نحن و الخدم .... موضوع مهم للمناقشة

[خبيرة اعشاب]

السلام عليكم

لا يخلو منزل كويتي من خادمة او حتى 2 او 3 او 4 .... الخ

و اغلب المنازل تضم الى ترسانة الخدم سائقا و خادما للديوانية او طباخا ... الخ

ما اود مناقشته معكم هو كيف تتعاملون مع الخدم عموما , و اي جنسات تفضلونها , و عمر الخادمة ... الخ الخ

يعني مثلا الي تدش تسولف لنا عن تعاملها مع الخدامة و جم عمرها و هل خدامتها متزوجة و عندها عيال ؟؟؟ اشلون تسولف وياها ؟ شنو تشتري لها و بجم ؟ شنو حدود علاقتج فيها ؟ اتزفينها ,,, تضحكين وياها ؟؟؟

عندها تلفون ؟ فكرتي تشترين لها واحد ؟
معاشها جم ؟

تعطينها اكراميات ؟
تجيبين لها اكل من مطعم ؟

تاخذينها وياج بطلعاتج او تقعد بالبيت ؟؟ اي سؤال بعد تنظف دارج ؟

شنو حدودها مع عيالج؟ اتغير حفاظات ؟ اتسوي حليب ؟؟؟ اتنام وياهم ؟؟؟

يا ليت الي تدش اتفيدنا باي شي بخصوص الخدم : امور لا بد من الاحتراص منها و امور نتساهل فيها ... الخ


لاني صراحة احس نفسي تمصخرت من الخدم , على كثر ما ادلعهم ما يعطوني اي اعتبار

مؤخرا خداماتي 2 انحاشن مع اني و رب الكعبة ما سويت لهن شي بالعكس دلال آخر دلال , و الله اخليها تدق على كنتاكي تطلب لها و للعيال وجبات , بدلات اشتري احلى شي
نعال عزكم الله و الله اشتري ماركات

لا و فوق هاذي و هذيك مطيحة الميانة يعني عادي الخدامة لا خلصت شغلها تجي و ترز وجهها عندي بالصالة اذا زوجي مو موجود

شغل مستحيل اقول سوي جذي او جذي ... هي عارفة شغلها و اتسويه , و عندي خدامة ثانية بس اتنظف و اتغسل ... و طبخ انا اطبخ بنفسي

و ما عندهم شغل بعد اكثر المرات اروح بالمزرعة :tomato2:

المهم بعد نحشة الخدامات قمت اجيب من المسترجعات , واول مرة بحياتي اجسب مسترجعة ...كله اجيبهم جدد من ديرتهم و اعلمهم على نظامي الخرطي

اول مسترجعة قلت بجيب اثيوبية , و راح زوجي جابها من مكتب حسن كمال الي بالمناسبة طلعوا نصابين و انصح اي احد يتعامل وياهم ,قالوا دفع المبلغ 400 دينار كامل مقدما و ان ما جازت لكم الخدامة رجعوها و نقص 3 دنانير عن كل يوم و انرجع الباجي

قلنا خوووش ,, يوم جتني و لا تخرع بسم الله الرحمن الرحيم ( لا اعتراض على خلق الله ) بس و الله حتى عيالي اسم الله عليهم خافوا منها و ما قاموا يدشون المطبخ ... الخ دقيت على المكتب قلت له برجعها قال زين خليها تعلم و الله تبي الشغل ... الخ , قلت يا خوي ما تنرقع و ما ابيها و لو سمحت رجع الفلوس

قال لي الحقير ما في فلوس , لو اتردين الخدامة انطري الين انصرفها و فلوسكم وديناهم اثيوبيا ,,, قلت شكو اتوديهم حنا لا حولناها و لا قلنا اي او لأ ...

