نداء لمراهقات الثمانينات يطري عليكم؟

[عهود الحب]

دعاية سيجنال تو ايااااااااااام أأأأأأأااول تهبل

شوفوها وتذكروا ريحة المعجون اللي مافرشنا فيه وعقب تحسفنا :eh_s(4):
http://www.youtube.com/watch?v=d6Kz...t/2008/11/22/signal2/&feature=player_embedded​

 

[غير كل الناس]

الللله من ايام مضت

 

[لؤلؤة الكويتْ]

يحليلكم تونسون .. ناديت اختي مثلكم مواليد الثمانينات ..

انا مواليد التسعينات ومراهقتي بالالفينيات يعني الحين

 

[عهود الحب]

الله يازين ريحة الثمانينات
تذكرني بشفر ابوي
شفت الدعاية لبرنامج عن الشهيد فهد الاحمد الله يرحمه
وتأثرت
نفس سيارة ابوي
دنيا

 

[{ عبره وهلت }]

ههههههههههههههههه ياحلوكم

 

[@ام ضاري@]

تذكرون قبل بطل البيبسي والسفن أب

ندور العلامه

(مربع - دائرة - مثلث)

لازم نشوف العلامه قبل لانشربه


:krkrkr: :krkrkr:




تذكرون هالبرااااااااااية

نحطها من داخل النفنوف مال المدرسة يعني كشخه

ههههههههههههههههههه

:dddds: :dddds:

ههههههههههههه كانت غرامي سالفة ها البرايه يعننني

ولا سالي ابجي ابي نفس مديلاتهاا مابي غيرهم وااااااااي شخباري

 

[@ام ضاري@]

من كان يذكر الفلم المدبلج تريزه واااااااي حتى عجايزناا يقعدون عليه وقصدو فيه قصيده لووووووووووووووول

حتى ستلايت مافي بس مصر وام ي سي عزالله

 

[القلب الصافي]

وااااااااااااااااااااااااي مت من الضحك ذكرتووووني هههههههههههههههههههههه

 

[معكرونه أسبكتى يم يم]

واااااااااااااااااااى ايااااااام ماتنسي

تذكرون الحجاب شطوووله والنشا من صباح الله خير والجنطه لركبه شكو ............ تذكرون قلبي معك حقت الرويشد وشلون هبينا فيها هبه ........... تذكرون الفرقه اللبنانيه اللى يغنون عنا جار ببرارا ليل نهار ببرارا ويه اياااااام

 

[عهود الحب]

http://filesplus.abunawaf.com/2007-02/item-lEA34qSjVb.pdf

هذا ملف يعرض كل شي تبون تعرفونه عن جريندايزر


وناسة خاصة للي مثلي قبل يموتون بشي اسمه دووووووووكفليييييييد

 

[عهود الحب]

هههههههههههههههه معكرونة اهم شي الحجاب لي الركب ههههههههههههههههههه
والنشاااااااااااااا تقول ورقة من كثر ما احنا موقفين حجابنا


اول ماشوف صوري اضححك
امبيه زلمة قاعدة ولا اندونيسية على هالحجاب الابيض ههههههههههههه

 

[مطيريه ماركه]

لاتوقفون بليز أنا مواليد الثمانينات بس طفولتي تسعينات

 

[امونه الحلوه]

لوووووووووول يا حلاتكم
تدرون ما ادري شقاعدين تتكلمون عنه لاني اساسا مواليدي بالثمانينات يحليلكم احس مراهقتكم براااءة حدها مو الحين اللهم يا كافي

 

[السنعة وبس]

الله احلى موضوع مر علي أنا أرشح الموضوع يكون مثبت على طول علشان نتذكر المراهقه النظيفه مو مثل ألحين مافيه براءه كل شي فاهمينه وعني أنا اذكر المسلسل على القناة الثانيه أعتقد أسمه السياره العجيبه وأسم البطل ديفيد موصح

 

[ظلال القرآن]

مراهقتي الثمانينات الله كانت ايام الحجابات البيض والنشا واخواني يتسلطون علي لا تحطين نشا واقعد ابجي عند ابوي يهاوشهم يقولون يبا ترا تبي تطلع قذلتها ابوي مسكين يرقع يسوي روحه ماسمع الكلمه يقولهم مالكم شغل فيها واذا يبون يحرقون اعابي يخشون النشا تبدا صفاره الانذار من الصبح واي طلعات البر بنوصيب والبشوت والذبحه عند محل نوران جنه يبيع بلاش امبيه الكويتين من زمان اهل هبه

 

[قوت الأرواح]

نسيت إني مواليد الثمانينات يعني هذا كله ما أذكره؟؟؟؟؟؟؟؟؟؟؟؟؟

 

[meshmeshaa]

اى والله احلا ايام ما ادرى عشان احنا كنا صغار ولا صج ذيك الايام حلوه ؟

تذكرون قصات الشعر اللى هبت المدرج وقصه الاسد والله يخلى الجل

وتذكرون هذى الشباصه

وهالجلود اللى كنا نلبسهم نقلد المغنين

والحمره السحريه اللى هبوا فيها الحريم وكنا نبوقها ونحط منها ولا متوهقين ما تروح مهما تمسحين :dddds:

وهاللعبه اللى ما نمل منها

لى رجعه :tek:

 

[meshmeshaa]

وبالنسبه للاغانى كت احب مادونا

وفى اغنيه افريقيه ما اعرف منو يغنيها >>>>>>يكى كينمو يكي يكى >>>>> كنت استانس عليها
وهذا المغنى hammer واغنيته Can’t Touch This

وهذى الممثله التركيه كنت احبها وكله اقلد شعرها اسمها هوليا وكانت تمثل مع ابراهيم تاتلوسيس كنت اموت على اغانيه وكنت اشوف احا فيلم لهم mavi mavi

 

[meshmeshaa]

اما فى الاغانى العربيه فكنت احب ابو بكر سالم

عمرو دياب واغنيته ميال
ورابح صقر واغنيه صابرين
نبيل الشعيل يا شمس لا تغيبي
ويوسف المطرف كنت وايد احب اغانيه رساله و حبيبي يا نور العين
وكنت احب هذى الشخصيه وكنت انا ورفيجتى معلقين صورته بالصف وتصدقون ولا ابله تاجينه تقولنا ليش حاطين هالصوره >>>>>>>>اللى هو بو زعلان

وشريهان وما ادراك ما شيرهان كنت استانس على الفوازير مالتها

 

[meshmeshaa]

انا جنى استانست وايد وبكتب كتاب عن ذكرياتي :eh_s(6):
بس حلو الواحد يتذكر ايامه الحلوه
والبحين بالنسبه للملابس كنا بالمدرسه بالشتا هابين بالبلوفر فوق القميص ونطلع القميص من تحت وساعات نلبس كرفته يعنى موديل :dddds:

والجيبكلوت بدعنا فيه

ومحل فاشن واي كان فضيع كل شئ فيه
وبنطلونات الجينز اللى كان جذيه شكلها

او تكون مقطعه واذا ما حصلنا قطعنا بنطلوناتنا وخربناهم >>>>>>>كله فى سبيل الموضه


وبس خلاص :wqedqw: