نادي %كويتيات% لهواة التصوير الفوتوغرافي

[Pink GirL]

عندي استفسار : هل فليكر يحفظ صوري ويغنيني عن الفلاش ميموري لاني ودي انزل صوري اول بأول من ميموري كارد الكاميرا علشان المساحة ... تدرون صايرة اصور المنظر الواحد مليون مرة ونص لاني جاي قالتلي صوري اكثر من صورة فودي احتفظ بكل شي حتى اللي مو شي علشان اتعلم وتبقى ذكرى لي مع الوقت

شرايكم؟

ماركت يسعد صباحج ياقلبي انا بعد سؤالي نفس سؤالج وشنوو اهي الخطوات عشان نسويلنا فلكر

وشغله ثانيه ياريت تساعدوني انا دورت على كاميرتي بالانترنت عشان اشوف مميزاتهاا واشلون اقدر استخدمها بس للاسف مالقيت ياريت تساعدوني

ويعطيكم العافيه حبايب قلبي

اذا كان عندكم ايميل بالياهوو تسجلين فيه بفلكر
https://login.yahoo.com/config/login?.src=flkctx&.pc=5134&.done=https%3A%2F%2Flogin.yahoo.com%2Fconfig%2Fvalidate%3F.src%3Dflkctx%26.pc%3D5134%26.done%3Dhttp%253A%252F%252Fwww.flickr.com%252Fsignin%252Fyahoo%252F

بعدين يفتحلج صفحه فيها بيانات ويقولج اختاري نك نيم لج بالفلكر

اما سالفة الميموري ففلكر مكان لعرض الصور للاعضاء للتعليق عليها وتبادل الخبرات مو حق الحفظ ! لأن لج عدد محدد من الصور تحطينهم واذا تبين مساحه اكبر لازم تدفعين فلوس فأحسن لج تحطين فولدر في الكمبيوتر او تسيفينهم في سي دي

 

[supermarket]

مشكوووورة بنك على التوضيح

ووينج يالقاطعة عن النادي

خلاص يبا محنا مدفعينج الاشتراك دشي بلاش :eh_s(3):

 

[جاي وحليب]

supermarket

لا عادي مومهم بس هذا اللي استخدمه علشان اشوف اعدادات الصوره اسرع من الفوتوشوب..
عموماً دام عندج الفوتوشوب خل اقولج الطريقه فيه..

تروحين عند..
File >> File Info...
بعدين عند Section، تختارين EXIF انا حاطه يمه سهم احمر بالصوره...



EXIF >> كلمة متعارف عليها في هالمجال.. وهي معناها اعدادات او معلومات الصوره..
هاذي اهيا معلومات الصوره.. لما نلتفت لها نشوف اهم 3 نقاط فيها..وهي...

1- Exposure Time >> وقت التعريض : هو نفسه سرعة الشتر
2- F-stop / أو / F.Number >> فتحة العدسة
3- ISO Speed >> الايزو




اما بالنسبه لسؤالج انتي والاخت نحلة، فـ فلكر مومكان لحفظ الصور
اهو لعرضها فقط وتعليق الناس عليها.. بالضبط مثل ماقالت بنك ..
وفعلاً اهو فيه سايز معين وبعدها يصير فل .. تضطرين تنطرين لي الشهر الياي
علشان تصير عندج مساحة يديده .....
اما الاشتراك اللي بفلوس فـ يوفر لج مميزات اكثر..
عموماً اذا تبون تعرفون تفاصيل اكثر سألوا انا مسجلة فيه ودافعة بالكي نت
اشتراكه السنوي جنه 13 دينار ماني ذاكره بالضبط..

والحل الافضل هم نفس ماقالت بنك .. حفظيهم على سي دي
انا عندي درايف خارجي هم احفظ عليه صوري وباك اب لملفاتي
علشان اخفف على لاب توبي ...
وبما انج تصورين صور وايد وماخذه بنصيحتي.. بعد ما تنزلينهم عالكمبيوتر
اختاري الافضل ومسحي الباجي.. صوره او صورتين او حتى ثلاث لنفس الزاويه او المكان او العنصر اللي مصورته اعتقد كافي..
الا في حالات معينه قد تحتاجين اكثر..
والباجي مسحيهم لا ياخذون مساحة ويبطؤون الجهاز حرام .. احتفظي بالافضل..
وعقب بتييج فتره تقعدين تفرزينهم .. وبتشوفين الصور الاوليه تجارب عاديه :eh_s(15):

 

[جاي وحليب]

نحلة متكحله

الخطوات بفلكر سهله .. بس لازم يكون عندج ايميل بالياهو
اذا ماعندج بنفس الوقت تسوينه وتسجلين..
الخطوات عاديه مثل لما تسوين ايميل او اي شي جذي..

