نداء لمراهقات الثمانينات يطري عليكم؟

[*البدرة*]

ههههههههههههههههههههه العروسه
تذكرون اغنية
هو يا هووو روح ولا تبلالي..
هو يا هو خلني بحالي
محمد البلوشي صج قديم للحين لمن اشوفه اتذكر الثمانينات هههههههههههههههههههه
"
"
"
تذكرون القلم اللي قيه الوان بالترتيب
انتي تشيلين الراس وتحطينه فوق ويطلع لون ثاني
ههههههههههههههههههه
كانت تحفه بالنسبه لي اتشيحط فيها وايد ههههه
والا المسطره المشرشره هههههههههههههاي

 

[bo6aa6ee]

واي تذكرت شي حده يفطس من الضحك تذكرون لما كنا نوقف طابور بالمدرسه و بعدين لما تيي رفيجتج تخلينا جدامج و بعدين تقولين ابي ايي جدام يعني عشان الي وراج ماتفلسف عليج كااااااااااااااااااااك كنت وايد اسوييها

 

[بنت عبدالله]

على طاري المذكرة أم ألوان وأم قفل
يطري عليكم لمن نشتريها ونفرفر على الابلات وعلى البنات
و"ممكن تكتبين لي في مذكرتي...؟"
:eh_s(10):

والا الدفتر الريكورد الأزرق
اللي يصير فيه أسئلة وتعطينه البنات ويجاوبونج على أسئلتج
والله والله والله
مادري شنو كانت تركيبة مخنا في ذيج الحزة
:080402ask_prv:

يطري عليكم لمن كانوا اييبون لنا الابلات اللي من التطبيقي
(عندهم تربية عملية) والبنات اللي يركضون وراهم
ويعطونهم ورد...؟ :eh_s(7):


نعــــــــــــــــــــــــــــم
أعطي الابلة ورد...؟؟؟!!!!
:s142:​

 

[يمّه مني]

عاد يايتني تتقلب وتقولي يما تعالي ابي اكلمج بموضوع بدارج
قلت خير طلعت عيني قلت لايكون بلوغ بسن مبكر بسم الله ماتهنيت بالطفوله معاهم ست سنين ياوييييييييييييييليييييييييييييييي لايكون بنتي بلغت (حيث ان عندها شوارب))

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ
امبيه كوين مت ضحك على ردج خخخخخخخخخخخخ

سالفت التبني لي نصيب فيها اخوي كان يقولي انتي موبنتنه كله يقولي لونج غير عنه كان محسر فيني علبو موبنتهم
يتدرب فيني كراتيه واحنا كنه ابيت يدي عايشين وماكنه انسميه الا بابا فقلت خلالاص انه يدي ويدتي اهما اهلي الصجيين
وتمت هالسالفه املازمتني لين وصلت 10 سنين لاحظو يعني كبيره وافهم..
فحبيت اثبت اني صايده الحركه فشوفو السؤال الغبي اللي سالته حق امي
قلت لها اشلون بابا وماما ( يدي ويدتي ) ايصيرون ابوج وامج ؟؟ احنا اخوان ؟ ليش اتخليني اناديج ماما ؟
ههههههههههههههههههه بعديييييييييين امي اشرحتلي الوضع ياااااالله اقتنعت :wqedqw:

مايذكر عليكم الحلاو اللي يصبغ بالحلج ؟؟
احمر
ازرق
بنفسجي
اخضر

تذكرون
سيسي سيه ميمي مييه ازهار الربيع خخخخخخخ
بس جنه تكملتها فيها مسبات :050103nbh_prv:

 

[زيـنـه]

سيسي سيه ميمي مييه ازهار الربيع خخخخخخخ

و هي دي تتنسي .. هذه من التراث
اخوتي يا اخوتي .. فين البابا .. بابا في المدينه .. يطحن طحينه .. --- > تراث زلمات بحت !

 

[زيـنـه]

تذكرووووون

لا تقووولووون ما مرت علينا ... ترى ما اصدقكم !!

