للمرة المليون: لا تتعمّمون يرحم والديكم!
و أنا بصراحة ما يبط جبدي أكثر من الي تبدا بالغلط على المعلمات، و لما وحدة أو ثنتين من المعلمات ترد عليها بنفس أسلوبها من زود القهر تقعد هذيج تقول بكل براءة: (وييييييييييييييه هذا أسلوبكم يا مربيات الأجيااااااااااااال؟).
ما جنه هي الي بدت بالغلط!!
و لا كأن المعلمات بشر لهم كرامة، و صبرهم و تحمّلهم له حدود!!
حبايبي، لا يكون حاشكم فقدان ذاكرة بس. احنا عارفين منو بدا بالغلط من أول ما تقرر الكادر للمعلمات، و الي يحب يتأكد يراجع مواضيع المنتدى الأخيرة.
