ناويه اتطلق ومحتاره !@ ساعدوني خواتي ..~

[STILL G L A M ~]

السلام عليكم


ابي الي كانت تتمنا انها تتطلق علشان مو حابه رجالها
او مو حاسسه بوجوده والخ ... لكن مو مقصر عليها بشي ومانعها من اشياء مثل طلعات مع رفيجات وسينما وووالخ

لمن تطلقت اتحسفت ؟ :bbbiu:
هل الي كانت اتفكر قبل الطلاق مثلا اتكمل دراسه ووتتوظف صار وكونت نفسها ولا حجي فاضي
وتخيلات !! :eh_s(10):


جم مرا افكر بطلاق بس ماكو سبب مقنع ومادري محتاره يمكن يوسوس لي الشيطان
والله احساسي غريب كارهه زوجي واحسه ماله داعي بحياتي لكن مو مقصر بشياء لكن ماله معنى
بحياتي جددد بدونه حياتي راح اتقدم بحياتي العلميه واكون نفسي وشخصيتي
ومعاه بظل بدون وظايف ولا شي بس يصرف علي لان مانعنيي من لوظيفه ..
ولان بعد بين عايلتنا مشاكل خفيفه بس كرهتني فيه حيل وحسيتهم ناس حاقده وحاسده
واحس كلامه مثل لعجوز راعيه الحكم والامثال المغبره الخايسه :eh_s(11)::rgewrg: كلش ماكو اسلوب

وعندي بنوته عمرها سنه :eh_s(16):

محتاره اخاف اتطلق واتحسف
ادري كلامي مخربط لان قاعدا اكتب وهو يمي ههههههههه

ناطره الردود :eh_s(22):

 

[السحابه الوحيده]

حبيبتي مافي شي يظل على حاله وب الكلام الزين والأسلوب الحلو يتغير الرجال والأهل مو اهم شي زوجك وحياتك وبنتك اهم
حاولي معاه واصبري الحمد لله ان هذا بس العيب فيه شوفي غيرك خيانات وخرابيط وغير اللي زوجها بخيل ويضرب فيها
وغير وغير الواحد يحمد الله
الطلاق مؤ الحل الأمثل لكل حياة زوجيه
فكري زين


كل أمنياتي لك بالتوفيق

 

[غلاي امي وزوجي]

كل شي علشان ختطر بنتج يهون

الرجال مو مقصر معاج

ومو كل وحده موظفه مرتاحه

تعوذي من ابليسوامسكي زوجج غيرج يتمنى ريحة الرجال مو لاقي

وابغض الحلال عند آلـَُلـٌّہَ الطلاق

 

[يتيمة جابر العز]

بصرااااحه سببج تافهه وماعندج سالفه ولا مبرر !!!


يعني الرجال زين معاج ومو مقصر وأخرتها تفكرين بالطلاق عشان السينما >>>> تفكيرج سطحي لأبعد الحدود


أختي أخذي فره على المواضيع الي يطلبون فيها الطلاق وشوفي الأسباب !! وتالي برري لعمرج !!!


قال ماعندي سبب مقنع قال !!!

 

[امـ خــزامـى]

حبيبتي
اتوووقع هرمووناتك متخربطه
وهي اللي لاعبه بحسبتك

اولا اكشفي على هرمون الغده وفيتامين دال

ثانيا شوفي مشااكل الموظفات وكيف رجالهم معتمدين عليهم بكل شي وساحبين عليهم صدقيني بتحمدين الله انك مو موظفه وزوجك شايلك وعااازك ومو مقصر معععاك

ام سالفة الطلعه والصديقاات انت غيري فيه وارتقي بعقليتك وثقي بنفسك واحترميها عشان يثق ويحترمك
كلامي لاتفهمينه غلط بس وربي اعرف وحده ماعندها خرابيط وماشيه سيده بس من شخصيتها حاس زوجها انها تافهه وحدها فيلم رومانسي وخياليه ومو عايشه بالوااقع فيخااف عليها ومايخليها تطلع الا معه او مع امها


