نداء عاجل

[computer_teacher]

السلام عليكم
شلونكم ابلات انا تعودت ان التفاعل مايكون وايد بالنسبه للاستفسارات بالقسم بس هالمره صج محتاجه رايكم وابيكم تشورون علي ناظرتي ماذتني ومستهدفتني وبطلع من المدرسه باي طريقة طبعا نقل مافي امل الحين بس بسال عن الندب شلون اقدر اطلع ندب واحنا ثنتين بالقسم و 21 صف بالمدرسة ماعتقد اطلع وتظل وحده بالقسم شرايكم ؟.....

 

[+بسبوسة+]

مستحيييييييييييييييييييييييييييييييييييييييييل تطلعين اذا هذا نصابكم!

 

[computer_teacher]

تصدقين بسبوسه مسكت المدرسة والمدرسة الي معاي كانت باجازة وضع ومايابوا معلموا شهرين درست 21 صف والحين بصراحه بطلع يعني الناظرة قامت تسبب علي اقل شي لفت نظر اقل شي افاده شسوي اصبر للسنه اليايه

 

[اريج الجوري]

رد : نداء عاجل

صح ما تقدرين تطلعين وهذا نصابكم ؛ ومادام الناظره معانده ؛ إحنا عندنا أبله معاندتها النظاره وكان عندنا زياده معلمتين و٣سنين تكتب نقل أو ندب و ماكو فايده؛ إلا عقب الواسطه القويه ؛ ودوري معلمه بديله تجي مدرستكم عشان إنتي تطلعين ؛ و الله يعينج على لعانة الحريم

 

[كل الفوز]

الله يعينج
بس انتي شوفي شنو السبب اللي يخليها تعاملج جذي بعض الادارات الله يهداهم يسمعون القيل والقال "يمكن وحده موصله اي كلام قلتيه عنها وشالت عيج
سوي اللي يرضي ربج وماعليج من احد
ومع الواسطة لوفي نقص يصير يندبونج لمكان ثاني ويبيون واحدة بالج وياكثر ماصار هالشئ
الله يوفقج

 

[digital]

وااااااااااسطه وبس

امبيه 21 صف ومدرستين شلووووووووون

 

[computer_teacher]

ديجتال 21 صف وكنت بروحي توها راجعه الابله من اجازه الوضع بس بشوف الوضع انا شكلي ماراح اطلع من هالمدرسه لان ولا ابله تبي تيي من كثر ماسامعين عن الاداره انها مو شي

 

[اخت شيوخ]

رد : نداء عاجل

صاجه التفاعل بهذا القسم محبطه بس ان شاء الله تلاقين الي يبرد خاطرج
ما اعتقد راح يوافقون على الندب الا اذا عندج واااااااااااااسطة والله يعينج

 

[computer_teacher]

الله يسهل الامور بكلم الموجه وادعولي تتسهل اموري

 

[digital]

الله يسهل امورج ياااارب والواسطه تصنع المعجزات

الواسطه فوق القانون

 

[قفشـه]

رد : نداء عاجل

الله يعينج

بس ابلات الحاسوب مالهم احتكاك بالادارة كلش

شلي خلاها تحط عليج

والافادات لاتوقعينها

خليها تبلها وتشرب مايها

بس حتى لو نقلتي ممكن ادق على ناظرتج اليديده وتسوي مشاكل

اذا في امل حليها وودي

 

[digital]

قفشه أبلات الحاسوب اكثر ناس يحتكون بالاداره الشغل الاداري تقريبا كله عليهم

وكارفينهم كراااف

 

[وايد حساسة]

رد : نداء عاجل

أنا مثلج مدرسة حاسوب و الناظرة حاطة علي حطة

تحملتها شوي بعدين ماقدرت صراحة تهاوشت معاها وطلعت من المدرسة وقلت لو شنو ما أرد هالمدرسة


عاد تصدقين رحت سألت بالوزارة عن النقل و الندب ، يقولج إذا أنتي خريجة تربية أساسية و تبين نقل أو ندب خارج
الوزارة مالج أمل إلا بعد 10 سنين

أما إذا أنتي مو تربية سنتين بس و يصير تقدمين على النقل أو الندب الخارجي

أما إذا قصدج عن الداخلي فهذا أي وقت تقدمين عليه عادي بس ماراح تداومين بمدرسة ثانية إلا على السنة الجديدة


وعندج حل أخير إنج تستقيلين و تدورين لج مكان أريح أو يكون عندج واسطة تمشي لج أمورج بالطريقة اللي تبينها


والله يوفقج حبيبتي

 

[فطووومة]

حبيبتي المشاكل اللي بينج وبينها وتفاهمي معاها وديا يمكن سامعة شي منيي مناك؟؟

وماتدرين يمكن تروحين مدرسة العن منها


امسك مجنونك لا يجيك اجن منه

 

[computer_teacher]

وايد حساسه هذا بالضبط الي صار معاي اهي طريقتها بالكلام قلة ادب وماعندها اسلوب وكنت امشي اقول يعني ناظرة نتحملها خاصة اني اشتغل فلازم الابله الي تشتغل تكون علاقتها مع الناظرة زينه عشان لايضيع شغلها ومايبين بعينها بس ماقدرت يوم اهانتني بالكلام وظلمتني تخانقت معاها جدام التوجيه وفضحت خبايا امورها وماقدرت تسويلي شي ومن يومها ناطره علي الزله لو موقف بسيط يصدؤ مني تصعده للسما عشان جذي ودي اطلع وافتك منها مومعقول طول السنه بقعد على اعصابي معاها موحاله الواحد يروح يداوم والا يتخانق

 

[قفشـه]

رد : نداء عاجل

الله يعينج والله

روحي منطقتج التعليمية افضل وسألي عن الندب او النقل

جنه البنات يقولون الندب له شغل بالتوجيه يعني بايد الموجهه

حطي موضوع عنوانه ابي اعرف طريقة الندب وشوفي البنات شيقولون