نصيبي قدام عيني راح يروح وماعندي احد غير الله

[عرباوية من قدي]

مشكورين على ردودكم ووقفتكم معاي حبايبي انا مالي احد لا خال ولا عم او بالاحرى موجودين بس وجودهم مثل عدمهم قطاعه مايبون لنا الخير ولا عندي رفيجه تسال لي ولا لي غير الله انا بس حبيت افضفض لكم واللي تسال اني انا جايبته عن طريق خطابه اقول لها لا موعن طريق خطابه عن طريق وحده اعرفها دلتهم علي ودعائي ان الله يرزقني بالزوج الصالح مالي احد نهائيا وامي شكلها ماتبيهم لانها سمعت عنهم كلام وماندري اذا هالكلام صح ولا غلط حييييييييييييييييييره وتقول لي بيكفج واللي تقول انه ابوي زين ومارفض اقول لها ياااما رفض بس الحين يبينا نطيح بالغلط عشان يتشمت فينا يبي لنا الهموم والمشاكل الله يخليكم اللي تقرى قصتي يااما تدعي انه الله يهدي ابوي لنا او ياخذه ونرتاح لانه وصلنا لمرحله خلاااااااااااااص هذا مو ابو عدوووو ماعندي حل غير اني اوافق او ارفض وانا مصليه استخاره وعلى الله

 

[مــســك]

الله يسهل دربج ويفرك كربتج .. عليج بالاستغفار ..

 

[ضحكة]

الله يوفقش لما فيه خيرك وصلاحك .........ويهدي ابوك ..ويفتحلك ابواب الفرج

 

[بقــآيآ جـروح]

خلـــــــي آيمآآنــــــج بالله كــبير لو هالشخص نصيـــبج بتآآخذينه لو الكل
سآآل عنه وقآآلو موب زيـــــــــن آستخيري وربي يكتب لج اللي فيه الخــير
بنـــات وآيد آسآآلو ومآخلو شي وبالاخـــير آندمو وآكرهو الزوآآآج
خلي آخوج الصغير يروح لمنطقتهم وشآرعهم ويشوف رآآعي المسيد الامآآم
ويسآله عنه آو يفوووضه بالسؤآل يقوله آبوي يقول مالي شغل وآنآ ودي اسئل
عنه مآبي اضيع آختي وآن جآي نآصيك بعرف عنه وعن آخلاقه وآن شاء الله بيسآل عنه
جيرآآنه وآهله واللي بالمسيد مآبيقصر ان شاء الله
وبالنهآآيه طوليي شووي وتالي ابدي موآفقتج اذا ارتحتي بالاستخآره
ومالقيت آحد يسآل عنه ​

 

[Tsunade]

وانتي شعليج منه ؟
ما عندج تلفون ؟ أمج ما عندها تلفون ؟
مو لازم رجال يسأل , أنتي شوفي احد يعرفهم او يقرب لهم وخلي امج تقول لهم نبي نسألكم عن قوم فلان وألخ
ناس توصلج لناس وإلحين مافيه شيء يتخبى كلن معروف أصله وانتي وامج أسألوا عنهم
هذا أبوج وتبين تعنسين ؟؟؟؟؟؟؟؟
لا يا يبه انحاشي النحشه النحشه وانا اختج دام هذا أبوج
لا تستسلمين عشان والله مافيه احد يسأل عنهم اتي ألقي لنفسج حلول لان محد بيساعدج غير نفسج أوكي ؟

​

 

[باخلاقي ارتقي]

استخيري وكلمي واحد من خوالك وعمانك واذا ماكو احد شوفي ابو رفيقتك
بس يكون الرجال ثقة اللي بتوكلينة السؤال عن الخاطب
وكثري من الاستخاره الله يوفقك ويصلح حالك

 

[ميس المشاعر]

الله يفتح عليج ولا تتسرعين
خلي خوالج او اعمامج اوحتى ولد عمج او حتى رياييل عماتج او خالاتج عادي لا تستحين
اذا ابوج ما منه رجا ...... فكري عدل لا تضيعين حياتج بيدج
واذا سكتي بيروح اللي ورا واللي ور ا الله لا يقوله
لا ترفضييييين تصبري وسألي عنه عدل
والله يوفقج حبيبتي

 

[عرباوية من قدي]

ماعندي اي حل غير الدعاء وبس

 

[عرباوية من قدي]

كل حلولكم مااقدر اسويها لانه ماعندي اي وسيله

 

[قمرهم كلهم }..]

كلمي عمامج او خوالج يتدخلون حبوبه

 

[• JoJo •]

لا حول ولاقوة الا بالله

الله يفرج همك ويصبر قلبك ويسهل امرك ويرزقك بالزوج الصالح ويعطيك الين ترضين يااااااااارب

آمين

 

[خوخه بارده]

الله يفرج عليج يارب ويسخر لج خزائن رحمته امين يارب العالمين

واستخيري حبيبتي وراج تشوفين الخيره واذا ما رتحتي لا توافقين لان اكيد ربي كاتب لج رزق افضل وخليج مستمره بدعاء واحسني الظن بالله والله ما يخيب عبدن ظن فيه طن الخير سبحانه وتعالى

 

[قلبي لك مولغيرك]

لا حول ولا قوه الا بالله

الله يساعدج ويوفق لج ويرزقك ويعطيك اللي تتمنينه واحسن
الله يستر عليج وعلي وعلى بنات المسلمين يا رب

 

[ya al3rosa]

اللَة يستر عليج وعلى بناات المسلمين
اللَة يهدية ​

 

[طيبة83]

انتي سالي عنه السوال ما يبيله شي

سالي الناس الي يابوه لج مثلا

وانسي ابوج ومشاكله

ودامج استخرتي توكلي علي الله ووافقي عسا الله يرزقج بالذرية الصالحه

وصدقيني لي صرتي ام بتقدرين قيمه الوالدين لو مهما كانوا

 

[FeShinGoOo]

وليش ترفضين الريال يمكن زين ؟؟ ياما سألنا عن رياييل والمدح وصلهم السما بس عقب الملجه اكتشفنا انهم طل ..!!!!!!
ترى مو شرط تسئلين واساسا اذا ابوج مايبج تتزوجين راح يذم فيهم وراح يوقف نصيبج نصيحتي قعدي مع الولد مره ومرتين وثلاث وحاولي تعرفين شخصيته واطباعه بلا سؤال بلا بطيخ صدقيني ربج بيعطيج على قد نيتج لاتنسين وعلى نياتكم ترزقون .. والطيبون للطيبات .. !!

 

[نـعـومـه]

صح كلمو خوالج ولا عمامج

لاتستهينون بالخطاب هذا نصيبج

 

[عرباوية من قدي]

مشكورين علي دعواتكم ولكم بالمثل يارب

 

[اسرار الغلا]

لاحول ولاقوة الا بالله. استخيري والله يفرج همج ويوفقج

 

[love u 4ever]

Allah ysa3dech 7abibtee o yshl drbch