نادي فلكس ؟ اللي مشتركه فيه تتفضل

[ألفنسو]

حبيباتي انا ناويه اشترك بنادي والعام اشتركت بتجامبيز مادري لويه ومارتحتله مادري ليش وايد يهالوووووووو وخزني واخزك <==- وس واس لوووووووووول
لاصج كلش مارتحت حق النادي يمكن لاني بروحي متشركه وبصيف ويهالوا وحيل زحمه حتا فوط ماحصل ساعات





بخاطري اجرب فلكس؟؟ بس عندي اسأله حق اللي مشتركه فيه

وهذي اسأله
اول شي وين مكانه بالشعب البحري ولا اللي ببنيد القار؟ ولا كلهم واحد؟ وشالفرق بينهم
وبجم اشتراكم؟
شرايكم فيه؟واهم شي شرح ولا لا
فيه يهالو؟؟؟
اهم شي المدربات شلونهم يعني يشوفون وزني وطولي ويقولون لي شسوي شماسوي وجذي حريصين ولا اي كلااااااااااااااااام
حمام السباحه شلوه شرح وكبير؟
ناطرتكم حبيباتي لاني بشترك اليوم اوباجر مافي اذني ماي​

 

[ألفنسو]

الله يسامحكم ليش هالطناش؟

 

[غلاتي الكويت]

هاااي حبوووبة

انا كنت مشتركه بتشامنبيز تقريبا سنه


من اروع ما يكون بس بالصيف يهالو ولوويه صح بس النادي والمدربات رووعه


والحين ناوية اشترك قلت خق اروح اطل على فلكس


ماااااااااااعجبني


تشامبينز وايد وايد اشرح


فلكس كله ممرات وضيج ومكان حمام السباحه مقموووت مادري شلون حسيت بقمته لمن دشيته


والحين ترا مسوين عروض على الاشتراكات

سألتها عن الشهر قلت خل اجرب يعني ههههههه قالتلي الشهر 150 ونعطيج شهر ثاني فري


المشتركات اهناك ما عجبوني كلش ومكان اللوكرات ضيج واللي تنشف شعرها بالطريج مادري الوضع كشكل عام ما عجبني


بس انتي روحي طلي شوفي


وقررت اني ارد اشترك بتشامبينز


مالي شغل ياليهالوو وباخذ فوطي معاي احتياط


بعدين انا ناوية اشترك 6 شهور يعني اليهال ماراح اصادفهم الا هالشهر وبس سلامتج

 

[ألفنسو]

حبيبتي والله الله يجبر بخاطرج

انا لاني بروحي فيظيق خلقي وودي اغير النادي مادري ياربي ماعجبني ليش مادري

 

[غلاتي الكويت]

انتي روحي شوفي فيلكس يمكن يعجبج روحي طلي


بعدين نصيحه ولله اذا كنتي بروحج بالنادي احسن تلتزمين اكثر


انا لمن كنت مشتركه اول جم شهر بروحي ووناسه كل يوم اروح واسبح وادش كلاسات واسوي كل اللي بخاطري


بس لمن اشتركت معاي رفيجتي نمشي شوي واقولها خل نسبح تقولي مابي انتي سبحي واتعيز وما اسبح وبدش كلاسات تلقيتها اهيا ما تكمل وانا اطلع معاها


اكتشفت انه بروحي التزم بالنادي اكثر

 

[*غرور انثى*]

فلكس بالشعب و صاير زحمممه وماتلاقين مصافط ولا فوط وصالات الرياضه زحمه ريلج اتطق باللي يمج واي صج صاير فضيع
وكل دور فيه غرفة تبديل وحده تخيلي بس وحده!! وحمامين!! و3 دش!! ومافيه لاسونا ولا بخار
انا مشتركه سنه وجريب اشتراكي يخلص وبشترك بأذن الله بتشامبين اليديد مو القديم كلمة روعه شويه عليه

 

[ألفنسو]

فجوووووره كلامج منطقي بس ودي بوحده مشتطه لووووووووووووووووول يعني خواتي باردين مثل رفيجتج ههههه
وبروح اشوف فلكس يمكن ارد اشترك بتشامبيز


غرور حبيبتي ماتقصرين من صجج @@ حمامين ماتحمل مشكوره على التوضيح

 

[غلاتي الكويت]

لووول الفنسووو

حياج انا اشتط معاج

 

[مــ_ــا مــ_ــي]

فكلس اللي في الجهراء انا مشتركه فيه اشترك الشهر بـ 90 دينار وبثلاث شهور 160 دينار
النادي نظيف واحلى مافيه كل جهاز مشي او القاري او الغزالي فيه شاشة تلفزيون تحطين السماعات وتلهين فيه لما يروح الوقت بعدين فيه حصص منها يوقا وسويدي ورقص شرقي وفيه اكوا تمارين بحمام السباحه وفيه حمامات بخار وسونا ومساج بصراحه مو خساره فلوسج فيه

 

[AmOoNa-]

فلكس الشهر 135
وانا ماشوف انه ذيج الزحمه واذا عالممواقف في خدمه ايقاف السيارات
انا مارحت جامبينز بس مستانسه على فلكس وبصراحه ماسالت المدربات شسوي وشماسوي فماقدر افيدج اذا يعطون ويه ولالا بس ادش كلاسات والعب عالاجهزه

 

[girla]

فلكس من بلش الصيف صاير ازعاج
لا مواقف وزحمه وضييج ولويه فوط ماكو حتى الخدمه مو ذاك الزود انا بس يخلص اشتراكي برووح شامبين اليديد وايد أحلى ألوان وجنج داشه سبا مو فلكس طوفه أبيض امجولح مادري شلون صاير ولوكرات زحمه
والرسبشن زحمه عليه حتى اذا تبين تسئلين عن شي تهونين
ياحلو رسبشن شامبين جنه فندق
واللي يضحك عزكم الله الحمامات كاتبين عليها ملاحظة على المشتركات مايخذون الكلينكس بيوتهم مساكين والله مالو وهالحريم تخمط بهالكلينكس وتاخذه حق البيت وياها امبييه على بو انتي مشتركه حتى الكلينكس بتحليلينه شسالفه

 

[مــ_ــا مــ_ــي]

فلكس الشهر 135

والله يالغاليه انا توني مسجله فيه الشهر بـ 90 دينار فيه عرض خصم 50%

 

[nona kwt]

ياجماعه ابي جم سعر الرقص الشرقي فيه ويعني اخر شي ابدع بالرقص ولا؟ تكفون ضروري ردو علي

 

[الأمـــواج]

انا توني سجلت فية

 

[بنت الواوان]

رد : نادي فلكس ؟ اللي مشتركه فيه تتفضل

ما ادري ودي اشترك فيه مع ان جسمى حلو بس ودي برقص الشرقى تايدونى

 

[ஓҚф๑фҚǻஓ]

رد : نادي فلكس ؟ اللي مشتركه فيه تتفضل

انا شفته بس حيييييل زحمه وعندي مو حلو مو مرتب واليهال بعد مع الكبار

بس اشوه سجلت بنادي بيلاتس اند مور حلو واكشخ

 

[جوك احلى جو]

اب اب