نداء لمراهقات الثمانينات يطري عليكم؟

[FOZQ8]

مميزه اي البيزو بيزووووو كاان ستايل اخخخخخخخ
والجيب كلوووت اخخخخ مسخره
والكشه كل ماكبرت صرتي ستااايل حدج

 

[BlackRose]

بنات منو تذكر خام الديسكو اللي هبوا فيه بالعروووووووووووووووس

كان في منه لونين ذهبي وفضي

:dddds::dddds::dddds:
:dddds::dddds:
:dddds:​

 

[just-me]

لووووووووووووووووووووووووووووووووول

واااااااااااااااااااااااااااي واااااااااااااااااي
من وين طلعتو هالاياام
ياحلووها من ايام

الله يابلاك رووز سالفة المسجله العوده هههههه كل ماكبرت كل ماصرنا كول خخخخخخخخ
زين يذكر عليكم نلبس ساعتين فوق بعض ؟
وساعه سواتش اللي الكبيره سيرها اكو منه ازرق ووردي ؟
وستايل مدونا لانها مطربتي المفضله ليلحين اسمع لها كنت دايمن اقدلها وحافظه كل اغانيها ولا اغنية ترو بلو خخخخخ

زين مايذكر عليكم مسلسل بنكي بروستر ؟ وبيوتي آند ذا بيست ؟؟ وميكي كلب ؟ وفي مسلسل كان يطلع كل يمعه بال8 جنه بس ناسيه اسمه

هم اذكر هبينه بنحن والاطفال يابو السي منكيز اللي اخر شي يوم كبرنا اكتشفنه انه ربيان خخخخخخ

انزين مادري هذي اذا تذكرنوها اتعرفون جواتي الرياضه وانتو ابكرامه كنه انحط خيوط فسفوريه من نايكي بس شنو ماكنه نربطهم عادي لاء كنه انسويهم نفس السله يعني خيوط بالطول بعدين خيوط بالعرض...هذي كنه انسويها لمه انروح الخيران كنه حدددددددددددنا كوول خخخخخخخخخخخخخخخخ

الله ياحلوها من ذكريات

يمه منج صاجه .... كل اللي قلتيه يطري علي ... و الله ذكرتينا وخاصة بالخيوط الفسفورية .. لا و لازم نايكي ... كله بصوب و الخيران بصوب ...و بالهده ننطر بره متكودين نسولف جنه ذبان على تمر .... بس في شغله في بالي يمكن بس احنا في بيتنا نسويها ... ليش لازم نصور أول يوم العيد ...؟؟؟؟ ليمن ألحين مو فاهمه شنو الحكمة ؟؟؟

 

[كريستال ليدي]

والله انا مواليد الثمانينات ... يعني اصغر من جيكلم

الله يعطيكم العافية و طولت العمر يا رب

 

[دلعووووه]

شخباري برنامج صدق او لا تصدق :dddds:
وبرنامج الحصن وايد يهبل احبه :ggdw:
يحليلكم انتو يوم كنتو مراهقات انا كنت بيبي توني منولده :tomato2:

 

[شندوخه]

لووول خوش موضوع
انا مراهقتي بالتسعينات

 

[just-me]

مراهقات التسعينات لا تحبطونا ..و لاتستانسون على عمركم وايد ..... كلها جم سنة و يتشيحطون عليكم بنات الألفينات هي هي هي هي [/u]
_03ba:_03ba:

 

[just-me]

