نزلي وزنج 9 كيلو بالإسبوع

[سآق نملة]

يعطيج العافية بس اسماء الاعشاب غريييبة ..

 

[laymona]

الي تنزل 9 كيلو حلفتج بالله ما تقطينهم



عطيني ياهم :krkrkr:

 

[dnyay_mll]

رد : نزلي وزنج 9 كيلو بالإسبوع

انا بحاول ادور مكوناتها ان شاءالله وبقولكم

وبعض الاعشاب موجوده عندي

ان شاءالله طعمها زين

محتاجه اطيح حتى لو 5 كيلو رااااضيه

 

[قطوه سوده]

هالخلطه شريتها وما استخدمتها امي زفتني
بس اتوقع ريلي يستخدمها الحين ويمكن استخدمها معاه واقولكم النتايج انشاءالله

بشري اصار على ريلج ضعف ولا بعد من الخلطه.:eh_s(10):......
وانتي استخدمتيها ولا بد؟؟ ومن وين لقيتي الاعشاب ؟ من اي حواي؟؟

 

[مذهــلــه]

يعطيج ألف عافية حبيبتي

بس بصراحة انا وسواسية من الاعشاب .. لان فعلا تأثر على الهرمونات

يعني نصيحة مجربة ... لاتكثرون من الاعشاب .. مرة استمريت على المريمية والله مو أكثر من اسبوع لخبطتلي الدورة فوق تحت

يعني لاتقولون اعشاب وآمنة ... لا بالعكس لها آثار جانبية حالها حال الادوية

 

[kwt.2012]

اممممممممممم
خاست بطونا من هالاعشاب مافي الا نسكر حلوجنا وبس

 

[(عروسة حبيبي)]

مشكوره حبيبتي
بس أحس فيه مضره
آنه نزلت هالوزن بشهر ومع مساج تخسيس صج تغير جسمي ​

 

[نونو88]

حبوبه

انا نص الاعشاب ماعرفتهم

حتى الحواج ما عرفهم

اذا لهم اسم ثاني ياليت تقولينه لنا

ارطامس , سندروس

زومه , لحا المشموس

اساميهم غريبه

 

[Mona Lisa]

لازم نتاكد من هالاعشاب شكلهم قوى فان شاء الله البنات يفيدونا

 

[misse-london]

دورت بالنت عن الأعشاب بس ما لقيت حبب التوت الأسود


السندروس هو المادة الراتنجية التي تشبه الصمغ الى حد كبير والتي تفرزها اغصان النبات والمتمركزة في قشور الاغصان. ونبات السندروس عبارة عن شجيرة ذات اوراق متقابلة منحنية عند قمتها الى الاسفل وازهار على نهاية الاغصان وتوجد لنبات السندروس نبات انثى وآخر ذكر وازهار الانثى اصغر من الذكر.
الموطن الأصلي للبنات شمال افريقيا وبالاخص في المغرب والجزائر. يعرف نبات السندروس علمياً باسم Tetraclinis Articulata.



أرطميس: هو نبات معمر.

.​

وناعم ، مخدد ينبع تنمو 1-5 أقدام وتحمل بديلة ، يترك ريشي الشكل التي هي على رأس الاخضر وناعم تحت.

.​

ومنشورات والخطية إلى وخشن مسنن.

.​

وبالإضافة إلى ذلك ، هناك ردة القاعدية يترك ريشي الشكل من أن اجتياز فصل الشتاء.




البقدونس عشب حولي يصل ارتفاعه إلى 30سم ساقه منتصبة واوراقه مركبة ذات خضرة زاهية متجعدة وازهاره صغيرة بيضاء تنمو في عناقيد، وله بذور صغيرة مضلعة، يعرف البقدونس باسماء مثل البقدتوس والمقدونس والبقدنوس يعرف علمياً باسم PrtroseLinumcrisPus من الفصيلة الخيمية، الجزء المستعمل من النبات: الاوراق والبذور والجذور. أعتقد ان هو المطلووب



اما زومه هذي غلط اسمها الصح زوفه او زوفا وهي عشبة للتخسيس
متوفرين عند عطار بسوق الديره يمني يم الصراريف <<< هاذي قالتها اختي ماريمار الكويت>>>




لحا الشموس مو موجود باي مكان لان اللي كتب اسم هالعشبه غلط المفروض اسمها لحاء بمعنى ( بذرة) المشموس مالها اي صحه <<<< أختي ماريمار الكويت >>>>

الشمر

يانسون

السنامكي

 

[kukuk]

رد : نزلي وزنج 9 كيلو بالإسبوع

مرحبا بنات شخباركم؟ انا جمعت الاعشاب هذي من السعوديه واكلتها اسبوع ونزلت 4 كيلو بدون رجيم وشريت مقدارين والحين ماابيها لاني سويت عملية تبرع كلى وبصراحه خايفه استمر عليها وااااانا الحين حابه ابيعها ب15 دينار

 

[missnohaa]

لالالالالالالالالالالالالالالالالالالالالالالالالالالالالالالالالالالالالا

بنات سنامكى 6 مرات :rgewrg: باليوم ؟؟؟؟؟؟؟؟؟؟؟



ديروووووووووا بالكم موزين لا تروح فيها امعائكم
مو اى شىء تقرونه اتطبقونه

 

[فجر_الكويت]

رد : نزلي وزنج 9 كيلو بالإسبوع

يعطيكم العافيه

 

[ياشوقي للجوري]

رد : نزلي وزنج 9 كيلو بالإسبوع

السنا مكي يشرب مرة كل 6شهور والخلطة تبين ناكلو 6مرات باليوم
لا الخلطة كلش مو صحية راح تلعب بالامعاء الدقيقة تضر ماتنفع

 

[shahooda123]

هذى الخلطة تكرمون راح تخليكم بالحمام فاكيد الواحد بيضعف تسعة كيلو ديرو بالكم موزينة

 

[ĆŭŧΣ Ḟầсe ㋡]

يسسلمووو ع هيك موضوع

 

[روح عاشقها]

كلها اعشاب غريبة
وين نلقاهم؟

 

[بدلية]

استغفر الله جنها اسامي ينانوة مو اعشاب لووول ودي اجربها بس ماعرف المكونات هذي

 

[Miss DeTTOL]

ودي اضعف