نساتي قوية حيل 

[حقوقيه زوغه]

السلام عليكم شلونكم بنات // بنات النساة قويه حيل مادري شسوي ما بقي شي ماخذيته جربت حبوب اوندا والثانين اللي اسمهم نوفدسكون وخذيت ابر لوعه وهم ماكو فايده امشي وارجع تكرمون وبكل مكان يعني حتي بمصافط الدوام رجعت وغيرت سيارتي ولايعه جبدي من شقتي وريلي وملابسي  نفسيتي تعبت مو قادره اعيش حياتي ولا اقدر اكل مثل اوادم كل شي يدش جبدي يطلع وجربت الحليب البارد وكرهته  تخيلو البس ملابسي ساعه بس علي ما استوعب ريحتها وحتي ريحه الكومفرت كرهته

 

[حقوقيه زوغه]

شنو الحل حق اللوعه  جربت سفن اب وليمون وبيرييه كل شي ما نفع معاي  احس جبدي حاره شنو تنصحوني اسوي 

 

[توفـــا]

الله يعينج علي اللوعه انا معاي لووعه بس مو القويه وزهقت منهاا ماني قادره استحملهاا شلون انتي ياريت البنات يلقون لنا حل حق اللوعه

 

[ع ـبدليه]

يقولون البسكوت المالح زين مع اني ماجربته
وعسى الله يسهل عليج ياقلبي

 

[زين ودلال]

واي واي وااااي ذكرتيني بالكومفرت وييييع لما كنت حامل كرهته وخليت الخدامه ترد تغسل الهدوم كلهاااااااااااااا وحتى هدوم بنتي

الله يعينج،، انا ماكنت اخذ شي تحملت لما نص الرابع تقريبا قالولي بسكوت مالح مافاد وياي الماي ماكنت اقدر اشرررررربه عايشه على لدربااات

الله يسهل عليج يارب وتخف نساتج ان شاء الله

 

[بتيخه]

الله يعينج اكلي بسكوت مالح لاتشربين سوائل مع الاكل وخلي اكلج خفيف كل ثلاث ساعات واذا تقدرين غيري مكانج يعني روحي عند اهلج اخذي راحه من الدوام واشتري ملابس يديده والله كريم

 

[حقوقيه زوغه]

اي اليوم مغيره رحت بيت اهلي  بنات حتي البسكوت المالح مايسوي شي  حتي ريحه السياره اليديده كرهتهااااا  وطبعا ماقدر اشم ريحه الناس سواء عطوراتهم والا بخور وحتي ريحه نفس الناس كله اشم ريحه ثوم فيهم حتي ريلي اشم ريحته ثوم معنه ما ياكل جذي سوالف  وتقلب جبدي ولازم معدتي فاضيه يعني انسدح ع الفراش توصلني ريحته اقوم ارجع  شسوي وايد قام يصير فيني هبوط لان ماكو اكل 

 

[غرام القمة]

هذا اللي ببطنج نفسيته خايسة وانفيسه ههههههههه اي
كل وحدة حسب نساتها يبين نفسيت الياهل
الله يعينج ويسهل عليج

 

[ام نواااف]

اي اليوم مغيره رحت بيت اهلي  بنات حتي البسكوت المالح مايسوي شي  حتي ريحه السياره اليديده كرهتهااااا  وطبعا ماقدر اشم ريحه الناس سواء عطوراتهم والا بخور وحتي ريحه نفس الناس كله اشم ريحه ثوم فيهم حتي ريلي اشم ريحته ثوم معنه ما ياكل جذي سوالف  وتقلب جبدي ولازم معدتي فاضيه يعني انسدح ع الفراش توصلني ريحته اقوم ارجع  شسوي وايد قام يصير فيني هبوط لان ماكو اكل 

والله ضحكتني ع هالرد ههههههههههههههههههه :eh_s(11):


لأنج موقاعده تاكلين
الدكتور قالي علاج اللوعه اهو الاكل كل ساعتين
اكلي كيكه خفيفه حليب بارد حاولي لاتجوعين
واذا كلش مااكلتي حطي دريب بالمستشفى موزين عشان الجفاف
سهالات بالرابع يروح

 

[معزوفه حنين]

الله يعينج

 

[(حكاية قلب )]

الله يعينك اكلي عيش ابيض مع روب يوقف اللوعة واشربي ماء وايد

 

[alooya]

الله يعينج انا كنت جذي و ظليت جذي لى اول اسبوع بالخامس
نزلت ١٠ كيلوات تقريبا وزني وصل لى ال ٥٠
كل ااسبوع اروح المستشفى و يحطولي مغذي و يغزوني ابرة اهني اب امريكا يسمونها زوفران
و حاشني جفاف انا حااااااسه فيج
والله اقول حق امي يمكن انسى الولادة بس ما انسى النساة
اشم ريحة زوجي بصل و ريحه شقتي زباله
كانوا يعطوني حبه احطها تحت اللسان عجييييييبة بس تخلص على طول ارد المستشفى
سالي عنها يمكن في بالكويت مادري
و البسكوت ما ينفع اكلي اشياء مالحه حامضه
و اشياء باردة لا تشربين شي حار
الخس كان يريحني ساعات و توست احطه بالتوستر مع جبن
بس بدون الحبه مااقدر اكل اظل ارجع طول اليوم لما يطلع دم
الله يعينج يارب و تروووووح النساة و تفتكين و تبدين تاكلين

 

[؛؛حلاوه؛؛]

انا بس تلوع جبدي اكل بطاط مالح جربي

 

[مترجمه]

واااااااي ذكرتين بذيك الايام شوفي في علج نعناع بالصيدليه للحوامل اسمه choooz روحي اشتريه وعلجي واكلي سناكس لاتثقلين كثري فواكه وخضره رمان فراوله اشياء حلوه وخفيفه وسلامتج

 

[حقوقيه زوغه]

هههههههههه غرام القمة تهقين نفسيته خايسه  والله بنات انا امي جذي كله ترجيع ولوعه اتوقع طلعت عليها الله يسهل علينا امورنا وولادتنا يارب 

 

[حقوقيه زوغه]

حتي علج chooz جربته تقلب جبدي منه 

 

[شنوووفه]

انا عله ولدي كنت جذي وعله حمالي هذا توها بدت فيني الله يعيينه والله

 

[*حــــــــــلا*]

جربي الجبن المالح

 

[travel_addicted]

وأي الله يعينج و ياجرج ذكرتيني ابحمالي كنت نفسج ارجع ٥ مرات باليوم و ماكو شي فادني
بس حبيبتي ضروري تروحين المستشفي تحطين درب لان الجفاف مو زين علي البيبي

 

[فكرة]

هنيئاً لك .. اتمنى اكون مثلك .. لأن النساة القوية دليل على قوة الحمل وصحته ..
انا مااتنسى ابداُ وجبت اولادي اربعة ولله الحمد بدون نساة .. لكن سقطت قبلهم مرتين وبعدهم ثلاث مرات ودائماً يموت الجنين وماادري انه مات .. لكن لو كنت اتنسى لكان شعرت على طول لان النساة راح تختفي فجأة .. مع ان الي يتنسون مايموت الجنين الا نااادراً

الله يساعدك ويبارك لك في حملك وعلى أجر أكيييد .