نبي حمله لتكثيف الشعر..

[shai6onah]

انا بدش وياكممم ,,, انا هالايام شعري يحت بشكل خايس ,,, ومن جدام الله بالخير صايره جني طير منتف ,, يعني وياكم بس انا عندي مشكله اني بلندن ما عندي حلبه ومادري شنو انا اقدر اسوي خلطه جروح خالده اغراضها متوفره ,, وعندي زيت كيشور حلو انا كنت استخدمه مع براشوت وخروع تعدل بس رد يحت ,,, واملا انسووو لانه ريحته تصك بالراس صج صج تلوع الجبد والكل يمدح بالثوم والبصل بس شنو الطريقه بالضبط !

 

[جروح خالده]

رد : نبي حمله لتكثيف الشعر..

بنات من باجر ببدي اسوي الخلطه لانه لازم تخلين الفلفل بالزيت لمدةة عشره ايام وعقب وتشخلينه الفلفل وتستخدمين الزيت

اللي تقول دوامات شوفي حبيبتي تقدرين تحطينه يوم الخميس العصر مثلا او السبت او الجمعه ايام الويك اند

والحنه مشكلتي اصبغ شعري بين فتره والثانيه عشان جذي مااحطه والسدر كلمة امي عليه حذرتني منه تقول لاتحطينه اذا قطعتيه يطيح الشعر معني خاطري فيه

 

[جروح خالده]

رد : نبي حمله لتكثيف الشعر..

وبشووف خلطه ثانيه مضمونه واجربهم معاكم

 

[جروح خالده]

رد : نبي حمله لتكثيف الشعر..

shai6onah

حبيبتي اتوقع تلاقين الحلبه بلندن شوفي اسمها بالانقلش واسالي عنها

 

[جروح خالده]

رد : نبي حمله لتكثيف الشعر..

بنات بسوي الخلطه مالتي واللي حابه تسوي نفسها بالضبط تشوف اللي يريحها


باخذ الفلفل الاخضر انقعه بالزيت لمدة عشره ايام واشخله وعقب بحط معاه حلبه مطحونه لاني كنت مجربه بعد الحلبه والله كانت تهببل للشعر

 

[Miss_Accountant]

رد : نبي حمله لتكثيف الشعر..

أنا بدش معاكم بالحملة وبسوي طريقة الفلفل والسددر وان شاء الله يتعدل ويوقف التساقط

 

[بنت الثانوية]

خلاص عيل نتفق كلنا على خلطة جروح خالده من باجر كلنا نسوي الخلطه ومن يوم السبت 23 اكتوبر نبلش فيها
ونسويها يومين بالإسبوع السبت والثالثه
اوك؟؟

وهذي طريقة الخلطه

باخذ الفلفل الاخضر انقعه بالزيت لمدة عشره ايام واشخله وعقب بحط معاه حلبه مطحونه لاني كنت مجربه بعد الحلبه والله كانت تهببل للشعر

__________
معانا بالحمله
نور الدنيا
لذكرى سأبقى
استغفر الله
shai6onah
جروح خالده
Miss_Accountant
------------

 

[shai6onah]

يالله انا وياكم وبدون حلبه شعرفهم بالحلبه هذولي الانجليز

 

[بنت الثانوية]

خخخخخخخخخ

اهم شي تكونين معانا ..
------

بنا في بعد شي حاولوا وانتوا حاطين الزيت تسوون مساج حتى لو دقيقتين

وسعت معلومه غريبه بس بجربها

انج تخلين راسج لي تحت علشان يوصل الدم لي الراس انا بسويه هالطريقه يوميا 5 دقايق باليوم مع مساج

واذا صار يوم الزيت اسويها 10 دقايق ؟؟

شرايكم ؟؟

 

[shai6onah]

هذي الحلبه ؟؟

على طاري تنزلين راسج انا لمه اسبح انزل راسي واغسله بالشامبو حسيت التساقط خف ,, ولمه اسويه بالستريت يخف التساقط مادري ليش غريب؟ ووقت السبوح احط ماسك هيربل اسيني على الشعر بس مو الجذوور ,,, وصرت اشرب حليب يوميا لانه الحليب فيه كالسيوم وزين للشعر

 

[بنت الثانوية]

هاا سيطونه الحين ما عندج عذر اسم الحلبه بالإنجليزي وتعرفينه ..
روحي اشتريه ولا ترى العصى لمن عصى خخخخخ

 

[بنت الثانوية]

بنات في اقتراخ من (نور الدنيا)

نضيف مع الحلبه عشبة الياس .. شرايكم ؟؟

انا بحطها وانتوا ؟؟

شيطونه روحي دوري اسمها بالإنجليزي هههههههه

 

