصل
زيت الآس
زيت الجرجير
زيت النارجيل <<< اللي علبته بنفسجيه
زيت الخروع
زيت الصبار
ورق الآس <<< ورق مجفف
عشبة الآملج <<< تشوفينها مثل بذور المشمش مجففه ولونها بني غااااااامج
الطريقه
تاخذين الآملج وتطحنين بالطحانه مالت القهوه لما يصير بودره
تاخذين كل الزيوووت وتصبينهم بجدر على نار خفيفه
تضيفين ترس إيدج مرتين من عشبة الآس المجففه واذا بتزيدين براحتج لأنها وايد تينن
تاخذين ملعقتين كبار من بودرة الاملج
تخلينهم على النار وكل شوي تخلطينهم
لما تحسين الزيت صار حاااااااار سكري النار
خليه يبرد وبعدين شخليه عدل من الورق
حطي بغرشه كبيره زجاج مالت الأجار <<< تلقينها بلوازم العايله اخذي أكبر وحده لأن راح يصير كميه عندج من الزيت
وعاد اخذي بطل فاضي <<< واحد من بطول الزيوت اللي استخدميتهم
حطي في البطل الفاضي علشان يسهل عليج تستخدمينه
وباجي الخلطه مالت الزيوت اللي بالغرشه الكبيره خشيها بمكان ظلمه وبدرجة حراره الغرفه
لما تستخدمينه حطيها على الجذور كلها والأطراف
ونزلي راسج وسوي مساااااااج لما تحسين ان فروة الراس صار دافيه وانتي منزله راسج طبعا <<< يساعد في تحريك الدم داخل فروة الراس ويخلي الدم يوصل حق الجذور ..
وبعدين اوقفي عدل وردي هم سوي مساج وربطي شعرج بس على الخفييييف وحطي شي على شعرج علشان البرد
وطبعا ماتخلينه أقل من 4 ساعات
>> طريقة غسل الشعر <<
وهالطريقه خذيتها من وحده من البنات معانا بالمنتدى فديتها حدها تينن
أول نغسل الشعر بصابونة رقي الأصلي مرتين نرغي ايدنا ونفرك الشعر فيها
لنا نحس ان الشعر نشف شوي
وبعدين قبل مانستخدم الشامبو غلط نحطه مباشره على الشعر
اول شي نييب كوب ولا باديه ونحط فيها ماي وشامبو ونرجه عدل
وبعدين نفرك فيه الشعر وهالطرقه تقلل من القشره وتساقط الشعر
وهذا زياده على الجدول
( حنه + نسكافيه أو قهوه تركيه + ليمونه )
حطي الحنه اللي تكفي شعرج وبعدين اخذي ملعقتين كبار قهوه وذوبيهم بماي دافي
وصبيه على الحنه وخليها تنقع مو أقل من ساعتين
وقبل لا تحطينها على شعرج عصري عليها ليمونه وحطيها بشعرج
مو أقل من 4 ساعات
وعندج أشياء تفيد شعرج وزيديها اذا تبين على الحنه ( السدر ) وحتى الأملج البودره اللي سويتيه هم حلو اذا حطيتيه مع الحنه
هالأعشاب تقدرين تحطينهم مع الحنه يعني تشكلين بينهم او تحطينهم كلهم
( السدر _ الأملج المطحون _ عشبة الآس المطحون )
وعقب الحنه حطي ( حمام زيت باراشوت بالثوم وجوز الهند ) واهو كبير ويقعد عندج أكثر من شهر وسعره دينارين وشي :ggdw:
هذا طبعا شي موووو طبيعي حق الشعر لان عقب الحنه يصير الشعر شوي جاف
يالغاليه هذي الطريقه إذا سويتيها أقسم بالله راح يرد شعرج إينن وماله داعي تدورين زيوت جاهزه ولا شي هذا الزيت تسوينه بإيدج وأظمن لج
