نبي كل وحده تقولنا شنو الفناتق اللي عندها لتجيزها لولادتها

[nonowat ibi]

انا حماتي يابت مثل دببة كرستال اتشب ليتات على قوس قزح وحطتهم داخل علبة وزينة العلبة وحطت داخلة الكاكاو حلو شكلة

 

[Tangled]

واي يا حظكم انا ميتة وابي اجهز وكل شوي يقولون لي بدري بدري بس انا ادري بعمري شهرين ولا 3 شهور ما راح يمديني اعرف ذوقي صعب فاللي قاعدة اسويه قاعدة ايمع افكار واضبط الخطط الاولية لوووووول داشة حرب الله يهديني ومبروك عليكم تجهيزاتكم

 

[autointoxication]

احس صعب تجهيز الاستقبال :0bee2e8d89:

 

[شوفواشموخي]

مرحبا ببنات ديرتي الحلوين ام عفاف حبيبيتي بغيت اتواصل معاج عشان السكر وشغلات الاستقبال بليز رقمج

 

[كحيلة]

واللة اختي خذت من محل الكاروكة حق البيبي بلسوت او نفنوف وكشخة حدة معاة كيس البيبي وكبوس وشغلة بعد نسيتها ب40 دينار بس يسوى وايد حلو وخذت من وحدة بالمنتدى كاكاو الممية الكريستال حدة حدة عجيب وكشخة والكل سال عنة

 

[autointoxication]

رحت الكاروكة ما عجبني وايد غالي و شغله مو جوده كلش


بعد شنو جهزتوا؟؟

انا قاعده افتر لما الحين ما حصلت كفر لأني مابي شي وايد غالي

و ما قررت من وين اييب الحلو و الضيافه (اكو وايد اختيارات حلوة الحمدلله )

 

[قلبي ابيض]

خوش موضوع وانا الحين مخلصة اسبوع من التاسع الله يسهل علينا كلنا .. وبديت اول شي بالخامس اخذت ملابس البيبي من سنتربوينت وماذركير وادمز ( فوط بجامات مهادات كفرات للبيبي ) بس ان شاء الله ناوية اخذ جيس الياهل وسرير الياهل واغراض الجمعية ... وخلصت اعشابي من سمراء عدن وشوية تمر وشاي اعشاب من ام خالد واااااااو والله وناسة الحمدالله الله يعطي كل محروم ياااااااااااارب

 

[فساتين فخمه]

للرفع

 

[عفوية]

هلا حبيباتى

محل الكاروكة وين صاير؟؟؟

 

[زينانه]

انا كل ما اروح حق والده اشوفها حاطه كاكاو كتقديم للضيوف ..
وطبعا شفت كل الحركات والفناتق بالكاكاو
ليما مليت منه
قلت ليش اسوي شي مكرر...كافينا كاكاو
جان اروح محل يسوي لج علب فخار صغيرونه ...طبعا عنده اشكال عجيبه
ويعبي فيها لوشن كأنه شمعي بريحة الورد او بريحة دهن العود
عاد انا سويت النوعين....عشان الورد للشابات والعود للحريم الكبار
واشتريت علبة كشخه وقمت صفيت العلب الفخارية فيها وكل ماتزورني وحده اعطيها علبه.
واختي ماخذت من العلب اللي عنده لان يطلع غالي عليها
قامت اشترت من (ابو ميه) بالسالميه علب تجنن...و ودتها له وعبأها لها ب30 دينار يمكن
والكل اعجبته الفكره قالو ...خوش حركه عبالنا بتعطونا كاكاو...والله ملينا منه استغفر الله
اشرايكم بالفكره؟؟؟؟؟؟؟؟

 

[[Q8TYA]]

اي والله خوش حركه بدال الكاكاو
زين حبوبه وين هذا المحل وشنو اسمه ؟؟
جم كلفتج العلب وسعر التعبئه ؟؟ واشكثر الكميه اللي اخذتيها ؟

 

[كويتيه عسوله]

اي يالله طلعو الفناتق

متى ابدي اجهر انا باول الخامس؟؟؟؟؟؟؟

 

[داناو]

زينانه خوش فكره

 

[اروبه]

زينانه قصدج نفس مال جنيد اللي جنه ميداليه ؟؟ اي هذا حلو وادوره اذا ممكن اسم المحل وجم كلفج ؟

 

[زينانه]

المحل بسوق الفحيحيل ..........وانشالله بعطيكم رقمه بس باجر اخذه من اختي
اي نفس مال جنيد يعني مثل الشمع...وايد حلو

 

[زينانه]

اختي اشترت 50 علبة فخار من ابوميه يعني طلع عليها ب5 دنانير...
. وعبتهم ب30 يمكن والله ناسيه..
.باجر ادق عليها اسألها

 

[اروبه]

يعطيج العافيه عالرد السريع زينانة

 

[زينانه]

سهرانه مافيني نوم

 

[اروبه]

هم انا سهرانه وقاعده احوس افكر بفناتق انا طاري عي دهن العود المشمع نفس ماقلتي وهم ابي شغله ثانيه غريبه ماتعرفين فناتق او شفتي شغلات غريبه بهالاستقبالات ؟

 

[آخر العنقود79]

هلا بنوتات
بما اني قاعده ادور كفر وللحين ما لقيت واحد دخل مزاجي
اشرايكم كل وحده فينا تقول اسماء المحلات والمشاغل اللي عندهم كفرات مميزة لاستقبالات الولادة لان عندي الكفر اهوا الاساسي اذا افتكيتي منه هان كل شي ثاني
انا ببدي
معرض الاقتصاد المنزلي اللي بمجمع الاوقاف عنده كفرات حلوة بس ودس اغير مليت منه
الكاروكه كفراته نعومه بس خاطري شي غير التور
A 2 Zعنده كفرات راقيه بس في بالي لون ما حصلته عنده
بوتيك قرطبه وايد اسعارها مبالغ فيها يعني اشدعوه كفر ب600 و800
ترفاليو بعد كفراته تونس
اممممممممم هذول اللي توني شايفتهم واذا ذكرت شي اقولكم
ويلا همتكم معاي عطوني محلات ومشاغل يديدة