نتيجة تحليل الحمل المنزلي خفيييييف حييييل ؟؟؟ حامل ؟؟ بالصوور

[أم علي حبيبي]

السلام عليكم بنات

حبيت أسال ذوات الخبرة انا دورتي تجيني كل 31 يوم ومنتظمة الحمدالله المفروض هالشهر كانت تشرف يوم 29/1 بس ماشرفت ؟؟؟ قلت بصبر ليوم 2 بالشهر واسوي تحليل منزلي..
طبعا يا صبر من وييييين اشترييييك ؟؟؟ صحيت الفجر جني مينونة :krkrkr: أستغفر الله الساعه 3 الفجر ودشيت الحمام(عزكم الله) وسويت تحليل الحمل المنزلي وماطلع شي بحزتها وزعلت ورحت ارد انام قعدت الساعه 6 ونص والا خذني الفضول اطل على التحليل والا الاقي خط خفييييييييييف مبين ؟؟ :eh_s(10): قلت يا ربي شنو يعني حامل والا شنو ؟؟؟
تكفون اللي لها تجربه تقولي علما بأني عندي عواار قوي بظهري اول مره يحوشني لما اقوم من قعدتي والا اوقف واحس بالرحم شاااد وتجيني هفواات لوعه جبد يعني مو طول الوقت .. وعفوا بس عندي افرازات شفافة مايله للأبيض ؟؟ شنو معناته .. مافيني صبر خصوصا اني بغربه ماعندي غيركم تكفووووووووووون ساعدوني ..:eh_s(2):


يارب يارب يارب يا كريم ترزقني وترزق كل محرووومة يارب يارب ابيكم تردون علي ولو بدعوه :eh_s(2):

وسوووري طولت عليكم .. :eh_s(7):

 

[jجوري]

والله مادري ان شاءالله حمل يارب
حللي مره ثانيه بكرا وشوفي

 

[أم علي حبيبي]

حبيبتي جزاج الله خير انا اذا بحلل مره ثانيه بنطر اسبوع صراحة مالي خلق كل يوم أمل نفسي وبعدين مافي حمل
جزااج الله خير مشكورة على الرد

 

[كتالونيه]

حامل مبرووووكـ
مثل حالتي انا قطيته
بعدين لما رجعت شفت خط خفيف
والحمدالله طلع حمل

 

[كتكوته حبيبي]

مطري جم يوم وحللي بمختبر احسن لان مرات تتاخر جم يوم من التعب والارهاق او لتفكير وانشاء الله حامل

 

[كتالونيه]

لما سويت بعده باسبوع
طلع واضح
يارب الله يرزقج بالذريه

 

[كتكوته حبيبي]

تعديل مطري= نطري

 

[محتاره بدنيتي]

ان شاء الله حامل حبوبه جربي تحليل الحمل كلير بلو الدجتل وحده بوحده انا اول ثلاث ايام بعد الدوره بين معاي اني حامل واحسن نوعية تلقينا في بوتس اهبببل ورقمي مايطلع خط اذا مو حامل ناقص اذا حامل زائد جربي وبشرينا وان شاءالله حامل هذي تقريبا اعراض حمل
والله يرزقج اللي تبينه ان شاءالله

 

[بنت جنيف]

انا بحملاتي كله خط خفيف وخط واضح وصج اكون حامل

 

[أم علي حبيبي]

حياتي كاتالونيه فديتج رديتيلي الأمل .. انا قاعده اقول بس ابي احس ولو واحد بالميه امل واذا لا خل اسوي اي شي انزل الدوره عوار ظهري ذابحني أول مره جذي مو متحمله حتي حموضه ولوعه جبد مادري الله كريم جزاج الله خير


كتكوتة حبيبي حياتي مشكورة علي الرد .. انا بعد أٌقول انطر اسبوع بعدين ارد احلل .. والله كريم دعواتكم

 

[أم علي حبيبي]

محتارة بدنيتي والله هذا اللي بجربه وصيدليه بووتس قريبه علي بس اقول انطر شوي يمكن اتوهم يارب اكون حامل ولدي كله يقولي ماما ابي نونو يكون صديقي ادعولي

بنت جنيف حياتي مشكورة الرد يارب اطلع حامل


وعلي فكره بعد من بين العراض صدري احسه جنه ملتهب يعني الالم اللي فيه يعني من اضغطة احس بموت من الالم .. الله كريم دعواتكم ولكم بالمثل ان شاء الله حبيباتي

 

[أم علي حبيبي]

ويييين ردوووووووودكم يا ذواااات الخبره ؟؟؟

 

[المسكـ]

الف مبروووووووووووك

حامل

انا بعيالي كلهم طلع لي هاللون لول لاني احلل العصر ولاني شاربه ماي وايد قبلها يعني مافي تركيز الهرمون بالبول

وانشالله تيبين اخو ولا اخت حق علاوي

 

[أم علي حبيبي]

المسك حيااااااااااااااااااااااااااااتي فدييييييتج والله عسى ربي يقومج بالسلامه ويسهل عليج طلقه وولادته يارب

الله يبشرج بالخير .. الله يسمع منج يارب ويكون حق علاوي اخ او اخت يارب .. حبيبتي مشكورة

 

[ريماا]

ان شالله حاامل انا بكل عيالي يبين معاي التحليل خط واااضح قبل موعد الدورة بيوم او بعدها بيوم
بس بحملي هذا تاخرت وحللت منزلي ولابين معاي شي وتاخرت جم يوم وبعدها بين خط خفييييييف مثل الخيال لما سويت تحليل دم بين
عاد في امل ان شالله

 

[أم علي حبيبي]

ريما حياتي شاكره مرورج وردج الطيب حبيبتي فديتج الله كريم انشالله

 

[nab'9 7abeeby]

ان شااء الله تكونين حامل يااا رب
انا حللت في البيت وما نطرت موعدها وطلع لي خط جداااااا خفيف
ونطرت جم يوم حللت هرموني والحمدلله كنت حاامل

 

[أم علي حبيبي]

يارب يارب يارب الله يسمع منج يارب ويخليلج كل اللي تحبينهم يارب

 

[Atooofi]

الف مبروووووووووووك حامل انشالله نفس اللي صار معاي بالضبط لو مافي حمل الخط الثاني ما يبين كلش

 

[دلال العلي]

عزيزتي تحليل الحمل الي في البيت ما يبن عدل الا بعد اسبوع يبين معاج عدل بس تحليل الدم يبين من اول يوم
نصيحه روحي اقرب مختبر وحليلي وتطمني احسن من المحاتاه وان شاء الله تكونين حامل