وأنا سويت كل البحوث عن الزيوت والزيوت اللي كتبتها احسن شي حق الشعر واهي اللي تكررت وايد وطبعا ( الثوم والبصل ) <<< من وصايا الرسول عليه الصلاة والسلام
وبدال لاتروحين الحواي وتييبين الأغراض
دقي على هالحواي اينن اينن اينن انا أتعامل معاه ويوصل لي البيت
اسم العطاره : الطايف
مكانها : الفروانيه يم مجمع الحمرا مول
تلفونه : 24745414 وتوصيـــــــــــل منازل وانتي مرتاحه
خلطة الأعشاب حق اللي شعرهم مصبوغ ومايقدرون يحطون حنه
سوي هالخلطه فديتج
عشبة الآس المجففه <<< طحنيها بالطحانه مالت القهوه لما تصير بودره
سدر
جرجير <<< إخذيلج شدة جرجير وخليها تغلي بالماي عدل عدل لما يصير ماي أخضر
اخذي السدر والآس وحطيهم في باديه <<< طبعا خلي السدر أكثر من الآس واخذيلج 3 قفشات كبار آس
ييبي ماي الجرجير وعجني فيه الخلطه جنج تعجنين حنه
الجدول
يوم وترك دهن وبعدين حنه
مثلا السبت + الأثنين + الأربعاء دهن
الجمعه حنه
ويوميا مرتين باليوم تحطين السبراي على الشعر
10 بخات صباحا
10 بخات مساء"
والفيتامين 3 مرات باليوم بعد الأكل <<< لاتاكلينهم ومعدتج فاضيه فديتج
وأحسن وأخف شامبو انا أستخدمه
شامبو بيبي جونسون
وبلسم بيبي جونسون <<< البسلم مانخليه يوصل حق الجذور غلط يابنات بس تحطين مسحه خفيف على أطراف الشعر ونقعد 3 دقايق ونغسله
وهذي المجموعه اللي أستخدمها حق شعري ( السبراي + الفيتامين + فيتامين sevenseas زيت كبد الحوت )
>> الوجه <<
أول شي << حاولي كثر ماتقدرين هالفتره ماتطلعين بالشمس وأذا طلعتي حطي حمايه قويه يعني 50 أو 60
ثاني شي << هالفتره إبتعدي عن المكياج وحاولي تحطينه حق المناسبات والأشياء الضروريه
وأخطر شي تحطين مكياج وتطلعين بالشمس راح يلعب لعب في بشرتج ..
ثالث شي << لاااااااااااااااااااااااااا تسهرين نامي بدري وقعدي بدري <<< السهر دماااااااااار حق البشره والجسم
رابع شي << لاتكثرين من شرب القهوه والشاي .. حاولي تستبدلينهم بشاي الأعشاب أو الشاي الأخضر ..
خامس شي << إبتعدي عن الأبيضين ( الشكر والملح ) لاااااااااااااااا تكثرين منهم ترا يدمرون الكولاجين اللي بالبشره
سادس شي << كثري من أكل ( السبانخ _ الملوخيه _ البروكلي _ الأفوكادو ) وابتعدي عن الدهون وخلي أكلج أغلبه مشوي .. وكثري من العصيرات الطبيعيه ووخري عن المعلبات
(( على فكره ترا الخضار المجمده نفس فوائد الخضار الطازجه )) يعني اذا مالقيتي الخضار طازجه أنا أفضل إنج تاخذينها مجمده وطبخيها على البخار ..
ابتعدي عن المشروبات الغازيه ..
بهالشهر راح نخلي الأكل كله صحي علشان بشرتنا تتعدل حق العرس وحتى لو ماتحبين هالجدول الصحي لااااااااااااااازم تحبينه غصب يعني مو طيب انتي وراج عرس وزوجج لازم يشوفج بأحلى صوره ..
لازم نعدل البشره من داخل وبرااا ..
سابع شي << كثري من شرب الماي شربي وااااااااااااااااااااااااااايد ويكون ماي بدرجة حراره الغرفه ..