ياحلييييييييييييييييييييييييلكم اثاريكم من جيلي وانا مدري
ذكرتوني بايام قبل ياحلوها ليتها ترد اقسم بالله انها ابرك من عيشتنا الحين
بنات تذكرون بدلت الاسترج البيزو بيزو يسمونها ههههههههه قمت العقاده مدري شلون كنت البس جذي لا وكلها لون واحد اللهم ياكافي لا ورده لا لون ثاني وكنت ما احب الا هي شاريه لون اسود واشكل عليها سديريات (كاااشخه حددددي)
ويطري عليكم المحدد العنابي اللي اي لون تحطين لازم محدد عنابي برتقالي لحمي بني لازم محدد عنابي جنا سيلانيات الحين اللي تلقينها الحمره بصوب والمحدد بصوب لا والمشكله كانو الشباب بلاحقونا هههههههههههههه على شنو لوووووووووولز اكيد عجبهم المحدد ايااااااااااااام يااااحلوهااا
وتذكرون الحجاب الكريب والقذله اللي طالعه وعلى صوب والدبوس واااصل للحنج الحمدالله والشكر للحين كل ما اشوف صوري قبل انقد على نفسي بس كنا بوقتها من قدناااا بالكشخه

واذا ما لقينا محدد عنابي .. نحط بداله كحل ونمشه بالكلينكس كاك كاك كاك
لا وبالليل ننام بالكحل عشان حزة المدرسة الصبح .... ابلة ما دري مو حاطة شي ... ( عبط )

 

[q8tia27]

ههههههههههه ضحكتوني اتصدقون مع اني من مواليد 80 بس اغلب الي قلتوه اذكره لان كنت اكبر من عمري (نزغه) اسمالله علي
بس الي اذكره اذا كشخنا رحنا الواجهه البحريه يم الحلميه لووول والا الجزيره الخضرا ونركب البرج ونصعد الدرج وينهد حيلنا ونقعد انطلطل صوب البحيره فيه مراكب ويتحرشون فينا الشباب ونخترع وننزل تحت جنه مسوين بلوه لووووول وتاليتها منزفين من اهلنا لانهم ضيعونا
ويطري عليكم بلعيد نفتر بالمثنى حق الجواتي يعني سكبه حدنا غالي المثنى امي تفتر واحنا وراها ولا نشري شباصات وتيجان من الفلبن الي فيه لووول والنقره بعد ومحل الحزام الاخضر مادري الازرق اول محل صوب الباب زحمه وامه محمد فيه واحنا مبققين عيونا عالتلفزيون نشوف الببايات ومسرحيات هدى حسين لوووول
وعلى قولة وحده لازم عرف عندنا اول يوم العيد التصوير واتشوفيت الحلايا اتلوع الجبد فينا نوم ومن فوق لي تحت ذهب ويييع وشرايط وكحله خايسه والا حمره حمره ومانبلع ريجنا نخاف تروح الحمره لوووول ولازم جراغي يشترونه عيال عمنا ويحذفونا تحتنا جراغي الصغار الي ينطق بالارض تذكرونه والله وناسه وبعد شنو اذكر ياربي تذكرون مسلسل بيل كوسبي ولاسي وبباي توته وخماسي وفلونه وكنا نحلم نبي نفس بيت فلونه بالجزيره لووول ومسلسل ابي وامي مع التحيه ومسرحيات هدى حسين لازم كل عيد نروح وتذكرون حلاو جكجك الي يطقطق بالسان لووووول والكاكاو العصار وااااي ناكله ويسحن وعصير كورتينا نثلجه بالفريزر مادري شنو الحكمه خو اكلو برد اشرفلكم وتذكرون النطرونات الكرديه لوووووول بالمهاره والمباركيه هبينا فيهم مصخره الالوان هههه واي تعبت اتذكر وارد اكتب ومشكوووورين عالموضوع الي يونس

 

[C'est La Vie]

لووووول
والله بنات ايامكم ايام
اللي بعدوووو

 

[just-me]

q8tia27
تذكرون مسلسل بيل كوسبي ولاسي وبباي توته وخماسي وفلونه وكنا نحلم نبي نفس بيت فلونه بالجزيره لووول ومسلسل ابي وامي مع التحيه ومسرحيات هدى حسين لازم كل عيد نروح

والله يا حلات ذيج الأيام ... لاسي بييييييه شخباري ... الى أبي وأمي كانت له رنه و حضور و نتأثر و نبجي
صج ذكريات حلوة

 

[just-me]

طبعا أيام العيد الوطني قبل لما كنا بي بي يات كنا نروح على البحر نشوف الاستعراضات بالطيارة ( حركات ) تتقلب وو راها دخان ملون و المسيرة مومالت هالايام المسخرة و الرش... هذي بعدين حق جيل الألفينات يذكرونها انها كانت بمراهقتهم حق بنات الالفينيات و عشرتعش ....مسيرتنا كانت عبارة عن استعراض سيارات كبار مالت البلدية والاستعراض بسيارات المطافي و ناس يمشون و يسوون حركات .. و احنا قاعدين على الرصيف مستانسين .

