نصحوني و شوروا علي يا بنات احس اني مو متوفقة و مو مرتاحة بحياتي كلش

[سندس 90]

حبيبتي بسألج سؤال

تقولين إنج معقوله ماكو ولا ميزه فيج حلووه ؟؟
ليش هالمتزوجات كلللللللللهم فيهم مزااايا ؟؟؟؟


طبعاً لأ


والحمد لله ماشاءلله بالعكس انتي بخير ونعمه تبارك الرحمن

تخرجتي وتوظفتي وتوج صغيييره ماشالله

وصدقيني دام حاطه عينج بعين الله وابتعدتي عن المعاااااااصي اهم شي ولا تخلين الشيطان يلللعب براااسج
وستغفري وكثري من الدعاااااء



اقسم بالله بتتوفقين بكل شي


ربي يفررج هممج ويسعدج ويحقق لج اللي ببالج كلللللللله ويكون خيره لج يااارب

 

[هدوء .]

انا مو متعبني بحياتي الا اني مكانك سر
الناس حولي كلهم الحياه تمشي فيهم الا انا
انا من كثر التعب والتفكير احس بيحوشني اكتئاب
البنات الي اصغر مني صاروا عيالهم بالابتدائي
بس الحمد لله على كل حال
هذي الامور مو بيدنا نفوض امرنا لله واهو سبحانه يدبرنا
يمكن صج احنا مقصرين بحق ربنا عشان جذي مو وايد متوفقين بحياتنا

وترى اختي مو شرط الزواج اهو السعاده احيانا يكون الزواج بداية الهموم
فعل تاخيرج خيره و عل كل الي يصيبنا خيره لنا واحنا ماندري

دايم رددي
ربي اني فوضت امري اليك فاكفني ما اهمني
وربي اني مسني الضر وانت ارحم الراحمين
وربي لا تذرني فردا وانت خير الوارثين
وربي اغنني بحلالك عن حرامك وبفضلك عمن سواك




واهم الرضى بقضا الله وقدره والقناعه

 

[بحرانيـه]

لا تاخرين صلاتج هذا الي بقوله لج

 

[orange blossom]

حبيبتي لا تفكرين جذي
مو كل متزوجه يعني سعيده بحياتها
اهم شي صراحه الصحه و العافية و راحة البال
و دام انج ما ذكرتي انج تعانين من مشاكل
يعني الحمدلله انتي بالج مرتاح
انا متزوجه.. بس صراحه اشوف المو متزوجات ما عندهم مشاكل و مرتاحين البال
و اقول ياريتني مثلهم (يعني واااايد اشتقفت حق حياة العزوبية!)
اصلا و الله انا بكلامج حسيت انج انسانة ناجحة بحياتج الحمدلله
بالعكس خالطي الناس اكثر
و صدقيني ترى نظرة لج عادية جدا
و الحمدلله انتي بعدج ما كبرتي اللي فرصة الزواج صارت معدومة عندج
الله يوفقج حبيبتي

 

[روح امها]

الزواج قسمة ونصيب
الجمال والشهادة مو دليل علئ ان البنت لازم تتزوج
في بنات لا جمال ولا شهادة بس اخلاق و تزوجو
هذي قسمتهم من ربهم

انتي بكلامج هذا جنج تعترضين على حكمة ربج
ماتدرين كل تاخيرة فيها خيرة
صلي صلاتج بوقتها راح تنفتح لج وايد ابواب

 

[نسيم المحبة]

الله يفرج همج

 

[شوق الوليف]

عسى ربي يوفقج وينولج اللي في بالج

 

[Kocheko]

انا نفسج ... بس الحمدالله على كل حال

 

[بـحـور الـشـوق]

