نتيجة التحليل بينت

[ريحانه33]

الله يعوووضج خير

 

[التميميه]

سبحان الله كيف نيائس ورب الكون معنا من لاتنام عينه ولا تغفى سبحانه

حبيبتي خليك واثقه بالله اهم شي
وبالنسبه لزوجك اصبري واحتسبي واذا هو مابيداريك ولا بيوقف معك
لاتفكرين ولاتضيقين خلقك توكلي على الله وكوني قريبه لله اكثر
ولاتنسين من احب الله عبدا احب سماع صوته ومناجاته له باليل والنهار
ويؤخر طلبه حبا به ولاحظي يؤخر مايمنع لانه سبحانه يده مبسوطه تعطي بالليل والنهار
اما من يبغضهم سبحانه يلبي لهم منعا لسماع اصواتهم النتنه وهذا حديث نبوي
جبته بمعنى الحديث وليس نصا وبدوره وبجيبه

بعد كل هذا ماتفرحين؟؟؟
ماتفرحين ان الله سبحانه وتعالى يحبك يالله وهل في شي اهم من هذا حبيبتي

اسال الله العظيم رب العرش العظيم ان يجعل حملك عاجلا غير اجل يارب العالمين

 

[لينة2009]

حبيبتي اكثري الاستغفار وان شاء الله كلنا ندعيلك وعموما اغلب العمليات تفشل بالمرة الاولى
وانا وحده اعرفها سوت مرة وفشلت والثانيه وفشلت بعد لكن لما سوت اثالثه حملت ثلاث اطفال ولدين وبنت
والحمد لله ربي ماخيب تعبها مع انها كبيرررررررررررة بالعمر
والله يرزقك

 

[نيبال الايمان]

اللهم لا حول ولا قوة الا بالله العلى العظييم

ياعمرى استغفرى ربج ولا تقولين حظى طاح 000 استغفر الله جايز ما تصدقين هالشى ولا تضحكين على كلامى بس صدقينى خيييرة لج هالشى خيييرة 000 ولو الحمل فيه خير لج جان الله كتب لج نصيب فيه 000 واذا على ريلج وكلى امج لربج ارحم الراحمين

ياعمرى صدقينى ضاق خلقى لما قريت اللى كاتبته الله يعوض عليج ويصبر قلبج ويرزق المرة الجاية بتووووم اللهم امين يارب

ياعمرى احنا ما نعلم الغيب ولا اى انسان او جن بالهكون يعلم الغيب فانتى ما تدرين اذا زوجته الثانية بتخلف ولا بيطلقج انتى ما تدرين وحتى لو خلفت مرته الثانية ما تدرين شراح يصير 000 فتعوذى من الشيطان واحمدى ربج الذى لا يحمد على مكروووه سواه

والله يعوض عليج ويرزقج لين يرضيج ويعطيج على قد نيتج امين يارب

وان شاء الله باذن واحد احد ما تمر هالسنة الا وحالج باحسن حال من ناحية ريلج وناحية الخلفة اللهم امين يارب

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[*سبحان الله*]

الله يرزقج ان شاء الله يارب وماتدرين وين الخيره ولا تخلين هالشي ياثر بحياتج مو علشان ما عندج عيال خلاص لاااااا من حقج تكشخين وبالعكس خلي هالشي نقطة تحول بحياتج الى الاحسن مع الاعتماد على الله وبعدين واذا ما صار عادي الحمدالله اهم شي الصحه والعافية وكل فتره اصبغي شعرج وسوي نيو لووووووووووك وخلي هالاشياء تجذبه لج والله العظيم ماراح يفارقج وصيري الغاليه بقلبه وفكري الحين شلون تطلعين بمظهر جديد وخليه ينبهر وموضوع الرزق خليه على الله صدقيني تجربه شخصيه انا لمن حطيت الحمال براسي اثر علي وعلى دراستي وفلوسي كلها ع الاطباء وما فادحتى حقن سويت مع ان ماكان سبب مني ولا منه والناس ماترحم ولمن تركت الموضوع لله وبديت اغير تفكيري واهتم بنفسي وكل يوم البس واتكشخ مامر علي شهرين الا حملت طبيعي ماشاء الله تبارك الله والله خليها على ربج وكشخي واخذي حقوقج العيال مو كل شي
ياما عندهم عيال ويتزوجون واللي يخون واللي يكلم موشرط العيال سعادة الزوجين لا يبا
الرجال اهم شي عنده الكشخه

 

[bint_al8omar]

لا حول ولا قوة الا بالله العلي العظيم .. اللهم يبرد على قلب اختنا lovemyelf وارزقها ماتتمناه بهالشهر الفضيل وعوض صبرها يارب ..
ياعمري لاتتضايقين اشكي لربج وحده لان رزقج عنده وماتدرين شنو خاشلج وماتضيق الا تفرج ان شالله بس انتي اهم شي لاتضيقين خلقج الله عواد رواد خلي املج بالله كبير وربي ماراح ينساج
ربي لاتذرنا فردا وانت خير الوارثين

