السـلام عليكم والرحمـة
شـلوونـكم؟؟
والله إني احبكم لله ،
ونصايحي هذي مو لسبب غير اني احبكم وابي لك الخير
وما ابي منكم غير انكم تقرون موضوعي للآخر
أكيد كل وحدة فينا سمعت وصف حور العين صح؟ اكيد فهل دنيا شفتوا بنات جميلات ودج تاكلينها من حلاوتها
بس تعرفون ان لو اجتمعوا نساء الكون كلهم بحالتهم ما يساوون ظفر حور الجنان
انتي لادخلتي الجنة راح تصيرين احلا منها بمليوون مرة
لكن شلون تدخلين الجنة وانتي شريتي لعنة الله سبحانه بكم شعرة شلتيها من حواجبك
او سويتي لك تاتو
او لبستي باروكة
رسول الله صلى الله عليه وسلم وهو اشرف خلق الله سبحانه ما راح يدش الجنة الا برحمة من الله
فشلون انتي راح تمشين ع الصراط؟؟
يا بنات مرضى السرطان عافانا الله يدورون شعرة وحدة وانتي تحفين حواجبك؟
ولا تطلعين وانتي ما تلبسين حجاب
ما هانت عليج نفسج؟؟ شلون كل من هب ودب يشوفه؟؟
يا بنات الحياة هذي تراها مو دايمة
طيب اكيد سمعتي عن الصدقة الجارية
بس عمرج سمعتي بالسيئة الجارية؟
مثال: شلون تحطين صورج وانتي حاطة مكياج بالنت ؟ انتي تعرفين منو داخل ع الموقع
؟
او اذا ركبتي لك كم رمشة؟؟ لا تنسون ان الله لعن الواصلة والمستوصلة
لا تنسون ان من ترك شيءا لله عوضه الله خيرا منه
رسول الله شاف الجنة ؟ ولكن شاف انه أقل سكانه هم النساء
ما تبين تكونين من هل قِلـة؟؟
واللهم لا تجعل الدنيا اكبر همنا ولا مبلغ علمنا ولا إلى النار مصيرنا
وعسى الله يثبنات واياكم عند السؤال
وما ابي غير دعوة حلوة منكم
واستغفر الله الذي لا إله إلا هو الحي القيوم وأتوب إليه
/
