نرحب بانضمام المحامية :: عبير غازي الحداد .. للاجابة على استفساراتكم

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

الساعة المباركة أستاذه عبير الحداد

اهلا وسهلا فيج دشيت اسجل ترحيب فيج

أنا كنت معاج بالمرحلة المتوسطة

اهلا وسهلا فيج يالغاليه حيالله صديقات الدراسه
مشكوووووره حبيبتي على ترحيبج من ذوقج وطيبج

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

عساج على القوة أستاذة عبير

وشكرا مقدما على سعة صدرج للرد على استفسارات الخوات.

عزيزه وغاليه اختي..والنعم فيج وبكل العضوات الكريمات
وأنا حاضر ولي الشرف اني اكون معاكم في اجمل منتدى
شكرا عالترحيب وانشالله اكون عند حسن ظنكم جميعا حياكم الله.

 

[Mona Lisa]

رد : نرحب بانضمام المحامية :: عبير غازي الحداد .. للاجابة على استفساراتكم

يعطيج العافيه وبيض الله ويهج يا بنت الكويت وحياج الله يا اخت عبير بينا

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

كيف ممكن اثبات اهمال الحاضنه و اسقاطها ؟

اذا الطفل دائماً مريض أو مصاب و يتغيب عن الروضه

اختي الكريمه..من أهم شروط استحقاق الحضانه صيانة المحضون نفسيا ومعنويا
يعني يفترض بمستلم الحضانه ان يحافظ على المحضون تماما سواء من الناحيه الصحيه او من الناحيه التربويه
لذلك مرض المحضون المستمر وغيابه عن الروضه اذا ثبت ان ناتج عن اهمال الحاضنه وعدم قدرتها على رعاية المحضون وادارة شئونه
يؤدي بالتاكيد الى فقدانها اهم شروط استحقاقها للحضانه وهو الامانه ويمكن اثبات هذي المور بالتالي

1-احضار شهاده من الروضه تثبت تكرار غياب الصغير او الصغيره.
2-تقارير طبيه تفيد مرض المحضون المستمر الناتج عن سوء الرعايه او سوء التغذيه وعدم الاهتمام.
3-شهادة الشهود.

 

[ام عفاف الكويت]

حيااااج الله بينا محاميتنا عبير
ونورتي كويتيات ياقلبي

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

حياج الله حبيبتي والساعه لمباركه ولاتواخذيني اذا ماذكرتج تدرين تمر علي حلات نفس ولدج الله يحفظه وايد باليوم فوق السبع ثمان حالات
عموما شوفي يالغاليه..
بخصوص المؤخر الي سلمه الولد بدون توثيق ماكان في شهود حضروا العقد الجديد ويشهدون ان سلمها المبلغ؟
ثانيا..ولدج الله يهديه بعد ما استلمت منه الثلاث الاف يرد يكتب على نفسه مبلغ كبير مثل هذا؟؟
لاحول ولاقوة الا بالله بس الي فهمته من كلامج ان زوجته ماديه موضوعج يبيله شهود تاكدي اذا في شهود والا لأ
والا راح نظطر نلجأ لليمين الحاسمه وانا بالنسبه لي دايما اخليها اخر الحلول لما مايكون عند الموكل ولا دليل
حياج الله يالغاليه..

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

يعطيج العافيه

" رفيجتي تحب واحد مصري و بيروحون يتزوجون بمصر اهي عمرها 25 و هو 28 اهلها مو راضيين ، السؤال هل يحق لهم يصدرون قرار منع دخوله البلد مرة ثانيه أو يشتكون عليه بالمخفر؟
و شكرا

اهلا وسهلا فيج سمسمه..شوفي حبيبتي
قانونيا مش من حق اهلها يمنعونه من دخول الكويت لان المنع هذا لازم يكون صادر بناء على قضيه يتم الحكم فيها على الاجنبي
وبالتالي ابعاده عم البلد بعدد تمضية عقوبته المحكوم عليه فيها.
اما بالنسبه لزواج صديقتج اتمنى عليج انج تنصحينها لان صديقك من صدقك.. والموضوع ماهو موضوع جنسيات مع احترامي للجنسيه المصريه
ولكل الجنسيات بس صدقيني حبيبتي ان الاهل مايرفضون زواج بنتهم الي اهوا ستر لها الا لسبب يمكن صديقتج موشايفته
وانا شايفه ان عمرها 25 سنه يعني توها صغيره.
اضافه الى سبب مهم جدا لازم تعرفه صديقتج انها سواء بالكويت او في مصر ماراح تقدر تتزوجه الا بموافقة الولي الشرعي لها الي هو والدها او اخوها اذا كان الوالد متوفي وهذا طبقا لقانون الاحوال الكويتي لانها اكيد اذا تزوجت راح تحتاج لتوثيق عقد زواجها وبدون
موافقة الولي الشرعي لها ماراح تقدر توثق عقدها وراح تدخل في متاهات ومشاكل مالها اخر خصوصا اذا صار في اطفال

اتمنى اني وضحت الصوره وشكرا حبيبتي

 

[ام هزاع]

يعطيج العافية اختنا الغالية .... ونشكرك على سعة صدرج وتقبل مشاكلنا ..

