ندمانة ندم على سني

[prettysoul]

لبست سني وبصراحة ندمانة حييييييييل
ومأتمنى يرجع لي سني الطبيعي مع إنه انبرد
كيف أسوي؟؟

 

[>الحنان كله<]

اب
اب
والله ماعرف جان فدتج بس ماحبيت ادخل بدون ماارفع الموضوع

 

[Vous jamais]

استشيري الدكتور

سنج الطبيعي انسيه خلاص

و إذا ما عجبج التلبيس يضبطه لج الدكتور

أو يغير التلبيسة ..

هونيها وتهون ..

 

[قطوة@@]

للو شنوو ما يرد لانه انبررد


انتي شنو ملبسته سيراميك .. زيركون .. فينير

و اي ضرس يمكن اقدر افيدج

 

[دلع ابوها2]

لبست سني وبصراحة ندمانة حييييييييل
ومأتمنى يرجع لي سني الطبيعي مع إنه انبرد
كيف أسوي؟؟

ليييييش ندمااانه ؟ لأن انا وراي تلبيس ما ابي اتندم

 

[softlady]

ليش ندمانه حبيبتي عسى ماشر؟؟

 

[prettysoul]

أقسم بالله ندمانة أشد الندم ونفسي أعطي نصف عمري ويرجع سني الطبيعي.

هو موضرس سن من القواطع المامية في الفك العلوي.
كان رفيع كأنه ناب خلقه
بردته الطبيبة ولبسته
سيراميك
هي قالت لي أحسن من التلبيسات الثانية.
ألحين اللثة تطلع ريحة مو زينة
وأحس كأني حاطة حصى في فمي موسن تلبيسة.
حتى لونه موعاجبني شوي أغمق من باقي أسناني
لما أضحك في فرق بينه وبين أسناني الثانية.
يعني مااستفدت شيء ولاحتى أضاف لشكلي شيء
بصراحة السن الرفيع كان مميزني.
أنا غلطتي إني ماسمعت كلام آخر طبيب رحت له قاللي خلقة ربنا مافيش مثلها
وأمي حذرتني
وأنا بعد ماصلليت استخارة

وشكل التلبيسة موضابط مع باقي أسناني.
ومومرتاحة له.
كلمتها وقالت تعالي .

 

[Mo9a7iya]

والله ماادري خرعتووني
ياارب يرد مثل ما تبينه

 

[قطوة@@]

شوفي السيراميك مو شي للاسنان الاماميه عندج الفينير و اللومينير هذول احسن شي طبعا سعرهم مرتفع اشوي

و اكيد راح ابين لانج مسويه بس سن واحد اذا بسوين اسنانج اللي فوقو لازم الاربعه على شان الشكل


و اذا يطلع ريحه روحي لها قولي يطلع ريحه .. مو مركبته عدل و لا مو قياس ضرسج

 

[softlady]

يطلع ريحه لان الاكل ينحشر داخل فيعفن

هذه اي عياده حبيبتي ؟؟

وترى لازم تعيدين التركيب اذا تبين اسألج توه رفيجتي مسويه

 

[بنت الاحلام]

طيب روحي دكتور ثاني يمكن التلبسيه نوعيتها مو زينه
انا امي مسويه تلبسه عادي حلوه تهبل بس الظاهر العياده مو زينه

 

[one two 3]

اي عياده هاذي ؟؟؟؟؟؟؟؟؟

 

[prettysoul]

أنا الحمدلله أنظف أسناني دائما.
المشكلة في اللثة بعد ماركبت التلبيسة لما ألمسها وأشم أصابعي ريحتها كريهة.
طبعا رحت عند الطبيبة
وقالت لي ماشاء الله مافيكي شيء
وأنكرت إن عندي مشكلة.
ونظفت لي السن ودفعت عشرة دينار
ورجعت والمشكلة مثل ماهي.
العيادة في مستشفى السلام عند الدكتورة آلاء
ويشهد علي ربي إني ما أتبلى عليها.
أنا إللي استاهل
ما صلليت استخارة.
ولاسمعت كلام أمي.
ألحين أنا موعارفة عند أي طبيب أروح
مستشفى هادي أو الميدان إلي في الفحيحيل؟؟؟

 

[..~Goolz]

حياتي ريحي نفسج

الي راح راح حتى لو تندمتي حاولي تتقبلين شكلج بالبدايه صعب بس تتعودين يصير شكلج مقبول بنسبه لج

عادي حبوبه اغلبنان تلبس ضروس والحياه ماشيه ما توقف عند ضرس
وسعي صدرج بس

 

[ذهب أبيض]

هلا حبوبة
والله ما كنت بدش بس شفت موضوعج ما حبيت أطالع بدون لأأعطيج إلي أعرفة
بصراحة ما عندي خبرة بالأسنان بس ما شاء الله زميلتنا قطوة شكلها تفهم بالهاسوالف
بس بقولج شغلة في وحدة تعالج عند عيادة بهمن وتمدحها ما أدري شمسوية بالضبط بس جنه جسر المهم تمدح شغلهم .....الله يستر أنا أكره الأسنان وألحين أعالج بالميدان لأنه قريب حيل من عندنا ما أقدر للبعيد حتى ما ادري عنهم زينين ولا لأ ..


بنات إذا تعرفون عن بهمن فيدوها .....قلبي معاج طمنينا