مشكورين بنات كلكم اللي دعت لي و اللي ردت علي عسى ربي يفرج همومكم و ييسر اموركم و يرزقكم باللي في بالكم :yaaaaaarb:
الحين انا بادية احاول اغير من نفسي و استغفر اكثر ..
بس امس قعدت افكر ان في بنات عايشين حياة وردية و محصلين كل شي يتمنونه بالدنيا وظيفة و زوج و عيال و وناسة مع ان ما يصلون أو مو ملتزمين و في بنات ما شاء الله متدينات و ادب و اخلاق و اللي للحين ما تزوجت و اللي للحين ما توظفت ..
وساوس ابليس الله يخزيه .. عقب تذكرت ان الله اذا احب عبداً ابتلاه .. و ارتاحت نفسي..
و ان كل شي يصير لي هذي تكفير عن ذنوبي .. ان شاء الله يا رب بيوم الحساب اجابل ربي خفيفة جزاء على صبري في الدنيا :eh_s(17):
شكراً لكل وحدة مرت على موضوعي و نصحتني او دعت لي و حتى لو ما كتبت لي رد :eh_s(17):
​

 

[Om.hsoone]

كل هالخييير اللي الله منعم فيه عليج و تقولين ما عندي حظ او منحوسه !!!!!

شنو تبين يعني كل شي بحياتج مثل ما تبينه كااامله

هذا مستحيل وانتي احسن بكثيييييير من غيرج وغلطانه اذا قارنتي نفسج مع احد ولا تقرج المظااهر ما تدرين عن المخفي

خليج مع الله هو المعطي و الكريم ادعيه ما يردج خايبه واستغفري و اذكريه كثييير و متى ما يحصل لج فرصه تصدقي
قولي الحمدلله

 

[Om.hsoone]

حبيبتي والله لمن قريت النبذه اللي كاتبتها عن حياتج و نفسج
خفت عليج من الحسد ماشاء الله حياتج حلوه و انتي بألف خيير بس ممكن لانج ما تسدين وقت الفراغ بقراءة صفحه من القرآن او تسبحين و تستغفرين ١٠٠ مره او تتابعين محاضره لشيخ و تستمتعين فيها و تعيشين اجواء المحاضره راح ترتاحين كثير اذا سويتي هذا كله

 

[بـحـور الـشـوق]

و الله اني مرات استحي من نفسي و أدري ان بحياتي في وايد اشياء لازم احمد ربي عليها بس بني ادم طبعه جذي طماع و دايما يفكر باللي قاصره ما يفكر هو شنو عنده و كلام الناس اللي يغث و اسألتهم و فضولهم و لين جافوج بعرس تموا يقولون الفال حق فلانة صرت اتضايق و الله من هالكلمة و ماحب اسمعها .. اللي الله كاتبه لي بآخذه في الوقت اللي الله يجوفه مناسب لي سواء الحين و لا بعد 10 سنوات اذا لي رزق بآخذه بآخذه .. و الحمدالله دائما و ابدا
​

 

[روح امها]

الله سبحانه وتعالى يقول ( لئن شكرتم لأزيدنكم )

 

[بكيزة هانم]

الله يشرح صدرج ويزيل همج

 

[بـحـور الـشـوق]

الله سبحانه وتعالى يقول ( لئن شكرتم لأزيدنكم )

و النعم بالله و ربي لك الحمد على كل الاحوال :eh_s(17):

الله يشرح صدرج ويزيل همج

و لج بالمثل حبيبتي مشكووورة :yaaaaaarb:

 

[e7sasi]

مشكورين بنات كلكم اللي دعت لي و اللي ردت علي عسى ربي يفرج همومكم و ييسر اموركم و يرزقكم باللي في بالكم :yaaaaaarb:

الحين انا بادية احاول اغير من نفسي و استغفر اكثر ..
بس امس قعدت افكر ان في بنات عايشين حياة وردية و محصلين كل شي يتمنونه بالدنيا وظيفة و زوج و عيال و وناسة مع ان ما يصلون أو مو ملتزمين و في بنات ما شاء الله متدينات و ادب و اخلاق و اللي للحين ما تزوجت و اللي للحين ما توظفت ..
وساوس ابليس الله يخزيه .. عقب تذكرت ان الله اذا احب عبداً ابتلاه .. و ارتاحت نفسي..
و ان كل شي يصير لي هذي تكفير عن ذنوبي .. ان شاء الله يا رب بيوم الحساب اجابل ربي خفيفة جزاء على صبري في الدنيا :eh_s(17):
شكراً لكل وحدة مرت على موضوعي و نصحتني او دعت لي و حتى لو ما كتبت لي رد :eh_s(17):​