:lololoe:

 

[عهود الحب]

شحلاتكم انتوا


وياحلات سنين الثمانينات
لوندري بالالفية حزن وهموم وعيال وبيت
ما دورنا الكبر والمراهقة
جان ظلينا اطفال نخرج للدنيا
يرعانا الله ويحمينا


الثمانينات مرحلة افتح يا سمسم
والطفولة البريئة

 

[يابختي]

و هي دي تتنسي .. هذه من التراث
اخوتي يا اخوتي .. فين البابا .. بابا في المدينه .. يطحن طحينه .. --- > تراث زلمات بحت !

لا موجذيه... اختي يا اختي فين البطة ... البطة ماتت...فين دفنوها...ب****** عيب اقول


وسالفة التبني اثاريها بكل بيت..انا اخوي اللي اكبر مني يقولي لاقيج عند الزبالة...ما ادري اي فلم شايف...


لا وازيدكم من الطين بله..اول يوم غزو وكنت كبيرة بعد مو ياهل...اختي تقولي..خلاص يابختي..الحين صدام بياخذج لي بغداد تحتفلين بعيد ميلادج معاه.. ليش ان عيد ميلادي بنفس حزة عيد ميلاده..وظليت ايام الغزو كلها متصرقة...خايفة يفتشون ويلقون بطاقتي ويسون عيد ميلادي مع الريس... جنه كان فاضي لي الله يقطه بجهنم

 

[saratee]

عهود الحب آآآآآآآآآآآآآآآآه يا ويل قلبي عز الله كفيتي ووفيتيعن جد عيوني تغورقو دمووووع يا حلوها من ايام والله لولا عيالي حواليني اذوني جان بجيت انا اذكر طلعتنا كل خميس البلاجات صوب واجهة فرايديز ايامها ما كان موجود فرايديز وكنا نمشي علي الواجهات لمن تحوشنا والله الرماتيزم وهم ما نمل تنبط جبد امي واهي تلحقنا اخرتها تشيش ابوي علينا عاد نخاف ونركب السياره بعد متحسفين

 

[يابختي]

تذكرون الخليجية قبل اول ما فتحوها..كان محل من اكثر من طابق متروس اغراض..اشتري منه اقلام حق المدرسة...يعني كشخة

 

[just-me]

تذكرون الخليجية قبل اول ما فتحوها..كان محل من اكثر من طابق متروس اغراض..اشتري منه اقلام حق المدرسة...يعني كشخة

مو بس جذي كان حفل الافتتاح طق ( يايبين نوره المطربة الشعبية تطق و تغني ) شكو .. :080402ask_prv:

تالي حطو خبر بالجريدة ما دري مني اشترت شغلة ... بيه اشدعوه وصلت لي الاعلان بالجريدة ان وحدة اشترت منهم ....:bbbiu:

 

[just-me]

تذكرووووون

لا تقووولووون ما مرت علينا ... ترى ما اصدقكم !!

:lololoe:

بلا بلا بلاهذي التفاخية ( طيط ) ....:tongue22:ما بقى أحد ما خليناه يقعد عليها جانه يدري و مجاملنا و الا دقه مسوينها فيه .....

ما زالت موجودة بس وين تنباع ودي اضحك اليهال فيها نفس ما تقطعت مصارينا من الضحك ...

 

[**Jumana**]

تذكرون الدفتر اللي نكتب فيه اهداءات حق بعض ..

اللي بكون فبه قفل و ريحه من داخل؟

نظام 3 أرباع ابنات كاتبين

اتمنى لكي الفوز و انت تأكلين الموز ...

أتمنى لكي النجاح و انت تأكلين التفاح ...

بعدين ... اكتب لكي بالمقلوب .. حتى تتجمع الفلوب

كاااااااااااااااااااااااااااااااااااااااااااااااااااااااااااككككككككككككككك

والله ايام نكته

 

[i'am THE ONE]

سلاااااامتك سلامتك نود لك سلامتك
لأنك الانسان تعمر الاوطان نود لك سلامتك

ورجاء محمد
وين راحت مادري

وبعد


الخدامة الالية فيكي

ريمنقتون ستتتتيل منو ماتحطم فؤادها عند خشته
واي يمه الحين ماحبه :/




ناو وي كان سي قود باي تو أول اوف يو


سي يو مادري متى


اي اي قاع ارطن مير مكسر خخخخخخخخخخخخخخ


تتذكرووووووون نادي ميكي ماوس

قولوا منو فيكم ماحلمت تكون عضوه مرموقة فيه ومنو فيكم ماوقفت ورقصت مثلهم
ومنو فيكم ماتحطمت بالاشقراني بو ضريسات لولو


يخرب بيتهم يازين ايامهم
كانوا يهبلون

مشاركتك كامله تشبهني باجي المشاركات احس جني اكبر منهم او اصغر :080402ask_prv:

وسمعت ان رجاء تزوجت واعتزلت وايد اشوفها في مذر كير مره كانت حامل بس لا زالت ناعمه وكيوت

 

[i'am THE ONE]

مادري تكلمتوا عنها او لا

العجيبه ساندي بل
ولا الحلقه اللي لبست المايوه وانقطع المسلسل حسافه

 

[coffee]

خايفة يفتشون ويلقون بطاقتي ويسون عيد ميلادي مع الريس

لووووووووووووووووووووووووووووووووووول!! هلا بالماجده هههه

تذكرون ايام هبو بالديكوريشن يحطون سدو وفرو خروف على الارض لوووووووووول!
والا ايام الكرافي اللي منها وفيها الراديو ههههههه
تذكرون الاسطوانات السوود الكبار وياويله اللي يحوش الابره لووول بشتخته حديثه
تذكرون نوع مسجل (استيريو) اللي اشرطته مثل اشرطة الاتاري.. والتلفزيون بوفره بو اريل فوقه واذا تشوش حطينه علاق حديد يمه ويضبط والله ابتكارات لوول والا تلفزيون بوبابين والله كان كيوت نسكره لي خلصنا
تذكرون لما هبينا نسوي ختم اللي حبره منه وفيه باسمنا واسم العايله يعني يكون وزرا ههههه

 

[~*~الملكة~*~]

لووووووووول يابختي حلووووه سالفة عيدميلادج مع صدام

كملووووووو

 

[يابختي]

مو بس جذي كان حفل الافتتاح طق ( يايبين نوره المطربة الشعبية تطق و تغني ) شكو .. :080402ask_prv:

تالي حطو خبر بالجريدة ما دري مني اشترت شغلة ... بيه اشدعوه وصلت لي الاعلان بالجريدة ان وحدة اشترت منهم ....:bbbiu:

صج.... تصدقين اول مرة اسمع.. بس اذكر اشكثر هبينا فيه....

لووووووووووووووووووووووووووووووووووول!! هلا بالماجده هههه

لووووووووول يابختي حلووووه سالفة عيدميلادج مع صدام

كملووووووو

تضحكوون ها..... ... ترى من صجي كنت خايفة... ظليت ايام الغزو كلها منخشة بالبيت... مو راضية اطلع...

 

[سبائك]

مادري تكلمتوا عنها او لا

العجيبه ساندي بل
ولا الحلقه اللي لبست المايوه وانقطع المسلسل حسافه

اييييييييييييي ياكرههم يوم قطعوها للحيييييييييين بقلبي محتره منهم:eh_s(13):

 

[just-me]

يطري عليكم ...أجمل جميلات هوليوود بذيج الأيام

فوبي كيتس



بنات منو تقدر تنزل صورتها ...لو أعرف ماراح أقصر بس الكبر شين ما أعرف

والصراحة اهيه طلعت بكذا

مسلسل و فلم بس نسيتهم (( مو قلنا الكبر شين ))

:dddds:​