نداء لمراهقات الثمانينات يطري عليكم؟

[أمواج البحر]

كويييين انا انا انا عندي اياها

اصلا هذي تريد مارك البنات خخخخخخخخخخخخ كل البنات عندهم

وكان عندي باربي بعد في راسها مادري شنو مثل البلاستيكه عشان التسريحه عشتو

كان عندي اشكثر باربيااااااااااااااااااااااااااااات وهدوووم وبيوووت و بعدين طلعت موضة عيالهم تذكرون

يحلاتهم هرمون الامومه مديم عندنا ههههههههههههههه

 

[Dancing^Queen]

وتذكرون هذا؟؟؟

امواج

يالله اول وحده بنادي باربي
شعليج خذيتي كرسي ممميز بالنادي نمبر 2
انا 1


تذكرين قبل لي شرينا الباربي تطير عينا علي الكتالوغ اللي بالباربي نشوف شنو في غيرها؟ ونقعد انقي نبي هذي وهذي وهذي وهذي
ويوم نزل حصان الباربيييييييييييييييييي
ويييييييييييييييييييه يحجي يحجيييييييييييي اقدع من الكادلك بزمانها

 

[عهود الحب]

ههههههههههههههههههههههههههههههه
انا ماكنت اشتري باربي فصعه ماتستحي كله تلبس مزلط هههههههههههههه
انا كانوا يسمحون لي اشتري العروسة الكبيرة الي طول الذراع واتحضنها واوقفها عشان تصرخ ماما
وانومها عشان تغمض
واذا حدي حقيرة شسوي
انومها اقعدها عشان ترومش اهبل فيها مسكينة خخخخخخخخخخ




تتذكرون المشط نمشطها نمجع شعرها ههههههههههه لعانة خخخخخخخخ

انا كنت اعامل العرايس بقسوة حيل شرانية ياربي تغفر لي
خخخخخخخخخخخ كسرن خاطري




بس احلى شي كان لما نقعد نمثل
نحط كرسي ونمثل سكرتيرة ومدير والكومبارس اختي الوسطية نخليها مندوب يجيب الطلبات
واختي الصغيرة السكرتيرة الحسناء وانا المدير
وصج صج نمثثثثثثثل ونتهاوش عالادوار هههههههههههههههه
وانا واختي نتبادل الادوار والسكرتيرة ثابته مصدقة روحها موراضية تتنازل
خخخخخخخخخخخخخخخخخ
الحمدالله والشكر



والله لما اتذكر طفولتنا عيالي مايمثلون الا قطار ومسافرين بس
ولا البوكيمانات وابطال الديجيتال وحروب


احنا تمثيلنا مختلف كله تقليد للمسلسلات المصرية خخخخخخخخ



< شفيها هههههههههههههههههههه
اعترافات خطيرة عسى ماتطيح علي اختي بس :dddds:

 

[عهود الحب]

اييييييييي في اعتراف خطيرررررررررررررررررر بعدد


امي قبل كله تخوفنا من بياعين الخام المهارى



خخخخخخخخخخخخخخخخخخخ
تقولنا هذا بياع الخام الي يفتر عالبيوت اذا تتذكرون


كانت تقولناااااااااا انه خطف بنت وشق بطنها وموتها وحطها بالبقشة ويدور على بنت ثانية


والله يابنات تصرقعت


مرة رادة من المدرسة مشي طبعا



ولا هالمهري وراي يمشي
وانا اركض واعيط


ههههههههههههههههههه واعيط



والكارثة المهري يمشي ورااااااااااااااااااااااااي دربه جذي


وانا عبالي جاي يبيني يبيني مامن فكة



وقعدت اركض لي بيت اهلي
والمهري فقير يطالع فيني ودايخ من حر الشموس ويمشي بطريجه والهبلة تركض جدامه وتصيح



تخيلوا الوضع


الله يسامحج يا يمه ههههههههههههههههههههه




وفي اعتراف ثاني بعد



امي كانت تستجوبنا نفر نفر ههههههههههههههههههههههههههههههههه
وتخلينا نتجسس على بعض


بس للاسف انا مامني فايدة مااجيب اخبار فغسلت ايدها مني
بس الكارثة انه غيري يفتن علي

وانا هبله مااعرف افتن

وكانت طفارتها الي يروح بيت عمي بروحه بدون مايقولها
حياتي حياتها كانت بروحها مامن خدم ذاك الوقت هالكثر


اقول ياحلو امي بس


واحنا كنا بنات مغفلات بس شغلنا نخور بالبيت ونحوسه ولما تجي تلاقينا حايسين الصاله تمسكنا نفر نفر وتقرص فينا :/


ياااااااااازينها للحين قرصتها معقدتني خخخخخخخخخخخخخخخخخخخخخخخ




امانة بنات امهاتكم كانوا ارهابيات بالتربية زي ماما

ههههههههههههههههههه

 

[نفيشه]

انا امي عسوووولة بس اذكر كانت تقرص ساعات من تحت لي تحت بدون لا تزلغ بريستيجنا جدام الناس او حتى جدام اخواني

زيووووووون
اي ذكرت الجوتي الابيض لا وبعد جوتي الباليه الخام الاسود واللي في منه ابيض بعد حده رقييييييييييييييق

تذكرون صالون السنافر اللي بمجمع شاهه؟؟
هذا عاد للفنكيات فقط والاطفال اللي يعفرون

عاد انا مافيني بجية بس اتنهوص علشان يودوني هناك
واذكر لين يبت ولدي الكبير وديته مرة هناك وتالي سكر

تذكرون الككاو بو مشروم؟؟ اللي فيه بسكوت

وتذكرون اول ماطلعت قطاعة البيض المفيوح زين مانقص ايدنا من الشفاحة وبيضة ورى بيضة زغددنا من ابيض وكل شوي قصة غير

امبيه ترى حتى احنا كانوا يخرعوننا باللي يبيع الخام كان مسوي رعب

وتذكرون قواري بي ام اكس جنه اسمه جذي؟

كوكوووو
مرسي عالاهداااااااااء للحين احب هالسوالف ولي رحت العمرة ادورهم احب التراث

 

[رفرف]

نفوووووش

اشاعات اشاعاااااااات انا احب كاليميرو ؟؟
شكو ؟؟
اصلا مو ستايلي كلش


انا احب مدن الذهب تذكرونهم استيفان ومادري منو بعد ..
وفي رسوم متحركة نسيت اسمه بس حافظه اغنيته صممم
لا تنتهي الحكاية الا الى البداية وهذه المغامرة وتلكم المخاطرة لاتعرف النهاية .. بم بم بم بم بووووووم
رامي وسيف وسمر .. ونادر رغم الخطر (احنا نقول خيارة فيها شعر لووووووووول لأن شكله كان صج خياره وفيها شعر مادري صبار شي جذيه) ..
تعاونو تكاتفو لكي يساعدو حناااااااان .. في رحلة عجيبة عبر الزمان والمكان ..

عفية احد يذكره ؟؟ شنو كان اسمه ؟؟

 

[$ صمت الشفايف $]

عهود الحب بدعتي بدعتي كل شي قلتيه تسلمين :tek:

 

[A7la-SmiLe]

والمهري فقير يطالع فيني ودايخ من حر الشموس ويمشي بطريجه والهبلة تركض جدامه وتصيح

LoOoOoOoOoOoL
تخيلت الموقف
لايووووووووقف بنااات​

 

[Dancing^Queen]

اعرفه اعرفه رفرف
رامي وسيف وسمر ونادر رغم الخطر تتعاونو تكاتفتو لكي يساعدو حنان في رحلة لطيفتن خلف المكان والزمان وهذه الحكايه لاتعرف النهايه و مادري شنو مادري شنو



همممممممممممممممممم


ماني ذاكره الاسم

 

[الحراير]

ههههههههههههههههههههههههههه

 

[سنا الفضه]

منوو فيكم ماتابعت مازنجر ولابطبطت دميعاتها عليه لمن توفى هاا اعترفواا

والا جومارو وسنشيرو

يا انه اخووي العود ذلني مذله علشان يشتري لي شرييييييييييييطه يمممممممممممممه يمممه زين ما سويت عمليه انتحاريه والسبه هوو ولاااه كله من عياديي يعني خذ من جيسه وعايده

تذكروون هذي

جووووووورجي

كانت حلم حيااتي اعيش وياها كله علشان خاطر عيون حلم حياتي وفارس احلامي ارثر الي يحب ساره اختها والمصيبه اني كنت اغااار من ساره واقلدها لمن تتعب ويخاف عليها ارثر جد والله جد كنت اغااار منها على ارثر لاني كنت مفتووونه فيه واحببه

والا الباارع جمان بزهره الجبل

امي لمن طاحت علي امسبله عيوني ومطيره بوهتي وفااغرتن فااهي على هالتلمم والتحبب الي فيه امنعتنا من شوووووووووووفته وحلفت يمين ان شفتج متابعته كسرت التلفزيون براسج<= = شلوون مادري حسافه ماجربت شلوون بتكسر التلفزيون براسي هل بتفلعني فيه والا بتفلعه فيني ماادري!!

ابييييييييه ابداعااات ابداعاات ايامنا اوووووووول

والا من اليوم تصافينا ...نسينا ماجرى فينا <==خذيناها برابعه متوسط

وهم قصيده أقول وقد ناحت بقربي حمامة ايا جارتا لو تشعرين بحالي معاذ الهوى ماذقت طارقة النوى

والشاطره الي تكملها كنت اقووووووولها وانا مشتطه بالمدرسه ويهيي ينقلب احمر وكل اشباهيي تيي لي جداام واشمر بيدي يعني تعبيريه الاخت يكون عايشه الجووو وابي درجااات من الابله ولمن اقعد على الكرسي اكتشف اني معرققققققققققه وكل الهرمونات عندي مقحصه على الذرووه منهد حيل امي وابوي وياااي <- - شالله حااااااااااااادج يالخبله

طيب تذكرون الحجاباات اوول اشطولها زين ماتنقلب مهاد لنا من طووووولها ويا الجلالييب ويااحلاتهم الي يجفسوونه لداخل جنها ام العبد

والا تيجان اوول جنه تاج هارون الرشيد اسفنجته منه وفييه

تدرون عاد من فتره شريت من قزاز الي بمكه وقالي حديكي هديه واقوم واشتري زود ناطره الهديه

والا يبرني بذاك التااج الي يلووووووع الجبد جنه من عصر الطباشيري وفيه ربطه اسفنج اشكبرها بالنص من ملوت اول

وهم الشبكه الي يغطون فيها الكبه الي بالشعر اول يعني معطيني هديه لو معطيني احفوره ابررررررررك

انزين احد فيكم لحق على المراهم الي يحطونهم بعيونا اول بالمدارس يخلونا نرجع البيت جنا ذبان عيونا مترووسه مرهم والويييييييييع وييع من عين لعين زين مانتلووث والله ايام اول على البركه

وبعد التحرير قاموا يوزعون علينا عصااير ليش مااااااااااادري!! ومن زود الدبااشه نفررررررررح فيهم نطلع بالهده وكل وحده بيدها جيس مترووس قواطي عصير

وطلعوا بينتهووون ومابقى شي على مدتهم يوزعونهم علينا والله خوووش

انزين تذكرون اللبن المثلج الي يبيعونه بالجمعيااات اعشششششششششششقه واموووت عليه احبببه ومن اقطعوه وانا مفطومه من اللبن ما اشرب غيره

 

[جاي الضحى]