عاد زوجي قبل عنده مكتب خدم و يعرف الاجراءات ,,, راح و بلغ عنه بمكتب العمالة ببيان , و الله جاني بالبيت و جاب الفلوس ...الحقير 3 ايام يماطل فيني و الخدامة مريضة تكح و اترجع ووديتها له و عطاني جوازها كضمان للفلوس بعدين

طولتها شوي بس ما عليه من الحرة الي فيني ,, جبت هنديتين قلت حنونات على الجهال , وحدة امصخ من الثانية , الصبح الا اقعدهم , شغل اعلم و اعلم ما في مخ مع انهم ال 2 مشتغلين قبل بس ما في استيعاب ... وحدة من كثر ما في بايعتها اتغني بالمطبخ

آخر شي قلت ما كو الا السيلانية , تكد و محترمة نفسها , و جبت وحدة مشتغلة 3 سنوات
اول يومين اوكي , اليوم الثالث قامت تشخط بالعيال و انا اطوف ... اليوم الرابع زفتني انا بكبري فوديتها المكتب غير ماسوف عليها

الخلاصة و الزبدة جبت نيبالية بس زينة و سويت طلب فلبينية جديدة

بس الخدم الي جبتهم كلهم يقولون حنا البيت الي قبل يسوون جذي او يقولون جذي , و الامور هاذي مو عندي


فاشلون اتعاملون خدمكم ,,, عسى الله يعوضني باحسن من رينوكا و جيتا :dddds:


و منكم نستفيد

 

[خبيرة اعشاب]

ابشركم 23 عضوة دشوا الموضوع و ما ردوا لو بكلمة هذيله ما عندهم خدم ؟؟؟

 

[ركازالكويت]

حبيبتي خبيرة اعشاب_ انا اقول لج سالفتي مع الخدم _انا اربع سنوات ما يبتلي خدم لاني اخاف منهم كلهم واتبهدلت مع اعيالي وشغل البيت وطبعا ماكو حقوق زوج لدرجت زوجي نفسه كان يقول لي خل نطلب خدامه وانا صامده بين بيت امي وحضانات لين امي صكت فيها ام الدنيا وقطتها بويهي انا ماقدر عاد استحيت على ويهي وطلبت نيباليه وما وصلت وقلت خيره وطلبت ثلاث هنديات وما اوصلوا سبحان الله لان ماودي الله موقاسملي وبعدها وصلت هنديه من حيدر اباد مدحولي الهنود حنونين على اليهال وما يتحرشون بالرياييل _وصلت بس اول مره تشتغل ضايعه وصخه مبهدله بس كسرت خاطري بعد سنه قالت بروح وطلعت بايقتني طبعا تبيني انفصل عن امي لان امي وايد تعلق عليها بس انا مخليتها على راحتها بيني وبينج انا احس اخاف ازف واستحي اعلق عليها بس اللهم يكافي ريحتها تشوفينها ماتشمينها مع انه كل شي شاريتلها مثل ما انا استخدم تخيلي_وراحت وبعدها طلبت فليبينيه قلت لغه حق اليهال ونظيفه ونقيتها نقوه حلوه والحين وصلت بس اطلعت مشتغله وانا كان اتفاقي ان تكون اول مره_بس محتارة اردها او اقزرها دام ماطلع منها غير اللقافة والتسأل وشوي تتسمع بس قلتلها انا مابي اسأله واسكتت وقلت خل اطوف لاني محتاجتها لين متى اتعب نفسي بس تدرين ابي رايج اخليها لو لا صديقاتي يقولون باجر تاخذ ريلج فبديت اوسوس _اسفه على الاطاله وناطلره الرد وشكرا حبيبتي

 

[HaSooNa82]

