- إنضم
- 24 يونيو 2010
- المشاركات
- 320
- مستوى التفاعل
- 0
- النقاط
- 0
السلام عليكم بنات
انا صراحة كنت ادور تجمع طلبه الطب بس ما لقيته :bbbiu: علي العموم الكلمه اللي بقولها اتمنى مو بس طلبه الطب يسمعونها لا ابي الطلبه اللي بالثنوية و ادري عنكم اسمله عليكم ملاقيف راح تدشون هني و تقرونه :eh_s(7):
اول بقوله لكم حباايبي لازم تكونون حااااااابين هالمجال قبل لا تدخلون فيه
لا تدخلين المجال عشان الاسباب الغلط لانج راح تخربين على نفسج و تخربين على غيرج
انا نص دفعتي داخلين هالمجال ليييش ؟؟؟ يبون بس حرف الدال قبل اسمهم يعني داشين برستييج
و الا اللي داشين عشان اهلهم دكاترة و حسوا انهم بيطلعون غلط ان دشوا كليه ثانيه
و الا للي معدلها عالي بالثنوي قالت يالله خل ادش طب
و شنو نتيجه هالتفكير ؟؟؟ خربوا على روحهم و ليل نهار تحلطم الواحد ما يشتهي يقعد وياهم ..
و طبعا لان مالهم خلق دراسه شنو يسوون بالحاضره ؟ سوالف و يغيبون و يطلعون و يقزون و الدكتور يدخل و يعصب علينا كلنا حتى احنا اللي مالنا ذنب قاعدين نتحمل زفاته لييييش؟؟؟؟ عشان هذوله الفئه اللي دخلوا معانا و خربوا علينا
عندنا شكثر دكاتره ما شاء الله يشرحون بضمير بس هالطلبه مو مقصرين وياهم يتمصخرون عليهم و قرقه قرقه بالمحاضره ما يخلون غيرهم يدرس
انا قاع اكتب هالحجي و قلبي محتررررق 6 سنين و انا متحمله هالنمونه انزين انا شنو ذنبي انتي ما تبين تدشين طب ؟؟ دخلتي و خربتي علينا
و لا المشكله مالهم خلق يدرسون و لا يبون يدرسون و اشكررره يروحون حق الدكاتره ترا ما نبي ندرس و ما دري شنو !! وشنو النتيجه ؟؟؟ الدكتور يعصب علينا كلنا و نشوف الويل منه
و هالفئه تضرناا حتى لمن نتخرج .. ماتوقع اللي درسوا بضمير بالجامعه يصيرون دكاتره بضمير فهذولا هم بيخربون علينا و يشوهون سمعة الدكاترة
ثاني شي يا بنات اللي بتدش دييييييييير بالج من رفيجات الجامعه ترا نسبه كبيره منهم معقيدين نفسيا !! اتييلج وحدة تقعد وياج تتحلطم على الدراسه و تفر مخج عشان تطلعون من الجامعه و اهيا ما تبي تطلع لا ااا تبي تخرب على غيرها عشان اهيا تنجح
يعني ما تبي تتميز بجهودها .. تبي تخرب على غيرها و تهدمهم
و هذا غير عن حركات النحاسه لمن وحدة تحصل معلومه او سؤال ممكن ايي بالامتحان تخشه حق روحها و اتيي تمثل جدامج انها ما تدري عن شي
ديروا بالكم من هالفئه ترا مريضين نفسيا و يجذبوون عدل
اذكر مرة امتحان بعض الطلبه قالوا يا جماعة لا تسوون زين لا ايي الامتحان اللي وراه اصعب .. سقطوا روحكم .. طبعا الطلبه الي نشروا هالحجي ماكلين الكتاب اكااااااااااال
و ليش يسوون جذي ؟؟ معدومين الثقه يدرون انهم ماراح ينجحون الا لمن يسقطون نص الدفعه
فانا الحين بس اقولكم
اللي تبي تدش حق الاسباب الغلط .. روحي حولي تخصص ثاني لا تخربين على نفسج و على غيرج
و اذا تبين تدخلين حق الاسباب الصح
ديييييير بالج من هالاشكااال الحاقدة و دييير بالج انج تصيرين مثلهم
و الله يوفقكم و يوفق الكل
