نصب بعض الحريم

[اخت الغواص]

مرحبا بنات شخباركم امس رحت معرض الروضان والله العظيم لقيت نفس دراريعي عندهم والاسعار ضاربينها فوق حرام عليكم ليش هاالنصب والكذب على الحريم انا مااعمم بس الاغلبيه حيل نصب والي تبي دراريع البيت والحموله عندكم البيرق الخياطين والعربيد والصفاة وادعولي ان الله يسهل ولادتي :yaaaaaarb:

 

[دلع عبودي]

حرام الفروض ماتزايد بالسعر للدبل تبي تربح ترفعهم عشره عشرين مو الدبل الله يهدي الجميع والله يسهل عليك ويقومك بالسلامه

 

[اخت الغواص]

حرام الفروض ماتزايد بالسعر للدبل تبي تربح ترفعهم عشره عشرين مو الدبل الله يهدي الجميع والله يسهل عليك ويقومك بالسلامه

معاج حق تصدقين دراعه سويتها عند الصفاه ب 12 وعندها 35شفتي الفرق ومشكوره على على المرور

 

[*peace*]

ذابحهم الطمع

مشكوره

 

[بحه غياب]

اي الدراريع عاااديه والاسعار نااار

 

[tajrh]

ملبوس العافيه شكلها حلو

 

[امل ونجاح]

لا وصلت عندنا شكلها عادي جداً ب60 دينار

 

[عسوله ودلوعه]

صاجه اختي .

 

[foshia girl]

لو شنوو مااخذ من المعارض ,, والسبب الاسعار نار ..

 

[* ملكني الخوف *]

الحين طايحين بموضه يشترون بالجمله من خياييط البلوكات اللي فوق ويبعونه باسعار دبلااااات الله يسامحهم نصب والبنات يشترون ليشش

 

[manoooram]

حبيبتي النصب بكل مكان تتلقينه
تلقين بعض البنات بالمعارض لي يت تبيعج القطعه تعطيج رقم خيالي فيها واهي ما تسوى صراحه
مثال تقولج 100 واهي 20 ويخب عليها ليش الجشع والطمع !!!
والله ان صادفني موقف همن بمعرض الروضان .. بس حبيت أوضح العيب مو بمعرض الروضان ، العيب ببعض البنات اللي ينزلون بالمعارض
كنت وقتها عزكم الله لابسه شوز من h&m أسود ساده ب 3 دنانير
شفت بنت عارضته للبيع وحاطه فوقه خرز شوي يوم سألتها كم جان تقولي بشي وعشرين وان ماكو منه بالكويت بس من بره وبراند مادري شنو !!!!
استحقرتها وطفارتي من رب العالمين أحد يستغفلني قمت عزكم الله وريتها شوزي وقلتلها مو هذا اهو ؟؟
اهي ويهها صار أحمر وبعدها قامت تضحك جان أمشي عنها

 

[هواياااااا]

الله حسيبهم والله ما يطرح فيها البركه سبحانه 000 ماذبحنا الى جشعهم وطمعهم حسبى الله ونعم الوكيل

 

[حناينq8]

نادر ما اشتري من معارض
اروح انا ادور خام واتعب على الشي اهون علي