نداء الىمعلمات اللغة الانجليزية او اي احد ممكن يساعدتي

[CUTIE-THUG]

مرحباا
الي تقدر تساعدني ابي صور تدل على الكلمات التالية :

idle
incredibly
mundane
out of shape

يعني صورة تكون معبرة عن كلمة بحيث نعرف معناها و خصوصا ثاني كلمة
ضروري محتاجتهم و مشكورين مقدما فديتكم :eh_s(17):​

 

[كريستل]

انطري عليّ شوي، حبيبتي. بمر على العم جوجل و أطلع الصور الي تحتاجينها بإذن الله.

بس على فكرة.. أغلب الكلمات الي عرضتيها تعتبر abstract words، يعني كلمات يصعب وصف و تحديد معناها بالصور (مع أن المعنى بالعادة يكون مفهوم).

و بالذات الكلمة الثانية، لأنها صفة تجي بمعنى كلمة "جداً" أو "للغاية" بالعربية، فما تقدرين تعرضين صورة لها بروحها، لأنها صفة، فلازم تذكرين الموصوف عشان يتضح المعنى.

مثلاً تييبين صورة قطوة سمينة جداً:

فتجي الصورة بمعنى: incredibly fat cat.


عرفتي شلون، حبيبتي؟
​

 

[كريستل]

أما بالنسبة لباقي الكلمات، فالكلمة الأولى مرادفة لكلمة lazy يعني "كسل" أو "كسول"، فيبت لج هالصورة:

و الكلمة الثالثة مرادفة لكلمة dull يعني "ملل" أو "مَلول"، فيبت لج هالصورة:

أما الكلمة الرابعة فمعناها بالعربية يعني "غير متناسق" أو "غير رشيق"، فيبت لج هالصورة:

و إن شاء الله أكون فدج، حبيبتي. موفقة يا رب. :eh_s(7):

 

[CUTIE-THUG]

حبيبتي والله فديتيج ماقصرتي
يعطيج العافية قلبي هذا العشم فيج