انا عن نفسي اول خدامة يبتها كانت فلبينية واتمنى الحين احصل وحدة مثلها كثر ماكانت زينة مع ولدي تربى على ايدها كان 5شهور قعدت عندي سنتين حبيت اقعدها زود بس عندها ظروف راحت عقب قعدت سنتين بدون خدامة ولدي عند امي ليمه زهقت من الروحة والردة ويبتلي مسترجعة سيلانية تمت عندي 3 شهور كل شهر طالعتلي بسالفة لمة اول هالشهر ذلفتها المكتب والحين طلبتلي مرة ثانية فلبينية ماادري احس احسن مع العلم ان السيلانية كان شغلها زين بس مالي خلق تطلعلي بسالفة كل شهر مرة تبي زيادة معاش مع العلم معاشها50 حالها حال الطلب بس مو عاجبها ومرة تبي يوم اجازة بالاسبوع علشان جذي وديتها وانشاء الله اللي طلبتها الحين تطلع زينة

 

[زيـنـه]

خبيرة اعشاب .. من تجاربنا في العايله مع الخدم سواء جدد او مشتغلين من قبل او مسترجعين.. احب اقولج ان الخدم بغض النظر عن جنسياتهم حظوظ .. و توافيج .

المعامله بصراحه انخاف فيهم الله .. و نقدر الظروف اللي يابتهم لنا يشتغلون و ينظفون .. و لابد ينعطى لهم من نفس اكلنا او من المطعم احيانا مهما يكون هم بشر و لهم نفس .. ونعطي الاكراميات و العيادي بالعيد لو اهم مو مسلمين .. غيرمشترى الملابس اليديده .. و اذا سوينا تصفيه و بنوزع شي من الملابس او اغراض البيت نعطيهم .

بس شتقولين ... الزينه زينه .. و الشينه شينه ما ينصلح حالها .

اتمنى تتوفقين بخدم سنعين .

 

[GAP^^الكبيرة]

خبيرة اعشاب .. من تجاربنا في العايله مع الخدم سواء جدد او مشتغلين من قبل او مسترجعين.. احب اقولج ان الخدم بغض النظر عن جنسياتهم حظوظ .. و توافيج .

المعامله بصراحه انخاف فيهم الله .. و نقدر الظروف اللي يابتهم لنا يشتغلون و ينظفون .. و لابد ينعطى لهم من نفس اكلنا او من المطعم احيانا مهما يكون هم بشر و لهم نفس .. ونعطي الاكراميات و العيادي بالعيد لو اهم مو مسلمين .. غيرمشترى الملابس اليديده .. و اذا سوينا تصفيه و بنوزع شي من الملابس او اغراض البيت نعطيهم .

بس شتقولين ... الزينه زينه .. و الشينه شينه ما ينصلح حالها .

اتمنى تتوفقين بخدم سنعين .

نفس كلام زيونه بالضبط

والله يا اختي على التساهيل والتوافيق من رب العباد
ساعات خوات تييبنهم وحده تشتغل ووحده لء

بس مرح اردج يالغاليه وراجعه اجاوب على كل سؤال

 

[GAP^^الكبيرة]

ما اود مناقشته معكم هو كيف تتعاملون مع الخدم عموما , و اي جنسات تفضلونها , و عمر الخادمة ... الخ الخ

يعني ما اتعامل معاها مثل صديقتي.. اهي يايه عشان تشتغل بس هذا ما يمنع اني اكون معاها طيبه وحليوه.. انا ما افضل جنسيه معينه
بس من اللي لاحظته ان الهنود نفسهم حلو بالمطبخ ... والفلبينيات شاطرين بالترتيب وهالسوالف
عمر الخادمه ما اخذ صغار وافضل المتزوجات

يعني مثلا الي تدش تسولف لنا عن تعاملها مع الخدامة و جم عمرها و هل خدامتها متزوجة و عندها عيال ؟؟؟

اول ما تيي اقولها شنو تسوي.. يعني مسويتلها جدول طول الاسبوع واحدد من اليوم الاول موعد نومتها وموعد قعدتها.. اذا صار شغل زايد بوقت متاخر اخيرها اذا تبي تسويه او تصعد غرفتها.. واعطيها فوقه فلوس مثل الاوفر تايم... يوم اليمعه فري مو الا تشتغل بس ما تطلع برا البيت.. واذا طلعنا نطلعها معانا عادي
بالنسبه للعمر... انا طلبتها بالثلاثينات و يتني 24 بس متزوجه وعندها ولد عمره 6 سنوات.. والثانيه مشتغله من قبل وتوها عندي ما صار لها اسبوع متزوجه بس ما عندها عيال

اشلون تسولف وياها ؟ شنو تشتري لها و بجم ؟ شنو حدود علاقتج فيها ؟ اتزفينها ,,, تضحكين وياها ؟؟؟

مم اسولف معاها عادي.. ساعات اسال عن اهلها اذا شفتها مكلمتهم.. اسالها عن صحتها اذا شفتها شوي تعبانه...ساعات اسالها عن اشياء معينه بس ما اتدخل بحياتها ولا اسمح لها تتدخل بخصوصياتي.. اذا غلطت انبهها او اخصم منها واذا كان غلطها جايد ومتكرر ومتعمد ازفها.. اضحك وياها عادي اذا كان الموقف يسمح بهالشي..بس مثل ما قلت لج اهي مو صديقتي سوالفنا تكون حسب الموقف... ولا تنسين اهي انسانه وتبي تسولف وتتكلم

عندها تلفون ؟ فكرتي تشترين لها واحد ؟

لء ما احب اعطيهم تلفونات... اذا يبون شي تلفون البيت موجود... وساعات اذا رحنا مكان وابي احصلها اعطيها موبايل بس ارد اخذه منها مره ثانيه... وانا ما عندي مانع انها تاخذ واحد بس شرطي انها ما تستخدمه هني بالكويت

معاشها جم ؟

45 وكل سنتين ازيد معاشها

تعطينها اكراميات ؟

بالعيد وكسوه الصيف وكسوه الشتا... واذا حسيت ان الشغل زيد عليها...

تجيبين لها اكل من مطعم ؟

اذا طلبنا ايي.. بس اذا ما كان عاجبها اكل البيت تطبخ لها من الموجود

تاخذينها وياج بطلعاتج او تقعد بالبيت ؟؟ اي سؤال بعد تنظف دارج ؟

على حسب المكان... او اذا كانت بروحها بتم في البيت اخذها معاي عشان لاتظل بروحها... واخليها تنظف داري اذا كنت موجوده بالدار واشوفها شنو تسوي

شنو حدودها مع عيالج؟ اتغير حفاظات ؟ اتسوي حليب ؟؟؟ اتنام وياهم ؟؟؟

خواتي كبار وما تنام معاهم.. اكو غرفه خاصه فيهم...

يا ليت الي تدش اتفيدنا باي شي بخصوص الخدم : امور لا بد من الاحتراص منها و امور نتساهل فيها ... الخ


لاني صراحة احس نفسي تمصخرت من الخدم , على كثر ما ادلعهم ما يعطوني اي اعتبار

حبيبتي الله يعوضج ان شاء الله باللي احسن منهم... نصيحتي يالغاليه.. كثر الدلال تخرب الخدامه واذا دخليتها بخصوصياتج مو بصالحج لانج ما تدرين تتكلم عند منو وشنو تقول... ولازم
كوني زينه معاها... بس لا تعطينها مجال تتطاول عليج وعلى عيالج

 

[خبيرة اعشاب]

بعد عمري انتوا ما تقصرووون

و ننتظر المزيد من المشاركات

الخدامة الي عندي تقول لي البيت الي كنت اشتغل عندهم قبل ما يخلوني اغسل ملابسي بالغسالة , اغسلهم بيدي ...؟؟؟ صج انا الخدامة لا خلصت من الغسالة اتحط ملابسها ...

