نادي لركوب الخيل

[Stay alive]

السلام عليكم

كل عام وانتو بخير ومبارك عليكم الشهر الفضيل

للي تحب تركب خيل او حتى عيالها او بناتها

اكو نادي او بالاحرى فيه بمنطقة جبد مكان لتدريب ركوب الخيل

قطعه 11 او 13 مو مثبته

على يد الكابتن ميشيل تليفون/99712570

وبالتوفيق ,,

 

[broor]

مشكورة........

انتي مجربتهم؟

 

[وحش الريم]

نفس السؤال.........
مشكورة وما قصرتي

 

[غلآة امي]

وين صاير

 

[om.5doja]

حبيبتي مافي مدربات؟؟

وموفقه يارب

 

[غلآة امي]

بجم

وو شلون صاير النادي

 

[Stay alive]

اي مجربتهم .. وزين التدريب حق الأساسيات تمام التمام ..

وقتها انا كان بـ 40 حق الـ 8 حصص مدة 45 دقيقه ..

فيه جنه مدربه اسمها سوزان اذا ماخاب ظني بس سعرها اغلى قالتلي قبل بـ 80 وتبي مجموعه ماتبي تدربني بروحي يعني لازم ادور مجموعه يتدربون معاي

 

[mamlo7a]

واو وناسه
بس عاد اشلون يروحون له جبد آخر الدنيا و اعتقد لازم الجو يصير حلو يعني ننطر الشتا

اذا سويتو يمعة بنات قولولي ايي معاكم بس ما قلتيلي 80 على الساعه الوحده؟ و الا الكورس كله؟

 

[الفضه]

الله وناسه نبي اكثر تفاصيل عن المدربه؟

 

[Stay alive]

المدربه والله ماقدر افيدكم عنها لانه ماتدربت عندها ولا واجهتها ..

تقدرون تدقون على الكابتن ميشيل اللي حطيتلكم رقمه وتسألونه باللي تبون

 

[espresso]

إذا مدربة .. بس حريم في مكان التدريب ؟؟
يعني أمهات العبي " أمثالنا " فينا نتدرب ولا لا ؟؟

 

[Stay alive]

والله ماعندي فكره عن المدربه انا كلمتها مره بالتليفون وسألتها عن الاسعار وبس قالتلي اللي كتبته لكم

 

[لوناااا]

يعطيج العافيه يا قلبي

بس جبد شلون يروووووحونها ..

وااايد بعيد

 

[Stay alive]

مو بعيده على حسب مكان سكنج غلاي

 

[الفضه]

مشكوره حبيبتي
خنشوف على ما يبرد الجو ان شاء الله انا حداا بخاطري بس وايد يخرعوني انه الحصن مو زين حق البنات ويأثر على الرحم

 

[dla3_princess]

بخااااااااااطري اتعلم كورس او دوورة وحده عالاقل

يبيييله

مشكوووووورة قلبي

بنااااات اذاا تبوون خلونا نسوووي قرووب بس المشكله جبد تخرررع

لازم اخذ معاي احد ابوي او احد ..نشووف المكان قبل

 

[dla3_princess]

ويينكم بنااات ؟؟

 

[Stay alive]

بالتوفيق اختي برنسس

 

[((الجوري))]

ستي اليف بسالج اهناك عادي اذا بنيه لابسه عبايه تركب ولا ما يصير ؟ لازم ملابس معينه

ومشكووووره عفيه ردي : )

 

[ريمانيا]

ادري داشة عرض هلا حبوبات بس حق ركوب الخيل عباية ما تنفع فية لبس معين للخيال و انشالة تكونون خيالين لان البنطلون استر و احسن