نداء لمراهقات الثمانينات يطري عليكم؟

[omjasim]

:O_SHH_:كنكم نسيتوا ماما انيسه
والفنان الصغير محمد الشيخ ومن حياه الشعوب اللى يضيق الخلق :cxxxp:ووالتلفزيون لما يفتح العصر الساعة اربع ويطلع المقلم وبعدين النشيد الوطنى وبعدين القرآن الكريم ويكون واحد من اخوانا ينطر يخلص القراية علشان ينا دينا من الحوش اللى نلعب فية مع عيال عمنا واخوانا ويصرخ باعلى صوته يالله قال صدق الله العظيم واحنا نقط اللي بايدنا وسيدا ركض عالصاله ننطر المذيعه تعد البرامج واحنا شنا بنغالية ننطرها تقول اسم البباي مالنا اوقات سعيدة اتمناها لكم لاطفالنا الاعزاء مع بيبيروا والنسر الذهبي
أو ريمى او سوسن انتي يا روحى زهرة والا فارس الفضاء او الفتى ياقوت وبشار يا بشار وزينه ونحول وبندق الب الاسمر
بعد تبون تري اذكرهم :eh_s(13):ما عرفنا العنف كل طفولتنا وبباياتنا كانت رومانسية واطفال يدورون امهاتهم او ابهاتهم مافي مجرمين والوان فسفورية وعليك اللعنه صح

 

[coffee]

قلتها مو يمكن تونا ساكنين بيتنا وابي اعرف رقمنا؟
ابي رقمنا عطيني اياه
مسكينه عطتني اياه

لوووووووووووول ما اعبر على التحليل المنطقي

اذكر ولد خالتي مات علي من الضحك بطها بويهي قال لي شنو حاطة بفنيلتج كلنكس؟؟
خخخخخخخخخخخخخخخخخخخخخخخخخخخخخخخخخخ
انزين راع مشاعري !!!!! اعدم انوثتي يومها

لوووووووووووووووووووووووووووووول!!! لا انا الله وكيلج حدبت والسبه بخشه من الحيا وادور لبس بوطبقتين اريح

تذكرون لما نزرع باجيلا على قطن بصحن ونحطه بدريشة المطبخ
تذكرون سيشوار بو هوووووووووووز واي يدغدغ مشاعري لي تذكرته
تذكرون هبة الكحل (آي لاينر) بو صمغ!! اللي لي بغينا نشيله ينشال جنه صمغ ههه حده ابتكار
تذكرون صمغ بو سيكوتين لوووووووووول اللي نصبه ابايدنا تالي نشلعه

 

[احساس طفلهـ]

ههههههههههههههههههههههههههههههههههههههههههههههههههههههههه


ونستونى بستعااااااااااااااااده ذكرياااااااااااااااااااااااااااااااااااااات كنت قد بدات انساااااااااااااااااااااااها مع الايااااااااااااااااااااااااااااااااام


اسعدكم الله فى الدارين وحقق لكم امااااااااااااانيكم

 

[بنت عبدالله]

يطري عليكم شوربة العدس مالت المدارس الحارة اللذيذة..؟
لمن ياخذونا الأبلات من صفوفنا ويخلونا نمشي "ثنتين ثنتين" -يالله من فضلك- ونروح
صالة الالعاب و كانت الطاولات مصففة وصحونا جاهزة ومغلفة بنايلون
(عاد فيها موزة والا خبيزة وجبينة والابرتقالة)
وبوادي الشوربة مع جدرها العووووووووووووووووووووووود
الطباخات يدورون علينا
واحنا ننطر هالشوربة على أحر من الجمر والعيون تتلاقط..
اللهم يا كافي تقولون مستلغثين على الأكل...:eh_s(13):
المهم كان خووووش ريوووق ومايتعوض..

:stars: :stars:

ويطري عليكم أغنية عنا جار مالت فرقة بندلي:
عنا جاااار
بابابابابارابار
ليل نهار
بابابابابارابار
يدخن غليونه..غليونه
مخه كبير وعأله صغير
وعألاته نونو يا نونو
:stars: :stars:

وتذكرون لمن كنا نسطر سطرين مجابل بعض بالفرصة
نلعب لعبة الذيب ونغني
اللي فيها الذيب يجابل السطرة ويبي ياخذ وحدة من بناتهم وهم يحمونها
ومادري شيغنون (ماذكر حده غبااااااااااااااااااااااااااااااااار) بس اذكر
((مادري شنو...مادري شنو..
بعدين أبي بنية حلوة ومتينة
مثل الماكينة
بعدين تقول
عيني على ذيك الورا ذيك الورا))
وتطب عليها وتخمطها من مجموعتها

:stars: :stars:


وتذكرون ((بنت الأبلة))
لا زم تذكرونها -لأني كنت بنت الابلة- والكل تحت أمري :eh_s(3):
والله ما أذكر اني يووم وقفت بطابووور المقصف
ولا أذكر إني في حفلات المدرسة ماصرت انا العروووس
(ساعات الدعلة بنت الناظرة يخلونها) :eh_s(13):
بس لازم آنا أصير
لأن أمي كانت اتصمم الرقصات :eh_s(3):


والله والله والله كانت خوووش أيام​

 

[just-me]

هلا بالحبيبات الغاليات .... ألحين بطيح على البنات اللي صج كانوا هابين معاي بهالشغلة ....:eh_s(8):

تذكرون التي شيرتات اللي عليها صورة ليمونة كبيرة و ريحتها ليمون والبلوزة صفرة والليمونة فيها سمايل فيس ؟؟ و

اللي على فروالة ريحتها طبعا فراوية .. والموز نفس الشي ....

و التوت البنفسجي ...؟؟؟

تتذكرونهم أنا ما أذكر من وين شريناهم بس أتذكر اني مع خواتي كل وحدة شرت ثنتين ...

وبعد أسبوع دروا بنات خالتي و طاروا اشتروا مثلنا ...:O_SHH_:. بس الغريبة حتى لو غسلنا التي شيرت تظل الريحة ... بييييييييييييه

صج شغل أول مضبوط مو ألحين أي كلام ... منو لحقت على هالبلايز ؟؟؟

 

[بنت عبدالله]

:stars::stars::stars:

تذكرت اغنية اللعبة و((الظيـــــــــــم))
:eh_s(3):

وحدة تجندس بالأرض(يعني خروف)..ووحدة (دعلة) ساحبة ريلها
ويغنوون

اللي ساحبة الريل تغني:خروف مسلسل
ويردون عليها:هدوه

اللي ساحبة الريل تغني:تراهو ياكم
ويردون عليها:هدوه

اللي ساحبة الريل تغني:ياكل عشاكم
ويردون عليها:هدوه

اللي ساحبة الريل تغني:في ريله قراحة
ويردون عليها:هدوه

اللي ساحبة الريل تغني:كبر البراحة
ويردون عليها:هدوه

وبعدين اللي ساحبة الريل تصرخ وتقولهم:أهداااااااااااااااااااااه
ويردون عليها:هديــــــــــــــــــــــــــــــــه
اللي ساحبة الريل ترد تقولهم:أهدااااااااااااااااااه
ويردون عليها:هديــــــــــــــــــــــــــــــــه
وتهده (الدعلة) واهم يخشون (المسيجينة اللي عليها الدور"تنوكل"وراهم)

وال(خروفة) المسلسلة توقف وتجابلهم وتقولهم: عيني على ذيج الورا ذيج الورا ذيج الورا
ويردون عليها: إرجع وروح وإكل (.......) إكل (.......) إكل (.........)

وياخذها الخرووووف (مو الذيب) غصب (بعد مايلحقها ويصيدها) وتصير بداله (خرووف مسلسل)

وعلى هالمنوال لي تنتهي الفرصة (وساعات الخرووف يأخرنا)

:O_SHH_:

والله فشلة على برستيجنا

:stars::stars:
​

 

[عهود الحب]

هههههههههههههههههههههه
ام جااااااااااااااسم انتي اختي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لامستحيل هذي ساللللفة طفولتنا للحين اذكرها والله


صج صج صج انتي اختي مومعقولة


صدق الله العظيم < هذي اهم شي عشان البباي


والله بديت اشك

 

[just-me]

[QUOTE=أمواج البحر;5919660]اي والله صاجه الحين البنات الصغار عبالهم صكينا الاربعين هههههههههه صح مراهقتنا كانت بالتسعينات



من قال ان احنا صكينا الأربعينات ...؟؟؟

:eh_s(14)::eh_s(14)::eh_s(14):

لايما بعدنا بالثلاثينات بس كنا بسم الله علينا حريم سنع و رد و بدل :tek:

و صج كنا مراهقات بالثمانينات لأن بلغنا مبجر ( أتكلم عني وعن بنات صفي ) أنا بلغت أم 11 فمن اهني اشتغلت المراهقة

بس صج أيام حدها حلوة ....و باليت في طريقة نطل على روحنا و نمد ايدنا نسنع القذلة و نعدل التهتمل و التفتا اللي هبينا فيه:jumpon::jumpon:[/COLOR]

 

[عهود الحب]

فنايل الليمون ؟؟؟؟؟؟؟؟
جنه مارة علي
ترى الزهماير بالطريج :/
بديت انسى
والله كأني اتذكر فنايل ام فواكه بس شوي يبيلي اعصر مخيخي :/

 

[عهود الحب]

انا بأول الثمانينات كان عمري ست سنين ولما الغزو كنت بالثانوي
يعني لساتنا بيبيااااااااااااااااات :$:$:$
فديتونا احلى جيل جيلنا للعلم

الكل يقولون احلى جيل جيل مراهقين الثمانينات

 

[أمواج البحر]

[quote=أمواج البحر;5919660]اي والله صاجه الحين البنات الصغار عبالهم صكينا الاربعين هههههههههه صح مراهقتنا كانت بالتسعينات



من قال ان احنا صكينا الأربعينات ...؟؟؟

:eh_s(14)::eh_s(14)::eh_s(14):

لايما بعدنا بالثلاثينات بس كنا بسم الله علينا حريم سنع و رد و بدل :tek:

و صج كنا مراهقات بالثمانينات لأن بلغنا مبجر ( أتكلم عني وعن بنات صفي ) أنا بلغت أم 11 فمن اهني اشتغلت المراهقة

بس صج أيام حدها حلوة ....و باليت في طريقة نطل على روحنا و نمد ايدنا نسنع القذلة و نعدل التهتمل و التفتا اللي هبينا فيه:jumpon::jumpon:[/color]

اي والله صدقتي بس ترى انا لساتي بالعشرينات باقيلي جم سنه وادش الثلاثين

 

[just-me]

وهذا سالبة قلوب الشباب

وهذا مستحيل ماتتذكروونه

واي واي واي لأ لأ لأ ما أصدق عهود الحب ... أبدعتي ... من وين طلعتي فيلكس ذا كات ؟؟؟؟ تذكرين حلقة كابوم اللي اهوه رجل الأسكيمو القصير مايبين و جهه بس يقول كابوم ينهدم الجبل و الطوفة كابوووووم ما انهدم بيتنا ؟؟؟:eh_s(3)::eh_s(3):

 

[just-me]

اي والله صدقتي بس ترى انا لساتي بالعشرينات باقيلي جم سنه وادش الثلاثين

العمر كله يارب تعيشينه بهنا و سعادة ....:eh_s(8):

 

[just-me]

فنايل الليمون ؟؟؟؟؟؟؟؟
جنه مارة علي
ترى الزهماير بالطريج :/
بديت انسى
والله كأني اتذكر فنايل ام فواكه بس شوي يبيلي اعصر مخيخي :/

هلا بالغالية .... انا يمكن سوالفي عتيجة شوي أكثر منكم بحكم اني كنت الجعده في بيتنا ... فسوالف الهبات و المسلسلات و الموضة و الملابس كلها بسبب ان خواتي أكبر مني فكنت أهب وياهم مع اني صغيرة مثل بنات التسعينات مع بنات الثمانينات و هلم جره ( أبلة عطيات اشتغلت ):eh_s(3)::eh_s(3): ...
اهمه كانوا مراهقات السبعينات ( شخباري شارلستون وميني جوب اللي على أصوله ... الله الهادي والله كان عن جهل حتى الحجاب أمي و خواتي يقولون ما كان في متحجبات الا اخر السبعينات أول الثمانينات ...و الحمدلله اهمه أول من تحجب بس طبعا حجاب بو ذيل و هدب وشراشيب و ضيم .... ):cxxxp:
فعشان جذي أنا معاصرة و قتهم و وقتي (( حلوة معاصرة حشى الملكة اليزابيث ....ككككخخخخخخخخخخخخخ ))

 

[xxx]

تذكرون


نيرفاناااااااااااااااااااااا

و


رانيا برغوث

كانو اجمل مذيعتين هههههههههههه

:eh_s(3): :eh_s(3):

