نبي نتعلـــم الكــــــــلام الحلـــــو والذرابه والاسلوب ( تعالوا الكل يشارك) كويتيات

[غلاتي الكويت]

موضوووع روووعه


انا كلش ما اعرف ارد خصووصا اذا احد علق تعليق باااايخ


اتوهق


بعدين يطلع الكلام


عندنا مسؤولتنا بالدوام قليـــلة أدب


مررة انا كنت شارية اوراق A4 ستيكرز وديتهم الدوام واستخدمتهم وخلصــو


عاد دقت علي تقولي انا شفت عندج الاوراق عطيني منهم قلتلها خلصوو


قالت خلاص روحي المكتبه واشتريلي !!!


قلتلها خلاص اذا مريت شريت


جان تقولي عيل بعد شوي مري علي عشان اعطيج ربع دينار حق الاورااق !!!!


عاد اهني انصدمتتتتتت توهقت شرد عليها !!!!


بطت جبـــدييييي



ومرة رحت الدوام الصبح ولا ريحة الممر تلوع الجبد الفراشين ما دري شنو طابخين من الصبح

ومريت يمها جان تقولي شنو العطر اللي حاطته حلو


قلتلها اسمها

جان تقول اييي عاد مساع شميت ريييحة طبااخ وحمسة حسبالي ريحتج قلت هذي من جم قرن مو متسبحة !!!

بعدين اكتشفت انها ريحة الممر !!


تخيلوو تقوولي جذي امبيييي بغيت اطقها باللي بييدي صج صج بطت جبدي


ضحكت وقلتلها الحمدالله ارخص شي عندنا الماي ليش ما اتسبح كل يووم !!


بس هم احس ما بردت جبدي

 

[وجـــد]

احم احم انا نفسج يامزيونه وقت المدايح .. اقوووووووول

شكرااا :eh_s(22):او مشكوووره بعد عمري امبيييييييه:eh_s(22): استحي ماعرف شقول:eh_s(3):
اما مواااقف ذم الحمدالله ياربي ماصارت لي هالمواقف ........

 

[مزيونه وشقره]

مشكووووووووووورين حبايب قلبي عالمشاركه






مع تحياتي ياحياتي

مزيونه وشقره ​

 

[*^*مــــزيــــانــــا*^*]

أنـــاالحمدالله ... أســـلوبي حـــلو ... ...

يعني مرات ويهي يعبـــر .. لاني بشوشه :eh_s(9):

واذا أحد من رفيجاتي وميانه مدحني أقووولها لأ لأ مأدرش على الكلام ده :eh_s(22): أستحي

أما اذا وحده عادي .. مشكوره تسلمين .. عيونج الحلوه .. يعني ومن هذا القبيل .. :eh_s(22):

وانا أول ما كنت أعرف أرد خصوصا في ناس في مجتعنا .. قثيثين ..

ثقال على القلب .. شايفين رووحهم شي ويبحون يتطنززون على فلانه وعلنتانه .. وياليت شايفين روحهم على شي سنع ..

والله يقطون قطات ... ماكووو حيااا على الجميع عموما .. واذا سمعت كلمه او شي أسكت مثلا لبسج مو حلوو أو شكلج بالعرس ولا مكياجج مو حلوو مع ان والله يا بنات لما ارووح حق ناس ثانيين او رفيجاتي يمدوحني مثلا بدلتج حلوه أو مكياجج حلو وين سويتيه واهما والله لو يشووفون شي حلووو ما يتكلمووون بس يا يخزووون بعيوونهم المبققه أو يقطون كلمتين على الماشي

بس صــرت الحيـــن معاهم جدا رسمـــيه .. واذا انتي رسميه يعني حتى سوالف ما تسولفين معاهم .. ما يقدرون يتجرأوون ويتطنزون وانتي أساسا معطيتهم طاف ولا جنهم موجودين ..


وصارلي موقف مرره .. مع وحده من أهلي ...

كانوا حاطين صورتي في الجريده :eh_s(22): مع الخريجات والله الكل دق عل باركلي .. والكل قالي صورتج تينن وطالعه شحلاتج ... من قريب ومن بعيد .. يعني حتى خواتج اللي ما يجاملوونج امدحووج .. ودق وحده من أهلي وتقووول .. مبرووك مبروووكبس يا ليت صورتج حلوه تلوووع الجبد عين أكبر من عين مادري شنووو



واااااااااااي اشتبين مالت عليج

<< على حظي كان شوي في حبر على الصوره على حظي وقرادتي :eh_s(3): بس انجنرال حلوه


جان أقوولهااا هاااا ـاا ... أيييي... شنووو .. خو انصدمت انتي داقه تباركين ولا تتطنزين ..