عزيزتي إلي وسوس لج إياه الشيطان عن الناس إلي تشوفين حياتهم مثالية صدقيني ابتلائهم أسوء وأشد من إلي ينقصه شيء لأن هذا اسمه استدراج لذنوب ومعاصي أكبر ، احمدي الله على أي شيء ناقصج هذا سبب يخليج تلجئين لله وتنكسرين له بكل حب ، ترى أنا بمثل سنج ومن شهر مريت بنفس هالشعور ولأول مرة أحس نفسي مو راضية عن رب العالمين ؟ بتسإلين شلون؟ لأني تقربت من رب العالمين والحمدالله كانت أحوالي مستقرة ولما رب العالمين حب يختبرني ماصبرت وصغرت بعيني كل عطايا ربي و صرت ما أشوف إلا الشيء إلي ناقصني بكل اختصااااااار فقدت " الرضا " ومن إلي تضرر غيري؟ ومريت بإلي قلتي عنه كنت أصلي متأخر وصارت إني أجمع صلاتين كأني أعاقب نفسي واستسلمت لشيطاني وطمعي بس بعدها بفترة قريت كذا موضوع خلوني أرجع لوعيي والحمدالله لازالت أجاهد إني أضل صبورة وراضية بإلي الله قسمه لي من هالدنيا وسلمت أمري لله ، وأدري مابيخذلني لأن ربي أكرم من إنه يرد دعائي وتذكري دايمآ هالجملة وايد أثرت فيني " لا تعبدوهـ ليُعطي ولكن اعبدوهـ ليرضى" ...

 

[بـحـور الـشـوق]

عزيزتي إلي وسوس لج إياه الشيطان عن الناس إلي تشوفين حياتهم مثالية صدقيني ابتلائهم أسوء وأشد من إلي ينقصه شيء لأن هذا اسمه استدراج لذنوب ومعاصي أكبر ، احمدي الله على أي شيء ناقصج هذا سبب يخليج تلجئين لله وتنكسرين له بكل حب ، ترى أنا بمثل سنج ومن شهر مريت بنفس هالشعور ولأول مرة أحس نفسي مو راضية عن رب العالمين ؟ بتسإلين شلون؟ لأني تقربت من رب العالمين والحمدالله كانت أحوالي مستقرة ولما رب العالمين حب يختبرني ماصبرت وصغرت بعيني كل عطايا ربي و صرت ما أشوف إلا الشيء إلي ناقصني بكل اختصااااااار فقدت " الرضا " ومن إلي تضرر غيري؟ ومريت بإلي قلتي عنه كنت أصلي متأخر وصارت إني أجمع صلاتين كأني أعاقب نفسي واستسلمت لشيطاني وطمعي بس بعدها بفترة قريت كذا موضوع خلوني أرجع لوعيي والحمدالله لازالت أجاهد إني أضل صبورة وراضية بإلي الله قسمه لي من هالدنيا وسلمت أمري لله ، وأدري مابيخذلني لأن ربي أكرم من إنه يرد دعائي وتذكري دايمآ هالجملة وايد أثرت فيني " لا تعبدوهـ ليُعطي ولكن اعبدوهـ ليرضى" ...

عدل كلامج اختي يمكن لو الله عطاني كل شي تمنيته مثل ما ابي زوج و بيت و عيال و وظيفة بالوقت و العمر اللي انا ابيه جان ما لجأت للاستغفار و القرآن لأن كل شي متوفر لي و الحياة ماشية مثل ما ابي و أحسن لكن هالابتلاء هو اللي خلاني ابحث و ادور و احاول و اذا كان هالشي بيكون سبب في اني اكون اقرب لربي فأنا محظوظة و يكفي الأجر اللي باحصله من ورى صبري ..
الحمدلله على كل حال و اللي ما يابه ربي أكيد خيرة و باذن الله مأجورين على كل شي :eh_s(17):
​