اختي ندي استفسار اذا تسمحين لي :

اللي زوجها مصاب بانفصام شخصية بس اهله يقولون انه ملبوس ... شنو تقدر تسوي ؟ يعني هو ماعنده ملف بالطب النفسي .. واهله تاركينه ومو قاعدين يعالجونه .. شنو تقدر زوجته تسوي ؟

 

[ماعرفتك زين!!]

رد : نرحب بانضمام المحامية :: عبير غازي الحداد .. للاجابة على استفساراتكم

حياج الله محاميتنا الفاضله
ياريت تردين علي انا سالتج باول صفحه ومشكوووره

 

[xxx]

رد : نرحب بانضمام المحامية :: عبير غازي الحداد .. للاجابة على استفساراتكم

السلام عليكم ورحمة الله وبركاته
...عزيزاتي عضوات المنتدى اسمحولي اولا اتقدم بالشكر لمديرة المنتدى*بنت الكويت*
على الاستضافه الكريمه..واشكركم انتو كذلك على ترحيبكم الكريم واقولكم ان من الشرف لي ان اتواجد معاكم بالمنتدى
وانشالله اكون عند حسن ظنكم واقدر اريح بالكم واجاوب على جميع استفساراتكم القانونيه..واسمحولي عالتأخير بالرد عليكم لظروف سفري
واوعدكم اني من اليوم راح اكون موجوده للرد على استفساراتكم وسعيده بالتواصل معاكم..

شرفتينا ونورتينا

:eh_s(17):

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

في سؤال ثاني من رفيجتي

زوجها يطقها
صورت الاصابات و ويها المتعور
هل ممكن ان يطلقها القاضي لما يشوف الصور بدون تقرير طبي ؟

اختي الكريمه بالنسبه لسؤالج..للأسف الصور الفوتغرافيه ماتعتبر دليل على تعدي الزوج على زوجته بالضرب
لان الصور مافيها دليل على ان الاصابات كانت نتيجة ضرب الزوج لها
وممكن اثبات اسائته لها وتعديه عليها بالضرب بشهادة الشهود ويفضل وجود تقارير طبيه والحصول على التقارير مو صعب
اذا راحت المستشفى وكشفت وطلبت تسجيل تقرير طبي بالتعدي بالضرب يعني موضروري تسجل قضيه تقدر تسوي التقرير
وتحتفظ فيه للضروره ولوقت الحاجه.

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

سلام عليكم شكرا لحظورج وشكرا لمديرت المنتدا

انا مطلقه من المذهب الجعفري وبعد شهر اطلع من العده عرفت انه لي مؤخر ونفقه ثلاث اشهر لان طلاقي رجعي لاكن لم استلم شي اقدراطالب فيهم وشلون الطريقه
وعندي ممتلكات ما اخذتهاا مثل ثلاجه وبراده وشكله مايبي يعطينيهم فاشلون اقدر اخذهم
وحابه اسال اذا كام في نفقة متعه لان زواجي استمر خمس اشهر فقط
واذا وهل اقدر ارفع قضية تعويض

هلا فيج يالغاليه وشكرا على الترحيب
بالنسبه لسؤالج..اولا بالنسبه للمؤخر يكون لج حق تطالبين فيه اذا تم الاتفاق على مؤخر في عقد الزواج
وبالنسبه للمذهب الجعفري يحق للزوجه ان تطالب بمؤخر الصداق حتى في حال قيام الحياة الزوجيه واستمرارها اذا تم النص على ذلك في عقد الزواج
يعني اذا في بعقد زواجج مؤخر يحق لج ترفعين دعوى وتطالبين فيه وهذا مضمون لان تم الاتفاق عليه بالعقد ويعتبر دين على الزوج
اما بالنسبه لنفقة الثلاث شهور هذي اسمها نفقة العده وتستحقها كل مطلقه خلال عدتها الشرعيه الي اهيا ثلاث شهور بدون حمل وحسب وقت الوضع للمطلقه الحامل.
وتقدرين تطالبين فيهم عن طريق رفع دعوى اسمها دعوى مطالبه بمؤخر صداق ونفقة عده ومتعه
اما عن المتعه فحسب كلامج ان الزواج دام خمس شهور فقط بهالحاله الامر متروك للقاضي المعروضه الدعوى امامه يشوف من مفردات الدعوى مدى استحقاقج لمبلغ المتعه من عدمه.
اما بخصوص التعويض انتي ماذكرتيلي تعويض عن شنو..عموما التعويض يستحقه اي شخص وقع عليه ضرر متى ما استطاع اثبات الضرر الواقع عليه