الحين راح نسوي الوصفات اللي حق الوجه
>> ماسك أرام للوجه <<
http://www.q8yat.net/showthread.php?t=452440
>> للهالات السوداء اللي تحت العين <<
عصير بطاط + عصير خيار <<< الخياره مع قشرها والبطاطه بدون قشرها احطهم بالآله اللي تعصر
بنات أكو آله مخصصه حق عصر الفواكه والخضار مو الخلاطه لاااااااااااااااااا
وهذا شكلها وتلقونها عند محلات الألكترونات
عصيرهم احطه بعلبه وكل يوم اخذ القطن المدور اللي من بودي شوب او بالجمعيه اكو منه
انقعهم بالعصير وبعدين احطهم على عيوني لمدة نص ساعه كل يوم
والله اختفى السواد
وكل جم يوم سوي عصير يديد لان البطاط مع الوقت يصير اسود من الحديد اللي فيه
وطبعا كل يوم بالليل مسحه خفيفه نسب متساويه من ( زيت جنين القمح + زيت لوز مر )
>> للتجاعيد اللي حول العين <<
حبيبتي أول شي لازم لما تطلعين بالشمس تحطين حمايه حق حول العين
وأنا استخدم مرطب و حمايه حول العين من ماركة dessange
ولما تطلعين لبسي نظاره شمسيه
وحبيبتي قللي من شكر لان الشكر الوايد يدمر الكولاجين اللي بالبشره وهالشي يطلع التجاعين بسرعه
حبيبتي وهذي الخلطه معروفه حق التجاعيد حول العين ولازم تستخدمينها يومياااااااااا قبل النوم
مكوناتها
3 ملعقه كبيره اللانولين lanolin
1 ملعقة كبيره زيت لوز المر
1 ملعقة كبيره زيت جنين القمح
اول شي ذوبي اللانولين بالنار على الخفيف وبعدين تضيفين عليه الزيوت وخلطيهم عدل وخليه لما يبرد
صبيه بعلبه نظيفه واستخدميه يومياااا فديتج
ادري بتقولون شنو اللانولين
اللانولين هو مادة تشتق من صوف الغنم
مادة دهنية وتستعمل في إعداد المراهم
اللانولين هو مادة صفراء اللون تشبه الفازلين لكنها دبقة اكثر <<< تلقونه عند الصيدليه
ويمتصها الجلد بسرعة وتكسبه نعومة .. ويفضل استخدام مشتقات اللانولين الموجودة في الصيدليات
منها كريمات لوشنات
وبعدين بقولج عن شي
صبي ماي ورد بقوالب ثلج وخليه لما يجمد
وكل يوم مرريه حول العين وعلى الوجه كله لان ماي الورد اينن حق تجاعيد البشره ونضارتها
ومع المداومه كل شي راح يخف ويروح وترا مو سحر يروح بيوم وليله لازم تستمرين
>> ترطيب الوجه <<
فديتج قبل لاتنامين مسحي ويهج بـ( مرهم بيبانثين ) المرهم مو الكريم << بالصيدليه وسعره دينار و60 فلس اعتقد
هالمرهم شنو يسوي؟
يرطب البشره وإذا فيها قشور أو جفاف كله يشيله وراح تلاحظين ملمس البشره لما تقعدين الصبح
دايما قبل لا تنامين أو إذا قعدتي من النوم أو إذا رديتي من برا دااايم غسلي ويهج بالصابون
عاد إنتي شوفي اللي يناسبج وإختاري بين هالصابون
(صابونة بيبي جونسون اللي باللوز أو العسل _ صابونة البابايا _ صابونة حليب اليوكو )
إذا قعدتي الصبح قبل لا تطلعين لازم حمايه وأنا أفضل حمايتين ( obagi أو avene ) بالصيدليات
وإذا قاعده بالبيت رطبي ويهج بكريم النزك إخذي مسحه خفيفه ودهني ويهج
هالكريم حق اليهال وخفيف واااااااااايد من جذي أحب أحطه على ويهي << موجود بالجمعيات ووايد تكلمت عنه
>> عصير لنضارة وجمال البشره <<
بنات هالعصير سحر حق البشره واييب العافيه حقها زين حق الدم
يعني أنا أنصح فيه تسوونه حق الكبار والصغار لان صج صج صج مفيد
(عصير بنت عذاري)
ثلاث حبات برتقال
جزره كبيره امريكيه
حبة كيويه
حبتين فراوله
ترس فنجان ورق البقدونس الورق بس << ضروري واهو سر الوصفه
ونخلطهم بالخلاط عدل ونشربه كل يوم الصبح >>> فتره الصيام خلي هالعصير هو مشروبج على الفطور
وعندكم هالماسكات سووها بالأسبوع مره أو مرتين ونوعوا بينها ترا كلهم حلوين
مرَه نطحنها عدل ونخليها مثل البودره
هرده
او
ماسك بياض البيض مع ملعقه صغيره نشا
او
ملعقة صغيره هرده + ملعقه صغيره حليب بودر + شوية زعفران
او
ملعقتين صغار زبدة فول سوداني
ملعقه صغيره هرده
نخلطهم عدل و بخصوص المره طبعا نخلي المره اكثر من الهرده بشوي
نوزعهم على الوجه لما تنشف أو نخليها من 15 - 30 دقيقه ونغسلها ..