قبل عندي خدامتين و احس عندهم وقت فراغ واااجد ... الحين وحدة و مو ملحقة ما تسوي اي شي , احسها ما فيها ترتيب .. يعني اذا مرت شي طايح ما اتفكر اتشيله .. بس يبي لها تدريب _03BA:



ركازالكويت

مشكورة يا قلبي على تجربتج :

بالنسبة للخدامة اذا اتغسل مواعينج و اتنظم البيت حمدي ربج و عن تجررربة , لا تروووح و تبتلشين , اذا مو مرتاحة لها روحي قدمي خدامة ثانية و اذا جت قولي يا ماما حنا شغل واجد و هاذي اتساعدج او اذا بيتج صغير قولي هاذي مو حقنا هاذي خدامة بيت صديقة مال انا او مالت اختي و نبي انعلمها و انردها ... يعني بالمختصر قصي عليها باي سالفة و خلي الثانية تتعلم لو اسبوعين على شغلج و ودي الاولانية للمكتب و جذي ترتاحين

HaSooNa82


اشكرج على المشاركة عيوني
الخدم حظوووظ , و الفلبينية زينة حق العيال .. بس ترى حتى النيباليات شغولات و يهبلون للجهال ... انا عندي احلى من السيلانية

 

[لميـس]

انا معااااااااااج انه مكتب حسن كماااال نصابييييييييييييين خدامه ماخذتها منهم 340 تقريبا اثيوبيه يوم رحت اردها بعد جم شهر يقول لي نبيعها 150 وبس
قلت له في خدماه 150 من صجكم واخرتها عطوني 200 وبس مع انه رادتها قبل رمضان باسبوعين يعني حزتها الخدم مرتفعه اسعارهم

 

[لميـس]

جربت النيبالية زينه بس كان عندي الحمولة خربت علي الخدامه
ويبت ثانية وفصلتها عنهم اثيوبية بس انا كرهتها شكلها يخوف وولدي مو متقبلها كلش وبعدين لسانها صار طويل
ومومحترمه بالحجي
والحين طالبه هندية والله يستر ان شاء الله توصل على خير
وانا نضامي بالخدم اول ماتوصل اقول لها تنامين الساعه كذا تقعدين الساعه كذا واذا عندي ضيوف ماتنامين الا اذا راحو ومن ثاني يوم شبعي نوم عادي
واللبس يونيفورم غيره ماكوو انسي وربطه على الراس عشان شعرها لا يطيح بالاكل او مني ومناك
ومن الصبح تمسح بالسرامييييك حتى لو كان نضيف
هذا شغل يومي تمسح البيت كله بالديتول مع انه بيتي ترا صغير مو من كبره
والغسيل يوم حق ملابسي ويوم ملابس زوجي ويوم ملابس ولدي
عشان لا اتخطلهم
وانتي بكرامة لزباله ماتطلعها الا معطيتني خبر
وبس هذا كلشي تقريبا
وان شاء الله باجي البنات يقولون لنا عن خبراتهم

 

[كوارين]

بعد عمري ام خالد هذه الخدم هالايام اتفرعنو علينا


انا جربت 3 خدامات اندونيسيات

وثلاثتهم حشاكم زفوت




اول وحدة غبية تحملت غبائها الزايد وآخر شي لقيناها مع السايق وودينيها



ثاني وحدة زييييييييييييييييييييينة مع بنتي كان عندي بس وحدة بس نفسييييييييييييييييييية



لا تكلمينها تطنقر وتعصب وتنزفني جنه اهي المعزبة معني اكلمها عادي وماصرخ عليها وماظل مكان بالكويت ماراحت له وغير المطاعم كنت كل مكان اوديها الغالي والرخيص





والثالثة جذابة وساحرة ومليقة وماني قادرة ابلعها


وقررت اني اغير هالجنسية بس مادري شنو اييب ؟؟؟؟؟


معنه معاملتي معاهم زينة انا الصبح اروح الدوام واهي تقعد مع اليهال واذا ييت كلة عندي اليهال لا تطبخ اهي ولا شي

 

[chocolate-cake]

