نادي %كويتيات% لهواة التصوير الفوتوغرافي

[Harmony]

سمو انا معاج على العدسات و الصراحة انا اخترت كامرتى لأنها فيها الثلاث عدسات مع بعض و سعرها ين طبعا فى فرق بين عدسات من نفس النوع بس اللى عندى البيسك من كل نوع فهى معطتنى حريه من هالناحية و بعد الشتر سرعاته وايده اختار من السريع حق تصوير اليهال لين البطئ للمناظر و ان شاء الله نستفيد من خبرتجانتى و جاى و حليب
سوبرماركت شدى حيلج يبي الكاميرا و نصير انا وياج اول تلمذتين بالمنتدى

 

[supermarket]

افا عليج هارموني اي شي بجكجكه بحطه هني علشان ابي ينتقدوني واتعلم


وان شاء الله سمو وجوييييهة مايقصرون... لا خلا ولا عدم

 

[جاي وحليب]

Harmony .. صاجه وتصوير اليهال يوونس بعد
اي والله جان زين تييبين لنا صور او امثله علشان نشوف الفرق بالوايد انجل وبدونها
لاني افكر اشتري عدسه بعد فتره، بس ليلحين موعارفه احدد انا شنو ابي


سمو.. مشكووره.. وان شالله اصور المارينا بالاعدادات اللي قلتيها
انزين وبالنسبه للعدسات، انا ودي ايمع حق عدسه بس ليلحين ماني عارفه انا شنو احتاج
شلون احدد بالضبط .. يعني انا احب الماكرو بس بنفس الوقت احب الطبيعه واللاند سكيب
بس يمكن مااصور مناظر وايد الا بره الكويت
ماادري شلون احط الاولويه وحق شنو..

يسعدني ان صوري اعجبتج.. مشكوره على الموقع وان شالله اشارك فيه
لان انا صايره احط صوري بفلكر وبس مااعرض شي بمنتديات مادري ليش
وادري بدون المنتديات مااستفيد واطور من نفسي..

تصدقين عيل وقت اللي رحت الكوت اخر مره وصورت كان المكان فاضي
وعلى المغرب بدو الناس اييون بس هم قدرت اصور وطلعت بمجموعه جدا حلوه
وصاجه الدورات حلو فيها التشجيع هذا اهم شي، والطنازه اوووه ياما سمعنا بس طاااف :")


supermarket.. ايي افا عليج جكجكي وحطي احنا اهني نفيد ونستفيد

 

[supermarket]

بنات







شلون افتح اكاونت ب فليكر

 

[جاي وحليب]

supermarket .. عادي نفس طريقه الايميل
بس لازم يكون عندج ايميل بالياهوو علشان مطلوب تسجلين فيه

 

[supermarket]

عندي ايميل بالياهووو

بس وين القى فلكر

 

[طماشه]

موضوووووع فلتـــــــــــه وروووووووووعه


انا اموت بالتصويــــــــــر بس ماشريتلي كاميرا وبخاطري انمي هالهوايه
بس شلون فكرت بدوره بس ماعندي وقت ومالي خلق التزم

شكلي بستفيد من هالموضوع وااايد

يسلمووو جمعيتنا الحلوه على الموضوع الحلوووو ​

 

[supermarket]

بعد عمري طمووووش

حياج الله بالنادي هالله هالله بالتفاعل

 

[جاي وحليب]

حياج الله اختي طماشه وان شالله تستفيدين ويانا..

supermarket: دخلي على الموقع الاساسي
http://www.flickr.com/

 

[Harmony]

سلام بنوتات :eh_s(8):

شوفى جاى يبتلج جم صورة لمنظر مره بالعدسة العادية و مرة بالوايد انجل علشان تشوفين الفرق اوكى

المنظر الاول بالعدسة العادية

نفس المنظر بالوايد انجل

المنظر الثانى بالعدسة العادية

نفس المنظر بالوايد انجل

اتمنى ان الصور مبينه الفرق بينهم

 

