نزل دم وانا في بداية حملي ... ساعدوني

[rachaaa]

بنات الله يخليكم ساعدوني تعبت
بنات انا في اول حمالي هدا الحمل الخامس لي الاربعا الي طافو كلهم اجهاض والله يعوض علي قولو امين
انا سويت طفل انابيب هالمره والحمدالله صار حمل بس بنات اول مره ينزل معي دم بحملء حتي بالاجهاض ماكان ينزل دم ولا شي كان بس يوقف نمو الجنين

هالمره ماادري ببداية حملي نزل مني دم مع العلم امس رحت عالدكتور سوالي سونار قالي ان الكيس موجود ومايدري ليش الدم
بنات منو نزل منها دم وكمل حمله
ربي لا تذرني فردا وانت خير الوارثين

 

[orange blossom]

انا اللي اعرفه ان اذا دم خفيف عادي ما يأثر
و دام ان الدكتور قايل الحمدلله كل شي طبيعي
فإنشالله خير
و الله يتمم عليج يارب

 

[rachaaa]

الدم خفيف اصلا مو عطول ينزل يعني نزل العصر واللحين مافي شي شوي ينزل وشوي يوقف
بس خااااايف

 

[الأميرة جوري]

الله يثبت حملج ويتمم عليج يارب أنا ينزل اذا تأخرت الدوره ...>>دليل الحمل حسب ماسمعت لا اكثر ولا اقل بس انتي اهتمي بنفسج لا تحركين وايد نامي علي طول لا تقومين الا لضروره

 

[ريتاج_90]

في بعضهم تنزل عليهم الدورة واهما حمل
بسس تأكدي مٍـٍْ♡̨̐ـِْْنْ دكتورج
وقولي له ان ينزل. عليج خفيف

والله يثبت حملج وتفرحين بشوفته ياااارب
مووووفقه

 

[Mrs.H]

انا نزل علي دم ببداية حملي و وقف وحمدلله انا بالسادس

 

[أأأميرة الورد]

الله يتمم حملج على خيييير ويثبته

اخذي مثبات وبيبي اسبرين دام عندج اجهاضات قبل

 

[خاشعة للرحمن]

أختي أخذي مثبتات أحسن والله يثبته لج ويفرح قلبج فيه ورقي نفسج

 

[لميني ياضلوعه]

يمكن انج اشتغلتي وايد ولا تحركتي كثير او انج رافعه شئ ثقيل

انتبهي لنفسج ولا تشيل اي شئ وزنه ثقيل

ان شاء الله خير حبيبتي بس يبي لج رااااااااااااااااااااحه

 

[امـ خــزامـى]

ان شاءالله مافيه الا العافيه
تفاائلي خييييييييير ولاتخافين اهم شي ارتاااااحي

وكثيييييير ينزل معاهم دم وماشاءالله كمل حملهم ولدووا عاادي

 

[blue rose]

الله يثبت حملج ان شاء الله انا نزل علي دم ببجري والحمدالله اخذت مثبتتات ووقف الدم وكمل حملي ويبت ولدي الله يخليه لي وبحملي الثاني الحمدالله مانزل علي دم والحين بالحمل الثالث قاعد ينزل دم واكثر من حملي الاول واخذت ابره وحبوب تثبيت بس لي الحين الدم والله يسهل ويكتب اللي فيه الخير

 

[بنفسجيه_Q8]

الله يثبت حملج ويرزقج

 

[bnt_kwt]

حبوبه استشيري دكتورج بكل شي افضل من ارائنا المختلفه
وعشان يتطمن قلبج بالمره

انا على كلام اللي اراجع عندهم دكتور ودكتوره انه طالما عندج اجهاض سابق من بدايه الحمل تاخذين بيبي اسبرين
وفي حاله حدوث نزف اثناء الحمل يوقفون الاسبرين لانه الاسبرين يزيد سيوله الدم

وفي حاله النزف يعطون ابر مثبته وحبوب دوفاستون وان شاء الله يوقف النزف ويثبت الحمل

الله يتمم عليج ويثبت حملج بس نصيحه اخذي الاستشاره من اهل الاختصاص افضل وايد

 

[Potato]

الله يثبت حملج
اخذي مثبتات ابر وحبوب وارتاحي و ممنوع الجماع لين يوقف الدم
انا نزل علي دم اول حمالي جنه دوره ولونه احمر وما كنت ادري اني حامل و بفضل الله وقف الدم
لا تخافين وكلي امرج لله وتصدقي داوو مرضاكم بالصدقه

 

[rachaaa]

حبيبتي ان اخد تحاميل مثبت وديفستون والجماع ممنوع نهائي
يارب ارزقني الحمل التام وياقي البنات بس الي عندها معلومة لا تبخل علي

 

[TINA]

رشا حبيبتي انا بحملي نزل دم نزيف بالشهر الثالث كنت و رحت الدكتور قال في كيس دم ما بيعرف السبب بس مو مأثر على الجنين و عطاني ابره و حبوب دوفستون و اجازة اسبوع بدون حركة و الحمدلله ثبت حملي و جبت بنوته الله يتمم عليكي يا رب و يعطيكي طفل سليم معافى و يفرح قلبك

 

[دانة_ دبي]

حبيبتي انا نزل معاي دم خفيف ف بداية حملي

ان شاء الله ما فيج شي بس ارتاحي و لا تمشين واييييييييد و اكلي اكل صحي و فواكه

 

[rachaaa]

الله يطمن قلبكم انشالله انا يوم الاثنين سونار النبض يارب يارب يارب اسمعه وارتاح

 

[حنوشتي]

هلا حبيبتي ان شاءالله مافيج شيء والله يثبت حملج بس اختي حبيت اسالج انتي كم اسبوع صار لج من الحمل انا حامل وبالاسبوع السابع راح اخلصه ولكن رحت على الدكتورة وسوتلي سونار لكن تقولي الطفل ضعيف والنبض مو مبين وبصراحة خايفة مع العلم انا سويت تحليل دم وطلعت النتيجة ضعف فوق الطبيعي وقالو احتمال توأم

 

[rachaaa]

حبيبتي انا توني بالاسبوع 4 ويوم الاثنين الجاي المفروض اسوي سونار مره تانية
اكون با5 انشالله بس وايد مستغربة دم ومغص بسيطبالبطن هذا عادي

حبيبتي ادا في نبض خليهم يعطوج ابر الله يثبت حملك وحمل كل البنات