:rerrerek::rerrerek:

 

[سبائك]

عدل عدل عدل عاشو شلة الثمانينات ههههههههههه

امبيه يتني كحه مع شرقه الظاهر من الغباااااااار لوووووول

بنات لاتكبرونا وايد عاد مسلسلات فالكون كريست ودالاس وعائلة والتون هذيله كلهم ملوت مراهقات السبعينات انا لحقت على آآآآآخر جزء من فالكون كريست بس حسافه


انزين انا كان حبي الاول والاخير البرنامج الثاني اسجل برامجه بجدول عندي

تذكرون مسلسل (( ايفي )) البنيه الي ابوها من الفضاء وعندها قوة خارقه تقدر توقف الزمن باصابيعها

تذكرون المرأه الذئب؟؟

تذكرون ((الفندق)) >>>مسلسل فكاهي عجيب

تذكرون تشارلز ان جارج

تذكرون مسلسل المراهقين بيفرلي هيلز 90112 اعتقد الرقم جذي الي كانت تمثل فيه الممثله الامريكيه شانون ام شعر اسود

تذكرون شهرة عارضات الازياء كلوديا شيفر والثانيه ام شامه يم حلجها نسيت اسمها ذكروني <<< هذيله كانو ايام الثنويه بالتسعينات

تذكرون مسلسل لا أله الا الله المصري

طبعا السانكيست حبيب الكل قبل على ايامي ياحلاته للحين اشتاق له بين فتره والثانيه


اما على اللوكات العجيبه ذيك الايام فلا تعليق كفيتو ووفيتو هههههههه

اذكر وياي وحده بالمتوسطه كانت جنطتها على المغني جورج مايكل عشتو تموت عليه

 

[يمّه مني]

خخخخخخخخخخخخخخخخخخخخخخخخخخخخخخخخخخخخخخخخخخ

المحدد العنابي خخخخخخخخخخخخخخخخخخخخخخخخخخخخخخخخخخخخخخخ

انزين على طاري السترج تذكرون سترج بوريول ؟؟؟؟

والقذله اللي على كتر لالالالالازم لالالالالالالازم اتكون لي فوق خخخخخخخخخخخخخخخخخ
واذكر الحمره السحره لونها اخضر
واذكر الستكرزات اللي فيهم ريحه وفي الوان ايكونون متان وكل لون له ريحه

الله وكيلكم عندي البوم في صوري ايام ال80 كنت حدي امكبره عمري يوم لقيته اذكر بالشتا من جم سنه ويمع الصور واقصصهم تالي قطيتهم بالدوه لوووووووووووووووووووووووول
امي فزت من مكانها لييييييييييييييييييييييييييش ذكرياتج !! ههههههه بليز خليني استعيد ذكرياتي بس بدون صور

تذكرون مسلسل فل هاوس ؟؟
وبباي كاسبر ؟
وآلف ؟؟

واذكر هبّة مايكل جاكسن نرقص بريك دانس لووووووووووووووووووووووووووول
واذكر بعد كنه انييب من امريكا ببايات طقة ستروبري شورت كيك وماي لتل بوني وكير بيرز هذول قبل لا انراهق هههههه

انشالله بحاول ايمع لكم اشياء واحطها بالالبوم مالي

 

[just-me]

