نتيجة اللتحليل بهدلتني...

[الزعولة]

مرحبا كويتيات

مو من عادتي اكتب مواضيع اتابع بس لأني محتاسة واعرفكم مابتقصرون

تعبانة حيييييييييييل ومصدومة وكارهه الدنيا..احس مو وقته كلش

انا متزوجة من 2002 بس كنا مسوين مانع لحد سنة 2005 وبعدها كنا نبي طفل وما الله كتب لانه عندي تكيس وهرمون الحليب مرتفع وبسنة 2009 حملت وجبت احلى بيبي بالدنيا حمني وعمرة 9 شهور حاليا

بعد الولادة اعتمدنا العزل وماشي معانا تمام ولاني ما ارضع طبيعي فالدورة تنزل بموعدها بالضبط رغم التكيس وهرمون الحليب الا ان دورتي منتظمة مثل الساعه

الشهر اللي طاف نزلت بتاريخ 19-7-2010 واستمرت الى تاريخ 27 -7 -2010

حصل لقاء بينا بتاريخ 30-7 2010 وهو لقاء واحد فقط خلال الشهر مع العزل

وخلال هالشهر ابدا ماصار شي لانه شوي مطنقرين على بعض وكل واحد ينام بغرفة:bbbiu:

الغريبة وهي الاهم

كان موعد دورتي 16-8 وانتظرتها وماشرفت وشربت دارسين وكل انزاع الاعشاب وماشرفت

ولأني كنت متأكدة مافي حمل شربت حبوب primolut لمدة 4 ايام والليلة الفضول ذبحني سويت تحليل بالبيت

وطلعت النتيجة

ايجابية

خطــــــــــــين وواضحين عدل

طبعا دبحت روحي من الصياح ..ولدي توه صغير الحمدلله على كل حال

السؤال هو شلون صار حمل؟؟
وهل الحبوب اللي شربتها لها تأثير على الجنين مستقبلاً ؟
وهل ممكن يكون التحليل خطأ او الحبوب اللي شربتها رفعت هرمون الحمل يعني؟؟

خايفة ومصدومة وكل انواع الحالات النفسية فيني

ارجوكم ردو علي​

 

[ام اميره]

بالعكس فرررحي والله حاااب انه يرزقج ويعطييج والله سبحانه له حكمه في كل شي
بس الاحسن انج اتسوين تحليل دم اضمن عشان تتاكدين
وبعدين بالعكس اذا حامل ولدج بيستاانس مع اخو ولا اخته لانه راح يصير من عمره وقد بعض عرفتي انا حملت عقب بنتي ب6 اشهر والحمدلله على كل حال بس انا بنتي الاولى اهيا داون وعشان جذي حملت عقبها لاني ابي لها اخت والحمدلله ربي رزقني
والله يكتب لج اللي فيه الخيرر وبعدين يمكن ربج يبي يحل مشاكلم انتي وريلج ويكون خير صح بينكم ماتدرين ربج شنو كاتب لكم والخير فيما اختاره الله والف مبرووك مقدما حبيبتي

 

[miss-winter]

الله يتمم عليج المفروض تفرحين انتي من زمان متزوجه من 8 سنين سالي دكتوره احسن لج

 

[دآنة آلرشآيده]

اول شئ الف مبروك
ثاني شئ حمدي ربج في ناس يدورون الحمل دواره
الله يتمم عليج يارب

 

[ديانا سبنسر]

نفس حالتي بس انا سويت تحليل دم ومافي حمل بس للحين ماجتني الدورة ياربي يصير حمل مع العزل انا محتار اكثر منج

 

[لهفة المشتاقه]

نصيحتي روحي لدكتوره اساليها
وان شالله مافيه شي البيبي ويكون سليم
واحمدي ربج على كل شي

 

[الزعولة]

مشكورين غاليات

ربي يجعلها بميزان حسناتكم ان شاء الله

ربي يرزق كل محروم بحق الشهر الفضيل


طبعا حالة اكتئاب عندي لا أكل ولا نوم وحتى ولدي مالي مزاجه ابوه يشيل ويحط فيه

بس للحين اتسائل هل في نسبة خطأ في تحليل المنزل؟؟

اعطي روحي أمل..اتمنى اختي ديانا ترجعين لموضوعي وتردين علي على الاقل نهون على بعض غالية
هل نتيجة الدم اختلفت عن تحليل البيت؟؟ لو ماسويتي بالبيت؟

ولحين احاتي تأثير الحبوب لانه مكتوب بالنت انه يأثر على شكل اعضاء الجنين اذا كانت انثى

الفرج ياصاحب الفرج

 

[نرجس 85]

رد : نتيجة اللتحليل بهدلتني...

حبيبتي اذا الله كاتب تكونين حامل (( وعسى ان تكرهوا شيئا وهو خيرا لكم ))
والواحد فينا مايدري وين الخيره
وثاني شي اذا على هالحبوب برميوليت انا استخدمتها بحملي هذا وانا ما ادري حامل وقالي الدكتور انها مستحيل
تأثر على البيبي وبالعكس تكون مثبت في حاله الحمل
فلا توسوسين ولا تخافين والله يرزقج طفل متعافي يارب

 

[العياره]

الحبووب مالها تأثير بالعكس رااح تثبت الحمل اكثر

الله يتمم عليج انشاءالله

 

[_ظل الياسمين _]

ربى يجعلج الخير من امرك..توكلى على الله كل اللى منه خير..

والبنات طمنوج انه الحبوب ماتاثر استانسى بعطيه ربك.

 

[احلى سماء]

حمدي ربج تكيس وهرمون حليب وحملتي

غيرج كل يوم جماع

وحاتهم حاله ومراجعات ومنشطات وابر

وما صار حمل

احمدي الله

ما تبين الجاهل اللي ببطنج

خلاص اولديه وعطيني اياه
احطه عندي

 

[*ماي الورد*]

هذي الحبوب اذا مافيه حمل تنزل الدورة واذا فيه حمل تثبته
الظاهر ريلج اندمج حبتين
المهم حبيبتي حللي دم لانه اضبط من التحليل المنزلي

 

[جمالي ايطالي]

قولي الحمدلله مية مره

وتاكدي بتحليل الدم احسن لج


والله يرزقج يااارب الي فيه الخير

 

["*آآآنؤؤؤقهـ*"]

لااله الا الله


حملج سليم

واحمدي الله على عطيته وحلو انج تجيبين اثنين ورى بعض يكونون سناين بعض

وعقبهاا سوي العزل صح او ركبي لولب او حبوب

وعلى كلامج انتي متزوجه من 8 اسنين يعني منتي صغيره كبيره



الحين ادعي ربج ان يشافيج ويعافيج ويثبت اللي بطنج