بصراحه كلنا ما لنا غنا عن الخدم وانا شخصيا ما عندي خدامه ولا مفركه اييبلي الحين وزوجي ما يحب الخدم بس شغل الدنياه على راسي وان تعبت يوم واحد احس ان تراكم علي الشغل بس الجأ حق خدم بيت امي الله يخليها لي ان شالله تخلي خدمها يساعدوني شوي بس تعاملي مع خدامة امي بحدود اطلب منها الشي الي اانا محتاجته مو متكيسله اسويه وللعلم الحمدالله هذه خدامة امي عندنا من وانا بالابتدائي والحين الحمدالله انا ام بس الي صبرها علينا طريقتنا بالتعامل معاها اهيا تساعدنا مو تشتغل عنا في فرق وفي اوقات انج تكافئينهم وفي اوقات انج تفهمينهم احسن من انج تزفينهم وصدقيني كل ما صرتي على طبيعتج ويا الخدم كل ما حبوج اكثر بس نصيحه حق كل الخوات الخدم يايين من بيئة غير عن بيئتنا ولله الحمد عيشتهم مزرية يدشون بيوتنا بالنسبه لهم قصووور شلون تخلونهم على طول يدشون مطابخكم ويجابلون عيالكم خلوهم للتنظيف ويساعدونكم والله يحفظ الجميع

 

[خبيرة اعشاب]

السلام عليكم

الموضوع كان قديم بس جزاها الله خير الي رفعته :eh_s(6): عشان بقول لكم الي صار بعد التجربة الجديدة

طبعا بعد صولات و جولات مع الخدم صار عندي خبرة في هذا المجال :eh_s(4):

و هذه نصائح ذهبية و ماسية اقدمها لاي وحدة عندها خدامة و مبتلشة فيها

- اول شي حنا نجيب الخدامة و نبي انعاملها كانسان له كرامة و نحترمها و نعطيها حقها بس للاسف الاغلبية يفهمونا غلط و يحسبونه ضعف و ان البيت ما فيه سيطرة يعني انا اولا احب اكلم الخدم بهدوء و لا اعصب عليهم و لا شي فهم يفهموني غلط و يحسبوني ضعيفة ما اقدر عليهم فالمبدا هذا كنسلته الخدامة اذا طلع منها اي غلط ما اتساهل فيه و ابين لها الصرامة ( بدون صياح طبعا ) فقط زف

- الخدامة جاية للكويت عشان تشتغل و تاخد معاش صح ؟؟
عطيها شغل : الخدامة لا صار عندها وقت فراغ تجيها الافكار الحلوة , فمن الافضل ان ما يكون عندها وقت فراغ تقعد الساعة 7 تشتغل للساعة 2 عندها راحة من بعد الغدا ساعة و تكمل بعدها للساعة 10 تدخل غرفتها تنام
المعاش : لازم يكون اول باول و ما اتاخرينه عنها يوم واحد

- الترفيه : يكون بحساب مو بالفاضي و المليان انا قبل الخدامة آخدها بكل مكان مطاعم اسواق ( و تقعد اطالعني شنو شارية و بجم ؟؟ ) و هذا طبعا غلط
الحين الخدامة آخدها فقط للزوارة او اذا رايحة سوق و مضطرة آخد عيالي

الخدامة ما تقعد عندج ابدا ابدا و لا تكلمينها عن مشاكلج او تشرحين لها اي شي متعلق فيج او باهلج لان اذا كلمتيها بالاسلوب هذا اتحس انج انتي وياها سوا و تطيح الميانة
ممكن اسالها عن اهلها مرات , ممكن اكلمها عن شغلة في اطار عملها فقط

- لازم الخدامة تفهم ان البيت ممكن يستغني عنها في اي وقت , لان في بعض الحريم اتصير الخدامة هي صاحبة البيت و هي الي تعرف الصغيرة و الكبيرة و في هذه الحالة تحس انها مهمة و ما حد يقدر يستغني عنها و بالتالي تطغى لذلك من المهم ان شغلها كله يكون بحدود

