ناويه إلا نويت خلاص ما بذني ماي ..

[وردة-الكويت]

السلام عليكم ورحمه الله وبركاته





.








.








.





نويت اشتري لي قطوة خلاص بس ابي رايكم وشوركم وانتو مشاءالله عليكم عندكم خلفية عن تربيه القطاوه انا رحت من فترة

سوق الحمام وشفت القطاوه الي عندهم بصراحه حلوين بس شلكهم مراضه مافي مكان ثاني يبيعون في القطاوه


عندي اسأله

1-من وين تشترون القطاوه؟

2-تنصحوني اشتري ذكر والا أنثى او اشتري الاثنين؟

3-شلون طريقه الي تعودون القطوه على انها تقضي حاجتها في المكان المناسب؟

4-شلون طريقه العنايه بلقطوه والنظافه ؟

5-اممم اي اينوع نوع تنصحوني اشتري ؟

6-واي شي تعرفون عن القطاوه من تربيه وعنايه علموني لا تبخلون علي بأي شي




اي ونسيت عادي اخلي القطوه تسرح بلبيت والا احطها بقفص عاد انا ناطر تجاربكم

 

[أصــايـــل]

رد: ناويه الا نويت خلاص مابذني ماي

مرحبا..أولا نصيييييييييييييييييحه اوووعيك تفكرين مجرد تفكير تشترين انثى لا تغلطين نفس غلطتي علبونه بتحمل وجيب وصيرعندي بدل الوحده عشره لا لالالالاكنت غلطانه أقولج ليش أولن:النثيى طبعها نفسيه وما تخليج اجيسينها الا قليل وفقط راسها والرقبه اما باجي جسمها وبالاخص ذيلها اوف تعصب <<وهذا الي جربته مع قطوتي ...وبعد لمن تولد بتغثج 24 ساعه تولد مني وتحمل مني وفي شغله بعد >>تسوي حركات تلوع الجبد >>بدها ذكر فهمتي لا وكل شهرين او بعدالولده الاولى بشهرين >>>وانا متحسفه وندمانه قد شعر راسي بالعربي مومخليتني أربيها ولامحسستني انا عندي قطوه ألاعبها >>ع فكره قبل هذي القطوه كان عندي ذكر بس مااات يحليله يعرف اني راعيته ويلعب
ومخليني اهتم فيه وعادي امسح ع بطنه ميؤلشي حاقه >>جني طولتها ومصختها والله ما صدقت افضفض ....وهذي تجربتي وعليج الحكم واي سؤال من عنوووووووووووني

 

[lojeeen]

رد: ناويه الا نويت خلاص مابذني ماي

ههههههههههههه اصايل الله يعينج انا كان عندي قطوه نزغه مثل قطوتج طفشتني ما اتحب امسح عليها و تشقق إيدي لي جيت اعطيها الدوا أو لي جيت اسبحها الحمدالله بعتها و افتكيت منها

بس حبيت اذكر انه القطط اطباع مثل البشر مو شرط انه تكون انثى يعني كل الأناثي نفس الطبع ههههههههههههه
انا عندي بالبيت ثلاث اناثي و ذكر و كل وحده فيهم لها شخصيه وحده اتمووووووووووت على الحضون و تبيني كلا اشيلها و امشي فيها مثل الأطفال و الثانيه خجوله و حساسه لما اجي لها بس تفتح حلجها و تدور على نفسها و اتهز ذيلها ههههههههه و امسح عليها اشوي اشوي بدون ما اشيلها
أما الثالثه فمستقله بحالها ما تجيني غير لما تبي الأكل و اتخليني امسح عليها اشوي بعدين تخلص اكلها و اتوخر ههههههههههه

و نفس الشي الذكور بعد شخصيات كان عندي واحد ليل نهار يعاوي من قمه راسه حتى نزوجه طفشني و ما يتودد إلا حق القطط الأناث ههههههههه بعته و شريت واحد ثاني الثاني وايد احسن منه حبوب و دلوع و يحب التمسح

الزبده انج لي بغيتي تشترين قطو اول شي اعرفي شخصيته قبل شكله
في بسوق الحمام القطو المحبوس بقفص لي شافج يقوم و يدز باب القفص براسه و يمد لج إيده و يخليج تمسحين عليه هاذا بتفرحين فيه
بس لي شفتيه نايم و معطيج امقفاه طنشيه ههههههههههههه هل نوعيه بس اكل و نوم و لي كبر بيلوع جبدج أكثر