>> نصيحه حق العرايس <<
بنوتات فديتكم طبعا لما تتزوجين ماراح تسوين كل هالعفيسه حق ويهج وجسمج جدام زوجج صح؟
من جذي أنا أنصح إنج تشترين مجموعه طبيه حق الوجه والجسم .. علشان إذا رحتي عند زوجج ماتهملين بشرتج وتخربينها
المجموعه تتكون من ( كريم نهار وليل + كريم مرطب + كريم حول العين + حمايه + مزيل مكياج + سنفره + لوشن )
بنااااااااااااااااات يعني كل شي خاص بالوجه والجسم يكون من ماركه طبيه وحده مو ألف ماركه تستخدمون
وأنا شخصياااا ماأثق إلا بماركتين
بالدرجه الأولى أوباجي (obagi) <<< حبيب قلبي
الدرجه الثانيه ديسانج (dessange)
>> الجسم <<
وااااااااااااااااااااي مسببلكم أزمه أدري والله ماتنلامون بس ماعليكم سوو اللي أقولكم عنه وإن شاءالله بتشوفون كل خير ..
أول شي عليكم بالحمام المغربي يوم بالإسبوع بالصالون أو بالبيت
إذا بالصالون هذا صالوني
أنا أحب أسويه عند صالون مس ديور يم مطعم ديفاز اللي على البحر اللي جبال بيتزا هت عقب دوار البدع عند وحده اسمها (كوماري 99473986 ) اروحلها مره بالشهر حده حلو شغلها
وكل اسبوع اسوي حمامي بالبيت وطريقتي وااااااايد بسيطه (( وإذا تبون بطريقه ثانيه براحتكم ))
بس اخلي الحمام كله بخااار وبعدين احط على جسمي صابون مغربي وانطر ربع ساعه تقريبا
بعدين اغسل جسمي عدل وابدي افركه بليفه ( مالت الحمام المغربي لونها أسود ) واركز على الاماكن اللي فيها سواد بس المنطقه الحساسه ماتفركينها حيل اهي والرقبه تفريك خفيييييييييييييييييييف بس
وبعدين اغسل جسمي
واحط ( سنفرة كاب ) على كل جسمي واقعد 10 دقايق وبعدين افركه تفريك خفييييييييييييف بالليفه
وبعدين اغسل جسمي وبعدين واهو رطب احط عليه جل بيبي جونسون بس اكون خالطه معاه شوية جلسرين سائل
يعني ربع العبه تحطين فيها جلسرين سائل وترجينها عدل لما يمتزج وتستخدمينها ..
>> السنفرات اللي تفتح وتوحد الجسم <<
من ناحيتي أنا ماأثق إلا بهالثلاث سنفرات
(1) سنفرة حيادر فديتها
http://www.q8yat.net/showthread.php?t=332213
(2) سنفرة مزيونه وشقرا
http://q8yat.net/showthread.php?t=137760
وهذي بعد سنفره ثانيه حق مزيونه وشقرا فديتها
http://www.q8yat.net/showthread.php?t=88089
(3) سنفرة كاب
>> للشعر اللي تحت الجلد <<
http://www.q8yat.net/showthread.php?t=429366&page=28
>> خلطة الزيوت قبل كل حمام <<
نيب متساويه من (زيت اللوز المر + زيت الجلسرين السائل + عصير ليمونه)
تدهنين فيه الجسم كله مع الرقبه وتركزين على الأماكن السوداء وتسوي مساج لهم عدل عدل
وقعدين فيها أقل شي ساعتين قبل الحمام <<< لبسي بجامه طويله قطن
وبعدين دخلي الحمام وغسليها بماي دافي ..
