نادي لافام ....

[شكنوومه]

اي بس زحمه مو طبيعيه والنادي صغيره مساحته

 

[^^ROSE^^]

واي مهاوي حرام عليج ليش حاطة صورة ديني دوكيت عوار قللللللللب
مت من البجي لما مات
شفتي الجزء الثالث؟ انا خلصته واي عذاب هالمسلسل<<<<تحسين وحدة حدددددها داشة عرض لووووول

بس عموما هالنادي سمعت عنه ومدرباتهم اعتقد رومانيات بس مشكلته انه مساحته صغير ولانه اسعاره زينه فيصير ضغط عليه خصوصا بالعطل

 

[amoni]

الله يعطيكم العافية الصراحة أنا بالنسبة لي اشتركت فيهم اثنينهم صج صج عجيبين وأنا ألحين أبجدد اشتراكي مع تشامبيون الصراحة عشان قريب على بيتي والله يوفقكم انشاءالله وأنا بعد وياكم

 

[7alawa]

مشكوره
انا محتاره بين لافام و كيرفز و بيلاتيز !!!

 

[mahawe]

ههههههههههههه ضحكتيني رووووزييي موو لأن مات حااطه صووورتة

 

[فيروزه]

في ناس مايمدحونه

 

[^^ROSE^^]

اي والله انا ضاق خلقي انه مات حسافه يهبل ولايق على ايزي<<<<شكو خخخخخ
بس ميخالف عشان يظل ملكدريمي نمبر ون محد ينافسه فديت نظرته بو عيون فتانه ههههههه

 

[mahawe]

هههههههههههههه يحليلج متااابعه المسللسل من قلب

 

[Q8female]

بنات يعني شلون جدولكم اذا رحتوا !!
يعطونكم جدول تلتزمون فيه ولا على راحتكم !!
علمونا النظام
ودي اشترك
يسوى اشترك سنه كامله !!
واهوا يومي ؟

 

[خاشووقه]

وحده اعرفها مشتركه تمدحه

بس احس انه كيرفز احسن
رفيجتي مشتركه تقوول يتعبون على جسم النت
ويعرفون وين بتضعف

والحلوو انه 3 ايام بالأسبوع ونص ساعه


يعني حق المشغولين واللي ما يحبون الرياضه

 

[سنابل]

واااااي ما رحت شفته

استعيلت واشتركت بنادي جمعية المعلمين

قدر الله و ما شاء فعل

مشكورة عالمعلومة

 

[^^ROSE^^]

بنات انتوا ليش تسألون عن المتابعه؟ انتوا المفروض تتابعون نفسكم ماتنطرون اللي بالنادي يتابعونكم
حطوا لنفسكم جدول حسب الوقت اللي تقدرون تقعدون فيه بالنادي وشكلوا بالتمارين
مرة سباحة مرة اجهزة مرة سويدي
وبالالتزام بتضعفون يعني شلون اذا ماتابعوكم منتوا ملتزمين ولا بتضعفون؟
وبعدين تخيلوا جم وحدة غيركم مشتركة بالنادي وجم وحدة كل يوم تيي تشترك شبيلحقون عليه؟ ماراح يمديهم يتابعون احد

 

[brooad]