أما طريقه التعود على التراب فأنصحج لا تاخذين قطوه عمرها تحت الشهرين بتوصخ بكل زاويه و فوق كل كتاب و ورقه و كيس جمعيه هههههههههه خذيها مني خبره بتوليد القطاوه
احلى عمر اهو شهرين و نص و طالع القطو يحفظ مكان التراب من اول مره اتحطينه فيه بعدين بروحه يرجع له و غير هاذا مناعته تصير قويه ضد المرض
بس لا اتخلينها تسرح بالبيت أو تطلع للحوش بتضيع خليها تتجول في دور واحد حتى اتدل مكان الأكل و الماي و التراب

و نوعيه القطه فحسب ذوقج بس اقولج المون فيس اللي خشمهم نازل تحت عفاريت لعبب و نشيطين حيلل حيلل أما البيكي فيس اللي خشمهم مخفوس لي فوق فهذول حيل مسالمين و يحبون الحضون بس ما يلعبون وايد لأن اكثر شي يتعلقون بصاحبهم يلعبون اشوي بالخيط و الكلنكس بعدين ينامون هههههههههه

و أي سؤال انا موجوده ^^

 

[وردة-الكويت]

رد: ناويه الا نويت خلاص مابذني ماي

ماقصرتو صراحه

بعرف شلون تسبحينهم وشلون على مراجعه الطبيب كل مد ومد تودينهم

وشنو نوع القطاوه الي عندج


اممم


وبعد اي شي تعرفونه قولولي

 

[وردة-الكويت]

رد: ناويه الا نويت خلاص مابذني ماي

وينكم

 

[بنت عبدالغني شربت]

رد: ناويه الا نويت خلاص مابذني ماي

هلا حبوبه بالعكس انا عندي نثيه وشاريتها من سوق الحمام قولي حق راعي المحل انا باخذها بوديها الطبيب بس اذا اطلعت مريضه برجعها والطبيب الدهماء دكتور اندرو عجييييييييييييب ويتكلم عربي يشرح لج كل شي انا قطوتي لما اكبرت شوي سويت لها عمليه شلت رحمها علشان جذي ترد جنها ياهل

 

[lojeeen]

رد: ناويه الا نويت خلاص مابذني ماي

ماقصرتو صراحه

بعرف شلون تسبحينهم وشلون على مراجعه الطبيب كل مد ومد تودينهم

وشنو نوع القطاوه الي عندج


اممم


وبعد اي شي تعرفونه قولولي

السبوح يعتمد لو اشتريتي شيرازيه عمرها تحت الثلاث شهور هاذي و انتي بالكرامه دوم لما تروح للتراب يعلق بشعرها الوصخ ز ساعات يصير وراها جبل ههههههههه في هل حاله يكفي انج تسبحينها من ورى بس بشامبو خاص بالأطفال أو شامبو القطط بس بيطلع عليج اشوي غالي و جففيها بالفوطه عادي و سشوريها و مشطيها حتى لا يتكور شعرها الطويل

أما لو شريتي قطوه اكبر من خمس شهور فيكفي مره بالأسبوع أو كل عشر ايام مره حسب الحاجه

بالنسبه لي انا دوم اودي قطاوتي مستشفى الدهماء بالري انا متعوده على دكتور جوزيف معاملته زينه للمراجعين و للحيوانات و ما يقصر معاج بأي شي بس لا تطيحين بالدكتوره الفلبينيه مره جربتها مسكت قطوي من ذيله و خلته يتعلق بالهوا صج شريره :eh_s(14):

أوووووووووووو بس نوعيه القطاوه اللي عندي هيمالاايا بيكي :rerrerek:

 

[وردة-الكويت]

رد: ناويه الا نويت خلاص مابذني ماي

مشكورين وماقصرتو

 

[أصــايـــل]

