نصيحه بنات ( التحويل ولا التدبيس )

[ام فهدان الكويتيه]

يعطيكم العافيه بنات بس بغيت اقولكم اني رحت الدكتور وبسوي عمليه
على اساس مقرره وما باذني ماي
انا واختي
بس يوم رحنا الدكتور جان يقولي اختج لازم تدبيس لانوزنها 135 ( ماشاءالله )
انتي يلوقلج العمليتين التدبيس والتحويل مسار المعده والخيار لج
وهقني

مادري ايهو احسن شتشورون علي

يعطيكم العافيه خواتي

 

[ام فهدان الكويتيه]

شدعوه بنات وين الفزعه

 

[oum 5ald]

التحوير حبيبتي وانتي مغمضه

بس صلي استخاره افيدلج من راينا

 

[كويتية هيبه]

رفع لعيونج والله مادري

 

[miss uae]

والله مادري يختي امنو جرب يفيدنا ^^

 

[atosha]

والله انا من رايي لا هذي ولا هذي

كلهم فيهم البلي .. واخطارهم وايد شوف العين

استخيري .. وماخاب من استخار الرحمن

 

[AmOoNa-]

اختي انا مابي احبطج بس اقولج سوي رجيم احسنلج من هالعمليات

عالعموم عمتي سويه تحويل شهر 12 وليلحين نازله تقريبا 3 كيلو
والتحويل لازم تظلين تاخذين معاه فيتامينات طول العمر ماقدر افتي اذا العمليه اثرت على شعر عمتي ولالا لانه للامانه اهي شعرها جدا خفيف من قبل العمليه واشوفها مرتاحه ومستانسه ومركزه اكلها عاللحوم وقاطعه الخبز تقول يترس معدتي ومومفيد واذا خربطت بالاكل وايد تتعب شوي بوجم دقيقه وتصير اوكي بس جسمها مترهل لانها معتمده عالعمليه ولاتتحرك

 

[دلوعة الثمالي]

والله ياقلبي وحده نعرفها راحت هي وعيالها الاثنين كل واحد سوى طريقة الولد الكبير سوى تحويل والثاني تدبيس

والام تحزيم...

وبسلامتك الولدين راحو فيها اتنومو في العناية المركزة يالطيف شهرين اللي سوى تحويل يالطيف توفى

والثاني تعب مره مره مره بس الحمدلله ربي كتبله عمر وطلع وماشالله نحف بس بعد مابغا يموت والام مانفعها رجعت زي ماهي

ومسوينها مستشفيات خاصه ومعروفه بس حبيت انبهك سوي استخارة قبلها والله يكتبلك اللي في الخير انشالله

 

[baby johnson]

دكتوور موسى خورشيد ..تحويييييييييل ..وانتي مغمضه
روحي واخذي استشاره قبل كل شي واهوو يفهمج شنو الانسب لججججج
لان ماشاءالله اعرف 5 او 6 سووو عنده والحين لااله الا الله شكل ثااني ب6 شهوور او اقل من سنه
بس صح لازم الفيتامينات مدى الحياة تاخذينهم

موسى خورشيد وانتي مغمضضضضضضضضضضضضه

 

[تونه الكويت]

هلا حبيبتي

التدبيس مو زينة واللي سمعت من دكتوري ان مانعينها من زمان لانها خطرة

شوفي اختج اذا كانت تحب الحلو خل تسوي تحويل مسار لانها بصراااااحة عملية نااااجحة ولله الحمد
وانا متحورة صارلي 8 شهور والحمدلله الحمدلله ضعفت وتغيرت حييييل ماشاءالله
والفيتامينات نستمر عليها طول سنتين

انتي استخيري وبعدين توكلي على الله
والله يسهل امورج حبيبتي