 

[SaD FaCe]

الله يفرجها عليج يارب

 

[$غــ(ز)ــل$]

حبيبتي لاتقولين جذي
ان شاءاالله ربي بيعوووووووضج ويرزقج الضنا الصالح عاجلا غير آجل

 

[&رعبوووبه&]

الله يكوون بعونج حبيبتي ويحبب ريلج فيج ويرزقج بالطفل السليم المعافى

والله عورتي قلبي - - بس بقولج شغله وانشالله تخفف عنج

في حديث بما معناه لاني مو حافظته

ان لو كل ابن ادم شاف الاقدار لاختار كل واحد القدر اللي الله كتبه له لانه الانسب

سبحان له خيره بكل شي

الله يكون بعونج ويرزقج ويريح بااالج يارب

 

[Amory]

الله يآجرج في مصيبتج و يخلفلج خير منها

صحيح ان اللي صارلج مع زوجج مو شي هين وأي مره مكانج بتحتر

ولكن!!!


زوجج مو ربج ترررررركيــــــــــــــه عنج واسعي ورى رضى ربج وبس اهو مستانس ومتهني وانتي ذابحه عمرج!

انسيه وانسي اليوم اللي عرفتيه فيه ( ومن باعنا برخيص بتراب ينباع )

وارجع واقولج هالدنيه مو دايمه غير لوجهه سبحانه وكل ما عليها فان والحمدلله على نعمة الصحه والعافيه

اشيسوى عليج لو صار فيج مرض لا سمح الله من هالحره اللي فيج وعلى شنو تحترين؟

ولا تعتقدين ان العيال اهما الشي اللي راح يربطج ابزوجج لأن ياما حريم عندهم دزقة اعيال ورياييلهم خلوهم واتزوجو عليهم

ابدي من جديد ابدي حياة يديده انسي كل اللي فات واحنا بشر وابطبيعتنا ننسى وكلها مسألة وقت وراح تنسين كل شي صدقيني

بسس اتكلي على ربج واتقربي منه واهو اللي راح يعوضج بدال كل اللي شفتيه من زوجج و وقتها راح اتلومني نفسج لأنج تحسفتي عليه ابيوم.

 

[ريحة الحنه]

احمدي ربج على الصحه والعافيه وكل شي يتعوض على قول المثل ان سلم العود الحال تعود
ولا تياسين كرري التجربه مره وثنين وثلاث لين تضبط ان شاء الله وهذا كله كاتب ربج ارضي بقدرج
الله يرزقج عن القريب العاجل يارب

 

[madam_cake]

واااااااي عورتي قلبي وبجيت بعد

ميخالف ياقلبي لاتعورين قلبج وكل شي بيتعوض ان شاء الله وريلج بيرجع لج ان شاء الله

كا انا جذي وايد تفائلت هالشهر وكنت مسوية حقن مجهري ولكن ما الله كتب والحمدالله على كل حال والله وايد تضايقت وقلبي عورني

لكن شنسوي ما في اليد الحيله احنا كل شي سوينا والباجي بيد رب العالمين ولا تعورين قلبج
وان شاء الله بهالشهر الفضيل ان الله بيرزقنا كلنا القريب العاجل

 

[الناعسه@@@]

يااااااااااااارب ماتخلص هالسنه الا ولدج بحظنج يارب
يااااااااااارب يرزقج بتوأم معافى
ويسخر قلب زوجج لج
ياااااااااااااربي يستجيب دعائنا
والله عورتي قلبي

 

[دمثة]

دام انج اتفكريــــــــــــــــن في السالفه اربع وعشرين ساعه ونفسيتج صفر من التفكير اشلون بيصيرررررر

 

[ايمانو حلوة]

انا لله وانا اليه راجعووون


والله عورتي قلبي مادري شقولج



بس يارب يارب يارب الله اعوض صبرج خير ويرزقج من حيث لاتحتسبين وانتي موبروحج في الله فوقج يرعاج ويختبرج واحنا اهني خواتج وكلنا لج والله اييبلج اللي فيه الخير ويهديلج ريلج ويسخره يارب يارب يارب يامجيب دعوة المضطرين يارب العالمين

 

[lovemyself]

