نبي أفكاركم حق توزيعات لإستقبال الحج

[batlah]

تقبل الله طاعتكم

يلا خلونا نتشارك بأفكارنا من الحين ونفيد ونستفيد من بعض .... بما ان خلصنا من لوية القرقيعان نبي نحضر من الحين حق الحج الله يكتب لنا وياكم هالسنه حجه انشاء الله .....

نبي افكاركم بحركات الوحده توزعها بالاستقبال اذا ارجعت من الحج وإللي عندها صور خير وبركة بعد



طبعاً انا عندي افكار عاديه ومكرره بس بطرحها يمكن في ناس يستفيدون منها


:eh_s(6): نحط في كيس متوسط الحجم ماي زمزم والعاب لليهال ومسواك ومسباح سياده

:eh_s(6): نحط في كيس الاورغانزا من بو 100 علبة تمر وماي زمزم ومسباح ومسواك

:eh_s(6): في علبة على شكل كعبه من المخمل داخلها عطر او دهن عود




طبعا تنحط على طاولة سواء الاكياس او العلب اذا كان كل نوع واحد يكون شكلهم حلو وإللي بتطلع تاخذ من الموجود


واذا لقيت لكم صور راح انزلها لكم

يلا نبي همتكم بالافكار الحلوه والزينه:eh_s(15):​

 

[FoOosHiia]

tslMeeeN

 

[اعييز]

والله خوش افكار .. لأن احنا استقبالات الحجاج عندنا عادية تقريباً والتزيين يكون من محلات الكاكاو نفسه بس افكارج حلللللللللللللوة كتير كتير

 

[batlah]

هاذي افكاري المتواضعه لكنها امكرر ما اقدر اسويها عطوني انتو افكار يديده علشان انفذها

 

[FANDA]

احنا السنه معزمين نروح الحج اذا الله كتبنا

يا ريت الي عندها افكار تفيدنا ابي اجهز كل شي قبل لا اروح

 

[قمه النعومه و الأنوثه]

توزيعات اهلي امسوينهم ..ادعولي اروح الحج إن شاء الله..

ا - قراش حلوين امعبيــــن ماي زمزم ومربوط عليهم كاكاوه..وامزقرتين

2- طاوله امدوره بصاله الإستقبال امزقرته بمجسمات خشبيه و ورود واموزع حوالين الديكور اللي عليها..اشرطه دينيه منوعه امزقرته بالشرايط والورود وفيها قطعه كاكاوه..

3-شريط ديني امزقرت وفيه شريطه من فوق بحيث يحمل كالحقيبه وفي قطعه جوكلت.

4- اكياس شانتون صغيره مطعمه بالكرستال البسيط..وفيهم بخاخات ذهبيه صغيره شكلهم ذرب وكل بخاخ في عطر غير..

5- اكياس حجم كبير كل كيس فيه سجاده وبخور ومعطر للجو.

6- محل بتيل اللي بالصالحيه عندهم انواع تمور فيها مكسرات ومغلفه وينفع حق توزيعات حج..

7 - سيديات قرآن او دروس دين ومعاها كاكاوه..

​

 

[قمه النعومه و الأنوثه]

:eh_s(22):بنات اذا لقيتوا الكاميرا اللعبه مالت قبل اللي على تلفزيون..اللي لونها احمر ويمكن في اللوان لا تنسوون اليهال فيها:eh_s(22):​

 

[حنان84]

والله خووووووووووووش أفكار تسلمين

 

[احلى كويتيه]

ذكرتوني بالحج الحمد الله اني حجيت ايييييه يوم حجيت ورديت والا كل اهلنا مخيمين بالبر والا اشيل هدياي وبالدبه واروح اطق درب لهم لان مسويلنا عشا حقي انا وريلي ومن الدبه الله وكيلج قعدت اوزع عليهم والحمد الله اني كل جيس كاتبه عليه اسم الوحده لان في بعضهم عندهم عيال وبعضهم كبار وفي بنات وفي صبيان