[أميـ الورد ـرة]

السلام عليكم ورحمة الله وبركاته

خوووووووش حمله خيتي بنت الثانويه
انا بنضم وياكم
وعلى طاري خلطة خيتي جروح خالده
صج بنت خالتي قبل قالتلي انها استخدمتهاا وحلووه نتايجهاا بس قطتهااا ماواصلت عليهاا
وانا بجرب بس انتي دوختيني بنت الثانويه تحطين حلبه مع عشبة الياس شلون هههههه
يعني قصدج ننقع الفلفل بالزيت وبعد 10 ايام نشخل الزيت ونحط فيه حلبه وعشة الياس والا شلوون ؟

وترا عشبة الياس يمدحوونها بعد اهيه وزيتها وانا شريتهم مره بس ماستمريت عليهم

انا بقولكم عن الحنه اللي مره استمريت فيها وحلووه بصراحه نتايجها مع الاستمرار كل اسبووع مره
بس الحين قطعتهاا قمت احطهاا بين فتره وفتره

اخلطي الحنه المقدار اللي متعوده عليه + ملعقة زبادي + ملعقة مايونيز ( لاتكثرين من مره كثرت وحسيت طلعت ريحه مو شي )
+ عصير نص ليمونه + ملقعه او ملعقتين كابتشينو مادري احسه يعطي لون بني اللي احبه انا
+ ملعقه او كاكاو بودره نسكويك اللي لونه اصفر واعجنهم بماي الحلبه ( اغلي ماي وفيه حلبه وبعدين اخليه يفتر شووي واعجنهم فيه )
واغطيهاا بجيس نايلون عادي وانقعهاا لمدة ساعه تقريبا بالشمس وبعدين احطها على شعري بس خليهاا تبرد شوي لاتحطينها حاره على شعرج
من 3 الى 4 ساعات مو اكثرر

اللي لاحظته انه عكس قبل لما احط حنه بروحهاا لما اغسلهاا يخشن شعري ولازم ازيته ثاني يوم
بس بعد هالخلطه هذي ما احتاج ازيت شعري لان من تغسلينه بتشوفين نعوومه حلووه
+ انه مافيه ريحه للحلبه ولا شي لاتخافوون + انه يطوول الشعر + اني لاحظت منابت الشعر اللي بالقذله جدام يكونون صغااار
انا شفتهم اطوولوا بشكل ملحووووظ
واستخدموا سورسير هم ينبت الشعر ويطووله بس يبيله تستمرين عليه 3 شهوور تقريبا وتشووفين الفرق خصوصا انه مو دهن
جنه ماي تحطينه وعادي مارسي حياتج لاريحه ولا دهن ولا شي ماااا كأنج حاطه شي

ادري طولت عليكم
بس ان شاءالله اكون افدتكم

الحين انا بسووي الحنه مالتي + الزيت مع الفلفل و الحلبه + سورسير
بس ببلش ان شاءالله من بعد تاريخ حلمتكم

 

[بنت الثانوية]

يعني قصدج ننقع الفلفل بالزيت وبعد 10 ايام نشخل الزيت ونحط فيه حلبه وعشة الياس والا شلوون ؟


اي نفس كلامج بعد عشر ايام نحط العشبه والحلبه

ويا هلا ومربا فيج معانا

الحنه وايد يمدحونه بس المشكله في بنات صابغين شعرهم وما يبون الصبغه تخترب

وانا مسويه كنت حنه قبل شهرين وبقطع الحنه الحين علشان بصبغ شعري بعد الولاده ولا مره بحياتي صبغت شعري

 

[أميـ الورد ـرة]

اهااا
خووش اجل بسووي جذي يعني الحين طريقتي اللي بسويهاا

الحنه مالتي + الزيت مع الفلفل و الحلبه و عشبة الياس + سورسير

عاشوا قرووب المخبصات :eh_s(9): خخخخخخ

وعسى الله يحقق لنا امنياتنا بالشعر اللي نتمنااااااه ونحلم فيه يااااااااااا رب :yaaaaaarb:

 

[ماي.ورد]

موفقين بحملتكم بنات

 

[المتلثمه بعلم الكويت]

يلا معاكم
شرايكم في الزيت بالاعشاب المغربيه للتاجره ونه خفوقي >>اتوقع كذ ا اسمها اذا ماني غلطانه

 

[بنت الثانوية]

والله ما ادري ما جربته

 

[بنت الثانوية]

المشتركات بالحمله

لذكرى سأبقى
استغفر الله
نور الدنيا
shai6onah
Miss_Accountant
جروح خالده
اميرة الورد
متلثمه بعلم لكويت
آنا

 

[shai6onah]

كل شوي تزيدون المقادير وانا اتوهق لول