ناويه اتطلق ومحتاره !@ ساعدوني خواتي ..~

[غلا ستايل]

مع الوقت يتحسن عطيه مجال اختي

 

[غلا ستايل]

انا بعقد زواجي كتبت شروطي سكن خاص - اكمل دراستي - وظيفتي ..وين حقوقج وين شروطج ؟

 

[mmloo7a]

يابنيه حرام عليج اذا كان زين معاج تكفين طلبتج فكري عدل

بنات موحاصلهم زوج مثلج

شوفي المشاكل اللي ترس المنتدى وكل وحده تتشكى من ريلها

ياما بنات تحسفوا على الطلاق لانها ماعرفت شلون تتصرف مع ريلها
وكانت تقدر تحل مشاكلها معاه

بس دام ماعندج مشكله لاتطلبين الطلاق منه لان بتييبين المشاكل حق نفسج

وانا ادري الحين تفكرين تدورين عذروب او اي عيب منه عشان تنفصلين

ديري بالج الشيطان يوزج

تعوذي من ابليس

المره موكل يوم لها ريل :eh_s(4):

 

[STILL G L A M ~]

.


جم صارلج متزوجة؟

4 سنين وطول هالسنين افكر بطلاق واهون لان مو حابته بس الحين
من كلامكم هونت تعوذت من الشيطان وبخلي المغريات علشان بنتي حبيبت قلبي
كل شي ولا تحس بنقص

ومشكورين خواتي

 

[maryam22]

وايد ٤ سنوات انا فاهمه قصدج حبوبه
طلعاتج خليها مع ناس اهو يحددهم مثل خواتج بنات خالاتج يمكن رفيجاتج ممنوع يعنني شوي شوي لما يقتنع
الوظيفه يمكن اذا اشتغلتي بمدرسه يرضا
يعني طلعيلج مخرج بس بطريقته اهو
كل شي له حل وكل شي الانسان يبيه يقدر يحققه
استخدمي دهاءج
وموفقه

 

[el.mlkaa]

حرام عليج خو كلميه عن الوظيفه شوي بكلمه حلوه مني ومناكك الطلالاق عشان هالسبب احس ماله داعي توصل لى الطلاق !

 

[Rooz Aziz]

تعوذي من ابليس


احمدي ربج قاعده ومرتاحه ويصرف عليج


اشغلي نفسج بشي
الوسواس يجيج من الفراغ

 

[ليان ليون]

انت هيك بتنظري لمصلحتك انت وبس وين مصلحة بنتك ومستقبلها شكلك ما بتفكري الا في نفسك صدقيني هاي وسواس شيطان وكل شي من اعمالنا رح نتحاسب عليه مثلا ما انت تفكري تغيري اي شي في حياتك يعني تعملي اي شي جديد ينشط حياتك مع زوجك مثلا تحملين مرة ثانية او تسافرو او تعملو حفلة او عزيمة او انت وزوجك تعملو يوم خاص فيكم تتزيني ل زوجك نصيحتي اقرأي قرأن حتى تبعدين وسواس الشيطان عنك والله يوفقك

 

[dana.7]

من حقج تحققين ذاتج وطموحج

بس الحل مؤ بالطلاق

شوفي ايجابياته وحبيه .. بعدين بأسلوبج حاولي تقنعينه بالوظيفه والاشياء اللي تبينها

الله يوفقج ويسعدج