رد: ناويه الا نويت خلاص مابذني ماي

ههههههه صااجه lojeeen قطوتي البابا شراها الي >يقول اهي الوحيده الي نايمه وشكلها مالها خلق>الله يسامحه مادري ليش عجبته .:eh_s(2):.فأنتي شوفي النشيطه ع قولتlojeeen ..وبقولج نصيحه >طبعا هذي كتبتها امس مرتييين >طاحت ايدي وانااعيد:cxxxp:>بس مادري شسالفه مايدز:eh_s(10):>ما علينا بكتبها لعيونج>أولا:تكون صغيره ولازم تعودينها ع النظافه <تسبحينها :شامبو خاص في بمستشفى الدهماء شامبو حلو يقتل البكتيريا ويعقم وينظف سعره ب8 دنانير.و تمشطينها طبعا بمشط خاص فيها تلقينه بالسلطان> فعوديها من صغرها عشان ماتأذيج اذا كبرت ...
ثانيا وهذي اخذيها مني:عوديها على الي تحبين .مثلا اكيد تبين تلبسينها وتشبصينها >يعني تبدعين فيها هههه.من صغرها لين خلاص حتتعود وماتلوع جبدج.مو تسوين نفسي >لوعت جبدي ... وشتري لها سله تنام فيها وحطيها بالمكان الي يريحج عشان ما تنام بكل مكان>مسألة تنظيم ههههه شدعوه الي عندي تعرف النظام خليها عاى الله انصحج حتى ما تغلطين نغلطين بنفس الاغلاط ...اي وحطي لها طوق يبيعونه اشكالهم حلووه في مع جرس هذا شريته لقطوتي بس متى لمن صارت عوده وتختار هههههههه فانتي حطيلها ولا تخنقينها هههههه لا خليه راهي ع ارقبتها......
اي والاظافر قصصيهم بينكل فتره وفتره انا صراحه امن اوديها الطبيب للتطعيم اخليه ايقصهم....وانتي بأول زياره للطبيب ويطعمها بعدها راح يعطيج الكرت مالها ويقولج متى تجينهم ومواعيدها >وفي 3 دكاتره الفلبينيه > مارتحتلها وفلبيني وجهه كبير هههههه استغفرالله شكله كبير مو صغير >هذا مو دكتور قطوتي بس قبل يومين رحت الطبيب >كانت تأبانه ..ومالقيت دكتورها مسافر فدخلت ع الدكتور هذا بس على السريع يبي يمشي بسرعه حتى ما خلاني اشرح الوضع ...امادكتورها فلبيني شعره حرير >عشان تعرفينه يعني موصفه الحين >اكيد بيكون شعره حرير هههههههههه......بس شكله توه شباب >صراحه فله ينصح ويشتغل من قلب...اييييي لا تعودينها تطلع برا عشان ماتنقل امراض وتعديكم لاسمح الله ....اما شلون تعودينها ع الحمام عزج الله..عادي تشترين تراب مخصص بالجمعيه وتكتينه بسطل وتحطينه بالحمام.عزج الله...وتشيلين وصخها بشغله جنها ملاس..اهو بلاستك >>موجود بالسلطان...وبعد فتره وراح تتعود ع الحمام....على فكره قطوتي شيرازيه بيضا اسمها جولي وبث
وثلامتج واي شي ترا فالخدمه:eh_s(6):
:001:

 

[وردة-الكويت]

رد: ناويه الا نويت خلاص مابذني ماي

مشكوره ياقلبي

 

[soo_soo]

رد: ناويه الا نويت خلاص مابذني ماي

بالعكس اشتري انثى

اؤل قريت انه الذكر يكؤن طبعا متعلم على حمامه بس لما يكبررر راح يقعد يرش بكل مكااان بالسرير بالارض بـ ايي مكاااان يبيي فا اختصري ع نفسك من الهم هاا
ؤخذي انثى

 

[أصــايـــل]

رد: ناويه الا نويت خلاص مابذني ماي

مرحبا
وردة الكويت > هاا شريتي ولا بعد؟؟؟؟ واول ما تشترين بشرينا اوكي ......ناطرين اخبارج :>

 

[وردة-الكويت]

رد: ناويه الا نويت خلاص مابذني ماي

لا للحين ماشريت بشتري ورا العيد

 

[ع ــندك / خ ــبر]

رد: ناويه الا نويت خلاص مابذني ماي



ميته اربي حيوانات .. بس اخاف

 

[الملسونه]

رد: ناويه الا نويت خلاص مابذني ماي

حتى انا ناوية بعد العيد
بس شتنصحوني يقولون الذكر يوسخ و الأنثى نفسية شرايكم انتوا؟