كلكم إبدااااع في إبداااع....ما شاء الله عليكم ...الود ودي أرد على رد رد....أخخخ يا الذكريات....قاعده أضحك بس هم فني بجوه على إلي راح.....متابعينكم كملو...ونعم المواضيع تقرب العضوات في بعض ..:ggdw:..أحس أعرفكم كلكم....لا يوقف...:tek:...​

 

[سنا الفضه]

انزين منو فيكم ماتابعت د.كوين

كنت اشووفه مقطع الريموت بيد امي وكل لقطه والاخرى تغير المحطه تخاف يطلع شي لو البطل يطالع البطله من بعييييييييد غيرته تخاف يطلع شي يخدش حيائي ويفتح عيووني اسمله علي والله كنت شخصيه عند اميمتي

والا الشرطه الي يلبسون كابات نسيت اسم المسلسل يطلع كل اثنين فيه كاب شي جذيه نسيت اسمه بس فيه ثلاث ابطال

والا مسلسل الي يحلون الجرائم فيه يطلع بالقناه الثانيه بطلته ماعرف اسمها عيوز امريكيه شعرها قصير اشقر استغفر الله اسمه على طرف لساني نسيته

طيب تذكرون ايفا البنيه الي توقف الزمن باصابعها تحطهم يم بعض ويوقف الزمن

هي ويا فيكي البنت الاليكتونيه

ويا آلف الي ياكل النمل جنه

والا ثندر كاتس

انزيييييييييين تذكروون هذاااااااااا

 

[معكرونه أسبكتى يم يم]

وااااااااااااااااااااااااااااااااى حسيت انى بصيح

اذكر كنت اموت على البنق ولاهدينا وقفنا طوابير عن راعى البنق لووووووووووووول

تذكرون برد توت كان لازم نشتريه بالهده حق البراطم يعنى نظام كشخه

تذكرون اغنية عبدالله رويشد قلبي معك يامشغل البال ملتاع كنت اموت عليها ولا غنوها بالعروس تيينى زيرانى لووووووووول

 

[أم بدير]

تذكرون قبل خداماتنا مصريات؟
كان عندنا ام احمد وام محمد
الله يسامهم كانوا مشتغلين بوق خخخخخخ
وامي مسكينه تدري وتسكت عشان البوقات خفيفه واهي معتازتهم عشان اهي مدرسه ولازم يكون احد موجود بالبيت يجابل اليهال واحد يجابل الطباخ
عاد الي كانت مجابلتني حفظتني حجيهم عدل
فكنت لما ابي اروح انام اقول ماما انا عاوزه انام
والا اذا بغيت شربت اقول عاوزه شربات
لوووووووووووووووووووووووووووول
بنات تذكرون بنطروناتنا الجينز؟
الخصر لي الصدر واصل وفيه كسرات
وييييييييييييييييييييييييييييييييييييع
شلون كنا نلبس جذي
ليش امهاتنا ما منعونا

 

[BlackRose]

هههههههههههههههههههههه


على طاري الخدامات المصريات

وحدة من معارفنا كان عندها خدامة مصرية

وكانت تحط ولدها الصبح عندها

يوم ناس شوفوا الخدامة بسوق الكويت ماخذة الولد وتطر فيه

هههههههههههههههههههههه

 

[أم بدير]

هههههههههههههههههههههه


على طاري الخدامات المصريات

وحدة من معارفنا كان عندها خدامة مصرية

وكانت تحط ولدها الصبح عندها

يوم ناس شوفوا الخدامة بسوق الكويت ماخذة الولد وتطر فيه

هههههههههههههههههههههه

وي ياحسر لايكون خدامتنا كانت تطر فيني وانا ما اذكر

 

[يمّه مني]

 

[رفرف]

كوين

تدووووووووور حول نفسها لكي تبلغ البداية تن تن تن تن تن .. وخلصت ..
زين لقيت احد يعرفها غيري

 

[shushuwa]

ونااسة احب ايام الثمانينات
حسافة مالحقت عليها امي كانت مراهقة ايامها ;p