 

[Blonde B]

الله كريم

 

[حسناوات]

قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏]‏ قد روي عن أبي ذر عن النبي صلى الله عليه وسلم أنه قال "لو أخذ الناس كلهم بهذه الآية لكفتهم"‏‏، وقوله‏:‏ ‏{‏‏مَخْرَجًا‏}‏‏ عن بعض السلف‏:‏ أي من كل ما ضاق علي الناس، وهذه الآية مطابقة لقوله‏:‏ ‏{‏‏إِيَّاكَ نَعْبُدُ وإِيَّاكَ نَسْتَعِينُ‏} ‏[‏الفاتحة‏:‏ 5‏]‏ الجامعة لعلم الكتب الإلهية كلها؛ وذلك أن التقوى هي العبادة المأمور بها، فإن تقوي الله وعبادته وطاعته أسماء متقاربة متكافئة متلازمة، والتوكل عليه هو الاستعانة به،فمن يتقي الله مثال‏:‏ ‏{‏‏إِيَّاكَ نَعْبُدُ‏}‏‏، ومن يتوكل علي الله مثال‏:‏ ‏{‏‏وإِيَّاكَ نَسْتَعِينُ‏}‏‏، كما قال‏:‏ ‏{‏‏فَاعْبُدْهُ وَتَوَكَّلْ عَلَيْهِ}‏‏ ‏[‏هود‏:‏123‏]‏، وقال‏:‏‏{‏‏عَلَيْكَ تَوَكَّلْنَا وَإِلَيْكَ أَنَبْنَا}‏‏ ‏[‏الممتحنة‏:‏ 4‏]‏، وقال‏:‏ ‏{‏‏عَلَيْهِ تَوَكَّلْتُ وَإِلَيْهِ أُنِيبُ}‏‏ ‏[‏الشوري‏:‏ 10‏]‏‏.

‏‏ ثم جعل للتقوى فائدتين‏:‏ أن يجعل له مخرجا، وأن يرزقه من حيث لا يحتسب‏.

‏‏ والمخرج هو موضع الخروج، وهو الخروج، وإنما يطلب الخروج من الضيق والشدة، وهذا هو الفرج والنصر والرزق، فَبَين أن فيها النصر والرزق، كما قال‏:‏ ‏{‏‏أَطْعَمَهُم مِّن جُوعٍ وَآمَنَهُم مِّنْ خَوْفٍ}‏‏ ‏[‏قريش‏:‏ 4‏]‏؛ ولهذا قال النبي صلى الله عليه وسلم "وهل تنصرون وترزقون إلا بضعفائكم‏؟‏ بدعائهم، وصلاتهم، واستغفارهم‏"‏‏ هذا لجلب المنفعة، وهذا لدفع المضرة‏.

‏‏ وأما التوكل فَبَين أن الله حسبه، أي‏:‏ كافيه، وفي هذا بيان التوكل علي الله من حيث أن الله يكفي المتوكل عليه، كما قال‏:‏ ‏{‏‏أَلَيْسَ اللَّهُ بِكَافٍ عَبْدَهُ‏} ‏[‏الزمر‏:‏ 36‏]‏ خلافا لمن قال‏:‏ ليس في التوكل إلا التفويض والرضا‏.‏

 

[نوفلتي]

الله يوفقج اختي وتحصلين اللي تبينه وتتزوجين ويرتفع حظج ونصيبج .. قصتج ذكرتني بأخوي الله يعطيه وينوله اللي في باله هالسنه بيكمل 25 سنه والحمدلله مخلص جامعه ولحين ماشتغل كل مايروح يقدم ينادونه ويسوون له مقابله ولين اجراءات التوظيف اخر شي اموره تتعطل الحمدلله لك الحمد الواحد مايدري وين نصيبه واهو مصلي ومسمي فديته وعارف ربه زين والسنه رايح الحج ياربي يعطيه كل الخير بس الواحد شيقول الخيره فيما اختاره الله ... الله يكتب لكم الخير والصلاح يارب ويعوض صبركم خير