نحن و الخدم .... موضوع مهم للمناقشة

[خبيرة اعشاب]

مشكورين على المشاركات


للرفع

 

[هجووورة]

موضوعج حلو خليني اقولج اشصار عندي اليوم
تعودت اني ما احرم الخدامات اللي يحبون ياكلونه بمعنى ايييب الفلفل -العدس - التونا -حتى العوما اليابسة اتحمل ريحتها علشانهم
اليوم رحت انجب الغدا كان اشوف الغدا زايد وعيالي طالعين واللي توه متريق جان اقول لهم ليش الماجلة ما تقعد يومين الدياي توني يايبة كرتون خلص اشوي خفي علينا علشان الاكل مو بس لنا لكم همن وطلعت
رديت ابي اخذ شي من المطبخ جان اسمعهم (جنسيات مختلفة) يقولون حق بعض (ماما زعلان علشان اليوم يسوي مرق فلفل)
هنيه شبيت ودخلت عليهم احاسبهم على اللي سمعته انا من متى بخلت عليكم والا حاسبتكم سويتوا فلفل والا لأ
خلاصة الكلام اخذي حقج منها وعطيها حقها
وفكرة ان الخادمة تاخذ قيلولة (خراب بيوت) لان فيه خادمات ماعندهم شي ولا شغلة انتي يا العزبه اذا شبعتي نوم باليل ماييتج نوم الظهر اهيا غير
عن تجربه( الخدامة اذا صار عندها وقت تقوى) خدامة خالتي طول الاسبوع اكل ومرعى وقلت صنعا تعالي شوفيها اذا يو البنات زوارة
لانها تعلمت على الربادة
لا احد يفهمني غلط انا ما احب اعذب ولا عمري مديت يدي على احد بس فيه مخدومات هم سبب المشاكل اللي قاعدة تصير لو كل المخدومات على نفس المبدأ جان ما شفنا هالتمرد اللي قاعدين نعيشة
الخدم لهم من يطالب بحقوقهم وهم اللي على حق وهم الكاسبين في كل الحالات
انتم وين حقوقكم شنو كسبتوا؟؟؟؟؟

 

[Rahoum<3]

خوووووووووش موضووووع

وحبيت افيدكم بتجربتي

الخدامه اول ما توصل الى مده ثلاث شهور صيري صاااااااارمه

علميها عن الاولويات اللي لازم تحرص عليها مثل عيالي ما ينزفزن اي غلط يسوينه تعلميني مو تتصرفين من نفسج

الصوت العالي بالبيت ما احبه لان شقتي صغيره وان الشغل اللي اكلفها فيه لازم يخلص بالوقت المحدد

وانا نظامي بالبيت واحد الصبح انا واليهال بالدوام وعقب الدوام انام لي ساعه وتالي ادرسهم والعشا يكون زاهب قبل السبع وطبعا ابلغها من الصبح شنو تسوي هاليوم

واذا غلطت افهمها مثلا يوم احنا كان غدانا مرق لحم وعيش مشخول لقيت انها مطلعه ديايه وطبعا لو سكت راح تتعود انها تطلع ايدام من كيفها

مو بخل لا بس علشان تتعلم انها ما تحط شي على كيفها

والا ما فهمت الباب يوسع جمل

 

[PuPa^^SWeeT]

الموضوع حلو و مفيد


اب اب اب
اب اب
اب




انا نظامي لهم

مالها موبايل و انا اجابل عيالي بس ساعات اخليها اتجابلهم جدامي يعني انا قاعدة


و الطباخ اذا اتعرف خليتها تطبخ

اذا طبخة يدييدة ولا انا لي مود انا اطبخ


انا ماحب ازفهم

انبههم على شغلهم اذا خربان و بس

 

[بقلبي انت]

ماعندي خداااااااامه
انا قايمه بالشغل واذا افكر اجيب يمكن اجيب سيلانيه او هنديه بس

 

[blue rain]

موضوع مفيد
جزاكم الله خير

 

[جورجيت]

الخدم شر لا بد منه
الله يعين

 

[PuPa^^SWeeT]

السلام عليكم

لا يخلو منزل كويتي من خادمة او حتى 2 او 3 او 4 .... الخ

و اغلب المنازل تضم الى ترسانة الخدم سائقا و خادما للديوانية او طباخا ... الخ

ما اود مناقشته معكم هو كيف تتعاملون مع الخدم عموما , و اي جنسات تفضلونها , و عمر الخادمة ... الخ الخ

