نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[نعومة]

الكلام الحلو ما يطلع الا مع الصحبه الطيبة وياكم

 

[مسك الزهور]

الموضوع حده راقي
ومثل صاحبته والباقي لا يهونون

 

[! .. ريبـاس .. !]

موووضوع روووعه

 

[وجدان الخواطر]

ابصراحه الموضوع وايد حلو

 

[*فاصوليا*]

مشكورة عالموضوع

انا والكلام السنع متحاربين:eh_s(1):

ما اعررف الا لمن افكر بعدين اعرف المفروض شقول

مرة من المرات حماي قالي شلونج ---- عيدج مبارك
جان اقول مع تلعثم
الله يبارك فيك:23_asmilies-com: انقص ويهي وحسيت نفسي ام الملاقة
افتشششششلت شكوووووو الله يبارك فيك شكوووووو جنة عيدي بروحي :eh_s(16):

 

[حساسه]

الحمدلله الحين صرت مااسكت واقول اللي في خاطري بس بعض احيان مايحضرني الرد

 

[Heavenz]

..










لالالالالالالالالالالالالالالالا يوقف .....















..

 

[غـبـروه]

تسلمين على الموضوع الروعه

وانشالله اتعلم منكم

 

[نجمه الحالمه]

يعطيج العافيه مزيونه علي موضووع



عاد اليوم صارلي موقف كنت بالحمام واعدل مكياجي ودخلت رفيجتي جان تقول هاا قاعده تسنعين نفسسح


قتلها مسنعه؟؟

عاد مادري حسيت الرد قووي وتحسفت يمكن هي علي نياتها

شرايكم

 

[smile kw]

يا حلوكم يا بنات تهبلون على الكلام كل وحدة متفننه

 

[flower2005]

انا بعد ما اعرف اتكلم حزة الحزة
بس بعد جم يوم يطلع الحجي السنع
بس تو الناس
ههههه ما عليه
بس بنصحكم خلو ردودكم على ضحكم مو تصيرووون عوبات
جنة الموضوع بيحولنا لعوووووووووووووووب
شرايكم لا تردون إذا منتو قد الرد بسنع وذرابة
ولا حفظوا جم كامة للمواقف الصعبة
مشكوووووورين متعتونا
كملوا..........

 

[فيونكا فوشيهـ]

--------------------------------------------------------------------------------

مشكورة عالموضوع

انا والكلام السنع متحاربين

ما اعررف الا لمن افكر بعدين اعرف المفروض شقول

مرة من المرات حماي قالي شلونج ---- عيدج مبارك
جان اقول مع تلعثم
الله يبارك فيك انقص ويهي وحسيت نفسي ام الملاقة
افتشششششلت شكوووووو الله يبارك فيك شكوووووو جنة عيدي بروحي

هههههه انا مرات اتدوده جذي
مره قاعده ببيتزا و لا يقرب واحد صوب الطاوله اللي انا قاعده فيها قال لو سمحتي تبين الكرسي ( عشان اهوا يبي ) جان اقوله مشكور شكوووووو الحمدلله ان صوتي واطي عاد اهوا ماسمع جاان اقوله لا لا اخذه اخذه مانبي لووووووووول
امبي اختي توها مرت يمي من شفتها مت من الضحك هههههههه تقولي اشفيج الا تبي تشوف الشاشه اشفيها لووووووووووول فشله
هههه كاهي مره ثانيه تقول عفيا اشفيج لووول

 

[خولـه]

تسلمين مزيونه على هالموضوع الروعه

انا مره صارلي موقف بالجامعه كنت يالسه ويا ربيعتي ونضحك جان تييني وحده وتقول تضحكون علي <<<<مدري شسالفتها

ربيعتي ماعرفت ترد اصلا صدمتنا قتلها ليش ماعندج ثقه بنفسج جان تتلعثم وماتعرف ترد ضحكت على نفسها ومشت

 

[بطاطا]

بنات اذا قالوا لكم ماشالله ضعفاااانة

شتردووووووووووون ؟؟

وااايد حلووووووووو الموضوع

 

[meshmeshaa]

افدتونا الله يفيدكم ويسهل اموركم ويحقق امانيكم

 

[meshmeshaa]

السلام عليكم
للمناسبات السعيده :-:eh_s(6):
مبروك ------>الله يبارك لج ويبارك لكل من تحبين يا الغاليه
تقديم عصير او شاي ----> اذا بنت اللى تقدمه - انشاءالله نشربه بعرسج يا الغاليه
اذا متزوجه - الله يسلم ايدج من كل شر يا عمري
تقديم الماء ------> الله يسقيج من ماء جنانه امين
العطر -----> طاب طيبج وعاش حبيبج
الاكل ------> انعم الله عليكم - سفره دايمه - كثر الله خيركم
للنفاس (الوالده)----> مبروك وعساه خير وبركه لوالدينه وانشاءلله لما تفرحين بعياله امين
عند المدح لج ----> تسلمين يا عمري كل جميل يشوف الناس مثله
عسى الله يحبج مثل ما تحببين الناس فيج وبكلامج
انشاءلله عيونج الحلوه ما تشوف الا اللى يسرها امين
سياره جديده -----> الله يعطيج خيرها ويكافيج شرها وانشاءلله مبروكه من بركه سايقتها
بيت جديد ------> منزل مبارك وعساكم ما تشوفون فيه الا الافراح والخير والبركه امين
تقديم هديه ------> يهديج ربى العافيه
معرفتكم احلا هديه مشكوره
عند فتح اى شئ كمساعده -----> يفتحلج ربي ابواب رزقه ورحمته امين
عند رؤيه احد غايب ----> الدنيا من غيرج ناقصه حلاتها
انشاءلله ما غيبج عنا الا كل شئ يسرج ويسر احبابج


ولى معاكم رجعه :ada: بس بروح ارتاح يريحكم ربي من هموم عباده :eh_s(6):

 

[الوعد في الجنه]

اختي شقرا ومزيونه

الله يجزاج خير على موضوعج القيم

ولي عوده انشالله

لا هنتي

 

[mo0n light]

ارد على حسب اللي قبالي في ناس الله بالخير يقطون الكلمه ومايثمنونها فأطنش ماأنزل لمستواهم

بس اللي تتعمد تهيني لا افشلها عدل

مره صارلي موقف كنت اسولف مع اللي يمي واتطالع بساعتي ماركه فليب شاريول وتنط اللي يمي تقولي بس هذي تقليد مو اصليه قلت لا والله اصليه جان تقولي صلي على النبي قلت لها حبيبتي شفيج مستغربه اول مره تشوفين ساعه ماركه واطقها ضحكه مسكينه قام وجهها يعطي الوان

 

[@ام ضاري@]

مـــــــــــــــوضوع روعه ياحياتي ومنه واعلالالا من المواضيع الطيب

انا اشوف تاريخه قديم بس عجبني واااااااايد برفعه من جديد

 

[بنت قمر الزمان]

جبتيها عالجرح يامزيونتنا
انا مشكلتي الناس اللي ماعندهم أسلوب !!! محاصريني بكل مكان ولاأقدر عليهم بأسلوبهم لأنه أساساً ماعندهم أسلوب

بس أقولهم <------ وكلهم من الحريم !!!
مشكورة
من ذوقج
مو غريبة عليج <------ قوية
الله يعطيج على قد نيتج <------ يكرهون هالكلمه


ولي عوده
موضوع فله

احسن شي انج اطنشين و بنفس الوقت اتعاملينهم برسميه و جنه مو صاير شي حدهم بيموتون _03ba: