نتسلى بدل التفكير

[كويتيه ذربه]

عندي اقتراح من ضيقة الخلق
سوري اخاف تضحكون علي بس دايما لكل فعل ردة فعل عكسية
بما ان هالقسم يبجي اشرايكم نغير جو كل وحدة تقول جم سنة ماحملت
وتقول شنو اكثر شي يحز بخاطرها


ابدي بنفسي انا صار لي 7سنين و6 شهور وناطرة الله كريم
واكثر شي يحز بخاطري لما كل وحده تشوفني تسالني للحين ماحملتي (جنة بيدي)
واللي يحز بخاطري بعد ان زوجي يموووت على اليهال حيل بس مايقول شي لان منه مو مني .......


الله كريم

 

[المهذبه]

الله يرزقج ويرزقني ويررق بنات المنتدي

 

[مهاوو]

الله يهون علينا ياقلبي مشكورة على الموضوع انا صار لي سنتين وست شهور تقريبا
اللي حاز في خاطري اني لما اروح جمعات بنات اللي اصغر مني واللي اكبر مني كلن معة بزر الا انا فاخاف اقرب من عيالهم ويصير له شي ويقولون مني لا واللي قاهرني وحدة مادانيها وكل البنات مثلي مايحبونها كل ماشافتني حملي تعبني ولادتي مادري شصار لي فيها ولدي سوى بنتي قالت لاحول ولا قوة الا بالله
الله يرزقنا ان شاء الله في القريب العاجل يالله رحمتك يالله

 

[بدوره 22]

انا متزوجه من عشر سنين

وعندي بنتيت الله يحفظهم الكبيره 8 سنين والصغيره 3

طبعا مثل ما انتوا شايفين في بينهم فرق بالعمر 5 سنين

اللي يحز بخاطري ان لمن يبت بنتي الثانيه ناس تظايقوا ليش يبت بنت مو ولد ... جنه بكيفي ..

وهم يحز بخاطري ان يتكلمون عن اللي فيني جنه مرض ماله علاج (تكيس المبايض )

واكثر شي صج صج صج صج يحز بخاطري لمن اقربلاالناس لس وهمه اهلي يخشون عني حملهم يخافون احسدهم

والله تخيلوا وحده من اهلي بالسادس مادري بالخامس تقول انها متنانه هي مو حامل !!!!!!!!!


واختها كان مبين عليها الدوخه امي تسالها شفيج يما عسى ما شر ؟؟


تقولها ماكو شي خالتي بس من اللويه دايخه !!!!


صج انا ودي اخاوي بناتي بس مو لي درجة اني احسد !!!!


الله يهني كل وحده عندها .... انا ليش بحسدج !! انا عندي 2 الله يخليهم ..

وهم تحز تحز بخاطري اذا عندنا يمعة حريم وخالتي جدام الكل تقولي الله يعطيج وايد اتظايق ... مع العلم ان بنتها الي هي حماتي ما احملت بسرعه

عقب سنيتن من زواجها وانا عمري ما سالت ولا قلت لها الله يعطيج ..عشان ما اظايقها

 

[engineerh]

الحمدالله على كل حال ...ربي لك الحمد والشكر

انا صارلي سنتين الا جمن يوم

الحمدالله راضين تمام الرضا بالي ربي قاسمه لنا انا وريلي

بس الي صج يحز بخاطري اقرب الناس لي ماقالتلي انها حامل ومره من المرات حلمت فيها انها حامل ودزيت لها مسج مستانسه جان تقولي شنو حامل واهي متعجبه وتقلي اي لاني حامله هم

واهي كانت صج حامل ..قالت حق الكل وانا ماقالتلي مادري ليش ... الله يتمم عليها ويرزقها بالذرية الصالحه المعافاة من الامراض

بس هم الي حاز بخاطري اني ماقلتلها مبروك انطرها تقولي بس شكلها تبيني اعرف من الناس

ربي لك الحمد والشكر على كل حال

 

[الفيحاء]

انا صار لي 8سنين وناطرة فرج ربي
واكثر شي يحز بخاطري اني قطعت علاقتي مع اغلب الناس وصرت ماحب الجمعات لانه تجيني كتمه وضيقة خلق بعد مارد بيتي
واللي يحز بخاطري بعد ان زوجي يموووت على الاطفال مثلي تماما مع اني مو عارفه شنو السبب اللي يمنع وكل يوم انطر ربي يكتبلي الحمل
وبعد العمر يخرعني احسه الوقت مو بيدي بسرعه يركض والسنين بسرعه تجي وطوف
الله يفرح قلبي يارب ويجبر كسره
قولوا امين :::::::::::::::::::

اللهم ياوهاب ياواهب لزكريا يحيى
وياواهب لابراهيم اسماعيل واسحاق
هب لنا من لدنك ذرية طيبه انك سميع الدعاء

 

[عروسه 99]

انا صارلي 10 اشهر متزوجه ادري بتقولون توي بس اهله وحنتهم واللي يحز بخاطري انه كل جمعه معاهم كلهم لاهيين بعيالهم الاا انا ما عندي شي التهي فيه والله كريم مع العلم انه مو منه من ريلي وكل حمويني ما حملوا حريمهم بسرعه واغلبهم علاجات والحمدلله على كل حال يا رب العالميين

 

[نف نف22]

انا صارلي 3 سنييين و9شهووور
واللي حاز بخاااااطري ان صديقتي قطعتني علشان ماحسده وقت حماالها والحين اولدت و مثل ماقلتو اليمعه لما اشووووف يهال وكل وحده مع بنته ولا ولده اطلع من اليمعه مهمومه مادري ليش مثل الضيقه بالقلب يارب تعوضنا بالتوأم

 

[كاميه25]

الله يرزقكم كلكم انشاالله الذريه الصالحه ويعوض صبركم خير يا خواتي

 

[بطة الفريج]

إن شالله كله أجر يارب
انا بعد مثلكم صديقاتي عيالهم على 16 سنة ماشالله وكل وحده على 4 و 5 عيال
صارلي 6 سنين متزوجه وما عندي عيال عمري جريب 40 ونفس الشي أكثر شي يضايقني لما الناس يتوهقون جدامي بخبر حمل احد منهم او بناتهم ...
ما أقول إلا الله كريم

 

[كويتيه ذربه]

خواتي انشاء الله ماتمر السنه الاكل وحده منا حامل
يارب تعطينا على قد نيتنا
يارب عطنا الصبر
يارب ترزق كل محروم
وانشاء الله تشفي كل مريض

 

[^noonaa^]

اللهم اميييين

 

[كويتيه ذربه]

الله يرزق الجميع

 

[كويتيه مذهله 87]

الله يرزق كل محرومه يارب

 

[كويتيه ذربه]

يارب ان كل اللي يفتحون هالصفحة يحملون ب2009 وبتوام

 

[بدوره 22]

يارب ان كل اللي يفتحون هالصفحة يحملون ب2009 وبتوام

والله راضيه بواحد ....


امين يارب العالميييييييييييييييييين

 

[engineerh]

الحمدالله على كل حال...ربي يرزقنا بالذرية الطيبة المباركة

 

[كويتيه ذربه]

ان شاء الله يرزق الجميع

 

[bintq8]

الله يرزقنا انشالله كلنا بتوائم يارب

 

[madam_cake]

يارب يارب يارب ارزق جميع بنات المنتدى الذرية الصالحة ياربماتعدي هالسنه الا وكل وحدة وضناها بيدها يارب