ماادري لليش عندي احساس ان الدوره عليك او باقي لها اسبووع وتنزل

 

[الـــغـــلآ]

بصراحه صدمتيني @@

ترا الرجال عزوه و خصوصا الزوج اذا ما كان في عيوب و لآ تعتبرين هذه عيوب

فكري لو تطلقتي ترا بتاخذه غيرج هو مو خسران شي بتاخذه وحده تعرف قيمته و تاخذ اللي تبيه و ذيج السااعه بتموتين من حرتج

الله يهديج ،

 

[ملگه]

اختي انتي قلتیها زین معاج
طب لیش الطلاق اذا یصلي ومحترمگ وخایف ربه لیش الطلاااق
وبعد عندج بنت خافي الله فیهاا تعیش بدون اب ونتي السبب
هذا اذا خلوهاا عندج احتمال گبیر یاخذهاا ثم ساعتهاا تبین تندمین
وتگرهین نفسگ وقولي،ملگه ماقالت

 

[قاهره عذالي]

قال رسول الله صلى الله عليه وسلم :" ايما امراة سألت زوجها الطلاق من غير بأس فحرام عليها رائحة الجنه"


انتي شايفه زوجج ومسؤولية الزواج عبء في حياتج وشي يخليج ما تتقدمين كثير في حياتج العمليه

لانه عليج مسؤوليات اسريه وزوجيه

عزيزتي

الزواج في حياة المراه ستر

وكثير من الناظرات والحريم اللي ماسكين مناصب ممن لم يكتب لها الزواج

تتمنى ان يكون لها اسره وزوج وابناء

اختي العزيزة لاتنسي ان لديك بنت من هذا الرجل

والطلاق صعب خاصه مع الاطفال

فالطفل لن يشعر باستقرار نفسي لانه سيعيش حياته مشرد

مره في بيتك ومره بيت ابوه

وسيحسد الاطفال ويغطبهم الذين في سنه ويعيشون تحت كنف والديهم مجتمعين في منزل واحد

انا اعرف ان الارواح جنود مجنده ما اختلف منها اختلف وما اتالف منها التف كما قال الرسول اللهم صلي وسلم عليه

لكن عندما قررتي الزواج والقبول بهذا الخاطب الذي هو اب ابنتك الان

ماذا كان في تصورك عن الزواج

؟

هل هو ثوب ابيض ومكياج وملابس جديده وذهب وحفله

والا كنتي تفكرين انك تبني اسره وتنجبي اطفال وتحاولي بقدر استطاعتج تسعدي زوجك وتقوم بمسؤولياتك وواجباتك

انتي لم تنتقدي زوجك ولو في كلمه او تصرف

سوى انه حزازيات بينك وبين اهله

ولانه مانعك من الوظيفه

هل شرطتوا عليه قبل الزواج ان تتوظفي ولا يمنعك .؟

اذا ما شرطتوا

فهذه المسأله حليها معه ومع اهلك يتفاهمون معاه

وآمل ان تحصلى على ما تبتغين

 

[حبيبي مالكني]

الطلاق شي مو سهل
ف6كري ببنتج شنو ذنبها
وثاني شي دامها مو مقصر عليج ماديا بعد ليش تبين تتوظفين
انتي تعرفين انه مايبيج تتوظفين يايه اللحين تبين تغيرين هالشي
حمدي ربج في ريايل مقصرين مع حريمهم وصابرين
تعوذي من ابليس ولا تخربين بيتج بيدج

 

[M!SS.LOBY]

لا ياقلبي لا تطلبين الطلاق ما في سبب قوي

وبعدين البنت بينكم تتشتت والريال مو مقصر معاج قاعد يصرف عليج

واذا عالاسلوبه الدفش ما عليه ممكن يتحسن وانتي وشطارتج

واذا على العلاقات الاسرية بين زوجج و اهلج ما يخص علاقتج

 

[PuPa^^SWeeT]