جان أرد عليهااا ذاك الرد الا أول مرره يبرد جبدي .. :eh_s(6):

جان اقووول

صج مو حلووه واااي يا فلانه عاد كل من مدح شكلي ... انا والله مستغربه الكل يقوول صورتج حلوه الا انتي جان تقوول لا لا حلووه اهيا بس انصحج لا تحتفظين فيهاا تصيرلج ذكرى سوووده هههه

قتلهاا واي بالعكس صورتي تطلع بالجريد ولا متخرجه ومتفوقه لا والله بخشه وبرواي زوجي واعيالي واعيال اعيالي عشاان يعرفوون الذكاء من وين وراثييينه

وترد تسوولف عن بدله عندهاا مادري شنوو وانهااا ما خلصت وموباقي شي على الاستقبال واه كل بدل خواتها خللصوا الا اهيا

جان أقووولهااا وييييه يا فلانه وين يخلصووون بدلتج انتي لو 5 خيايطه ما تخلللص ( اهيا شوي متيينه )

جان تضحك وتقوووول ههههه اي اييي يالله عن اذنج وباااي

والله يا بنات اني ما احب اقوول حجي جذي .. بس والله مرات تضطريين خصوصا اذا في ناس لا حياا ولا مستحاااا

شرايكم ردي ... اوفر ولا شنوووو ..؟؟؟؟؟؟؟؟؟؟

 

[مزيونه وشقره]

مزيانا حلو واحد يكون اسلوبه حلو مع ابتسامه واذاويهج بشوش ماشاءالله هذي ميزه حلوه



وفعلافي ناس ماعندهم اسلوب او يتطنزون ومايبون احد يتطنز عليهم






مع تحياتي ياحياتي

مزيونه وشقره ​

 

[%جابرة الخواطر%]

موضـوع رااائـع ..
تسلميــن مزيووونة ..
أنا أذكر موقف قنبلة صار لخالتي .. كانت معزومة على عرس المهم راحت سلمت على أم المعرس وتعطيها كلمـة لو شنو ماتترقع
بتقولها عساهم يتوفقون ، جان تقول عساهم يتوفون << كاااااااارثة :eh_s(13):
ياحرام خل يفرحون بزواجهم ،، بتموتهم بليلة العرس هههههههه ..
خالتي ماتت من الاحراج ..
=-=-=-=-=

المشكلـة اشلون نعدل الكلمة المحرجة إذا قطيناها ؟؟
تعابيـر الاحراج اهي اللي تأثـر على الوضع
الله لايحطنا بمواقف محرجـة ..​

 

[كشموووشه]

مزيونه وموضوعج مزيون مثلج
انا لمن اقول حق احد تسلمين ياقلبي او تسلم ياقلبي او لمن احد يناديني واقول هلا ياقلبي زوجي يقولي هذي كلمة شياب قبل لووووووووووووووووول عاد صج ؟ يله حبوبه قوليلي صج كلمة شياب ولالا؟

 

[june_m00n]

المثل يقول : حلي لسانك الناس خلانك

وفعلن الكلمة الحلوه تكسبك حب الناس وترك انطباع حلو

 

[music_teacher88]

مادري احس الحجي يطلع ماعرف اكتبه

بستفيد من كلامكم

 

[الزين يفرض نفسه]

عاد انا الحلوه شقول اقول: شكراً <<< جنه معطينها علج

لووووووووووووووووووووووووووووووووووووووووول موتيني ضحك

وبعض المرات انجعم ولا اعرف شنو اقول وعقب ما يخلص الموقف بساعه يتسطر الكلام بمخى والاقى كلام يسكتهم لو اقوله بس للاسف ما اقدر اقوله لانه الموضوع خلص

