نادي لتعليم ركوب الخيل للنساء فقط في الكويت

[bint_q8]

انا من زمان ادور

شفت العنوان حسبالي بطلواا مركز لنا قلت زين حق الصيف هههههههههههههههههه

 

[سارونات]

انا في نادي المسيلة للخيل عجيب والله بس مشكله في شباب يعني يشوفون التدريب

حبيبتي قوليلناا شلوون الوضع هنااك منوو يدربج ريال ولا مره وجم يوم بالاسبوووع وشكثر يخذوون هالكورس وثانكس

 

[eG6aiiwa]

والله الوضع وايد حلو و النادي وايد قريب و الي تدربني وحده بريطانيه انا داشة مع رفيجتي و قلنالهم نبي بروحنا دفعنا 120 حق 10 دروس و اذا تبين وياج قروب يتكون من 4 الى 7 اشخاص تدفعين 90 حق 10 دروس بس يصير وياج شباب.. و النادي وايد في بنات و وايد متحجبات عادي الوضع حده محترم والله بس ساعات يصير شوي زحمه اهني يكون في شباب يتدربون .. اهوه عيبه ان التدريب عادي يشوفونه شباب حسافه يعني لو في ايام خاصة للبنات او مكان خاص احسن .. بس عموما خوش نادي.

 

[choclatecho]

ابي ابي ابي بس بنات بس مو حلوة وانا خلفيتي شكبرها انطط على الخير و الشباب مبققين عيونهم ابوي ينحرني قبل ريلي

ههههههههههههههه قبل الزوااج مت بجي و يومين زعلانه بداري لان ابوي مارضة ارووح نادي الفروسية اتعلم

 

[ام شباصه]

بنات لقيت نادي يدرب خيل وتقدرون تختارون اذا تبون ايام مخصصه للبنات ورخيص مو مثل باجي النوادي الكبيره
مكانهم في جبد

 

[cup-cacke]

هلا بنات
حسافه لو قبل 4 سنين جان قلتلكم تعالوا عندي
انا كان عندي نادي فروسيه وكنت ادرب فيه شخصيا وكنت مسويه ايام مخصصه للبنات فقط ويولي متنقبات وعبي والله واستانسوا يا حلوها من ايام بس للاسف كلشي تفركش الحين كان الاسطبل في ابوفطيره قريبه وعلى الشارع وللاسف صار ازاله على المنطقه وتخصصت للشركات فقط

الله يسامهحم كل من كان مستانس عندنا وكانت الي اسمها سوزان تدرب عندي فتره ومشت ..وحاليا عندي اسطبل بروحي حق خيلي بس وقفت تدريب باين من التوقيع اني حامل ههه

موفقين ان شاءالله بس للاسف ماراح تلاقون نادي يعلم بنات بس الا اذا مختلط وتدخلون بكلاسات بنات بس او يكون برايفت ابروحج مثل طريقة نادي المسيله ومركز الكويت للفروسيه بس يظل في شباب يشوفونكم عادي

جان زين الله يسمع منكم ويصير في نوادي بس حق بنات هذي كانت فكرتي قبل لان وايد في بنات يحبون الخيل و ودهم ياخذون راحتهم بالركوب

الله كريم

انزين عقب ما تولدين بالسلامه مايصير تردين للتدريب

 

[hot caramel]

بالبدايه وقبل كل شي احب اشكركم كلكم خواتي

ماقصــرتوا يابعد روحي من صاحبه الموضوع لي كل الي ردوا

وبالذات الي فادوني وايد وايد وعطوا الموضوع اهميه مثل اختي : "eG6aiiwa" ياعسى ربي يوفجها



وبقيت اسـأل نادي الصيد والفروسيه الي جبال الزهرا بالدائري السادس ويم مستشفى العسكري مايفيدنا بهالمجال ؟


وهذا لنـك النادي http://q8s.net/t159.html


وهذا رقمهم 24717271
والفاكس 24739251

بس افضى بقعد قعده سنعه حق هالموضوع الحين عالسريع جذي مريت مرور الكـرآم

وقـــوآكم الله

​

 

[أم حمد =)]

رفع

 

[hot caramel]

بنوتـات اتصلت على الكابتن ميشيل ريال مصري

خذيتـه من موضوع بمنتدانا المتميز الراقي بعنوان: نادي لركوب الخيل http://www.q8yat.net/showthread.php?t=449862

وقلتله ماكو مدربات حريم؟

جان يعطيني مدربه اسمها لطيفه

تعطي 10 حصص بـ 50 دينار

وموقعهم بجبد قطعه 11

 

[hot caramel]

وبعد خواتي لقيت لكم هالموضوع والي وايد يفيد ويخدم موضوعنا

وان شاالله انه يجاوب على تساؤلاتنـا

مشــاالله عليها السنع كله ماقصرت واكيد الفضل كله راجع لها الاخت :Tosta M7mSha




نادي تعليم الفروسيه بالكويت

 

[Glamour_85]

توسته محمشه ما راح تردين عقب تدربين عقب ما تولدين بالسلامه

 

[يالله قسمت خير]

رد : نادي لتعليم ركوب الخيل للنساء فقط في الكويت

اب
اب
اب

^_^

 

[عاليه 305]

رد : نادي لتعليم ركوب الخيل للنساء فقط في الكويت

حتى انا ابي اتدرب ياريت ترفعون الموضوع
بلييييييييييييييييييز

 

[عادت ذكرياتي]

يا ليت فيه مكان خاص للبنات

 

[NoNoFeTa]

وناسه انا ابي بعد صج ودي اركب الخيل وماخاف منه لان جم مره بغيت اتكرفس بمصر بس عشان اصور لوول وركض فيني وبغيت اطيح ههههه ودي اتعلم

 

[نيــلــوفــر]

اتذكر لما كنت اطالع مسلسل عاصي و اشوف لميس تركب هالخيل 24 ساعه تشوووووووووووووووقتت

 

[eng_bdliat]

رد : نادي لتعليم ركوب الخيل للنساء فقط في الكويت

احلى رياضه الخيل وخاصة ابهالجو العجيــــــــــــــــــــــــب
مو طبيعي الركوب والهوا البارد يهفهف عالخد ههههههه
وانا مع البنات الي قالو عن كابتن ميشيل تتعلمون كل شي معاه واتوقع معاه مدربه وهذا رقمه99712570
والحين الاجازات تكثر لاحد يطوف هالرياضه الحلوه

 

[مذهلة 78]

رد : نادي لتعليم ركوب الخيل للنساء فقط في الكويت

مرحبا بنات احس شي واوفر شي نادي الصيد والفروسيه

اهو عباره عن اشتراك قيمتة 300 دينار بالسنه فيه ملاعب تنس وحمامات سباحه وكره طائره وكره قدم

يعني تقريبا نفس النادي البحري والشعب بس اذرب لان اغلبهم كويتيين


وبالنسبه لتعليم الفروسيه اللي اهي ركوب الخيل الحصه ب3 دنانير

يعني المتزوجه وعندها عيال تستمتع بمرافق النادي لان فيه نادي صحي بعد للحريم والرياييل واليهال يستانسون بعد

 

[مسك]

خاطري أتعلم ركوب خيل من صغري امنيه ودي تتحقق

 

[ام شباصه]

كابتن ميشيل 99712570-66020750