نصيحة لوجه الله للي تبي زوجها يتعلق فيها .. بس يبيله قلب قوووووووووووي

[شادن33]

انا كنت اسوي كل اللي قلتيه اكثر من سنه

و النتيجه انه قالي (انتي داشه حياتي و انا لو مو متزوج احسن) لأني بس عاتبته و حاسبته
احس من كثر ما دلعته صار يحس اني ميته موت عليه و قام يتمادى بالكلام و بعدين حدي انصدمت من كلامه و غيرت معاملتي معاه 180 درجه و صرت اهتم ابنفسي و انساه و الحين احس انه وايد منقهر و يسرح ابروحه و يفكر

في ناس مو كفو معامله طيبه و في ناس يقدرون
بس انا عمري ما حسيت ان زوجي يقدر معاملتي و طريقتي معاه

عمري والله والنصائح الي كتبتها صاحبه المووضوع ماتنفع مع الكل بس احسن شي سويتيه انج اهتميتي بنفسج اكثر

 

[بوليانا2]

ماشاء الله نصائح من ذهب بس يبي لها صبر وعزيمه
انا فعلا اوقات اتهرب من مساجه واذا لزم مره اسوي له بدون نفس

 

[ام خلوودي حبيبي]

جزاج الله خير نصايحج عجييبه وصحيحه ومجربه منها فعلا ناجحه ماقصرتي

 

[~Unreachable]

لوول حبيت طرحج و اسلوبج عسل :*

و بعض هالنقاط انا اطبقها و مرتاحه فيها

اهم شي تعودين ريلج عليج و تحسسينه بأهمية وجودج

عشان لا سمح الله اذا نمتي برا البيت لاي ظرف كان يحس بقيمتج و بأهميتج

 

[ديينا]

تسلمين والله فدتيني

 

[حبيبي مالكني]

يزاج الله خير

 

[dubai girl]

واذا ركب فوق راسي
شو بستفيد بعدين !!

يختي الرياييل مب كلهم شرات بعض
اذا الاول يحب الدلع الثاني يبى الي تتغلا وتتدلع عليه


بس ماقصرتي الصراحه
يعطيج العافيه

 

[وشلون مااغليك]

يعطيك العافيه ع الموضوع
بس أنا بصراحه اخالفك الراي
صح اهتم فيه بس مو لهدررجه
بهاالشكل خليته محور حياتي نووو وي أنا بتعب من هاالوضع

 

[توته شيطونه]

حبيبتى مشكوره علي النصائح بس مو كل زوج تنفع معاه لأنه اللي قلتيه كنت اسويه لمن كنت

متزوجه بس. شنقول غير الريال عن ريال يفرق وسبحان الله في ريال يستأهل تعطينه ماي عيونج وفي ريال لا لأنه لو سويتيله كل

بينكر وهذا النوع الحقير اللي أنا جربته

 

[متى بتعود]

يعطييييييييييييييييييييييج العاااافيه نصايحج روووووعه

 

[غلأأأأ مغليهأأأ]

كلااااااااااااااااااامج عددددددددددددل ميه بالميه

وعساج علي القوه

مشكوره حبيبتي

 

[jijita60]

:rerrerek::rerrerek::rerrerek:ايه و الله صج كلامك مرات اكون هلكااااااااانة بس اسويله مساج عودته صار لي سنة و نص من تزوجت كل يوم مساج و دلع و اسبحه و ارتب اغراضه البسه اييب له الفطور لين الغرفة:rerrerek: يجنننننن على السوالف هده و اسويله منكير و بدكيير و ماسكات حق الويه الحبيب يدووووووخ و يستانس ينسى العالم :eh_s(22):

و مشكورة حبيبتي على النصايح الثانية مواااااح

 

[فاقده ابوهاااا]

فعلا انتي زوجه كفوووو

صج الكشخه واللبس مو كل شي الريال باختصار يبي احد يدلعه ويمسجه ويدلكه هذا اهم شي عن تجربه اذا بطيح الي براس ريلي او ابي شي بس امسجه او امسح على راسه مثل الياهل تلاقينه خق واستسلم ورفع الرايه البيضه بالاخير الريال عباره عن ياهل كبير

 

[NODA 2]

اممممممممممممممممممممممممم
الحين فهمت سبب ان الريال ياخذ علي مرته تبين الصج حريم قبل اغلبهم ريايلهم متزوجين عليهم ليش لا ان 100% من وقتهم كل للريال واخر شي عطاها خوش هديه مره ثانيه ههههههههههههههههه مسوينه يا دهينه لا تنكتين وكل شي امرك مطاع يا سيدي
وهذا الجزا