اتنظف البيت - تطبخ بس انتي اتقدمين الاكل - تجيب لج ملابس العيال بس انتي اتلبسينهم - تكوي الملابس بس انتي اتحطينهم بكبتج .... الخ

و في هذه الحالة حتى الخدامة تحس انج مسيطرة بالبيت و شغلها مرتبط فيج

اكراميات لا تكثرين منها الا في الاعياد او المناسبات لان اذا عطيتيها مرة بتصير حق مكتسب و في كل مرة بتنتظر نفس الشي

يعني انا مرة كان عندي عزيمة و حسيت ان الخدامة عليها ضغط واجد و هي بروحها فعطيتها اكرامية

المرة الي بعدها كان عندي عزيمة بس جبت خدامة اهلي اتساعدنا ( و عطيتها اكرامية مبلغ معين و عطيت خدامتي مبلغ اقل منه )
بالزوارة كلمن بعض و خدامتي زعلت ليش عطيت هذيك اكثر منها ( مع ان خدامتي باااردة و يوم شافت الخدامة الثانية قامت اتماطل بالشغل ) و هاذي بعد ما طولت عندي بس 3 شهور و رجعتها المكتب


الخلاصة :

الخدامة لا تعطينها وجه ... ,,, في جميع الاحوال فاغلب الخدم ان طبتي فيهم صارت النتيجة بالعكس و لعبوا فيج لعب :0bee2e8d89: ما اقصده بكلامي مو ان الخدامة اتعيشينها في جو من الزف و التجريح انما المقصود ان علاقتج فيها اتكون رسمية الى ابعد الحدود

و ننتظر مشاركاتكم

 

[opera]

انا هذي اول خدامه اييبها صارلها سنه عندي

ومن عمري انا ماعرف اتعامل مع الخدم .. اخاف منهم واخاف اظلمهم

المهم يبتلي خدامه من اول ما ولدت .. ياتني يديده اول مره تشتغل وماتعرف عربي علمتها الكلام والشغل ماشالله نظييفه ومرتبه متعلمه ومتدربه عالشغل بالمكتب قبل لا تيي


وحنونه على ولدي وتحبه وتخاف عليه .. هذا جدامي .. بس الله يستر من وراي


امممم

الاكل تاكل نفس اكلنا واطلب لا من مطعم عااادي .. بعد حرام اهي تشتهي وتشم ريحه الاكل واحنا ناكل .. عينه تصير فيه لازم تاكل مثل اكلنا


وملابس اشتريلها لكل مناسبه .. يعني عيد . شتا صيف .. لازم وغير جذي ااذا سافرت اييب لها صوغه معاي



اطلعها معاي اذا كنت انا بروووحي بطلع مع ولدي عشان تمسكه وتشيله معاي وعشان تحط بالها عليه اذا بسوق السياره



تنام بغرفه بروحها .. بس اذا انا موموجوده بالبيت وولدي يكون نايم اخليها تقعد بغرفته عشان اذا قعد




بس في شي واااحد للحين ماني قادره اسويه !!!

اني ازفها واعصب عليها ذاا اغلطت !!

بصراحه انا شكلي صغير واهي عووده مادري شلون اخليها تخاف مني

يعني في اشياء قاعده تخربهم وتحرق ملابس مره مرتين طوفت .. بس زاد الشي !! مادري شلون ازفها ؟؟؟؟؟

اخاف اعصب عليها وتحط حرتها بولدي


قولولي شلون اتصرف معاها

 

[عيالي غناتي]

بصراحه اعمل الخدامه معامله حلوه في بعض الناس تعاملها بإهانه وتذله ترا الدنيا حدتها تشتغل هالشغله ؟؟


اعطيها هديه واكراميه اذا شفتها اجتهدت وغيرت شي انا ماكنت احبه فيها او كان عندها ضغط مثل الرمضان لن لاكراميات والهدي على طول تمصخ لسالفه يعني لازم تبينين لها انج كل مصرتي زينه صير زينه كثر وياج...