أنا مشتركة فيه الحين واشتراكي بيخلص... بس بصرااااحة المدربات نفسهم خايسة وياي !!!! وحتى مع رفيجاتي اشتركوا 6 أشهر وماراحوا ا!!! تخيلوا أول ما دشيت النادي وسووا لي البرنامج أنا ما أعرف حق الأجهزة اللي فيهم أثقال!!! فقلت حق وحدة من المدربات بليز علميني!! قامت تتحلطم مع اللي يمها! وكل ما اناديها عشان تعلمني على جهاز تتأفف!!! ورفيجتي نادت وحدة من المدربات عشان تعلمها على جهاز المشي نفس الشي قامت تتحلطم بعد وتتأفف وتكسر حب بويهها ولما تكلمها تحقرها بعد!!! وكله المدربات قاعدين ياكلون ( حب - كيك- بطاط- ماكدونلز!!! ) المفروض اهما قاعدين بنادي صحي!! ... وذاك اليوم بغرفة التبديل سمعت وحدة قاعدة تقول أنا صار لي شهر الحين بالنادي وولا وحدة من المدربات عطتني ويه وعلمتني السباحة!!! وقبل اسبوع قست وزني واللي قاست لي بالغصب أتل منها الكلام!!! أبيها تقول لي ليش وزني ثبت وشسوي الحين!!! مالها خلق وتطنشني!!!! امبيييييييييييه جد لوووووووووعة وفكرنا نشتكي عند الإدارة عليهم أنا ورفيجاتي لأنه النادي حلو وموقعه مناسب لنا والاجهزة زينة بس الستاف صج أي شي... أنا ما قمت أهتم وقمت أسوي تماريني بروحي وأطلع بس بصراحة حلو انه يكون فيه متابعة على الأقل لما تسألين تلقين أحد يجاوبج مو تكسر حب وتاكل بطاط وكيك بويهج!!!!

 

[el3aNoOoNa]

وين مكانة بالضبببببط؟؟؟

 

[thenutybee]

انا كنت مشتركة فيه النادي حلو وكنت اقعد فيه من ساعة ونص لي ساعتين وكنت اسوي برنامجهم الللي معطيني اياه اشتركت بس شهر
بس مااقدر اقول النتيجة اوكي لاني ماكملت للاخر لظروف خاصة وكنت مسوية معاه رجيم بس الصراحة المدربات فيهم اللي نفسهم خايسة وفيهم الزينينن ونظامهم يوم علي حسب توزيع الدهون عندج يعني كل وحدة غير الثانية يوم اول شي تسخين نص ساعة لي ساعة علي الاجهزة وبعدها برنامج يعني يوم ايروبكس ساعةونص وانتي اذا تبين ادشين كلاس واللي بعده ايروبكس بعدها ابربدي اليوم اللي بعد ايروبكس بس واللي بعده لور بدي علي هالسنة الكلاسات عجيبة اليوغا والكيك بوكسنج وفي وجم كلاس بعد حلوين اي ومن ناحية المدربات اهي اول شي اتعلمج شلون تستخدمين كل جهاز شلون تضبطينه عاد وتهدج ماتراقبج الا جم وحدة اذا شافتج سويتي شي غلط تلاقينها يتلج علي راسج وتعلمج عدل والبعض طناش ويعلمونج شلون تقرين الجدول مالج واول ماتيين ايقولون لج شتسوين اليوم
السباحة ماحصل ودشيتها ماصارت فرصة وبالنسبة للرقص ماشي حاله بس ماحسيت واااااااو ماادرس وجهة نظري
المكان نظيف وهادي ويونس راحة نفسية بس البرنامج ماعجبني لانج تسوين تمارين الابر بدي مثلا مرة بالاسبوع بس اذا تبين كملي عليه بالكلاسات بس انا احس ان الشهر مو كافي خصوصا للتبي تضبط الجسم والكرشة خصوصا احس يبي اكثر اتمني اكون افدتكم بشي اي عندي رفيجتي كانت مشتركة معاي وكانت من قبل مشتركة بتشامينز ماعجبها هذا النادي ومدحت تشامبينز

 

[makhroosha]

لووووووول هلي يتحلطمون اكييد هالفلبن ما كو غيرهم اكو وحده جنها ريال تحط سكارف بصماخها و كلا شايشة اخاف منها.. بس كلاساتها حدها قوية تشدلج الجسم شد من زندج لي ريلج.. بس انتي حقري ويلا ناديلج وحدة من هالرومانيات.. والله انا طاقة صحبة وياهم و كل ما ايي النادي ايب معاي قواطي برد حقهم و كييييك اذا شفتوهم يبلعون ترى كلا مني :d