عالعموم مشكور وماقصرتي

 

[دلوعة أبوهآ]

خل اقولكم جم طريقة

1- المساج ... ضروووووووووووووري كل يوم مساج قبل لا ينام حتى لو انج هلكانة تبين تموتين من قو التعب بس مسجيه و شوفي النتيجة
أول جم شهر ما راح يحس بفرق
بس والله بعدين بيفقدج حيل وما يقدر يسشتغني عن هالشغلة

:eh_s(12):

هلكانه وباموت واسوي له مساج ويومياً !!!!!!!!
واخليه يتعود ع هالشي بعد !!!!!!

صراحه انصدمت من هالنصيحه ..
اوك اسوي له مساج بس مايكون شي اجباري ويومياً





10- عوديه على بوسة الراس و الحضن اول ما يقعد من النوم، و اول ما يروح لدوامه، و اول ما يرجع من الدوام و اول ما يرجع من برا
بالبداية بيستغرب بس بعدين بيقول: ليش ما حبيتي راسي اليوم
حسسيه ان راسه الكعبة المشرفة هههههههههههه والله بيستانس و بيفقدها
اذا دخل سلم على الموجودين و دخل غرفته روحي معاه الغرفة انتي لمي هدومه و امسكيله ملابسه، بالبداية بيستغرب طبعا لو مو معودته بس صدقيني بتصير عادة يضيق صدره لو فقدته


قويه هذي الكعبه المشرفه
والله مَ اعوّده اني اسلم ع راسه الا اذا كان هالشي متبادل بيني وبينه
يعني اذا هو سلّم ع راسي ارد له هي مو مشكله
اما يومياً وبكل وقت .! ماصارت والله
لا وبعد يسألني ليش ماحبيتي راسي اليوم خير يبه ابوي ولا امي وانا مدري ..

وموضوع اني الم وامسك له هدومه وارتب من وراه هذي بحالها مصيبه
يعني باعوده ع الكسل والاهمال واني انا اللي ارتب له كل شي واسوي كل شي

حبيبتي موضوعك وبعض نصايحك حلوه وتفيد ..
بس النصايح ماتمشي مع كل الازواج
ولا مع كل الناس تنفع وتتطبق ..
خاصة النصايح اللي علّقت عليها​

فيه امور واشياء اذا زادت عن حدها تصير مشاكل في الاخير
خير الامور الوسط في كل شي ​

ما أدلعه الدلع اللي يوصل حد الاهمال والكسل منه وانه يعتمد علي في كل شي
انا بعد لي طاقه ومسؤوليات غيره ..​

والمفروض اللي اسويه له يسويه لي ..
الحياه الزوجيه حياه مشتركه بين اثنين
مو دلع لطرف وكرف للثاني ..​

ممكن اسوي له كل نصايحه اللي ذكرتيها ومايقدر يستغنى عني
بس هذا الاستغناء مو حباً فيني ولي .!!
مايقدر يستغنى عني لاني باخدمه وامسجّه وارتب له ملابسه واسلّم ع راسه و وو و و ..!
وهالشي مو صح .. ​

يمكن ردي مايعجبك بس هذي وجهة نظري والانسان الافضل يسيطر ع وضعه من بدري قبل ماينقلب الحل ع تعّود مو اكثر ..​

أدري قصدك من الموضوع حُب الخير للبنات وعشان تفيديهم
بس دايماً خير الأمور الوسط في كل شي ..​

والله يسعدك ويهنيكِ مع زوجك​

 

[MiSS B.K]

جزاج الله خير حلوه نصايحج

 

[شوبارد قطر]

الله لا يفرقكم ان شاءالله
بس سؤال هو متعلق ولا صق فيني هذا نبيه بس مانبي يحبسني علشان هو بيتوتي ومتعلق
شو الحل اذا ابيه يحبني ومتعلق فيني وبنفس الوقت طلباتي اوامر

 

[Joy close]

ههههههههههههههه ياحليلك تسبينه وتدلعينه الله يسعدكم يااارب

 

[غربه الروح]

نصايحج حلوه والله
في ميزان اعمالج وهالصفحه في الفيفرت راح تكون )

 

[مزاااج]

بنات نصيحه الشي الي انت تعرفين نفسج مو قده لاتسوينه

عشان لاتعودينه وتبتلشين

>>>عجازه​

واللي لها خلق يابختها​

لاتقصر مع زوجها​

وجزاج الله خير​