وااااااي نفسي


شوفي مزيونه وشقره ... اذا ناس احبهم ولا ما احبهم اذا مدحوني عاد اييج الحجي السنع مشكوره حبيبتي ما تقصرين تسلمين من ذوقج حياتي عيونج الحلوه حلت دنياج ومن هالكلام
بس اذا ذموني وخاصة ان كنت واثقه ان شكلي مافيني شي وناس مادحيني قبل لا يذموني عاد ذيك الساعه اقولهم: ليش مو حلو ؟ عاد انا عاجبني ؟ لالالا حلفي صج ما عجباج (على دلع) وييي عاد توها فلانه وفلانه قايليلي حلو علي .... وعادي عندي اتسطر اشرح ليش اخترت الشي الفلاني وشلون انا واثقه انه حلو وعلى الموضه ولا مناسب علي وعلى شكلي .... هني صج يسكتون لوووول مالهم خلق يناقشون زياده

بس المشكله ما اعرف ارد اذا وحده احرجتني او دقرتني بس اقعد ابستم او اضحك جني هبله ابي اضيع الصقله ماااااعرف ارد بهالمواقف

 

[حبنا الله عليه]

شقول شحجي والله مأساة

طبعاً مع الأهل عادي ولافي تكلف

تكلمتي انتقدتي نصحتي .............. الخ عادي

اما هالبشر اللي بالدوام اخيييييييييييييه بس

عن نفسي

سلام اسلم

خصوصيات ما ادخل

ان في نقاش فـــ 100% بحدود

ولا اعطي اهميه لأي موضوع مايخصني

وحدي شغلي

علاقتي مع مسئوليني اوكي وعال العال

بس ما ادري ليش المضايقات الكثيره

وبالأخص من البنات

ولما افضفض لأحد قريب يقولي عادي ياما بتشوفين من هالأصناف وتحملي ووو ...الخ

بس الصج احس تعبت حتى بصحتي ضغط وصداع قوي ... الخ ..


( والله صج الكلمه الطيبة صدقه )

:eh_s(11)::eh_s(11)::eh_s(11): <<< من قلب

 

[حبنا الله عليه]

بنات بسألكم إذا وحده سألتني ليش للحين ماتزوجتي شقول لأنه صج سؤال سخيف ماادري شيبوني أسوي آخذ امي وأبوي وأروح أفتر على خلق الله واخطب عيالهم

.

وي ياعنابه اخذي من هالأسلوب المحرج ويتعمدونه بعض الناس

انا عادي اقول كل شيء نصيب وهالشيء اهو الصحيح

بس رفيجتي اذكر مره دشت منرفزه ومتأثره حيل

وحده قايلتلها انتي مو هاللي كلش مره وحده شينه ليش ماتزوجتي ..

طبعاً اهي ردت و قالت نصيب بس مبين التأثر بالموقف وواضح

كسرت خاطري حيييييييييييييل ..

عاد هاللي تحجت بناتها شكثر وبعمر زواج

يعني يوم تحجت ماحطت ابالها ان هالكلمه يمكن ترد عليها

صج صج ناس بدون احساس

واكتفي بهالقدر من القرقه وان لزم الأمر هم رديت لأني متضرره بالفعل

 

[سارونهh_a_z]

حبنا الله علي
وااااااااااااااااي انتي مثلي تلقين حلووووووووووول مع كل الناس الا الدوااااااااام
اعوووووووووووووووووووووووووووووذ بالله شي عجيب
انا بعد مثلج الكل يقولي هذا ولا شي وياما بتشوووفين
يماااااا هذي من اولها شفت الويلات بعد اشبقة ما اشوووووووف وااااااااااي الله يعين
بس في ناس ما تنفع معاهم الذرابة كلش يعني شينسوي؟؟؟؟؟؟؟؟؟؟؟؟؟؟؟
مهما تعاملينهم بذاربة يطنزوووووووووون عليج
ويهاااوشووونج
اقوووولكم موقف
مرة كنت معزومة على عرس جان اقول حق خالة ريلي بذاربة عفية لوسمحتي ماتدرين وين شالو العبي اللي كانو اهنية جان تصررررررررررررررررررخ علي
وانااااااااااااااااااااا اشدراني وتروووح
وتقول حق خالتي ام ريلي اشفيها جنج تحاجيني برسمية جنها ماتعرفنييييي
لوووووووووووووووووووووووووووووووووول
والله صرخت علي خفت منها واي واي واااااااااااي

 

[حبنا الله عليه]

UP

والموضوع يسوى وزياده

 