>> ماسك أرام بعد الحمام لتفتيح ونضارة الجسم <<
خمس م ك حنه
ثلاث ملاعق ك قهوه تركيه
ثمانية م ك سكر بني ( الأسمر )
ملعقتين حليب نيدو
خمس م ك دارسين
ثمانية م ك ورد بلدي مجفف ورد محمدي <<< نكون طاحنينه مثل البودر
ملعقتين كبار أملج <<< من الحواي مثل حبات المشمش المجفف ايي لونها بني غاامج طحنيهم وخليهم بودره
ثلاث م ك سدر
نخلطهم كلهم بعلبه وكل ماندش الحمام ناخذ ملعقتين او الكميه اللي تحسين تكفي جسمج
نضيف له أي زيت عندنا وأنا أفضل الجلسرين او اللوز الحلو وملعقتين ك عسل أسود
ندهن فيهم الجسم ونخليه من 15-30 دقيقه
وبعدها نبدي التفريك يكون خفيف وهالخلطه تفضل بيوميااااا لما تشوفين النتيجه وبعدها مرتين بالإسبوع
وهالماسك نحطه بعد كل حمام اخر شي لان قبل الحمام عندنا خلطة الزيوت ..
>> سنفرة لمنطقة الصدر <<
بنات هذي السنفره خاصه حق منطقة الصدر يعني اللي عندها سواد بهالمنطقه من استخدام الستيان وهالسوالف هالخلطه بتخلي المنطقه زبده
وهالمنطقه ترا مهمله عند الأغلبيه ..
>> سنفرة الصدر من بنت عذاري <<
ملعقتين زيت الجلسرين
ملعقتين زيت اللوز حلو
ورد بلدي او ورد محمدي مطحون
نخلطهم عدل ونحفظها بالثلاجه
بعد الاستحمام والجسم رطب.....وبالخصوص منطقة الصدر....نحضر الفوطه القطنية ونضع عليها
ملعقة حليب بودرة...ونقطر عليها بضع نقاط من الماء..
فقط لترطيب الحليب وليس لاذابته...واذا الفوطه رطبة مافى داعى للماء
ونفرك الاماكن الغامجه وبين الصدر وتحته
ثم نغسل كل الجسم بماء بارد.....وممكن عن البرد دافىء ثم بارد
وبعدين نييب الخلطه وندهن فيها الجسم كله ونقعد من 15 لي 30 دقيقه وبعدين نغسل الجسم بماي بااااارد
نستخدمها مرتين بالاسبوع ..
>> كريم للتفتيح من شوارفسكيه فديتها <<
http://www.q8yat.net/showthread.php?t=276408
وأنا أستخدمها حق الجسم بعد
>>> كريم أراااااااااااام للتفتيح <<<
زيت جنين القمح
زيت اللوز المر
زيت الجلسرين
زيت السمسم
زيت الليمون
زيت الخروع
زيت اللوز الحلو
ربع ملعقة صغيرة مسك <<< من عبدالصمد القرشي تاخذينه مكعبات وتطحنينه بالبيت
كريم سودو للأطفال <<< تلقينه عند ماذركير أو بالصيدليات
أو
كريم zincast baby cream ماركة bell's
واذا مالقيتي هالكريم اخذي هالكريم ونفس الأول
zinc and castor oil cream تلقينه بصيدليه بوتس boot's
أنا استخدم كريم الزنك مال bell's <<< ادري في ناس بيقولون من وين بقولكم انا خذيته من جمعية صباح السالم صوب كريمات اليهال وسعره 500 فلس او أقل مافيه ريحه واينن
المقياس مالنا راح يكون فنجان القهوه العربيه
ناخذ فنجان من ( زيت جنين القمح + زيت الخروع + زيت اللوز المر + زيت السمسم )
فنجانين زيت الجلسرين
نص فنجان ( زيت الليمون + زيت اللوز الحلو )
ناخذ باديه كبيره ونفرغ فيها كل الكريم
نضيف عليها الزيوت شوي شوي ونخلط في ( ملعقة بلاستيك )
ونضيف المسك
نخلط عدل عدل عدل لما نحس كل المكونات اختلطوا وتحسين صار عندج كريم يديد
وناخذ الكريم اليديد اللي سويناه ونرد نحطه بالعلبه مالته
وبعدين ندهن فيه الجسم كله بمافيه الأباط والمنطقه الحساسه والظهر والمؤخره
بس للمنطقه الحساسه والمؤخره
قبلها نشطف المنطقه بالماي والملح
انشف المنطقه عدل من الماي
بعدها نحط خلطة الزيوت قبل النوم ونلبس شورت
ولما نقعد الصبح نغسل بصابونة البابايا اول اي صابونه مبيضه
(( راح تلاحظون بالكريم اليديد ان ضفت زيت اللوز الحلو وماخليت الكريم على النار وزدت بعض المكونات وقللت من بعض المكونات ))
طريقتي انا
قتلكم احط كريم تريتوسبوت شريته من العضوه والتاجره أم عمار فديتها يابته لي من مصر بدينارين ونص
بالليل واغسله الصبح
وبعدين انشف المنطقه واحط من كريمي وادهن المنطقه عدل عدل عدل اسويلها مساج مدة 10 دقايق تقريبا وطبعا المنطقه الحساسه واللي حواليها والفخوذ والخلفيه وكل مكان وانتوا اعلم بالأماكن فديتكم
وبعدها ضروري تلبسون شورت او بنطلون طويل قطن <<< قطن ياااااااااااابنات حطوا بالكم
اذا ماتبون تستخدمون كريم تريتوسبوت عادي
بس خلو كريمي دايم يمكم وحطوا منه قبل لا تنامون ترا والله اينن وانتوا لاحظوا من مكوناته لا كورتيزون ولا زئبق ولا خرابيط
جدول المنطقه الحساسه
بالليل <<< كريم تريتوسبوت
لما تقعدين تحطين كريم أرام للتفتيح
ونص اليوم يعني عالعصاري تحطين كريم شوارفسكيه
راح نحط كل كريم 6 ساعات
قبل العرس بشهر راح نقطع تريتوسبوت ونستبدله بمرهم بيبانثين لان كريم تريتوسبوت يقشر البشره ومرهم بيبانثين راح يشيل القشور وينعمها ويرطبها
واللي ماعندهم كريم تريتوسبوت أو مايبونه
بالليل >>> كريم أرام للتفتيح
الصبح كريم شوارفسكيه
والعصر مرهم بيانثين
نفس الطريقه كل كريم نخليه 6 ساعات لانج عروس وهذا علاج مكثف ..
>> تونك لشد الجسم وإزالة التشققات والبقع <<
خل التفاح المخفف بماي الورد
نمسح فيه كامل الجسم والوجه مع التركيز على الاماكن المصابه
هالطريقه نستخدمها يوميا ..
طريقتي
علبة بخاخ فارغه << بالجمعيات أو بلوازم العائله
خل تفاح طبيعي 100% << أنا أستخدم خل تفاح معجزة الشفاء بالجمعيه
ماي ورد
لازم تكون نسبة الخل أقل من ماي الورد يعني 9 : 1
نحط ربع علبة الرشاش خل تفاح والباقي كله ماي ورد ..
نرش فيه كل الجسم ونركز على الاماكن الملونه واللي فيها خطوط وحتى الوجه والرقبه ناخذ قطن ونمسحه فيه
هالطريقه مع الإستمرار راح تشيل الأثار اللي بجسمنا والتشققات ..
>> لسواد الركب والأكواع <<
زيت زيتون
نص ليمونه
سخني 3 ملاعق ولا ملعقتين زيت زيتون تسخين خفيف ولما يصير دافي دهني فيه منطقة الركب والأكواع
وبعدين إخذي نص الليمونه وفركي فيهم الأكواع والركب ..
خلي الخلطه لمدة 30 دقيقه
غسليه بصابونه مبيضه ( صابونة البابايا _ صابوة حليب اليوكو _ صابونة الكركم ) اختاري وحده منهم واذا بتنوعين يعني كل يوم وحده هم زين ..
وهالطريقه سويها يوميااااااااااااا بدون كسل لما يختفي اللون ..
ولا تنسين هالمنطقتين بالحمام المغربي والسنفرات والزيوت <<< ركزي عليهم عدل
الجدول
أسبوعياااا << حمام مغربي مع استخدام وحده من السنفرات الثلاث والتنويع بينهم يعني مانعلق على سنفره وحده
مرتين بالإسبوع << وحده من السنفرات الثلاث مع مراعات عدم الفرك القوي ونسوي فرك خفيف يعني مانجرح البشره
والمنطقه الحساسه مانفرقها بقوه ونعاملها مثل معاملتنا لبشرة الوجه ..
يوميااااااااااا << ماسك أرام بعد الحمام لما نلاحظ التوحيد بلون الجسم نسويها مرتين بالإسبوع بس ..
يوميااااااا قبل النوم << ندهن الجسم بكريم أرام أو كريم شوارفسكيه للتفتيح .. وانوع بينهم يعني اليوم كريم أرام وباجر كريم شوارفسكيه ..
يومياااااااا << رش الجسم بتونك الشد والتشققات ..
يومياااااااا << ماننسى الجدول للمنطقه الحساسه ..
يومياااااااااااا << لما نقعد بالبيت لازم 24 ساعه نرطب جسمنا بمرطب الجسم
وأحسن المرطبات واللوشنات اللي أنا جربتها
(( لوشنات فازلين وأنا شخصيا أستخدم اللي بزبدة الكاكاو _ لوشنات جرجنز jergens وأنا أستخدم fair & soft_ لوشنات ستيفز st.ives وأنا أستخدم اللي بالكولاجين ))
انتي شوفوا اللي يناسبكم من هالمجموعات .. <<< كلهم موجودين بالجمعيات
لما نرجع من براااا لازم نمسح ( الرقبه + الكوع + الركبتين + مفاصل الإيد والرجل ) بأسكينول ..
أنا اللي أعرفه في منه ( الليمون _ البابايا _ الخيار _ العادي )
>> منطقة الأباط <<
طبعا ما ننساها بالحمام المغربي والسنفرات والزيوت والأسكينول
هالمنطقه بعديها عن العطور والديودرانت اللي فيه عطر
وأنا شخصياااا أفضل إنج تستخدمين هالديودرانت وهو عباره عن كريم أعشاب (كونفدنس) إينن إينن من ( الشايع )
ولما تحطين الديودرانت لازم اذا رديتي البيت تغسلين مكانه
يعني مو كل ماتطلعين تحطين طبقه فوق الطبقه القديمه لااااااااااااااااااااااااااا غلط غلط يسوي سواد وريحه
لازم كل مره تحطين فيها الديوديات تكونين منظفه المنطقه عدل
نفس الشي حق كل مناطق الجسم كل كريم تحطينه لازم تكونين منظفه المنطقه عدل بالصابون
>> الإيد والرجل <<
طبعا ماننساهم بعد بالحمام المغربي والسنفرات والزيوت
على طوووووووووووول غسلي إيدج وريولج ونظفي أظافرج ..
ضوري أسبوعيااااااااااا بدي كير ومني كير وحمامات البرافين <<< علشان انتي عروسه وهالجدول مكثف ..
الأيد << فركوها يوميااااااا بنص ليمونه وركزي على المفاصل واللي لونها أسود
فركيها لمدة 5 دقايق وخليها عالأقل ساعه وبعدين غسلي المكان لاااااااااااااااااا تطلعين بالشمس وانتي حاطه الليمون ..
ولاتنسون إيدكم من كريم الحمايه لما تطلعون بالشمس<< حطوا شويه من كريم الحمايه اللي تحطونه على ويهكم ..
بعدها رطبي إيدج بمرطب خاص بالإيد وأنا أستخدم هالمرطبين وإنتي كيفج اللي ترتاحين له استخدميه يعني مو شرط اللي أنا أستخدمه ..
