نبيل العوضي

[حياتي لله]

السلام عليكم خواتي ... انا عندي برزنتيشن هالاسبوع والدكتور طلب منا اي موضوع حر وانا فكرت ان اعرض مقطع من حلقه برنامج مشاهد الي برمضان واذا خلص اسال البنات شستفادوا من هالمقطع بس ابي مقطع مؤثر وانا صراحه ماشفت كل حلقات البرنامج ودي احط حلقه تغسيل الاموات بس احس اغلب البنات شافوها ودي بموضوع يجذبهم واقدر اعلق عليهم وبنفس الوقت اضمن ان عدد قليل ماشافوا هالحلقه فشنو تنصحوني فيه احط اي حلقه ؟ وشنو اقدر اعلق عليها ياريت لو تساعدوني احس ضايعه وانا اول بنت اقدم برزنتيشن بهالمحاضره وعليه بيمشون البنات اي صج نسيت الدكتور قالي ماتعرضين الحلقه كلها بس لج عشر دقايق بليز بنات ابي تفاعلكم معاي وافكاركم ماباقي شي ع البرزنتيشن ..

 

[نور 55]

حبيبتى حلقة الداعيه البحرينى المعاق مؤثره جدا والله يوفقك

 

[حياتي لله]

مشكوووره نواره ماقصرتي بشوفها الحين

 

[حياتي لله]

نور اعذريني غلطت بالاسم ترا دايخه حدددي يالله اشوف الشاشه

 

[نور 55]

لا شكر على واجب حبيبتى انتى بنتى وادعيلك انت وليدى توه داش ماجستير ودايخ وتعبان مثلك الله يوفقكم ويسهل امركم ولا يخسر تعبكم اللهم امين

 

[حياتي لله]

احلااااا دعوه صراحه مع اني ماخلصت شغلي وتعبانه بس الحين بنام وانا مرتاحه من دعواتج الحلوه

 

[بنت.المطيري]

ذكرتيني الله يذكرج بالشهاده ..حتى انا عندي برزنتشين اخاف معاي

ممممم في موضوع يوم تكلم عن الصلاة كانت فيه معلومات حييييييييل قيمة ...بس ماضن تلقينها بالنت لاني مدورتها قبل

مممم عندج محمد العريفي ماشالله محاضراته شي شي شي عندج موقع مشاهد

نفس اليوتوب اهو ..بس اغلب فيديوات العريفي فيه ..او اي فيديو ديني

ان شالله فدتج

 

[حياتي لله]

ثانكس بنت المري بس بنات عبروني شوي من حسن حظي ان الدكتور اجله ولا جان صج توهقت ابي اي محاضره او حلقه دينيه او درس اثر فيكم مو شرط لنبيل العوضي منها تاجرين انج ساعدتيني ومنها تاخذين اجر البنات الي بيشوفون البرزسنتيشن ...

 

[Mrs.Q]

حبيبتي حلقة الأيتام تبجي مو طبيعية شوفيها وايد حلوة ومؤثرة.. والله يوفقج يارب ^^

 

[حياتي لله]

المشكله شعلق عليه بعد الحلقه مو كل الحلقات اقدر اعلق عليهم

 

[Mrs.Q]

حلقة الأيتام تعلقين عليها وايد تعليقات.. أول شي شوفي الحلقة كلها وحطي مقطع معين وعقب اختاري التعليق من باجي الحلقة اللي مانعرضت..
يعني خلي تعليقج كلام الشيخ نبيل وتعليقاتج الشخصية..