نصائح مهمه لكل مصممه

[DBDOB3 DES]

​

اليــوم موضوعي لادرس ولامسابقات نصائح موجه لكل مصممه بالقسم.

..اذا كنتي تبين تصميمج يطلع بمستوى فوق الممتاز..

فلازم تتقيدين بهالنصائح كلهــا وماتخلين ولانصيحة منها

اهم 10 نصائح للمبتدئات والمبدعات والمحترفات...


طبعــا النصائح خااصه لمصممات الفوتوشوب

..__..

نبتدي معاكم النصائح وتتكون من 10 نصائح..

..__..​

1/النصيحة الاولى..؟​

المزاج​

لازم يكون مزاجج عااااااااال العال وماوراج اي شي وانتي بتصممين وتكونين
فعلا مشتاقه تسوين تصميم وكأنج من زمان مو مسويه
تصميم فتكونين متحمسه بأنج بتسوين تصميم يديد.
..__..​

2/النصيحة الثانيـة..؟​

الهدوء​

لازم تكونين في مكان هادئ يعني بلحوش اذاماكو يهال او بدارج
وانا عندي خطه خاصه فيني اذا بسوي تصميم اقول حق اهلي بدش انام وانا داشه اصمم اقصرعلى الليتات واحط السماعات بأذني طبعا مو اغاني اناشيد واللاب توب بحظني ياااااااسلام..__..​

3/النصيحة الثالثة..؟​

الصوره​

لازم تختارين صوره الوانها واضحه لتصميممو قديمه والوانها باهته اوصغيره وايد وتكبرينها اكيد بيطلع شكلها مو حلومثلاً يعني تختارين مثلا صوره طير
وتكتبين شعر عن الطير..
مو تخربطين بالتصميم وتحطين صوره ياهل وتكتبين انتظر لقاك والياهل بالمهاد يعني تنتظرين يفج لمهاد ويروح لج سالفه هذي
لازم تكون صوره تابعه للكلام اللي بتحطينه ولازم تكون راكبة ع التصميم.

..__..​

4/النصيحة الرابعة..؟​

التسيق​

-لازم تنسقين بالتصميم بأحتراف ويكون التصميم مو مزدحم علشان يطلع بالشكل المطلوب.​

5/النصيحة الخامسة..؟​

الخطوط​

-لازم تختارين خط يركب على التصميم لانة الخطوط
مهمة في التصميم وتعطي جمال بالتصميم
ياااما تصاميم فاشلة ولاكن اللي محليتهم الخطوط
فحاولي انج تختار الخط المناسب.

..__..​

6/النصيحة السادسة..؟​

قلة الحركة​

لازم تكونين قليلة الحركة وانتي تصممين مو تتحركين وايد وخصوصا اذا كنتي مسويه
اشكال بالتصميم فلازم تقللين من الحركات وتسوي التصميم بأقل من مهلج
خليه ياخذ على الاقل 3 ساعات من شغل ايدج علشان يبين جمالة
لانة التصاميم اللي تاخذ من الوقت ربع ساعه تحسينه اي شي خرابيط.. الا اذا عندج طلبات عاد حاولي تكونين عارفه شنو بتسوين

..__..​

7/النصيحة السابعه..؟​

الفرش​

-حاولي بقدر ماتستطيعين ايجاد الفرش المثيره لتصميم اللي بتسوينه لانة الفرش تعطي روح لتصميم
فحاولي تختارين اجمل الفرش وتضعينها في تصاميمج..

..__..​

8/النصيحة الثامنة..؟​

التكرار​

-لاتكونين مكرره اعمالج اوا فكارج فالتكراريخليج مصممه محدودة الأفكار حاولي انج تكونين متجدده دائما في فكرج وفي كل شي بالتصميم السابق
يعني لاتحاولين انج تقلدين تصميمج السابقه .

..__..​

9/النصيحة التاسعه..؟​

الايطار​

-حاولي انج تسوين ايطار جديد وتخلين حركات الايطار مختلفه
دائما في تصاميمج علشان الناس تنبهر لاشافت اعمالج حشى نفنوف مو تصميم
فحاولي كل ماتسوين ايطار تخلينه يختلف عن ايطاراتج السابقه.
..__..​

10/النصيحة العاشرة..؟​

المطالعه​

حاولي تشوفين المصممين والمصممات المحترفين والمحترفات في اعمالهم وركزي في تصاميمهم
اكيد بتلاقين حركات حاولي تقلدين هالحركات بتصميمج بس لازم الحركة تكون
جديده عليج ماسويتيها من قبل وركزي على كل حركة يسووونها لانهم اخبر بهالشي
واذا مااعرفتي تسوين الحركة حاولي تسألين اي احد يعرف واكيد بيقولون لج اذا ماصار نذاله ​

_+_+_+_+_+​

هذي اهي النصائح اللي ترشدج لطريق الاحتراف
واكيد لو اتبعتي هالنصائح في تصاميمج بتوصلين فوق مرحلة الاحتراف
والله يوفقج ويوفق جميع المسلمين يارب..!!
اتمنى الكل يتبع هالنصايح لان بكل صراحه انا استفدت منها وايد​

 

[* مـذهـلـه *]

تسلمين يا الغاليه على هالنصايح المفيده ..

جهد تشكرين عليه يالمميزه
​

 

[PINK CHEEKS]

تسلمين ع النصايح ...​

 

[فجوره الحلوه]

مشكوره

namla

 

[DBDOB3 DES]

تسلمين يا الغاليه على هالنصايح المفيده ..

جهد تشكرين عليه يالمميزه
​

الله يسلمج يالغاليه يسلملي مرورج​

 

[DBDOB3 DES]

تسلمين ع النصايح ...​

الله يسلمج ان شاء الله تستفيدون منها​

 

[DBDOB3 DES]

مشكوره

namla

العفو فجوره حبيبتي مشكوره على المرور​

 

[sweet.q8]

يسلمووووو يا قلبي .....​

 

[لوميه]

بعد قلبي نموله

والله كلامج كله حكم ​

 

[DBDOB3 DES]

يسلمووووو يا قلبي .....​

الله يسلمج حبيبتي شاكره مرورج​

 

[DBDOB3 DES]

بعد قلبي نموله

والله كلامج كله حكم ​

يابعداهلي انتي فديتج على هلحجي ​

:eh_s(17):

 

[عاشقة روحها]

مشكووووووره يا قلبي على النصايح الحلوه...