انا افضلها نيبالية و عمرها زين مو صغيرة مو كبيرة

يعني بين 23 لين 35

يعني مثلا الي تدش تسولف لنا عن تعاملها مع الخدامة و جم عمرها و هل خدامتها متزوجة و عندها عيال ؟؟؟ اشلون تسولف وياها ؟ شنو تشتري لها و بجم ؟ شنو حدود علاقتج فيها ؟ اتزفينها ,,, تضحكين وياها ؟؟؟

كيفها متزوجة ولا قاعدة ولا عندها عيال مايهمني ماسولف وياها الا عن اليهال

لا ماحب ازفها مهما يكون ابي ارتاح الزف يطلع علي انا و اعصابي تتلف

اضحك وياها اذا قالتلي بنتي سوت شي يضحك ولا سولفتلي عن اهلها

اشتريلها شغل النظافة الشخصية كله من الي
عندها تلفون ؟ فكرتي تشترين لها واحد ؟
معاشها جم ؟


استحالة تلفون عندها موبايلي اتكلم فيه
تعطينها اكراميات ؟
تجيبين لها اكل من مطعم ؟


يعني اذا حسيتها اليوم مثلا اشتغلت عدل وماتحلطمت و حسيت فيها تعبت حيل اعطيها كرت ولا اعطيها فلوس زيادة دينارين

اطلبلها ويا بناتي اذا طلبتلهم مرة بالاسبوع
تاخذينها وياج بطلعاتج او تقعد بالبيت ؟؟ اي سؤال بعد تنظف دارج ؟
ايي اخذها اذا بطلع بروحي ولا بطلع اببيت احد يعني اتساعدني


ساعات تطلع وياي ويا ريلي مع البنات

ساعات لاا اخليها بالبيت و ناخذ البنات انلعبهم و ناخذ تايم لنا بروحنا وياهم
شنو حدودها مع عيالج؟ اتغير حفاظات ؟ اتسوي حليب ؟؟؟ اتنام وياهم ؟؟؟

اتغير حفاضة الصغيرة بس الكبيرة انا اغسلها و ابدلها لا ماتنام وياهم نومتهم عندي انا انومهم

واجابلهم

واذا جابلتهم اتكون جدامي بالصالة وانا عندهم

يا ليت الي تدش اتفيدنا باي شي بخصوص الخدم : امور لا بد من الاحتراص منها و امور نتساهل فيها ... الخ

شوفي انا ماحب افتش بس ساعات لازم اتفتشين سوالف مكياج و جذي حصلتهم بكل الخدم لمل يطلعون من غرفتهم بشرتهم مو نظيفة ربانية لووول بس يعني بشر مثل ما احنا نبي انحط لما انداوم اهيي نفس الشي

هذي جكيت عندها قلم كحل حق حواجبها ( ماعندها حواجب علشان جذي اتلونهم )

بس ان جكيتي موبايل وانتي ماعطيتيها و طبعا اهيا مو من النوع اللي تطلع اوف بالاسبوع

يعني فيه احد معطيها يعني ممكن يدش او انه داش و خالص

قمصان نوم يعني عندها هدف

بس المكياج لاا مو شرط اتلاقينها اهيا اتحط بديرتها كحل ولا حمراا خليها اذا ماتبين مكياج بالبيت قوليلها لاتحطين شي على ويهج
لاني صراحة احس نفسي تمصخرت من الخدم , على كثر ما ادلعهم ما يعطوني اي اعتبار

مؤخرا خداماتي 2 انحاشن مع اني و رب الكعبة ما سويت لهن شي بالعكس دلال آخر دلال , و الله اخليها تدق على كنتاكي تطلب لها و للعيال وجبات , بدلات اشتري احلى شي
نعال عزكم الله و الله اشتري ماركات

لا و فوق هاذي و هذيك مطيحة الميانة يعني عادي الخدامة لا خلصت شغلها تجي و ترز وجهها عندي بالصالة اذا زوجي مو موجود

شغل مستحيل اقول سوي جذي او جذي ... هي عارفة شغلها و اتسويه , و عندي خدامة ثانية بس اتنظف و اتغسل ... و طبخ انا اطبخ بنفسي

و ما عندهم شغل بعد اكثر المرات اروح بالمزرعة :tomato2:

المهم بعد نحشة الخدامات قمت اجيب من المسترجعات , واول مرة بحياتي اجسب مسترجعة ...كله اجيبهم جدد من ديرتهم و اعلمهم على نظامي الخرطي

اول مسترجعة قلت بجيب اثيوبية , و راح زوجي جابها من مكتب حسن كمال الي بالمناسبة طلعوا نصابين و انصح اي احد يتعامل وياهم ,قالوا دفع المبلغ 400 دينار كامل مقدما و ان ما جازت لكم الخدامة رجعوها و نقص 3 دنانير عن كل يوم و انرجع الباجي

قلنا خوووش ,, يوم جتني و لا تخرع بسم الله الرحمن الرحيم ( لا اعتراض على خلق الله ) بس و الله حتى عيالي اسم الله عليهم خافوا منها و ما قاموا يدشون المطبخ ... الخ دقيت على المكتب قلت له برجعها قال زين خليها تعلم و الله تبي الشغل ... الخ , قلت يا خوي ما تنرقع و ما ابيها و لو سمحت رجع الفلوس

قال لي الحقير ما في فلوس , لو اتردين الخدامة انطري الين انصرفها و فلوسكم وديناهم اثيوبيا ,,, قلت شكو اتوديهم حنا لا حولناها و لا قلنا اي او لأ ...

عاد زوجي قبل عنده مكتب خدم و يعرف الاجراءات ,,, راح و بلغ عنه بمكتب العمالة ببيان , و الله جاني بالبيت و جاب الفلوس ...الحقير 3 ايام يماطل فيني و الخدامة مريضة تكح و اترجع ووديتها له و عطاني جوازها كضمان للفلوس بعدين

طولتها شوي بس ما عليه من الحرة الي فيني ,, جبت هنديتين قلت حنونات على الجهال , وحدة امصخ من الثانية , الصبح الا اقعدهم , شغل اعلم و اعلم ما في مخ مع انهم ال 2 مشتغلين قبل بس ما في استيعاب ... وحدة من كثر ما في بايعتها اتغني بالمطبخ

آخر شي قلت ما كو الا السيلانية , تكد و محترمة نفسها , و جبت وحدة مشتغلة 3 سنوات
اول يومين اوكي , اليوم الثالث قامت تشخط بالعيال و انا اطوف ... اليوم الرابع زفتني انا بكبري فوديتها المكتب غير ماسوف عليها

انتي زفتج انا رقعت الباب بويهها و انا اكلمها خايسة اتلوع الجبد ام اللسان

الخلاصة و الزبدة جبت نيبالية بس زينة و سويت طلب فلبينية جديدة

بس الخدم الي جبتهم كلهم يقولون حنا البيت الي قبل يسوون جذي او يقولون جذي , و الامور هاذي مو عندي


فاشلون اتعاملون خدمكم ,,, عسى الله يعوضني باحسن من رينوكا و جيتا :dddds:


و منكم نستفيد

قوليلهم شغلي غير عن شغل ذاك البيت


انسوو ذاك البيت و اشتغلوو على طريقتي وقوليلهم شغل اهناك بالعكس صعب انا احسن




والله شوفي الخدم يبيلهم موود و اعصاب ماتتلف



انا ماحب اعصب عليهم لأني انا اتعب


وبس

 

[PuPa^^SWeeT]

نسيت

معاش النيباليات 45 انا ازيدها 3 شهر اذا شفتها زينة و هبت ريح

وعطيها 5 فا يصير 50


الحين رمضان بتكون بروحها افكر بنصه اعطيها اكرامية بسس اذا كانت زينة

 

[ن ت ا ل]

الحمد لله والشكر . الخدم علي النيات يقولون . بس شكلك قاعدتلهم قععععده مالومهم خخخخ سويلك خلطه اعشاب تقعدهم عندك . باين عليييك صراحه عيونك علي خدامات خلق الله حتي اسئلتك ؟؟؟ بدون تعلييق ماتبين قياس سراويلهم بعد ههههههههههههههههههه

 

[أم حمد 4]

حبيبتي عيب عليج هالاسلوب الاستهزاء هذا البنت ما قالت شيء بالعكس مبين عليها حريصه موأحسن من الي ما يدرون عن بيوتهم ولا عيالهم كله بيد الخدم الخادمه في البيت عامل مساعد فقط وعلاقتي معاها في أطار العمل مالي شغل في خصوصياتها