نصائح لبنات الدور الثاني << كل المراحل ان شاء الله افيدج

[marmoosh]

بسم الله الرحمن الرحيم
السلام عليكم و رحمه الله و بركاته



اليوم بنات حابه اعطيكم نصائح حق الدور الثاني


بالبدايه احب اقول
لا تتوترون لان الموضوع سهل تماما
اول شي

اذا قالولج انتي دور ثاني لا تنسين تذكرين ربج و هذا قضاء و قدر

قدر الله وما شاء فعل


لا تتسيهلين الموضوع لأ الموضوع جدي
لا تقولين راح اينجحونا
لأن العام رفيجتي اخذت دور ثاني و غششوها
انتي ما تدرين
حظك نصيبك
مره تصيب و مره تخيب

منالبدايه ادرسي لا تقولين الشهر هذا ما راح ادرس
بدرس الشهر الياي
هذا اكبر خطأ
ما تدرين يمكن تسير عندج ظروف
و في طريقه حلوه و سهله
ابي اذا كانت عليج ماده وحده

اكتبي بورقه بيضاء
انا شاطره و راح انجح
انا قدها و قدود
لا تقولين الله يغث هالماده انها صعبه
لأ
اكتبي هذه افضل و اجمل ماده مرت علي في حياتي
والله يا بنات تكون سهله
وعلقي الورقه في كل مكان انتي تروحيله في البيت
واذا عندج تلفون صوريها و حطيها خلفيه
و بينج و بين نفسج لا تقولين هذا ما يفيد
لأ قولي هذا سر نجاحي و تفوقي
الكل يمكن من حواليج راح يضحك و يتطنز

بس انتي اثبتي لهم هذا
قولي مالكم شغل
و انا راح اثبت هذا

واذا كان عندج دور ثاني في اكثر من مادره
يعني 2 او 3 هذه الطريقه ما تنفع لأن هذه الطريقه
بس حق ماده وحده حسب كلام
المحاضرات اللي حضرتيها
و الكتاب يا بنات
من برا المغلف
اكتبي عليه
الماده حياتي و انا احبها
والله راح يسير عندكم انطباع

حتى لما تخلصون الدور الثاني
راح تحبون الماده
وادرسووووووووووووووووووووووووووووو
و لخصووو
مو تقولون ما نحب التلخيص
حتى لو على طرف الكتاب من كل صفحه
اكتبي شنو اهم شي مر عليج في الصفحه


و اتمني يا بنات الكل يستفيد من كلامي
و بالتوفيق لكل بنت عندها دور ثاني
ولا تنسون ذكر الله

 

[قبله الدياحين]

ياحياتي الله يوفقج
ومشكوره على النصائح الحلوووه
يعطيج العافيه

 

[العين الكحيله]

تسلميـن حبيبتى مآقصرتى
وان شالله كل الي عليهم دور ثانى ينجحوون:eh_s(2):

 

[memechii]

تسلمين على الموضوع يارب كل الي يايبين دور ثاني ينجحون

 

[مزن الكويت]

اللهم يااارب انه توووفق البناات الي عليهم دررو ثااااني وينجحووون
وان شاااء مايجبووون دور ثاني مررة ثانيه ياااارب وتوفقهم وتنجحهم ياااااااااارب