نتائج رجيم دشتي

[وحلاتي والله]

بنات ودي اسووي وياكم بس من وين احصل رجيم دشتي بليييييييييز مو مشكله اذا ما يصييير اشترك وياكم بس ابي الرجيم

 

[يمامة]

هلا وحلاتي حياج معانا وان شاء الله بتلاقين تشجيع مني ومن البنات كلهم واي استفسار حاضرين حبوبه

بنسبه لرجيم سوي بحث بقوقل وبتحصلينه او اشتري كتاب دشتي

 

[دانوووه-qtr]

هاي صبايا

انا توني تغذيت اكلت حمسة تونه مع خس وجرجير



حلاتي فديتج بختصر لج الريجيمم بكم كلمه اووكي واذا مافهمتي دوريه في قسم الانظمه الغذذائيه بالمنتدى او بين الصفحات بتلاقين يمامه حاطه رابط ناسيه اي صفحه


شوفي اهو تاكلين كلل شي اوووكي

بس ما تدخلين في اكلمج الخبر والمجنات بانواعها والرز والمعكرونه والحلويات والشوكليت والفواكه والحليب والسكر


يكون اكلج بيض - لحوم - دجاج - سمج مقلي
سلطات اي نوع بس بدون اضافه الجزر والطماطم بس حبه وحده - الماينونيز مسمموح
الاجباااااااان كل الانواع وباي كميه عادي
والمشروبات نسكافيه بدون كافين ووالكوفي ميت مسموح - سفن دايت مسموح
الكريمه السائله - القشطه - مسموحين
في سكر اسمه سبيلندا مافيه كاربز زين لدشتي

عموما الريجيم لازم ما تدخلين كاربز في جسمج - لانه الجسم راح يشتغل على الدهون اللي بجسمج
ولو دخلتي كاربز في جسمج راح يتحول الى سكر وبدال ما الجسم يحرق الدهن راح يخليه ويحرق السكر

ووووووووممممم وبس

اي سؤال ثاني تحت امرج

 

[فووشي]

فوووشياااا عادي المنتدى عندي وايد يعلق مادري ليش


ازين نزلتي على ريجيم السعرات - انا كان ودي اسويه بس المشكله ماعرف احسب واخاف الحسبه تطلع غلط

انتي كم سعره في اليوم - ودي بريجيم 1200 سعره


بس مادري احس بتم على دشتي - احسن لانه الحلووو فيه ما تتقيدين اذا كنتي طالعه رحله او عرس او مطعم تقدرين تاكلين

شووفي اي رجيم يبغاله اراده حتى دشتي ..
وبالنسسبة للعزايم وخايفه تخبصين خلي لك يوم مفتوح بالاسبوع نفس ما اسوي ..
وحتى لو رحتي عزيمه لازم تمسكين نفسك ولا تخبصييين ..
لا تقيسييين ع وزني ترا انا مو سهل النزول يعني يبي له ....
السعرات صار لي شهر واسبوع مع هذذا الاسبوع ووزني 83غرام من 89 ..
اخذ 800 سعره حراريية ..

 

[فووشي]

بنات هذا وزني الاسبوع الحمدالله نزلت كيلو

يمممامه مبرووووووووووووك ياقلبي ..

 

[دانوووه-qtr]

مرحبا صبايا

اخباركم اليوم خميس واكيد صباحي هههه

ازين انا توني راجعه من بيت رفيجتي مع اني قايله ما بي اطلع لكن الملل له دووور

المهم هناك بصراحه اغصبوني اكل واكل قطعة فطيره صغيره وكتكات ووتركش كوفي ادري خبصت بس مب وايد

اول مارجعت شغل السي دي وقعدت ارقص وافتر في الغرفه نص ساعه على امل احرقه

بكره موعد ميزاني وا نشاء الله اكون نازله يارب



فووووشي غلاتي ان شاء الله يتحرك ووزنج وتنزلين باقي لج شوي وتفتكين



بناااااااااااااااااااات وينكم مادخلتو اليوم

 

[قمراالجبيل]

يسعد ايامكم يا حلوات دشتي انا كنت طالعه مشوار وتو راجعه بصراحه اليوم خربتها وكلت فطاير كنت صايمه ورجلي شرى فطاير بلفيت ان الرحله رحله عمل ومافي وقت وكلنا فطاير بالسياره بصراحه اول شي ماكلت بعدين هفتني نفسي وخبصت لاكن والله ما اكذب عليكم بطني يوجعني من العجين والله يستر احس ان مالاداعي تخبيصي بس يالله الله المستعان انشاالله مايئثر علي

 

[@ام عبود@]

السلام عليكم حبايبي
انا وزني الحالي:63,800كيلوجرام
واتمنى ان وزني يوصل :54كيلوجرام
وطولي :157
انا مشيت على رجيم دشتي شهر كامل مانزلت الى كيلو واحد بس واهوا رجيمه اول شهر انزلج مفروض من 2الى6كيلوجرام
والصراحه بعدها ياني احباط ووقفت الرجيم عفيا عطوني الحل والله اتعبت نفسيتي

 

[دانوووه-qtr]

صباح الخير دشتيات

اخباركم ان شاء الله بخير

اانا اليوم موعد ميزاني وتوني وزانه انصدمت لما شفت الميزان الرقم لا يصدق


الحمدالله هالاسبوع نزلت 5 كيلوووو


وان شاء الله ما يثبت والا سبوع الجاي ينزل اكثر من 5


يلابنات من موعد ميزانها اليوم تكتب لنا

 

[قمراالجبيل]

الف مبروك دانوه مبرررررررررررررررررررررررررررررررروك والله فرحت لك كني انا الي نزلت بالتوفيق

 

[قمراالجبيل]

يسعد صباحكم انا اليوم يوم ميزاني ونزلت كيلو ونص والحمد الله وانشاالله ننزل واحنا بصحه وعافيه

 

[قمراالجبيل]

السلام عليكم اخبار الدشتيات الحلوات الرشيقات
اليوم اناصايمه والله يتقبل منا ومن الجميع
جمعه مباركه انشاالله على الجميع
يمامه مابينتي

 

[قمراالجبيل]

في بنات من زمان ماشفناهم نفوود كوين ام شوشه ام حمود

 

[دانوووه-qtr]

مرحبا بنات انا توني جايه من برع رحت اتغذى برع واكلت بالصراحه بس ما كثرت بخلي كل جمعه فري احسن عشان ماحس بالحرمان


وبليل بعد بطلع وا نشاء الله ماكثر بالاكل

 

[قمراالجبيل]

السلام بنات انا اليوم فطرت خس وسمك مشوي والحمد الله

 

[ღ°° دلوعـ دنيتي ـة °°ღ]

مساء الخير

وين أم حمود

بكره موعد الميزان

وش فيها مختفيه

 

[ღ°° دلوعـ دنيتي ـة °°ღ]

أم حمود وش صار لك تو أنتبه لكلامك

وين تحدي والعزيمه

من جد زعلتيني

هذا وأنتي الحافز والحماس لي

 

[ღ°° دلوعـ دنيتي ـة °°ღ]

دنو

يمامه

قمر

ألف مبروك نزول

وعقبال الوزن المثالي

 

[قمراالجبيل]

الله يسلمك بنوته والفال لك

 

[يمامة]

شخباركم انا اعذروني اليوم ما قدرت اشارك

عندنا حاله وفاه

طبعا ما شيه عدل على النطام