عدل عدل عدل عاشو شلة الثمانينات ههههههههههه

امبيه يتني كحه مع شرقه الظاهر من الغباااااااار لوووووول

بنات لاتكبرونا وايد عاد مسلسلات فالكون كريست ودالاس وعائلة والتون هذيله كلهم ملوت مراهقات السبعينات انا لحقت على آآآآآخر جزء من فالكون كريست بس حسافه

بهذي صدقتي معاج حق

انزين انا كان حبي الاول والاخير البرنامج الثاني اسجل برامجه بجدول عندي

تذكرون مسلسل (( ايفي )) البنيه الي ابوها من الفضاء وعندها قوة خارقه تقدر توقف الزمن باصابيعها




تذكرون شهرة عارضات الازياء كلوديا شيفر والثانيه ام شامه يم حلجها نسيت اسمها ذكروني <<< هذيله كانو ايام الثنويه بالتسعينات قصدج سندي كروفرد .؟؟
تذكرون مسلسل لا أله الا الله المصري

طبعا السانكيست حبيب الكل قبل على ايامي ياحلاته للحين اشتاق له بين فتره والثانيه
سانكيست قبل الغزو و سن توب هذا عقب التحرير


اما على اللوكات العجيبه ذيك الايام فلا تعليق كفيتو ووفيتو هههههههه

لا لا لا بعد بعد نسيتي موضة أنكش و امشي كلنا كنا نسوي كشه ... تالي هبينا بسن أن ضيم ضيم

اذكر وياي وحده بالمتوسطه كانت جنطتها على المغني جورج مايكل عشتو تموت عليه

شغل عدل :dddds:

 

[سندريلا]

وايي صج ذكريات عجيبه ليتها ترد كانت ايام ثنكيو على الموضوع الروعه

 

[just-me]

تذكرون شامبو فرح فاوست ماينباع الا بجمعية الضاحية خخخخخخخخ
:dddds::dddds::dddds​

:

 

[سبائك]

عدللللللللل سندي كرفور شطوره ههههههههه

انزين تذكرون هبة البكله!!!!!

واي لا لا ضييييييييم بكله مثلثه من جدام وباجي الشعر مفلول والكشيخه تنزل شوية قذله من البكله قمة المأساة ههههههههههه

 

[أم بدير]

LaLa 2 تذكرين
في قصص الشعوب في قصص الشعوب ... طرائف لا تنتهي ... وعالم حلو بهي ... في قصص الشعوب ..... من كل بقاع الدنيا ... من كل بلاد الأرض ... قصص شتى ... تروى حتى ..... نعرف أحوال الانسان والكل هنا

جيراااااااااااان
فإذا زرناكم في الصورة.. في احلى دنيا مسحوره كي نتسلاااااااااااااا... صرنا احلااااااااااااااااااا

زين مايذكر عليكم مسلسل بنكي بروستر ؟

الآليه الي يفتر ويها 360درجه خخخخخخخخخخخخخخخخخ

تذكرون يوم البحار

​

يوم البحار الي كنا نستااااااااااااااااااانس فيه حدنا واول ماوديت بنتي عقب ماكبرت يعني بونسها مثل ما كنت استانس قبل جان تقولي واي ماما هلاقه

تذكرون مسلسل (( ايفي )) البنيه الي ابوها من الفضاء وعندها قوة خارقه تقدر توقف الزمن باصابيعها

وترده يتحرك لما تصفق
خخخخخخخخخخخخخخخخخ




بنات تذكرون سيف واي؟
:dddds:

 

[just-me]

عدللللللللل سندي كرفور شطوره ههههههههه

انزين تذكرون هبة البكله!!!!!

واي لا لا ضييييييييم بكله مثلثه من جدام وباجي الشعر مفلول والكشيخه تنزل شوية قذله من البكله قمة المأساة ههههههههههه

لا و قمه بالثقة بالنفس ... انزين رجعي قبلها بجم سنة لازم اذا عيد او معزومين على عرس لازم الشعر بالصالون فير زوي و القذله مسطره ..:krkrkr: يعني حتى الأمهات الذوق ضيم