هذا ابليس يوسوس لج


ديري بالج



و تعوذي من ابليس


و اقري على روحج


و ادعي ربج يهدي سريييرتج


وايد بنات تحسفووو


لانهم اكتشفوو بعدين انها عين ولا ابليس


ولا شي مسلط عليهم



ولما عالجو


مو على كيفهم ردونهم رياييلهم

 

[i'm so happy]

ناس ما يعجبها العجب ولا صيام في رجب

ان يأجوج طيب قلتي ماتبينه وان يأج بليس قلتي الله يعيني عليه

عندج بنت احفظي على زوجج وبيتج وربي يهديج

 

[ام الدرر]

حبوبة
فكري بالمستقبل
طلقتي -توظفتي - حققتي اللي ما نعج عنه طلعات وروحات
وبعدين
بنتج شلون بتربينها بروحج
شتبررين اذا كبرت واحتاجت الابو بالمدرسه بحفلة تفوق
ولا بمشوار يحتاج رجال
ولا بخطبتها وزواجها
شتقولين لها اسباب الانفصال
كان مو مقصر معاي
بس مانعني من الوظيفة وطلعات الوناسة

ياحياتي شوفي مشاكل غيرج تهون عليج مشكلتج
توج باول الزواج لابد في اختلاف بالطبع ووجهات النظر
زوجج بايدج تغيرينه
عسى الله يهديج ويصلح حالج ويسخره لج ​

 

[كويتيه فرنسيه]

بصراحه ماعندج سالفه الطلعات والوظيفه اخذيه بالمسايس بيقتنع شكلكم توكم متزوجين والرجال بداية الزواج حجر وبعدين يصير عادي

ودام الرجال مو مقصر وياج احمدي ربج شتبين بالوظيفه وعوار الراس دامه يصرف علج ربي بنتج واطلعي معاه سينما ومطاعم واستانسي

وتذكري ان مافي رجال كامل كلن فيه عيوبه لازم تتحملينه



وانا اعرف وايد مطلقات والله متحسفات

 

[زوجة عزيز]

دام مافيه شي ليش تتطلقين !! ماعندج سالفه الصراحه يمكن هاذي فتره وبتعدي يمكن انتي مزاجج متقلب ساعات تبينه واعات تكرهينه عادي بس ماتوصل للاطلاق بدون سبب

 

[orange blossom]

حبيبتي دام انج شايفه مافي سبب مقنع للطلاق
خلاص تحملي علشان بنتج
و تذكري ان في ريايل مو زينين بس حريمهم متحملين علشان العيال
و الله يهديج انشالله

 

[منيره kkk]

اقول قلبي الحياه مو كلها ورديه
لاتفكرين بنفسج يش فكري بنتج
فكري بعشر سنين جدام
اسمخى لى اقول لج








ماعندج سالفه
اسفه اسمح لي

 

[ام الحلوااات]

حبوبة

فكري بالمستقبل
طلقتي -توظفتي - حققتي اللي ما نعج عنه طلعات وروحات
وبعدين
بنتج شلون بتربينها بروحج
شتبررين اذا كبرت واحتاجت الابو بالمدرسه بحفلة تفوق
ولا بمشوار يحتاج رجال
ولا بخطبتها وزواجها
شتقولين لها اسباب الانفصال
كان مو مقصر معاي
بس مانعني من الوظيفة وطلعات الوناسة ​

ياحياتي شوفي مشاكل غيرج تهون عليج مشكلتج
توج باول الزواج لابد في اختلاف بالطبع ووجهات النظر
زوجج بايدج تغيرينه

عسى الله يهديج ويصلح حالج ويسخره لج ​

تــــســـــلـــم يـــمـــنـــــاااااج :eh_s(15): :eh_s(15): :eh_s(15):

 

[بنفسجيه_Q8]

الله يهديج

تقولين مو مقصر غيرج يتمنا يتزوج
استهدي بالله واستغفري الوظيفه مو كل شي ليش تحرمين بنتج من ابوها عشان اسباب تافهه مو مقنع فكري بنتج اذا كبرت


والله المستعان

 

[Tom ♥ Jerry]

.


جم صارلج متزوجة؟