اللي على اليمين <<< كريم بيبي جونسون حق اليدين ترطيب 24 ساعه هذاااا حبيبي أموت فيه ودايما معاي بالجنطه وترطيبه مو طبيعي والله
اللي على اليسار <<< كريم st.iives with collagen elastin أحب هالماركه تينن طبعا اهو بالكولاجين وعارفين شنو الكولاجين فايدته حق البشره سحر
وأنا هم عندي منه لوشن كبير حق الجسم مرات أحطه واينن اينن يخلي البشره ملمسها حرير والله
القدم << بناااااااااااااااااات لازم دايما تحافظون على نظافتها ترا والله هذا يدل على نظافتكم انتوا لاتهملونها كلش كلش ..
>> كريم أراااااااااام للقدم <<
والله هالكريم إن سويتوه راح تدعون لي لان يفتح القدم ويخلي ملمسها حرير ولونها وردي اينن اينن ..
لما تحطونه لبسوا دلاقات .. وأنا أفضل إنكم تحطونه بالليل وتلبسون دلاق والصبح فصخي الدلاق وشوفي ريلج شلون صايره الملمس واللون ..
وترا ريحته حلوه .. وانتبهي لاتلبسين دلاق أبيض لبسي دلاق لونه يكون غامج لان راح أستخدم شوية عكر فاسي
المكونات
علبه مدوره كبيره كريم الهمالايا << مكتوب عليه كريم مغذي للبشره
علبه متوسطه كريم جرجنز jergens فير اند سوفت fair & soft << راح تشوفون شكله بالصوره
نص علبه زيت الليمون
نص علبه زيت الجلسرين السائل
ملعقة صغيره عكر فاسي << الملعقه مالت استكانة الجاي الصغييييييييييره والعكر الفاسي عباره عن بودره لونها أحمر تلقونها عند الحواي ( العطار ) لااااااتكثرون منه
شمعه كبيره بيضاء <<< إي الشمعه اللي نضويها ماغيرها
إذا حجمها كبير مثل هذي ناخذ وحده كافي ..
واذا كانت نفس اللي أنا أستخدمهم يعني صغار ماخذ 3 شمعات
وهذي صوره الأغراض
من اليمين ( الشمع _ زيت الليمون والجلسرين _لوشن جرجنز _كريم الهمالايا_علبة العكر الفاسي )
الطريقه
إخذي جدر وذوبي فيه الشمعه ولما تذوب اخذي الخيط مالها وقطيه مانبيه
ضيفي عليها الزيوت وحركي عدل
وبعدين الكريمات شوي شوي وحركي عدل لما يمتزجون عدل عدل
واخر شي حطي العكر الفاسي ..
خلطي المكونات عدل عدل لما يمتزجوووووون .. راح تلاحظون لون الكريم صار وردي
لما يبرد الكريم
حطيه بالعلبه مالت (كريم الهمالايا ) اللي فرغناها وراح يطلع عندج زياده عاد حطيها بأي علبه عندج نظيفه ..
وبس راح يكون جاهز للإستخدام ..
>> الأسنان <<
طبعا مثل ماقتلكم ( الشاي والقهوه والمشروبات الغازيه ممنوعه )
اذا أسنانج فيها تسوس أو شي أبدي عالجيها الحين ..
وعندج هالمعجونين أنا آخذهم من الجمعيه
اللي فوق ألجيديوم elgydium مكتوب عليه ( مبيض whitening )
واللي تحت
email diamant
whiteness & brightness
بالليل << غسلي من ألجيديوم
الصبح وبعد كل وجبه << إيميل دايموند لأن يعطي لون اللثه لون وردي على أحمر حلو الصبح ..
ووووبس هذا كل الجدول إن شاءالله تستفيدون منه ترا كل شي مجربته وأعتقد هالجدول شامل كل شي بس يبيلكم تشدون حيلكم
ترا وايد تعبت وأنا أكتبه لوووووووول يعني سوووووه ترا يستاهل والله :ggdw:
عسى الله يوفكم ويسعدكم ياااااااااااااااارب
