نزيف بعد الكلوميد

[بانانا]

السلام عليكم
بنات انا هالشهر اخذت كلوميد وابر تفجيرية
ومن بعد الابر التفجيرية بيومين بدا معاي نزيف
دم بني
سوت لي الدكتورة سونار طلع مو دم دورة
وقالتلي اذا بني عادي
المشكله الحين الدم صارله اكثر من اسبوعين ماوقف
وقرب موعد دورتي اليايه وماوقف الدم
في وحدة صار معاها مثلي ؟
وشنو السبب ؟
وهل ممكن اكون حامل ؟

 

[tbola]

اب اب اب

الله يرزقج بالذريه الصالحه ياربي

 

[رووح ابووها]

ااااااااااااااب

ان شاءالله حامل

 

[كوكو لاتي]

انا نفسج بالضبط

قبل شهرين اخذت كلوميد وابر منشطه ومن بعد اول ابره نزل دم بني وبعدين صار احمر ظل ١٠ ايام لاعت جبدي من نفسي

والدكتور يقول عادي مو دم دوره هذا من لخبطت الهرمونات وبعدها بجم يوم نزلت الدوره بوقتها بس دم خفيف جدا جدا وظلت الدوره ١٠ ايام

 

[بانانا]

مشكورين حبيباتي اللي رفعوا الموضوع
المشكلة يا كوكو لاتي أن الدم بني ماصار أحمر وصارله الحين اسبوعين ماوقف

وعلى قولتج لاعت جبدي من نفسي
أعصاب ونفسية وأفكار سووووداااء

 

[كوكو لاتي]

عادي انا نفس الشي كان بني وصار احمر يبيله جم يوم ويوقف

المشكله مو جذي المشكله ان شلون بتجامعين زوجج معا الدم تخيلي انا كان وقت نزول الدم كان في تبويض يعني لازم اجامع بس زوجي كان مسافر

 

[بانانا]

انا اشوا الدم بدا بعد التبويض ب3 أيام يعني خلصت الايام اللي لازم فيها جماع ، وداخله الحين على موعد الدورة ولي الحين الدم ماوقف
مادري شلون بعرف دم الدورة من هالدم

وتتوقعين يصير حمل مع الدم ؟؟
لأن البويضات حجمهم زين بس مادري اذا لخبطت هرمونات يصير حمل ولا لأ ؟

 

[كوكو لاتي]

اي عادي يصير حمل لان مو دوره حللي منزلي وشوفيوانشاءالله حامل

 

[بانانا]

تسلمين حبيبتي مشكورة الله يعطيج اللي بخاطرج

 

[yasmin10]

من شنو الدم ينزل؟
انا الحين ٣ يوم اخذ كلوميد بس دكتورتي ما قالتلي ان في شي اسمه ابر تفجيريه

 

[الأميرة جوري]

الله يرزقج يارب بس اللي اعرفه وقت التبويض ممكن ينزل دم بس ليش طول الشهر؟؟؟

 

[بانانا]

من شنو الدم ينزل؟
انا الحين 3 يوم اخذ كلوميد بس دكتورتي ما قالتلي ان في شي اسمه ابر تفجيريه

الابر التفجيرية تعطيج اياها يوم التبويض بعد ما تتأكد ان حجم البويضة مناسب للتلقيح

الله يرزقج يارب بس اللي اعرفه وقت التبويض ممكن ينزل دم بس ليش طول الشهر؟؟؟

مادري والله طول صارله اسبوعين :eh_s(2):

 

[ابدا يالغالي مانساك]

اتوقع هذا حماااااال حبيبتي انا جذيه يوووم حملت ينزل بني
فانتي مو دم ليش تقولي دم افرررررراز بني
فانتي اهم شي لاتعبين حااااالج
انتي جم صارلج يوم من عقب الابره 14
يوم حللي

 

[بانانا]

اتوقع هذا حماااااال حبيبتي انا جذيه يوووم حملت ينزل بني
فانتي مو دم ليش تقولي دم افرررررراز بني
فانتي اهم شي لاتعبين حااااالج
انتي جم صارلج يوم من عقب الابره 14
يوم حللي

لا حبيبتي مو افراز بني خفيف دم بني غامج ووايد كثر دم الدورة

مادري من شنو


وحللت اليوم الفير طلع خط واحد واضح نطرته 5 دقايق وبعدين نمت قعدت الصبح جان اشوف خط ثاني خفيييف حيل
مادري حمل ولا لا !!؟ *