وبالنسبه لكاميرتج اكيد بتحصلين مميزتها بالنت
شوفي هالسايت حددي الشركه .. والكاميرا ..
وبتلقين مميزات كاااامله داخل .. ويحطون لج الsetting وكل شي
وحتى نماذج من تصوير الكاميرا نفسها.. وايد حلو السايت اتوقع بيفيدج
http://www.dpreview.com/reviews/specs.asp

وحتى الكاتالوج مالها اقري فيه وقت اللي ماعندج شي .. وجربي




** بنات اللي تسوي فلكر خل تقولنا نشوف صورها نزورها ونسيـّر عليها


===

Pink Girl

شكراً على تواجدج وردج..
بس للي عتب على القطاعه .. من زمان ماشفناج بالنادي
ودنا نشوفج على طول.. لاتخلين :eh_s(17):

 

[Pink GirL]

سوبرماركت >> حبيبتي موجودة وادش اشوف الردود بس تدرين انا خبرتي موكثر جاي مشاء الله عليهااا وان شاء الله دايم تشوفوني وعد

جاي حليب >> انا موجوده ياقلبي واللي الحق عليه ارد عليه بس مشاء الله ماكوو على خبرتج تبارك الرحمن ومنكم نستفيد

 

[جاي وحليب]

حياكم معانا بنات بالـ workshops
http://www.q8yat.net/showthread.php?t=58560

وهالموضوع المهم .. وظائف دائرة ازرار التحكم ..
http://www.q8yat.net/showthread.php?t=58558



بنك.. دام عندج خبره فيدي البنات معاج
اللي عندي وعندج واحد..
كلنا حبينا هالهواية ووطورناها بشكل افضل ونتمنى الوصول للاحتراف
شاركينا بالوورك شوب عاد لاتخلين..

 

[supermarket]

سوبرماركت >> حبيبتي موجودة وادش اشوف الردود بس تدرين انا خبرتي موكثر جاي مشاء الله عليهااا وان شاء الله دايم تشوفوني وعد

بينك يلا عاد عن التغلي مافيها شي لي ابديتي رايج بصورة او معلومة مثل هارموني تقولج ماعندها خبرة بس تعطي راي :eh_s(15):
مو كل جاي جاي جاي

هم نبي شوي كابتشينو من ايدج الحلوة :eh_s(17):


هااااااا شقليتااااااااااااااااي :eh_s(14):

 

[اتكيت]

يسلمووووووووو جميعاا والله يعطيكم العافيه وخاصه جااي وشفت مواضيعج واستفدت منهم موفقه ياقلبي والف شكر

 

[supermarket]

مشكووورة جاي على التوضيح بخصوص فليكر

وسؤالي الثاني شلون اسوي توقيع ثابت للصور علشان فليكر ؟؟

مثل توقيعج ( نسكافيه وكوب )

 

[Layz]

التوقيع هذا تسوينه بالفوتوشوب ..
بعدين تحفظينه بصيغة فرشة edit >> define brush ..
و تفتحين الصورة بالفوتوشوب و تحطينه ..

 

[supermarket]

شكرا لج مس يلوووو



نوت خارج الموضوع : يحليلج كنتي بروضة الامانة .. عنووووونة بعدج

 

[جاي وحليب]

بنات دشو ورشتنا وشوفو يديدنا

http://www.q8yat.net/showthread.php?p=1165491#post1165491

 

[Pink GirL]

جاي وسوبرماركت >> مايصير خاطركم الا طيب ان شاء الله بشارك معاكم وابدي رايي باصوركم وهم انتوا تعلقون وتبدون رايكم بصوري

 

[nono78]

الله خوش موضوع توني اطيح عليييييييييه

يعطيكم العافيه

عاد توني شاريه كاميرا من سوني 6 ميجا بكسل احب التصوير

بس صراحه مو محترفه ان شاء الله اتعلم منكم

ومن المواقع الي حاطينها

تسلمون يالغاليات

 

[supermarket]

نونو حياج الله معانا بالنادي

راح تستانسين مع القروب

 

[جروح تبتسم]

وصلت كااااااامرتي

كانون 350دي

بصراااااحه شرايكم فيها وبتصويرها

رايكم يهمني واااااااااااايد


طبعا الله يعينكم على اسألتي وااااااااااااااااااااااااااااووووووووو

 

[يالبا قلبي]

جروح بجم خذيتيها ؟
طلبتيها من النت ولا شريتيها من هني ؟

عفية ابي كل التفاصيل لان ماعندي كاميرا وبخاطري اشتري وحده
والميزانية هاليومين مش ولابد

 

[جروح تبتسم]

هلا يالبا قلبي

اخذتها من الغانم ب270 تقريبا

اعتقد ان عليها تنزيلات ( هلا فبراير )

ولابعد ربحت تلفون بوطقه
بدون كاميرا ( حق العروس ووقت الزنأه على قولتهم )

والمومري مالها ب13 دينار

 

[يالبا قلبي]

هلا جروح

تصدقين ما بينها وبين 400d فرق كثير
جان خذيتيها هذيك احسن بواجد

انا هالايام حدي مقلسة عني عروس وفلوسي كلها طارت على البدلات والصوالين

فناطرة اخلص
وطق لي دي 400 واجكجك

ادعوالي

 

[جروح تبتسم]

ان شالله تاخذينا بالعافيه

انا والله انصحوني فيها بس شكلي بقطها بالزباله تكرمين

لان فيها ايرور رقمه 99