[Harmony]

هلا طماشة فيج معانا و ان شاء الله تستفيدين ويانا

سوبرماركت صرنا 3 تلاميذ لوووول خلاص انا بايب تفاحة حق الابلات من باجر

جاي كلمينا عن شنو ممكن نبدى فيه كمشروع بداية

 

[جاي وحليب]

Harmony .. شكرراً
اي لاحظت الفرق.. حلو التوضيح بالصور
يزاج الله خير

بالنسبه للسؤال .. ماادري والله بس يعني انتي لي قريتي دروس
من منتديات متخصصه نفس اللي ذكرناهم باول صفحتين..
من نفسج ودج تطبقين.. ونصيحه دام ان احنا الحين بلشتا والجو حلو
خلي تصويرج كله بره.. وكل ماتطلعين خلي كاميرتج معاج صوري وممكن مواقف ماتنعاد لاتطوفينها
ووقت الصيف ومع الجو الخيااااالي.. خليج بالبيت وصوري الستل لايف وخليج شغاله على التصوير الداخلي ..

على فكره انا عندي فولدر بجهازي كله دروس وامثله وصور توضيحيه .. من اماكن واااايد منتديات قروبات ووجذي ومحتفظه فيهم .. اذا تبين احطهم بملف مضغوط وارفعهم عالنت وتنزلونهم وتستفيدون منهم كـ بداية بلغوني وانا احطهم

 

[Filakawyia]

صورج جاي و حليب اللي بالموقع اتهبل ماشاء الله تبارك الرحمن

بالتوفيق لج و للجميع

احب اطالع الصور

و الصور اللي اصورها بالصدفه تطلع حلوة

شوفوا في منتدى السياحة و السفر . . . شرق اسيا و استراليا . . . موضوع ماليزيا بالصور

http://www.q8yat.net/showthread.php?t=52969

و عطوني رايكم دامكم اصحاب خبره . . . بس ترا كل الصور بالصدفه و عالسرييييييييع

حطوا الصور اللي صورتوها خل نشوفهم ​

 

[SabaQueen]

مشالله طلعو الفنانين عندنا بالمنتدى وايد .. الله يحفظكم ويحفظ موهبتكم ويوفقكم

SabaQueen : مشالله تستخدمين الفلم ؟ بس بعض الناس يقولون ان الفلم فيها صعوبه شوي .. شرايج بهالموضوع ؟ هل مع الممارسه يكون الموضوع بسيط للغايه؟

والمجلة اللي قلتي عنها احصلها بالمكتبات العاديه؟

وفعلاً .. انا جاي وحليب = نسكافيه في منتديات ثانيه وفلكر وبلوقر ..
شسوي احب القهوه والجاي

-------------------------------------------------

هلا بالغاليه شاي و حليب و نسكافيه .. - على فكره قاعده اطبع لج و آنا اشرب نسكافيه 3 إن 1 غراااامي -
بالنسبة للفيلم ما ادري تعودت عليه و كانت بدايتي معااه لان ماكان في ديجيتال ، اهوه الصراحه مع الاستعمال يصير سهل ما يبيله شي خصوصا من وحده حريفه مثلج - ما شاء الله عيني عليج بارده - و الفيلم في انواع رقم 100 إللي اهوه حق التصوير العادي و ينباع بكل مكان و في بعد رقم 400 هذا حق تصوير حساسية الضوء يعني بليل ....

دايما يسألوني ليش ما تستخدمين الديجيتال ؟؟
احس اذا صورت ديجيتال راح اضيع الصور لاني مو من الناس اللي اول بأول تنزلهم على الجهاز و حولهم على ديسك ... مو فاضيه مثل قبل - قبل الزواج -
و بعدين آنا افضل النيجاتيف لان مهما تكبرين الصوره راح تظل بنفس نقاوتها .
و بعد بالنسبة لاستخدام الكاميرا العاديه هذه اهيا ما تتغير على سنوات على عكس الديجيتال كل سنه يطورون البيكسل ...