حطيت للامهات الكبار سجاده وقطعه خام وبخور ومسك الاصفر الالماني الاصلي بس حيته بعلبه علوه
وللامهات الصغار ملفع وقلايد للبنات ولعب للصبيان سيارات او المسدس الي يطلع صوت خخخخخ لازم وبعد التلفزيون الصغار الي فيهم صور مكه ما انساهم
وبعد للبنات لقيت الجناط الصغار الي بو اميه الي فيها مشط ومنظره وشباصات صغار وكبار واغلب الالعاب خذتهم من بو اميه وشريت اغلب الاشياء من اهنيه وبعد نسيت الحنه عيووز ادري
بس الملافع وقطع الخام والمسك والبخور من مكه وخلطات العطور بعد ماخليت شي
بس والله ان خواتي فادوني شريت كل شي وخليتهم يضبطوني ويرتبون شغلي
والحمد الله ان ما عندنا استقبال

 

[OmRashed]

افكار روعه تسلمين

 

[xxx]

خوش أفكار

بانتظار المزيد

 

[taiba2001]

توزيعات استقبالات الحج

إيه والله بنات نبي بعد أفكاركم إنشالله ناويه أحج السنة وأبي أزهب شغلي مبجر وخصوصا إن عندي عيال اسم الله عليهم ولازم أجهزهم حق العيد بعد ، فيدونا بالأشياء إللي ممكن نشتريها من الكويت والأشياء الحلوه إللي ناخذها من مكه أحسن .

 

[قمربلادي الكويت]

السلام عليكم
انا عرضت قبل فترة موضوعي بتلاقونه في قسم سيدات الاعمال
( عشتو جني مصدقه نفسي لوووول )
طبعا انا كاتبه الموضوع تحت اسم لكم اجر ومتعه ولي ربح وعلاج
طبعا انا الحمدلله شغلي الكل يمدح فيه وتوني مخلصه طلبيه لوحده بتروح الحج ان شاء الله
انا فعلا محتاجه لعمل اضافي لان حال ولدي يبيله مصرف بروحه وآخر التطورات ان شاكين فيه نزيف بالمعده
والله يعينه على ما بلاه ويآجرة وان شالله يشافيه ويعافيه
الي تبي خواتي تطرش لي على الخاص وان شالله لكم اجر فيه

 

[Harmony]

شوفى يا محفوظة السلامة انا سوتلى بنت على حجة امى شغلة تونس شوفى انتى اذا تحبين تسوينها
هى خذت سياييد من لونين و حطت دداخلهم ماي زمزم و طيب و قرآن و كتاب ادعية و كان القران مسويته مغلف بطريقة كيوت و ينحط بجيسة نفس التغليف ماله و كتاب الادعية ينحط بجيب بنفس الكيس بس من برة و قامت لفتهم بالسجادة بطريقة يكون اللون من برة و تغلفهم و تربطهم بشريطة بالنهاية يصير شكلهم جنهم هدية و يت صفتهم على طاولتنا و سنعتهم صار شكلهم صج مميز و كيوت و كل من مدح شغلها ما شاء الله عسى ربي يرزقها من واسع ابوابه

و هذى الفكرة جربيها اذا تحبين و اي سؤال حاظرة لج و للبنات

 

[shusha]

مرحبا
- امل الكويت عنده دهن عود يسويه خاص حق الحجاج بعلبه عليها شكل كعبة
- قطع خام حق الحريم الكبار
- كياس الاورجانزا تحطين فيه قران صغير ومسباح ومسوك
- سياده وثوبها
- ماي ورد وماي زمزم مزينين شي عدل
- العاب اليهال

ونصيحتي انج اتجهزين شغلج كله قبل السفر ومن الكويت عشان ترتاحين
وهذا رقم زمزم المجد 6084343-7979847

 

[ام الغالي]

 

[AL REMAS]

افكار روعة

 

[taiba2001]

توزيعات الحجاج

بعد بعد نبي افكار جديده ، بس سؤال للأخت أم الغالي من وين تمور نضيد هذي ؟

 

[ام الغالي]

هلا
هذي من اختراعي
عندي اكياس تمر كبيره قطعتها وحطيتها في اكياس صغيره وعندي خيش لفيته عليه وحق الكشخه طبعت بطاقات رسمت عليها تمر بالكمبيوتر ولزقته بمسدس الحراري

 

[taiba2001]

توزيعات الحجاج

عفيه عليج والله اختراعاتج عجب يا أم الغالي : )