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

حياج الله حبيبتي انا الي سعيده بوجودي معاكم واسعد اكثر بالاجابه على استفساراتكم
حبيبتي بخصوص صديقتج طالما هي حاضنه من حقها اجرة حضانه ونفقه لبنتها وخدامه وثمن استقدامها ومعاش الخدامه واجرة مسكن الحضانه
بس هذا كله يعتمد على مدى يسار واعسار الزوج ومثل ماتفضلتي ان ماعنده وضيفه وهالحاله مرت علي وايد بهالحاله اذا كانت تدري او تعرف شنو مصدر دخله تقدر تييب شهود وبناء على شهادتهم القاضي يحكملها بنفقه او ان من كلامها عن طريقة صرفه على نفسه يحكم لها القاضي بنفقه تسمى نفقة كفايه يتم تقديرها بواسطة القاضي بدون مايكون في وظيفه ولاشهادة راتب
وشكرا..

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

حياج الله حبيبتي وشكرا عالترحيب والله يهون عليج ويقومج بالسلامه
بخصوص الطفل مايحقله يطالبج فيه له ان يرفع دعوى رؤيه وكون ان مولود وصغير راح تكون الرؤيه عندج في بيت اهلج
اما بخصوص سن الحضانه فللولد لما يوصل سن البلوغ وغالبا يكون 15 سنه اما البنت تنتهي حضانتها بالزواج والدخول الفعلي
اما بخصوص الخدامه طبعا من حقج تطلبين منه خدامه للطفل ويدفع فلوس استقدامها وملزوم براتبها بعد
وانصحج بعد الولاده انشالله ترفعين دعوى حضانه ونفقه للمولود عشان تضمنين حقه
اما بخصوص الاسم للاسف الاب اهوا الي يسوي اجراءات شهادة الميلاد والاسم ومايحقلج تغيرين الاسم الا اذا كان الاسم مدعاة للسخريه
او فيه عيب او يعتبر شتيمه
وحياج الله حبيبتي الله يسهل عليج ويقومج بالسلامه

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

حياج الله حبيبتي بخصوص التنازل اختج ماتملك الحق في انها تتنازل عن نفقة اولادها لان ابوهم ملزم بالانفاق عليهم
ومفروض ان محاميها يبلغها بهالكلام
اما بخصوص حقها الشرعي وحرمانها منه هذا يعتبر ضرر ولازم تقول هالكلام حق القاضي او حق محاميها عشان يقوله حق القاضي
ولاحياء في الدين وهي زوجته على سنة الله ورسوله ابدا مافي احراج من انها تبين الضرر الواقع عليها منه عشان ماتضيع حقوقها
وشكرا حبيبتي عالمشاركه

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

هلا حبيبتي..يجوز للمطلقه ان تطالب بنفقة العده والمتعه طالما ما استلمتهم بس يفضل انها ماتتأخر اكثر من هالوقت
اما بالنسبه للمبلغ فتحديده يعتبر سلطه تقديريه للقاضي تعتمد على راتب الزوج وعلى الاسباب المؤديه للطلاق والضرر كان من اي طرف فيهم

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

هلا فيج حبيبتي بالنسبه للرخص مافي خوف طالما لغيتي الوكاله بس يريت تتأكدين اذا مافي عليج مبالغ او رسوم احتمال كانت متجمده وانتي ماتدرين لان
الوكاله كانت باسم زوجج..ومن ناحية الاجار تقدرين تأجرينهم سواء عليه او على غيره بس لاتعطين المستأجر يكون له حق التوقيع عشان ماتدخلين في متاهات الاقامات..

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

حبيبتي القانون يعطي الزوجه الحق في طلب الطلاق
1-لعدم الانفاق
2-للغيبه او الهجر
3-للضرر
وحالتج تعتبر ضرر ومن حقج تطلبين الطلاق متى ما اثبتي الضرر الي تتعرضين له منه
الله يعينج..

 

[المحامية / عبير غازي الحداد]

رد : رد: نرحب بانضمام المحامية :: عبير غازي الحداد .. للاجابة على استفساراتكم

هلا فيج حبيبتي الله يسلمج يوصل انشالله
وشكرا

 

[المحامية / عبير غازي الحداد]

رد : نرحب بانضمام المحامية :: عبير غازي الحداد .. للاجابة على استفساراتكم

مشكوره حبيبتي من طيبج