[مزيونه وشقره]

ياحياتي انتوا


مشاركاتكم حلوه واشوف الردود كلها مساعدات وشي حلو بصراحه


حبنا الله عليه تسلمين على الاب الحلووو ياحلوووو





مع تحياتي ياحياتي

مزيونه وشقره ​

 

[Bamya]

مزيونه موضوعج عجييييييييييييب استفدت واااايد منج ومن البنات

عاد انا على طوووول الابتسامه ما تفارق ويهي مع البنات ، سواء اللي اعرفهم او ما اعرفهم

ومثل ما قالوا البنات ، ترى الذرابه والسنع مو بس بالكلام ، يدخل بالحركااات والصووت والابتسامه نفسها
يعني مثلا ، من الذرابه انج لما تكونين بمستوصف او صافه طابور وشفتي مره كبييرة بالسن انج تعطينها دورج (اذا ما كنتي مستعيله)
ومن الذرابه انج اذا دخلتي مطعم مع رفيجاتج ما تقعدين بأول كرسي وتخلينهم يخطرونج ، لأ دشي وقعدي بالكرسي الاخير حتى لو مو عاجبج بس من باب الذرابه
أو اذا كنت معزومه عند وحده من صديقاتج، خلج سنعه وذربه وظيفيهم من باب المساعده لصديقتج
هذي شوية حركاات ، نقطه من بحر الذرابه

اما الكلام الحلو والاسلوووب عااااد هذا يبيله ممارسه لوووووووووووول انا صج تعبت على ما تعلمت شوي
من طبع الكويتيين بشكل عام انهم يستحون يعبرون عن مشاعرهم ، حتى لأقرب الناس لهم
يعني تستحي البنت تقول لرفيجتها ، فلانه احبج ! او تروحين لأمج او أبوج او أختج او أخوج وتعبرين لهم عن حبج ، وااااايد نستصعب هالحركه بمجتمعنا ، مادري ليش
انا جربتها في البدايه مع رفيجاتي ، ولاحظت انهم يستانسوووون وااااايد لما اقول لهم اني احبهم احساس غيير وشعور بالوناسه ، خصوصا لما تكون الكلمه طالعه من قلبج
بعدها جربيها على امج وابوج واخوانج ، تتغير العلاقة بينكم 180 درجة ، شي عجييييب غريييييب ، مفعولها سحري هالكلمه سبحان الله تربط القلووب وحتى لو كنتي متزاعله مع وحده من خواتج ، الزعل ما يسوى بيزه عند هالكلمه

 

[lolwah]

موضووع ايننن وانشاللة اذا عندي شي ارد اقولكم

 

[أغلى حبيبه]

موضووووع رووووعه


لي عوده ان شاءالله

صارلي 10 سنين ولي الحين زوجي يعدل بردت الفعل مالتي وبدلياتي


حتى عيالي مالت قامو يحطون علي


ههههههههههههههههه

 

[lana]

ياحليلكم بنات اشوى فيه كثير مثلي


انا في وحده قاهرتني في الكليه مووووت ومااعرف شرد عليها

اخر كلمه قهرتني في فترة الأختبارات اكيد بيبين علي الإرهاق

اول ماشافتني قالت شفيييييييييييييج وتحط يدينها على خدودها وترص على خدوها يعني ان وجهي ضاعف
مدري فهمتو الحركه اللي سوتها لأنها اكثر شي قهرني تخيلت نفسي هيكل عظمي من كثر مارصت على وجهها

وعاد هي مو ذاك الحلا؟؟
ودايم تدور شي تنتقدني عليه يعني مره وقفتني على الدرج عشان بس تقوولي الاسود تحت العين مايصلحلك يصير كنك مدمنه مع انها مررره مو ستايل يعني مو من الناس اللي اثق بذوقهم ولاافكر اخذ ذوقها باي شي ابد

ومررره جبت صور لي كانت مرررره حلووووه والكل مدحها تصوير صدق بروفيشينال

تركت الأشياء الحلوه وقامت تدور وتعذرب مع اني اسمع من هنا واطلع من هنا بس نفسي اسكتها في يوم واوصلها ان رايها مايفرق عندي

بس شلوووون يابنات تكفووون قولولي

 

[خوش بنيه]

حلوووووووووو الموضوع راح ارجع اكتب اذا تذكرت موقف