 

[omjasim]

اختى عهود الحب بزيدك بعد جرعه ذكريات مغبره هاهاها تذكرون الباباى الضفدعين الخضر اللى واحد ذكى ومشتط والثانى فقير الذبان يحوس فوق قبعته وياكل طق من الاول كل ما غلط ؟؟؟؟؟؟؟؟؟
وتذكون وقتنا اللى للاسف ما استانسنا بالقرقيعان بسبه المجرمين اللى يذبحون اليهال مثل علي الذيب وما اااااا دري شساميهم الباقين
وتذكرون القالات اللى يمنا ويطرشونا اهلنا نشترى حق البنات الكبار شوى مجلات مثل الشبكه والموعد واليقظة وروايااااااااااااااااااااات عبير:33_1185028183:

 

[omjasim]

اقصد بقالات دكان يم البيت :tek: والبياعه بعد مالت المهارة اليمنين بياع بياع اللى ما دري شلون امى تفهم رطنته :rerrerek:
وتذكرون البركه اللى بالحوش واللي نطل فيها ويخرعنا ظلنا لما نشوفه عبالنا الينى :lololoe:
وااااااي كح كح غبار يانى تنك:eh_s(8):اكمل والا انطر ردوودكم
احبابنا سيرو سيرو نغدو الي الحظن الكبير بعد شنو ؟؟؟؟

 

[Pink GirL]

هلا بالحبيبات الغاليات .... ألحين بطيح على البنات اللي صج كانوا هابين معاي بهالشغلة ....:eh_s(8):

تذكرون التي شيرتات اللي عليها صورة ليمونة كبيرة و ريحتها ليمون والبلوزة صفرة والليمونة فيها سمايل فيس ؟؟ و

اللي على فروالة ريحتها طبعا فراوية .. والموز نفس الشي ....

و التوت البنفسجي ...؟؟؟

تتذكرونهم أنا ما أذكر من وين شريناهم بس أتذكر اني مع خواتي كل وحدة شرت ثنتين ...

وبعد أسبوع دروا بنات خالتي و طاروا اشتروا مثلنا ..._shh_:. بس الغريبة حتى لو غسلنا التي شيرت تظل الريحة ... بييييييييييييه

صج شغل أول مضبوط مو ألحين أي كلام ... منو لحقت على هالبلايز ؟؟؟

انا ما اذكر هالتيشيرتات
بس كان اكوو كرة ناخذها المدرسة للبدنية على فواكهه وفيها ريحة الفواكهه بعد

 

[نفيشه]

تذكرون هالاغنية؟

شفت لي وحدة مشخوطة
لكن حلوة وشمحوطة
شوفتها تعدل الراس
مثل القهوة المضبوطة
مثل القهوة المزبوووووووووطااااااااااااااااااااا
ووووويع
ووووووووووووويع

 

[~*~الملكة~*~]

ليش نذكر عربانه البرد يم المدارس

كاهي لي الحين الله يخليها ولايقطعها من الديره
يمشي ويطقطق جرس برررررررررررد بررررررررررررررد بررررررررررررد
ليش لازم صوته نشاز؟<<<<ممثلا تبين تامر حسني يبيع برد!!

اياااااااااااام


انزين تذكرون ايام قبل من المملل ندقدق علي البداله نطلب رقم بيتنا؟
والعله ان ندري ان رقمنا يطلع عندهم
بس ليش نقثهم مادري

هل في احد كان يسوي هالشي غيري؟
اذكر مره دقيت قلتهم ابي رقم بيت افلان الفلاني (ابوي) بالمنطقه الفلانيه
جان ترد علي البداله تقولي نفس الرقم اللي داقه منه مايحتاج اعلمج
قلتها مو يمكن تونا ساكنين بيتنا وابي اعرف رقمنا؟
ابي رقمنا عطيني اياه
مسكينه عطتني اياه

لووووووووووووووووووووووول موصج

انا كنت اسويها ادق على البداله ومايبقى رقم بيت ومااطلبه

هذا من ضيقت الخلق

تدرون عاد لي ضاق خلقي الحين شنو اسوي




ادق على 107 الي اهم زين واخربط عليهم اقعد اطلب منهم شغلات والوع جبدهم بالاسئله

فرااااااااااااااااااااغه ماكو شي اسويه