والله يا خواتى لولا الله ثم كلامكم
ما كنت اتحسن نفسيتى ولا اكذب عليكم انى حتى البجى ما عرفت ابجى لانى دموعى خلصت صار البجى صعب والله شقول بس مصيبتين كل وحدة اكبر من الثانية بس الله كريم عسى ربى يعوضنى واياكم خير كل وحدة كتبت يارب ترزقها بكل حرف حسناااااااااااات وتعوضها بعيال حلوين صالحين متعافيين ويارب مافيكم وحدة يصير فى قلبها شى تتمناه الا ويتحقق باقرب وقت اللهم امين
والله وجودى بهالمنتدى اكبر راحه لى
وانشالله بريح هالشهر والشهر للى بعده بحاول بعملية يديدة اذا رجعنا لبعض انا وزوجى والله كريم وادرى كل شى من الله زين بس العبد قاصر مهما يكون ولا يفكر بعقل الا قليل ولمن تهدا النفسيه شوى ما عليه اعذرونى على كلامى للى قلته والله مو هين للى صارلى بس انتظر اجرى من رب العالمين

 

[فراشة الكويت25]

يار يا كريم يرزقج يارب

وانشاء الله ما يخيب املج يارب
ويرزقج
كثري الاستغفار بهالشهر
وخلج قريبه من ربج
وادعي في قيام الليل
وربي ماراح ينساج يارب
وبيرزقج

 

[lovemyself]

امين واياج
حسبى الله عللى كان السبب
ريلى بدون احساس الله ينتقملى من الظالمين

 

[عزالعوازم]

اختي لف ماي سلف والله ثم والله عليج بالاستغفار والله عن تجربه اكثري الاستغفار ورا كل صلاة 100 مره وانتي قاعده ابروحج استغفري والله انج بتشوفين ربج اشبيسوي لانه ربج كبير ومايرد عبده وخلي ايمانج بالله كبير واهم شي انه لازم ايكون عندج يقين انه ربج ماراح ايردج

وحرام اتقولي طاح حظي استغفري حبيبتي وهونيها اهم شي صحتج

 

[أم لطووف]

حبيبتي لا تضيقين خلقج

احنا الحين بهالشهر الفضيل

ادعي للي عينه ما تنام ... فرشي سيادتج وطلعي اللي بقلبج

لا تقولين حظي طاح اسم عليج

دام انج بصحتج وعافيتج كل شي يتعوض

خلج قويه و تذكري ان الله مع الصابرين

وحطي في بالج (ان الله اذا احب عبدا ابتلاه)

تقربي لربج اكثر والوحده منا ما تدري الخيره وين

سبحان الله كلللللل شي يصير لنا بهالدنيا له خيره لنا وربنا وحده اهو اللي عالم بهالشي

الله يمسح على قلبج و يفرح قلبج بهالشهر ياااااااااااااااااااااااااااااااااااارب

كلامها وكلام الخواة ما فيه أحسن من هالحجي يابعد عمري ترى الحمال شي (((((تافه))))) عند رب العالمين وهو القادر على كل شي ((إذا أراد للشي أن يقول له كن فيكون)) لا تضيقين عمرج هذي خيره لج من رب العالمين وبعدين إنتي ذابحه عمرج عليه وتبين هالياهل له ؟؟؟ لا ياعمري أي شي تسوينه بالدرجه الاولى تبين الاجر في لرب العالمين وبعدين لنفسج إنتي بس لاتفكرين بأحد ثاني وشوفي ربج وين كاتبلج الخير(وعسى أن تحبو شيئا وهو شر لكم وعسى أن تكرهو شيئا وهو خير لكم والله يعلم وأنتم لا تعلمون))
مسحي دميعاتج ((ومشي خشمج :dddds) ورحي فرشي سيادتج ودعي ودعي ودعي وقولي وشكي همج بس لرب العالمين هو الوحيد إلي مايسكر بابه عنج لا أمج ولا أختج ولا زوجج بينفعونج إلا رب العالمين فتحي قلبج له وشكيله وصدقيني راح يستجيبلج(وإذا سألك عبادي عني فإني قريب أجيب دعوة الداعي إذا دعاني) ربي يبي يسمع صوتج مشتاقلج ومشتاق لصوتج وحني وألحي عليه بالداع وماراح يمل منج الرسول صلى الله عليه ويسلم يقول في حديث بما معناه إن رب العالمين (يستحي ) يرب عبده إذا دعاه فشناطره حبيبتي ولا تقولين دعية وما ستاجابلي لاء كل ماحسيتي بفتور وملل عرفي إنه الاستجابه قريييييييييييييييييبه والشيطان قاعد يلهيج وستغفري عليج بالاستغفار ولا يهمج أحد أبد وضحكي وشقي الضحكه من هالشق لييييييييييييييي هالشق وقولي الحمد لله ماعليه ياعمري طولت عليج بس إنتي أخيتي وقلبي يفرفر عليج وأبيلج الزينه وباجر بتجوفين ربي بيترس حضنج ليييييييييييييييييييييييين تقولين بس وبتقعدين تظحكين على هالايام (وقولي أم لطوف ما قالت:eh_s(6)