* بالنسبة للمجلة ( فوتو ) اي تنباع بالمكتبات و هي مجلة كويتيه رئيس تحريرها انور الحساوي رئيس قسم التصوير بكونا . و ان شاء الله ايب لج رقمهم ..

ادري طولت عليكم ..

ما تدرون شكل الموضوع شادني


مع خالص التحية

 

[SabaQueen]

أختي فيلجاويه شوفت صورج حلوه بس عجبتني صوره خياليه هذه :

أما هذه الصوره فيبيلها شوية توضيح :

و بالتوفيق ..

 

[SabaQueen]

بنات عندي لكم موقع مجلة التصوير الضوئي . فيها آخر أخبار التصوير و المعارض التى تقام بالعالم العربي :
الموقع :
http://www.foto-master.com/

 

[جاي وحليب]

فيلجاويه .. انا مريت على موضوعج
واعجبوني اغلب الصور واكثر وحده اللي حطها الاخت
SabaQueen




SabaQueen
شكراً على اجوبتج.. وانا بعد عاجبني الموضوع علشان جذي حبيت
ان لما نتكلم نشرح ونييب معلومات علشان تعم الفايده وانتي ماقصرتي والله

وشكراً على الموقع

 

[طماشه]

قوه بنوتات ؟؟


توني رديت وقريت الموضوع من بدايته ماشاء الله عليكم سمو & جاي حليب
واايد حلو تصويركم


وااااااااي شوقتوني ابي اصوررر


وفيلجاويه الصورالي حاطتهم اختي سباكوين الاولى وااايد حلوه بس الثانيه صااجه يبيلها شوية توضيح لان تحسين جنها مأكوله



جااااااااي حطيلنه الملف المظغوط ابي احمله لان سويتلي ملف يديد بالمفضله وحطيت فيه كل المواقع المختصه بالتصوير وببدي فيهم واحد واحد


بس قولولي الحين بشنو أبدي ؟؟

هل اشتري كاميرا اول ولا اعرف الاساسيات واشوف صور واقرى بالمواقع بعدين اشتريلي كاميرا ؟؟

عجبتني الكاميرا الي حطيتها جاي حليب الي قلتي حق سوبرماركت ابدي فيها شكلي انا بعد ببدي فيهاااا ​

 

[جاي وحليب]

اهلا طماشه .. زين تسوين انا بعد حاطتلي فولدر بالفيفرت مسميته
all about photography
وداخله في اقسام صغيره ..

وكل مافضيت قعدت افتح منه واشوف واستفيد....

وان شالله الحين احط لكم الملف..


بالنسبه للكاميرا .. بصراحه اللي قلت حق سوبر ماركت عنها ممتازه
اهيا عاديه وبنفس الوقت فيها مميزات اكثر من العاديه..
وانا بما اني جربت القديمه منها.. فـ اقولج اذا اخذتيها ماراح تتحسفين
مع اني كنت محتاره قبل بينها وبين السوني.. بس بعدين اخذت عليها واصلا حبيتها من اول نظره :")

اهوا لازم تقرين دروس واساسيات بالتصوير.. بس برايي اول شي استقري على الكاميرا اللي تبينها اكيد .. وعزمي واخذيها وبعدين اقري وطبقي بنفس الوقت..
وانا الملف اللي بحطه ان شالله بقسمه لـ اساسيات .. واقسام ثانيه علشان يسهل عليكم وتعرفون شلون تبدون ...

انتي بعد سألي عن الكاميرا نزلت الكويت ولالا .. قبل لاتتعنين

 

[جاي وحليب]

بنات رفعت الملف على هالسايت..
http://www.4shared.com/file/8808278/73fe1159/All_about_Photography.html


فتحو اللنك .. نطرو ثواني.. وتطلع لكم ايكون مكتوب عليها download click here
وبس نزلوه ..