اسولف معاها بحدود عن شغله تخص المطبخ التنظيف مو اكسر السوالف وياها بعدين ماراح تحترمج اذا كل سااعه قاعده تسولفين معها[/


اذا كلمت اهلها اسألهاا عن عيالهاCOLOR ترا تستانس اذا انتي مهتمه فيهم

طبعا اشتري لها ملابس بين فتره وفتره التغير مطلوب وما اخلي عليه قاصر

معااشها 45 وانا اشتري لها اغراض الحمام الشامبو واالمعجون والكريم

عندها تلفون بس ماتطلعه جدامي دايم بالكبت بس تكلم وقت الحاجه


ووووبس ]

 

[لميـس]

والله موضوع مفيد بس اختي عيالي غناتي شلوون اتخلين عند خدامتج تلفووون :×
غلط

 

[لميـس]

عزيزتي اوبرا اذا تبينها اتخاف من غير لا اتحقد ولا شي مالج الا طريقة وحده قولي لها المره اليايه اذا حرقت شي ترا من اليووم ورايح راح اخصم من معاشج اي شي تكسرينه او اتخربنه وفعلا اخصمي لا تتهاونين كلش
وشوفي شلوون راح اتخاف وتهتم

 

[اسيرة زوجها]

انا ملحظه ان معاش خداماتكم 45 اشلون تقولون لهم انا المكتب قالي 50 بس خدامتي اللي قبل عطيتها 45 وعقب سنه 50 وعقب السنه الثانيه 55 ومكملت شهرين وسافرت وودي امشي النظام هذا لانه يريحني بس اخاف تحقد؟؟واي الشامبو والكوتيكس عليها مو على انا بس ايب لها كرت بودينار ونص تكلم اهلها مره بالشهر من نقالي واهدوم واو ماتييني اجهزها من ملابس شبباصات ديودرنت شحاطات كل شي تبي بس او ماتي وخدامتي الاولى هنديه والثانيه سيلانيهوانا من طبيعتي اعطي الخدامه اوامر واسالها عن كل شي او ماتي اول مره تغلط اطوف ثاني مره ازف ثالث مره اطردها برا الشقه عشان تستوعب انها مو راضيه تفهمني وماعمري طقيت الخدم وماحب اغلط بالكلام ولا اصير حنونه معاها وهم اعطيها هديا بس كل فتره وبالاعيادج اعطيها 3 او 5 دنانير عديه وبس

 

[خبيرة اعشاب]

هلا
اشكر كل من شاركت بالموضوع

انا الخدم جميع احتياجاتهم علي و هذا الي المفروض يكون حتى بالمكاتب لو تقرين العقد مكتوب احتياجات الخادمة مو من ضمن المعاش

طبعا الخدامة كل شهر بتشترين لها ( شامبو - صابون - مزيل عرق - بودر - كريم يدين نيفيا - و فازلين اكبر حجم يستانسون عليه - امواس حلاقة - دهن للشعر- كوتكس ) طبعا مو كل شهر اشتري في شغلات بتم عندها فترة ما تخلص اشتري لها بدالهم شي ثاني

عندي الخدامة القديمة معاشها 55 بس انها شاطرة و تسمع الكلام و كل شهر اعطيها كرت 5 دنانير و هدايا خفيفة
الثانية معاشها 50 انا جايبتها من مكتب بس لانها مسترجعة اول معاشها 45 و طبعا اغراضها علي و كل شهر اعطيها كرت تلفون ب 5 ادق على اهلها

و سلامتكم

 

[العاطفية]

بصراحة الخدم حظوظ والاهم معاملة خلج حقانية اهم شي العدل..والاهم من كل شي الرسمية ماتنعطى ويه نهائيا لازم تفهم انها خدامة وهذي وظيفتها اي تقصير مكرر ينخصم من معاشها بدون هواش وبهدووووووووووء